ನವದೆಹಲಿ: ಟೀಮ್ ಇಂಡಿಯಾದ ನೀಲಿ ಜೆರ್ಸಿಯ ಮೇಲೆ ಇದುವರೆಗೆ 3 ಸ್ಟಾರ್ಗಳು ಇರುತ್ತಿದ್ದವು. ಇದೀಗ ಭಾರತ ತಂಡದ ಟಿ20 ವಿಶ್ವಕಪ್ ಗೆಲುವಿನೊಂದಿಗೆ ಈ ಸ್ಟಾರ್ಗಳ ಸಂಖ್ಯೆ 4ಕ್ಕೆ ಏರಿಕೆಯಾಗಲಿದೆ. ಇದಕ್ಕೆ ಕಾರಣವೇನು ಗೊತ್ತೇ?
ಇದುವರೆಗೆ ಭಾರತದ 3 ವಿಶ್ವಕಪ್ ಗೆಲುವಿನ ಪ್ರತಿಕವಾಗಿ ಟೀಮ್ ಇಂಡಿಯಾ ಜೆರ್ಸಿಯಲ್ಲಿ ಹೃದಯದ ಭಾಗದಲ್ಲಿ ಬಿಸಿಸಿಐ ಲಾಂಛನದ ಮೇಲೆ 3 ಸ್ಟಾರ್ಗಳು ಇದ್ದವು. ಟಿ20-ಏಕದಿನ ಕ್ರಿಕೆಟ್ಗೆ ಭಾರತ ಪ್ರತ್ಯೇಕ ಜೆರ್ಸಿಗಳನ್ನು ಧರಿಸಿ ಆಡಿದಾಗ ಟಿ20 ಜೆರ್ಸಿಯಲ್ಲಿ ಒಂದು ಮತ್ತು ಏಕದಿನ ಜೆರ್ಸಿಯಲ್ಲಿ ಎರಡು ಸ್ಟಾರ್ಗಳು ಇರುತ್ತಿದ್ದವು. ಆದರೆ ಈಗ ಟಿ20ಯಲ್ಲೂ 2 ವಿಶ್ವಕಪ್ ಗೆದ್ದಿರುವುದರಿಂದ ಇನ್ನು ಏಕದಿನ ಮತ್ತು ಟಿ20 ತಂಡಗಳ ಪ್ರತ್ಯೇಕ ನೀಲಿ ಜೆರ್ಸಿಗಳಲ್ಲಿ ತಲಾ 2 ಸ್ಟಾರ್ಗಳು ಇರಲಿವೆ.
ಟೀಮ್ ಇಂಡಿಯಾ ತನ್ನ ಜೆರ್ಸಿಯ ಮೇಲೆ 4ನೇ ಸ್ಟಾರ್ ಪಡೆದುಕೊಂಡ ಬಗ್ಗೆ ಸಂಭ್ರಮ ವ್ಯಕ್ತಪಡಿಸಿರುವ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡುಲ್ಕರ್, “ಟೀಮ್ ಇಂಡಿಯಾ ಜೆರ್ಸಿಗೆ ಸೇರ್ಪಡೆಯಾಗುವ ಪ್ರತಿ ಸ್ಟಾರ್ ಕೂಡ ಇಡೀ ದೇಶಕ್ಕೆ ಸ್ಫೂರ್ತಿ ತುಂಬುತ್ತದೆ’ ಎಂದು ಎಕ್ಸ್ನಲ್ಲಿ ಬರೆದಿದ್ದಾರೆ.
2007ರ ಚೊಚ್ಚಲ ಟಿ20 ವಿಶ್ವಕಪ್ ವಿಜೇತ ನಾಯಕ ಎಂಎಸ್ ಧೋನಿ ಗೆಲುವಿನ ಬೆನ್ನಲ್ಲೇ ಅಪರೂಪಕ್ಕೆಂಬಂತೆ ಸಾಮಾಜಿಕ ಜಾಲತಾಣದಲ್ಲಿ ಪ್ರತ್ಯಕ್ಷರಾಗಿದ್ದು, “2024ರ ವಿಶ್ವ ಚಾಂಪಿಯನ್ನರೇ ನನ್ನ ಹೃದಯಬಡಿತವನ್ನು ಏರಿಸಿದಿರಿ. ಶಾಂತಚಿತ್ತ, ಆತ್ಮನಂಬಿಕೆಯಿಂದ ಆಡಿದಕ್ಕಾಗಿ ಅಭಿನಂದನೆಗಳು. ವಿಶ್ವಕಪ್ ಟ್ರೋಫಿಯನ್ನು ಮತ್ತೆ ಮನೆಗೆ ತರುತ್ತಿರುವುದಕ್ಕಾಗಿ ನಿಮಗೆ ಎಲ್ಲ ಭಾರತೀಯರ ಪರವಾಗಿ ಧನ್ಯವಾದಗಳು. ನನ್ನ ಜನ್ಮದಿನಕ್ಕೆ (ಜುಲೈ 7) ಇದು ಅಮೂಲ್ಯ ಉಡುಗೊರೆಯಾಗಿದೆ’ ಎಂದು ಇನ್ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ.
ಟಿ20 ವಿಶ್ವಕಪ್ ವಿಜೇತ ಭಾರತ ತಂಡಕ್ಕೆ ಬಂಪರ್ ಬಹುಮಾನ ಘೋಷಿಸಿದ ಬಿಸಿಸಿಐ!