ಮಕ್ಕಳನ್ನು ಪ್ರೀತಿಯಿಂದ ಗೆಲ್ಲಲು ಪೋಷಕರು ಮಾಡಬೇಕಾದ ಕೆಲಸಗಳಿವು!

ಮಕ್ಕಳು ಮತ್ತು ಪೋಷಕರ ನಡುವಿನ ಬಾಂಧವ್ಯವು ಜಗತ್ತಿನ ಅತ್ಯಂತ ಪವಿತ್ರ ಹಾಗೂ ಸುಂದರವಾದ ಸಂಬಂಧಗಳಲ್ಲಿ ಒಂದಾಗಿದೆ. ಈ ಸಂಬಂಧವು ಕೇವಲ ರಕ್ತಸಂಬಂಧಕ್ಕೆ ಸೀಮಿತವಾಗಿರದೆ, ಪರಸ್ಪರ ನಂಬಿಕೆ, ಪ್ರೀತಿ ಮತ್ತು ಗೌರವದ ತಳಹದಿಯ ಮೇಲೆ ನಿರ್ಮಾಣವಾಗಿರುತ್ತದೆ.

ಮಕ್ಕಳು ಮಾತನಾಡುವಾಗ ಮೊಬೈಲ್ ಬದಿಗಿಟ್ಟು, ಅವರ ಕಣ್ಣುಗಳನ್ನು ನೋಡಿ ಪೂರ್ತಿಯಾಗಿ ಕೇಳಿ. ಅವರ ಸಣ್ಣ ಕಥೆಗಳಿಗೆ ಗೌರವ ಕೊಟ್ಟಾಗ, ಅವರಿಗೆ ನಿಮ್ಮ ಮೇಲೆ ಪ್ರೀತಿ ಹೆಚ್ಚುತ್ತದೆ.

ದಿನದಲ್ಲಿ ಕನಿಷ್ಠ 15-20 ನಿಮಿಷಗಳ ಕಾಲ ಯಾವುದೇ ತಂತ್ರಜ್ಞಾನದ ಅಡ್ಡಿ ಇಲ್ಲದೆ ಕೇವಲ ಮಕ್ಕಳಿಗಾಗಿಯೇ ಮೀಸಲಿಡಿ. ಒಟ್ಟಿಗೆ ಆಟ ಆಡುವುದು, ನಗುವುದು ನಿಮ್ಮ ಬಾಂಧವ್ಯವನ್ನು ಆಳವಾಗಿಸುತ್ತದೆ.

ಪ್ರತಿದಿನ ಮಕ್ಕಳನ್ನು ಪ್ರೀತಿಯಿಂದ ಅಪ್ಪಿಕೊಳ್ಳುವುದು, ಹಣೆಗೆ ಮುತ್ತಿಡುವುದು ಮತ್ತು ನಾನು ನಿನ್ನನ್ನು ಪ್ರೀತಿಸುತ್ತೇನೆ ಎಂದು ಹೇಳುವುದು ಅವರಲ್ಲಿ ಸುರಕ್ಷತೆಯ ಭಾವನೆ ಮೂಡಿಸುತ್ತದೆ.

ಮಕ್ಕಳು ತಪ್ಪು ಮಾಡಿದಾಗಲೂ ನಿಮ್ಮ ಪ್ರೀತಿ ಬದಲಾಗುವುದಿಲ್ಲ ಎಂದು ಮನವರಿಕೆ ಮಾಡಿ. ತಪ್ಪುಗಳನ್ನು ಪ್ರೀತಿಯಿಂದ ತಿದ್ದಿ, ಅವರ ಸಣ್ಣ ಸಾಧನೆಗಳನ್ನೂ ಮುಕ್ತವಾಗಿ ಶ್ಲಾಘಿಸಿ.

ಮಕ್ಕಳು ಬೇಸರಗೊಂಡಾಗ ಅಥವಾ ಹೆದರಿದಾಗ ಅವರ ಭಾವನೆಗಳನ್ನು ತಳ್ಳಿಹಾಕಬೇಡಿ. "ನಿನ್ನ ಪರಿಸ್ಥಿತಿ ನನಗೆ ಅರ್ಥವಾಗುತ್ತದೆ ಎಂದು ಸಾಂತ್ವನ ಹೇಳುವ ಪೋಷಕರನ್ನು ಮಕ್ಕಳು ಆಪ್ತ ಸ್ನೇಹಿತರೆಂದು ಭಾವಿಸುತ್ತಾರೆ.