ವೈರಲ್ ವಿಡಿಯೋದಲ್ಲಿ ಮಹ್ವಾಶ್ ಹೇಳಿದ್ದೇನು?
ವೈರಲ್ ಆಗಿರುವ ಆ ಕ್ಲಿಪ್‌ನಲ್ಲಿ ಆರ್‌ಜೆ ಮಹ್ವಾಶ್, "ದೇವರು ನಮ್ಮನ್ನು ಎಂತಹ ಕೆಟ್ಟ ಪರಿಸ್ಥಿತಿಗಳಿಂದ ಬಚಾವ್ ಮಾಡುತ್ತಾನೆ ನೋಡಿ! ಆ ವ್ಯಕ್ತಿಗೆ ಡಿವೋರ್ಸ್ ಆಗಲು ಕಾರಣವೇ ಆತ ತನ್ನ ಪ್ರೆಗ್ನೆಂಟ್ ವೈಫ್‌ಗೆ ಚೀಟ್ ಮಾಡಿದ್ದು. ಒಮ್ಮೆ ಚೀಟ್ ಮಾಡಿದವನು ಯಾವತ್ತಿದ್ರೂ ಚೀಟರೇ..." ಎಂದು ಕಟುವಾಗಿ ಮಾತನಾಡಿದ್ದಾರೆ.
ಈ ಸಣ್ಣ ಕ್ಲಿಪ್ ಹೊರಬರುತ್ತಿದ್ದಂತೆ ನೆಟ್ಟಿಗರು, "ಹಾಗಾದ್ರೆ ಧನಶ್ರೀ ಗರ್ಭಿಣಿಯಾಗಿದ್ದಾಗ ಚಾಹಲ್ ಮೋಸ ಮಾಡಿದ್ರಾ?", "ಅದಕ್ಕೇ ಇಬ್ಬರೂ ಬೇರೆಯಾದ್ರಾ?" ಎಂದೆಲ್ಲಾ ಕಮೆಂಟ್ ಬಾಕ್ಸ್‌ನಲ್ಲಿ ಚರ್ಚೆ ಶುರುಮಾಡಿಬಿಟ್ಟರು. ಚಾಹಲ್ ಹಾಗೂ ಧನಶ್ರೀ ಡಿವೋರ್ಸ್ ಬಳಿಕ ಮಹ್ವಾಶ್ ಅವರೊಂದಿಗೆ ಚಾಹಲ್ ಆಗಾಗ ಕಾಣಿಸಿಕೊಳ್ಳುತ್ತಿದ್ದ ಕಾರಣ, ಈ ಊಹಾಪೋಹಗಳಿಗೆ ಇನ್ನಷ್ಟು ಪುಷ್ಠಿ ದೊರಕಿತು.
ತನ್ನ ಕರಾಳ ಸತ್ಯ ಬಿಚ್ಚಿಟ್ಟ ಮಹ್ವಾಶ್!
ಆದರೆ, ಕೇವಲ ಕೆಲವೇ ಸೆಕೆಂಡುಗಳ ಕ್ಲಿಪ್ ನೋಡಿ ತೀರ್ಪು ಕೊಡುವ ಮುನ್ನ ಪೂರ್ತಿ ವಿಡಿಯೋ ನೋಡಿದರೆ ಸತ್ಯ ಬಯಲಾಗುತ್ತದೆ. ವಾಸ್ತವವಾಗಿ ಮಹ್ವಶ್ ಮಾತನಾಡುತ್ತಿದ್ದುದು ಚಾಹಲ್ ಬಗ್ಗೆ ಅಲ್ಲವೇ ಅಲ್ಲ. ಅಲಿಗಢದಲ್ಲಿ ವಾಸವಿದ್ದಾಗ ಫೇಸ್‌ಬುಕ್ ಮೂಲಕ ಪರಿಚಯವಾಗಿದ್ದ ವ್ಯಕ್ತಿಯೊಬ್ಬನನ್ನು ಮಹ್ವಾಶ್ ಗಾಢವಾಗಿ ಪ್ರೀತಿಸಿದ್ದರು. ಮನೆಯವರ ವಿರೋಧ ಕಟ್ಟಿಕೊಂಡು ಮದುವೆಯಾಗಲು ಹೊರಟಿದ್ದರು. ಆದರೆ, ಆತ ಮಹ್ವಾಶ್ಗೆ ಪದೇ ಪದೇ ಮೋಸ ಮಾಡುತ್ತಿದ್ದ. ಆ ನೋವಿನಿಂದಾಗಿ ತಮಗೆ ತೀವ್ರ ಪ್ಯಾನಿಕ್ ಅಟ್ಯಾಕ್‌ಗಳು ಆಗುತ್ತಿದ್ದವು ಮತ್ತು ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆಯಬೇಕಾಯಿತು ಎಂದು ಅವರು ಭಾವುಕರಾಗಿ ಹಂಚಿಕೊಂಡಿದ್ದರು.
