ಮುಂಬೈ: ಸೌತ್ ಬ್ಯೂಟಿ ಸಮಂತಾ ಮೈಯೋಸಿಟಿಸ್ ಸಮಸ್ಯೆಯಿಂದ ಚೇತರಿಸಿಕೊಳ್ಳಲು ಹಲವು ದಿನಗಳಿಂದ ಸೈಲೆಂಟ್ ಆಗಿದದ್ದು ಗೊತ್ತೆ ಇದೆ. ಈಗ ಮತ್ತೆ ನಟಿ ತಮ್ಮ ಇನ್ನಿಂಗ್ಸ್ ಸ್ಟಾರ್ಟ್ ಮಾಡುತ್ತಿದ್ದಾರೆ. ವರುಣ್ ಧವನ್ ಅಭಿನಯದ ಸಮಂತಾ ಅವರ ‘ಸಿಟಾಡೆಲ್’ ಸರಣಿಯ ಚಿತ್ರೀಕರಣ ಮುಗಿದಿದ್ದು, ಶೀಘ್ರದಲ್ಲೇ ಪರದೆ ಮೇಲೆ ಬರಲಿದೆ. ಇನ್ನೊಂದೆಡೆ ಸ್ಯಾಮ್ ತಮ್ಮದೇ ಆದ ‘ಮಾ ಇಂತಿ ಬಂಗಾರಂ’ ಸಿನಿಮಾವನ್ನೂ ಅನೌನ್ಸ್ ಮಾಡಿರುವುದು ಎಲ್ಲರಿಗೂ ತಿಳಿದಿರುವ ವಿಚಾರವೇ ಆಗಿದೆ. ಇದರ ಜತೆಗೆ ಈ ಮಧ್ಯೆ ಮಲಯಾಳಂನ ಸೂಪರ್ ಸ್ಟಾರ್ ಮಮ್ಮುಟ್ಟಿ ಅವರಿಗೆ ಸಿನಿಮಾದಲ್ಲಿ ಸ್ಯಾಮ್ ಅವಕಾಶ ಸಿಕ್ಕಿದೆಯಂತೆ. ಆದರೆ, ಅದರ ಬಗ್ಗೆ ಇದುವರೆಗೂ ಯಾವುದೇ ಅಧಿಕೃತ ಘೋಷಣೆ ಹೊರಬಂದಿಲ್ಲ. ಇದೇ ವೇಳೆ ಈಗ ಬಿಟೌನ್ನಿಂದ ಮತ್ತೊಂದು ಸುದ್ದಿ ಹೊರಬಿದ್ದಿದೆ.
ಇದನ್ನು ಓದಿ: ಕಲ್ಕಿ 2898 AD; ಟಿಕೆಟ್ ದರ ಏರಿಕೆ ಜತೆಗೆ ವಿಶೇಷ ಪ್ರದರ್ಶನಕ್ಕೆ ಅವಕಾಶ.. ಎಷ್ಟಿದೆ ಗೊತ್ತಾ ?
ಬಾಲಿವುಡ್ನಿಂದ ನಟಿ ಸಮಂತಾಗೆ ಕ್ರೇಜಿ ಚಾನ್ಸ್ ಸಿಕ್ಕಿದೆಯಂತೆ. ಅದರಲ್ಲೂ ಅವರು ಇಷ್ಟಪಡುವ ನಾಯಕರಲ್ಲಿ ಒಬ್ಬರಾದ ಬಿಟೌನ್ ನಟನ ಜತೆ ಸ್ಕ್ರೀನ್ ಶೇರ್ ಮಾಡಲು ಸ್ಯಾಮ್ಗೆ ಅವಕಾಶ ಸಿಕ್ಕಿದೆ ಅಂತೆ. ಬಾಲಿವುಡ್ ಕಿಂಗ್ಖಾನ್ ಜತೆ ನಟಿಸಲು ಅವಕಾಶ ಸಿಕ್ಕಿದೆ ಎಂಬ ಸುದ್ದಿ ಬಂದಿದೆ. ಶಾರೂಖ್ ಖಾನ್ ಕಳೆದ ವರ್ಷ ನಯನತಾರಾ ಜತೆ ತೆರೆ ಹಂಚಿಕೊಂಡಿದ್ದರು. ಇದೀಗ ಅವರ ಮತ್ತೊಂದು ಪ್ರಾಜೆಕ್ಟ್ಗೆ ಸೌತ್ ನಾಯಕಿ ಆಯ್ಕೆಯಾಗಿದ್ದಾರೆ. ಶಾರೂಖ್ ಖಾನ್ ಜತೆ ನಟಿ ಸಮಂತಾ ನಟಿಸಲಿದ್ದಾರಂತೆ ಎಂಬ ಸುದ್ದಿ ಬಿಟೌನ್ನಲ್ಲಿ ಸದ್ದು ಮಾಡುತ್ತಿದೆ.
ಆ್ಯಕ್ಷನ್ ಅಡ್ವೆಂಚರ್ ಜತೆಗೆ ದೇಶಭಕ್ತಿಯ ಸಿನಿಮಾವನ್ನು ಬಾಲಿವುಡ್ನ ಟಾಪ್ ಡೈರೆಕ್ಟರ್ ರಾಜ್ಕುಮಾರ್ ಹಿರಾನಿ ನಿರ್ದೇಶನ ಮಾಡಲಿದ್ದಾರೆ ಎನ್ನಲಾಗಿದೆ. ಈ ಹಿಂದೆ ಶಾರೂಖ್-ರಾಜ್ ಕುಮಾರ್ ಹಿರಾನಿ ಕಾಂಬಿನೇಷನ್ನಲ್ಲಿ ಡುಂಕಿ ರಿಲೀಸ್ ಆಗಿದೆ. ಅಲ್ಲದೆ ಬಾಲಿವುಡ್ ಅಂಗಳದಲ್ಲಿ ಕೇಳಿಬರುತ್ತಿರುವ ಟಾಕ್ ಪ್ರಕಾರ ಈ ಚಿತ್ರದಲ್ಲಿ ಶಾರೂಖ್ ಖಾನ್ ಜತೆ ಸಮಂತಾ ನಟಿಸಲಿದ್ದಾರೆ. ಈ ಬಗ್ಗೆ ಸಂಪೂರ್ಣ ಮಾಹಿತಿ ಇನ್ನಷ್ಟೇ ತಿಳಿಯಬೇಕಿದೆ. ಆಗಸ್ಟ್ 15 ರಂದು ಈ ಚಿತ್ರದ ಬಗ್ಗೆ ಅಧಿಕೃತ ಘೋಷಣೆಯಾಗುವ ಸಾಧ್ಯತೆ ಇದೆ ಎನ್ನಲಾಗಿದೆ.
ಈಗಾಗಲೇ ಅಮೆಜಾನ್ ವೆಬ್ ಸೀರಿಸ್ ಮೂಲಕ ಬಾಲಿವುಡ್ಗೆ ಹತ್ತಿರವಾಗಿರುವ ಸಮಂತಾ ಶಾರೂಖ್ ಜತೆ ರೊಮ್ಯಾನ್ಸ್ ಮಾಡಿದರೆ ಖಂಡಿತಾ ಬಾಲಿವುಡ್ನಲ್ಲಿ ತನ್ನ ಸ್ಥಾನವನ್ನು ಭದ್ರಪಡಿಸಿಕೊಳ್ಳುವುದರಲ್ಲಿ ಸಂದೇಹ ವಿಲ್ಲ ಎನ್ನುತ್ತಿದ್ದಾರೆ ಅಭಿಮಾನಿಗಳು. ಇದರಲ್ಲಿ ನಿಜ ಏನೆಂಬುದು ತಿಳಿಯಬೇಕಿದೆ. (ಏಜೆನ್ಸೀಸ್)
ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್ಗೆ ಮತ ಚಲಾಯಿಸಿರುವುದು ಅದೊಂದೆ ಏಕೈಕ ಸಮುದಾಯ; ಸಿಎಂ ಹಿಮಂತ ಬಿಸ್ವಾ ಶರ್ಮಾ