ನವದೆಹಲಿ: ಭಾರತೀಯ ಷೇರುಪೇಟೆಯಲ್ಲಿ ಶುಕ್ರವಾರ ಬೆಳಗ್ಗೆ ವಹಿವಾಟು ಆರಂಭವಾಗುತ್ತಿದ್ದಂತೆ 15 ನಿಮಿಷಗಳ ಅವಧಿಯಲ್ಲಿ ನಡೆದ ಬ್ಲಡ್ ಬಾತ್ನಲ್ಲಿ ಹೂಡಿಕೆದಾರರು ಕಳೆದುಕೊಂಡ ಸಂಪತ್ತು ಬರೋಬ್ಬರಿ 12 ಲಕ್ಷ ಕೋಟಿ ರೂಪಾಯಿ.
ಮೂವತ್ತು ಷೇರುಗಳು ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್ ಸೂಚ್ಯಂಕ ಸೆನ್ಸೆಕ್ಸ್ 3,380.59 ಅಂಶ (10.31%) ಕುಸಿದು 29,397.55 ತಲುಪಿ ವಹಿವಾಟು ಮುಂದುವರಿಸಿತ್ತು. ಇಂಟ್ರಾ ಡೇ ನಲ್ಲಿ ಇದು 3,389.17 ಅಂಶ ಕುಸಿದು 29,388.97 ತಲುಪಿತ್ತು ಕೂಡ. ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್ (ಎನ್ಎಸ್ಇ) ಸೂಚ್ಯಂಕ ನಿಫ್ಟಿ ಕೂಡ ಇದೇ ರೀತಿ ಇಳಿಕೆ ದಾಖಲಿಸಿದ್ದು, ಎರಡೂ ಕೇಂದ್ರಗಳಲ್ಲಿ ಇದೇ ವೇಳೆ 45 ನಿಮಿಷ ವಹಿವಾಟನ್ನು ಸ್ಥಗಿತಗೊಳಿಸಲಾಗಿತ್ತು. ವಹಿವಾಟು 45 ನಿಮಿಷಗಳ ನಂತರ ಪುನಾರಂಭವಾದಾಗ ಸೆನ್ಸೆಕ್ಸ್ 3,100 ಅಂಶ ಮತ್ತು ನಿಫ್ಟಿ 1,000ದ ಹತ್ತಿರ ಏರಿಕೆ ಕಂಡಿದೆ.
ಆದಾಗ್ಯೂ, ಬೆಳಗ್ಗಿನ ಆರಂಭಿಕ ಅವಧಿಯಲ್ಲಿ 10.20ರ ವೇಳೆಗೆ ಹೂಡಿಕೆದಾರರ 12,92,479.88 ಕೋಟಿ ರೂಪಾಯಿ ಸಂಪತ್ತು ಕರಗಿ ಹೋಯಿತು.ಈ ಪೈಕಿ ಎಂ-ಕ್ಯಾಪ್ ನಲ್ಲಿ ಹೂಡಿದ 1,12,78,172.75 ಕೋಟಿ ರೂಪಾಯಿ ಇದೆ. ಬಿಎಸ್ಇ ಲಿಸ್ಟೆಡ್ ಕಂಪನಿಗಳ ಎಂ-ಕ್ಯಾಪ್ ಗುರುವಾರ ಸಂಜೆ 1,25,70,652.63 ಕೋಟಿ ಇತ್ತು. ಗ್ಲೋಬಲ್ ಸೆಲ್ಆಫ್ ಮತ್ತು ವಿದೇಶಿ ಹೂಡಿಕೆದಾರರು ಹಣ ಹಿಂಪಡೆಯುತ್ತಿರುವುದೇ ಇದಕ್ಕೆ ಕಾರಣ ಎಂದು ಹೇಳಲಾಗುತ್ತಿದೆ. (ಏಜೆನ್ಸೀಸ್)