ಮುಂಬೈ: ಸಲ್ಮಾನ್ ಖಾನ್ ಜನ್ಮದಿನವೆಂದರೆ, ಅಭಿಮಾನಿಗಳ ಪಾಲಿನ ಹಬ್ಬವದು. ಆದರೆ, ಈ ಸಲ ಕೋವಿಡ್ ಹಿನ್ನೆಲೆಯಲ್ಲಿ ಅದ್ದೂರಿ ಜನ್ಮದಿನ ಆಚರಣೆಗೆ ಸಲ್ಮಾನ್ ಬ್ರೇಕ್ ಹಾಕಿದ್ದಾರೆ. ಸರಳವಾಗಿ ಕುಟುಂಬ ಮತ್ತು ಆಪ್ತರೊಂದಿಗೆ 55ನೇ ಬರ್ತ್ಡೇ ಆಚರಿಸಿಕೊಂಡಿದ್ದಾರೆ. ಅಭಿಮಾನಿಗಳಿಗೆ ಮನೆ ಬಳಿ ಬರಬೇಡಿ, ಇದ್ದಲ್ಲಿಂದಲೇ ಆಶೀರ್ವದಿಸಿ ಎಂದೂ ಸಲ್ಮಾನ್ ಕೋರಿದ್ದಾರೆ.
ಇದನ್ನೂ ಓದಿ: ಮುಂದಿನ ವರ್ಷ ಶ್ರೇಯಸ್ ಹರ್ಷ; 2021ರಲ್ಲಿ ಮೂರು ಚಿತ್ರಗಳಲ್ಲಿ ನಟನೆ
ಮುಂಬೈ ಹೊರವಲಯದಲ್ಲಿರುವ ಪಾನ್ವೆಲ್ ಫಾರ್ಮ್ಹೌಸ್ನಲ್ಲಿ ಶನಿವಾರ ರಾತ್ರಿ ವೇಳೆಗೆ ಸಲ್ಮಾನ್ ಜನ್ಮದಿನ ಆಚರಿಸಿಕೊಂಡಿದ್ದಾರೆ. ತಂದೆ ಸಲೀಮ್ ಖಾನ್, ಅಲ್ವಿರಾ ಅಗ್ನಿಹೋತ್ರಿ, ಸುನೀಲ್ ಗ್ರೋವರ್, ಸೂರಜ್ ಪಾಂಚೋಲಿ ಸೇರಿ ಹಲವು ಬಾಲಿವುಡ್ ಸ್ನೇಹಿತರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.
ಸದ್ಯ ‘ರಾಧೆ’ ಸಿನಿಮಾ ಶೂಟಿಂಗ್ನಲ್ಲಿ ಬಿಜಿಯಾಗಿರುವ ಸಲ್ಮಾನ್ ಖಾನ್, ಇದರ ಜತೆಗೆ ಆಯುಷ್ ಶರ್ಮಾ ಅವರ ಅಂತಿಮ್ ಚಿತ್ರದಲ್ಲಿಯೂ ವಿಶೇಷ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಇತ್ತೀಚೆಗಷ್ಟೇ ಆ ಚಿತ್ರದ ಟೀಸರ್ ಬಿಡುಗಡೆ ಆಗಿದ್ದು, ಎಲ್ಲೆಡೆ ವೈರಲ್ ಆಗಿದೆ.
ಇದನ್ನೂ ಓದಿ: ‘ಮದಗಜ’ ಚಿತ್ರದ ತೆಲುಗು ಟೀಸರ್ ರೆಡಿ; ಹಿನ್ನೆಲೆ ಧ್ವನಿ ನೀಡಿದ ಶ್ರೀಮುರಳಿ
ಇನ್ನು ಸಲ್ಮಾನ್ ಖಾನ್ ಜನ್ಮದಿನದ ಪ್ರಯುಕ್ತ ಅವರ ನಟನೆಯ ಸಿನಿಮಾಗಳಿಂದ ಯಾವುದೇ ವಿಶೇಷ ಪೋಸ್ಟರ್ ಆಗಲಿ, ಟೀಸರ್ಗಳಾಗಲಿ ಹೊರಬಂದಿಲ್ಲ. ಬದಲಿಗೆ ಶೀಘ್ರದಲ್ಲಿ ರಾಧೆ ಚಿತ್ರದ ಬಿಡುಗಡೆ ದಿನಾಂಕವನ್ನು ಘೋಷಣೆ ಮಾಡಲಿದ್ದೇವೆ ಎಂದಿದ್ದಾರೆ. ಇದು ಅಭಿಮಾನಿಗಳಿಗೆ ಕೊಂಚ ನಿರಾಸೆಯುಂಟು ಮಾಡಿದೆ. (ಏಜೆನ್ಸೀಸ್)
PHOTO GALLERY| ‘ಪೆಟ್ರೋಮ್ಯಾಕ್ಸ್’ ಸೆಟ್ನಲ್ಲಿ ಹರಿಪ್ರಿಯಾಗೆ ಸಿಕ್ತು ಅಭಿಮಾನಿಗಳ ವಿಶೇಷ ಪ್ರೀತಿ