ಮುಂಬೈ: ನಾಗ್ಅಶ್ವಿನ್ ಆ್ಯಕ್ಷನ್-ಕಟ್ ಹೇಳಿರುವ ಕಲ್ಕಿ 2898 AD ಸಿನಿಮಾ ದೇಶಾದ್ಯಂತ ಗುರುವಾರ(ಜೂನ್ 27)ರಂದು ಬಿಡುಗಡೆಯಾಗಲಿದೆ. ಸಿನಿಮಾದಲ್ಲಿ ಪ್ರಭಾಸ್, ಅಮಿತಾಬ್ ಬಚ್ಚನ್, ದೀಪಿಕಾ ಪಡುಕೋಣೆ, ಕಮಲ್ ಹಾಸನ್ ಮತ್ತು ದಿಶಾ ಪಟಾನಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರದ ಮುಂಗಡ ಬುಕ್ಕಿಂಗ್ಈಗಾಗಲೇ ಆರಂಭವಾಗಿದ್ದು, ಹೈದರಾಬಾದ್, ಮುಂಬೈ, ಬೆಂಗಳೂರು, ನವದೆಹಲಿ ಮತ್ತು ಚೆನ್ನೈನಲ್ಲಿ ಮೊದಲ ದಿನದ ಶೋಗಾಗಿ ಟಿಕೆಟ್ಗಳನ್ನು ಕಾಯ್ದಿರಿಸಲಾಗಿದೆ, ಭಾರತದಲ್ಲಿ ಮಾತ್ರವಲ್ಲ ವಿದೇಶಗಳಲ್ಲಿಯೂ ಈ ಚಿತ್ರಕ್ಕೆ ಕ್ರೇಜ್ ಎಷ್ಟಿದೆ ಎಂಬುದು ಟಿಕೆಟ್ ಕಾಯ್ದಿರಿಸಿರುವುದರಲ್ಲಿ ತಿಳಿಯುತ್ತದೆ.
ಇದನ್ನು ಓದಿ: ರಣವೀರ್, ದೀಪಿಕಾ ಮಗು ಬಗ್ಗೆ ಉಲಗ ನಾಯಗನ್ ಕಮಲ್ ಹಾಸನ್ ಹೇಳಿದ ಮಾತೇನು ಗೊತ್ತಾ?
ಅಂಕಿಅಂಶಗಳ ಪ್ರಕಾರ ಇವರೆಗೂ ಕಲ್ಕಿ 2898 AD ಚಿತ್ರದ 1399052 ಟಿಕೆಟ್ಗಳು ದೇಶಾದ್ಯಂತ ಬುಕ್ ಆಗಿವೆ. ದೇಶಾದ್ಯಂತ 18551 ಶೋಗಳಿಗೆ ಈ ಟಿಕೆಟ್ಗಳನ್ನು ಕಾಯ್ದಿರಿಸಲಾಗಿದೆ. ಈ ಮುಂಗಡ ಟಿಕೆಟ್ ಬುಕ್ಕಿಂಗ್ ಮೂಲಕ ಚಿತ್ರ ಇದುವರೆಗೆ 38.41 ಕೋಟಿ ರೂಪಾಯಿಗೂ ಹೆಚ್ಚು ಕಲೆಕ್ಷನ್ ಮಾಡಿದೆ ಎನ್ನಲಾಗಿದೆ. ಬುಕ್ಕಿಂಗ್ ಆಗಿರುವ ಸಿನಿಮಾದ ಟಿಕೆಟ್ಗಳು ಎಲ್ಲಾ ಭಾಷೆಗಳನ್ನು ಒಳಗೊಂಡಿದೆ.
ಅಂದಹಾಗೆ ಕಲ್ಕಿ 2898 AD ಸಿನಿಮಾದ ಟಿಕೆಟ್ ಬೆಲೆ 100 ರಿಂದ 1100 ರೂಪಾಯಿ ಆದರೆ, ಚಿತ್ರದ ಟಿಕೆಟ್ಗಳು ಒಂದೆಡೆ ಅತ್ಯಂತ ದುಬಾರಿಗೆ ಮಾರಾಟ ಮಾಡಲಾಗುತ್ತಿದೆ. ಎಷ್ಟು ಅಂತೀರಾ… ಒಂದು ಟಿಕೆಟ್ ಅನ್ನು 2300 ರೂಪಾಯಿಗೆ ಮಾರಾಟ ಮಾಡಲಾಗುತ್ತಿದೆ. ಈ ಅತ್ಯಂತ ದುಬಾರಿ ಟಿಕೆಟ್ ಹೈದರಾಬಾದ್‌ನಲ್ಲಿ ಮಾರಾಟವಾಗುತ್ತಿರಬಹುದು ಎಂದು ಅಂದುಕೊಳ್ಳುತ್ತಿದ್ದರೆ, ಅದು ತಪ್ಪಾದ ಆಲೋಚನೆ. ಅಷ್ಟಕ್ಕೂ ಈ ದುಬಾರಿ ಟಿಕೆಟ್ ಮುಂಬೈನಲ್ಲಿ ಮಾರಾಟವಾಗಿದೆ.
ಮೈಸನ್ ಐನಾಕ್ಸ್: ಬಿಕೆಸಿಯಲ್ಲಿರುವ ಜಿಯೋ ವರ್ಲ್ಡ್ ಪ್ಲಾಜಾ ‘ಕಲ್ಕಿ 2898 ಎಡಿ’ ಟಿಕೆಟ್ಗಳನ್ನು 2,300 ರೂ.ಗೆ ಮಾರಾಟ ಮಾಡುತ್ತಿದೆ. ವೋರ್ಲಿಯ ಆಟ್ರಿಯಾ ಮಾಲ್ನಲ್ಲಿರುವ ಐನಾಕ್ಸ್: ಇನ್‌ಸಿಗ್ನಿಯಾ ಮತ್ತು ಲೋವರ್ ಪ್ಯಾರೆಲ್‌ನ PVR ಐಕಾನ್: ಫೀನಿಕ್ಸ್ ಪಲ್ಲಾಡಿಯಮ್‌ಗೆ ಟಿಕೆಟ್ಗಳನ್ನು ಕ್ರಮವಾಗಿ 1,760 ರೂ. ಮತ್ತು 1,560 ರೂ.ಗೆಮಾರಾಟ ಮಾಡಲಾಗುತ್ತಿದೆ. ಈ ಟಿಕೆಟ್‌ಗಳಿಗೆ ಯಾವುದೇ ತೆರಿಗೆ ವಿಧಿಸಲಾಗಿಲ್ಲ ಎಂದು ಹೇಳಲಾಗುತ್ತಿದೆ. ಈ ಹಿಂದೆ ಸೆಪ್ಟೆಂಬರ್ 2023ರಲ್ಲಿ ಶಾರೂಖ್ ಖಾನ್ ಅಭಿನಯದ ಜವಾನ್ ಸಿನಿಮಾದ ಟಿಕೆಟ್ಗಳನ್ನು 2,400 ರೂಪಾಯಿಗೆ ಮಾರಾಟ ಮಾಡಲಾಗಿತ್ತು. ಆ ಸಿನಿಮಾದ ನಂತರ ಸದ್ಯ ಕಲ್ಕಿ 2898 AD ಚಿತ್ರದ ಟಿಕೆಟ್ಗಳು ದುಬಾರಿ ಬೆಲೆಗೆ ಮಾರಾಟವಾಗಿದೆ. (ಏಜೆನ್ಸೀಸ್)
ಕಲ್ಕಿ 2898 AD; ಮುಂಗಡ ಟಿಕೆಟ್ ಬುಕ್ಕಿಂಗ್ನ ಮೊದಲ ದಿನವೇ ಗಳಿಸಿದ್ದು ಎಷ್ಟು ಗೊತ್ತಾ?