ಗುಯಾನ: ಇಲ್ಲಿನ ಪ್ರಾವಿಡೆನ್ಸ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಸೆಮಿಫೈನಲ್ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬೌಲಿಂಗ್ ಆಯ್ದುಕೊಂಡ ಇಂಗ್ಲೆಂಡ್, ಬ್ಯಾಟ್ ಮಾಡುವಂತೆ ಭಾರತಕ್ಕೆ ಆಹ್ವಾನಿಸಿತು. ಮೊದಲು ಬ್ಯಾಟ್ಗೆ ಬಂದ ನಾಯಕ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಪೈಕಿ ವಿರಾಟ್ ಕೇವಲ 9 ರನ್ಗೆ ಪೆವಿಲಿಯನ್ನತ್ತ ಮುಖಮಾಡಿದರು. ‘ರನ್ ಮಷಿನ್’ ಬೆನ್ನಲ್ಲೇ ರಿಷಭ್ ಪಂತ್ ಕೂಡ ಔಟ್ ಆಗಿ ಹೊರನಡೆದರು.
ಇದನ್ನೂ ಓದಿ: ಪ್ರಾಥಮಿಕ ಆರೋಗ್ಯ ಕೇಂದ್ರ ಮೇಲ್ದರ್ಜೆಗೇರಿಸಲು ಪ್ರಯತ್ನ
ಈ ವೇಳೆ ಇಂಗ್ಲೆಂಡ್ ಬೌಲರ್ಗಳಿಗೆ ತಕ್ಕ ಪಾಠ ಕಲಿಸಲೆಂದು ಕ್ರೀಸ್ಗೆ ಅಂಟಿದ ರೋಹಿತ್ ಶರ್ಮಗೆ, ಭಾರತದ ಮಿಸ್ಟರ್ 360 ಡಿಗ್ರಿ ಬ್ಯಾಟ್ಸ್ಮನ್ ಸೂರ್ಯಕುಮಾರ್ ಯಾದವ್ ಸಾಥ್ ನೀಡಿದರು. ಎರಡು ಸಿಕ್ಸರ್ ಮತ್ತು ನಾಲ್ಕು ಬೌಂಡರಿಗಳನ್ನು ಸಿಡಿಸಿದ ರೋಹಿತ್, 39 ಎಸೆತಗಳಲ್ಲಿ 57 ರನ್ಗಳನ್ನು ಕಲೆಹಾಕುವ ಮೂಲಕ ಆಕರ್ಷಕ ಅರ್ಧಶತಕ ಗಳಿಸಿದರು. ಇದು ಟೀಮ್ ಇಂಡಿಯಾ ಸ್ಕೋರ್ ಕಾರ್ಡ್ಗೆ ಮತ್ತಷ್ಟು ಬಲ ತುಂಬಿತು.
ಇನ್ನೇನು ರೋಹಿತ್ರಿಂದ ಸ್ಫೋಟಕ ಬ್ಯಾಟಿಂಗ್ ಆರಂಭಗೊಳ್ಳುತ್ತಿದೆ ಎನ್ನುವಷ್ಟರೊಳಗೆ ಅವರ ವಿಕೆಟ್ ಪತನಗೊಂಡಿದ್ದು, ಕ್ರಿಕೆಟ್ ಅಭಿಮಾನಿಗಳಲ್ಲಿ ಭಾರೀ ಆಘಾತ ಉಂಟುಮಾಡಿತು. ಅಂತಿಮವಾಗಿ ಅರ್ಧಶತಕ ಕೊಡುಗೆ ಕೊಟ್ಟ ರೋಹಿತ್ಗೆ ಫ್ಯಾನ್ಸ್ ಸಲಾಂ ಎಂದಿದ್ದಾರೆ,(ಏಜೆನ್ಸೀಸ್).
ಟಿ20 ವಿಶ್ವಕಪ್ 2024: ಮತ್ತೊಮ್ಮೆ ಎಡವಿದ ‘ಕಿಂಗ್’ ಕೊಹ್ಲಿ! ದಾಖಲೆಗಳ ಸರದಾರನಿಗೆ ತಪ್ಪದ…