ಬೆಂಗಳೂರು: ರಾಜ್ಯದಲ್ಲಿ ಭಾರೀ ಜನಪ್ರಿಯತೆ ಗಳಿಸಿದ್ದ ‘ನನ್ನಮ್ಮ ಸೂಪರ್ ಸ್ಟಾರ್’ ರಿಯಾಲಿಟಿ ಶೋ ಸೀಸಸ್-1ಕ್ಕೆ ಭಾನುವಾರ ತೆರೆಬಿದ್ದಿದ್ದು, ಗ್ರ್ಯಾಂಡ್ ಫಿನಾಲೆ ಪ್ರವೇಶಿಸಿದ್ದ ಮಕ್ಕಳು ಮತ್ತು ತಾಯಂದಿರ 6 ಜೋಡಿ ಪೈಕಿ ಮಾಸ್ಟರ್ ಆನಂದ್ ಪುತ್ರಿ ವಂಶಿಕಾ ಮತ್ತು ಅವರ ಪತ್ನಿ ಯಶಸ್ವಿನಿ ಜೋಡಿ ವಿನ್ನರ್ ಆಗಿ ಹೊರ ಹೊಮ್ಮಿದೆ.
ತಾಯಿ-ಮಗಳಾದ ಯಶಸ್ವಿಸಿ ಮತ್ತು ವಂಶಿಕಾ ಜೋಡಿ ‘ನನ್ನಮ್ಮ ಸೂಪರ್ ಸ್ಟಾರ್’ ಟ್ರೋಫಿಗೆ ಮುತ್ತಿಟ್ಟಿದ್ದು, 5 ಲಕ್ಷ ರೂಪಾಯಿ ಬಹುಮಾನವೂ ಸಿಕ್ಕಿದೆ. ಮಗುವನ್ನು ತಾಯಿ ಎತ್ತಿಕೊಂಡಿರುವ ವಿನ್ಯಾಸದಲ್ಲಿ ಟ್ರೋಫಿ ಇದೆ. ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ‘ನನ್ನಮ್ಮ ಸೂಪರ್ ಸ್ಟಾರ್’ ರಿಯಾಲಿಟಿ ಶೋನ ಮೊದಲ ಸಂಚಿಕೆಯೇ ಜನಮನ್ನಣೆ ಗಳಿಸಿತ್ತು. ಮಕ್ಕಳ ಫಟಾಫಟ್ ಮಾತು, ತಂಟತನ, ಮುಗ್ಧತೆ ಕಣ್ತುಂಬಿಕೊಂಡ ಪ್ರೇಕ್ಷಕರು, ಮಕ್ಕಳಿಗೆ ಮನತುಂಬಾ ಹಾರೈಸಿದ್ದಾರೆ. ಶೋ ಆರಂಭವಾದಗಿಂದಲೂ ಪ್ರತಿ ಅಮ್ಮ-ಮಗಳ ಜೋಡಿಯೂ ಪ್ರತಿ ಎಫಿಸೋಡ್ನಲ್ಲೂ ಮಾಡುತ್ತಿದ್ದ ಮೋಡಿಗೆ ಪ್ರೇಕ್ಷಕರು ಮಾರುಹೋಗುತ್ತಲೇ ಇದ್ದರು. ‘ನನ್ನಮ್ಮ ಸೂಪರ್ ಸ್ಟಾರ್’ ಶೋ ವಿನ್ನರ್ ಯಾರೆಂಬ ಕುತೂಹಲಕ್ಕೆ ಅದ್ದೂರಿ ವೇದಿಕೆಯಲ್ಲಿ ತೆರೆಬಿದ್ದಿದೆ.
ಅಮ್ಮ-ಮಗಳ ಜೋಡಿಯಾದ ಪುನೀತಾ ಮತ್ತು ಆರ್ಯಗೆ ರನ್ನರ್ ಅಪ್ ಆಗಿ ಹೊರ ಹೊಮ್ಮಿತು. ವಿಂದ್ಯಾ-ರೋಹಿತ್ 3ನೇ ಸ್ಥಾನ, ಸುಪ್ರೀತಾ-ಇಬ್ಬನಿಗೆ 4ನೇ ಸ್ಥಾನ, ಜಾಹ್ನವಿ-ಗ್ರಂಥ್ 5ನೇ ಸ್ಥಾನ, ಅದ್ವಿಕ್-ನಂದಿನಿ 6ನೇ ಸ್ಥಾನ ಪಡೆದರು.
ಈ ರಿಯಾಲಿಟಿ ಶೋಗೆ ಹಿರಿಯನಟಿ ತಾರಾ ಅನುರಾಧ, ಅನುಪ್ರಭಾಕರ್, ಸೃಜನ್ ಲೋಕೇಶ್ ಅವರು ಜಡ್ಜಸ್ ಆಗಿದ್ದರು. ನಟಿ ಅನುಮಪ ಗೌಡ ಅವರ ನಿರೂಪಣೆಯಲ್ಲಿ ಕಾರ್ಯಕ್ರಮ ಮೂಡಿಬಂತು. ಗ್ರ್ಯಾಂಡ್ ಫಿನಾಲೆಗೆ ರಿಯಲ್ ಸ್ಟಾರ್ ಉಪೇಂದ್ರ ಅತಿಥಿಯಾಗಿ ಆಗಮಿಸಿದ್ದರು.
ಜಿಮ್ನಲ್ಲೇ ಮಹಿಳೆ ಸಾವು: ವರ್ಕೌಟ್ನಿಂದ ಹೃದಯಾಘಾತ? ವೈದ್ಯರು ಕೊಟ್ಟ ಮಹತ್ವದ ಮಾಹಿತಿ ಇಲ್ಲಿದೆ
ಶ್ರೀಲಂಕಾದಲ್ಲಿ ತುರ್ತು ಪರಿಸ್ಥಿತಿ: ತಡರಾತ್ರಿ 26 ಸಚಿವರು ಸಾಮೂಹಿಕ ರಾಜೀನಾಮೆ