ಹೈದರಾಬಾದ್: ನಾಗ್ ಅಶ್ವಿನ್ ನಿರ್ದೇಶಿಸಿರುವ ಪ್ಯಾನ್ ಇಂಡಿಯಾ ಸಿನಿಮಾ ಕಲ್ಕಿ 2898 ಎಡಿ ಜೂನ್ 27ರಂದು ಬಿಡುಗಡೆಗೊಂಡಿದೆ. ಬ್ಲಾಕ್‌ಬಸ್ಟರ್ ಹಿಟ್ನೊಂದಿಗೆ ಈ ಚಿತ್ರವು ಬಾಕ್ಸ್ ಆಫೀಸ್ನಲ್ಲಿ ದೊಡ್ಡ ಕಲೆಕ್ಷನ್ನೊಂದಿಗೆ ಮುನ್ನಡೆಯುತ್ತಿದೆ. ಅಲ್ಲದೆ ನಟರು ಮತ್ತು ನಿರ್ಮಾಕರಿಂದ ಈ ಸಿನಿಮಾ ಪ್ರಶಂಸೆ ಗಳಿಸುತ್ತಲೇ ಇದೆ. ಈಗ ಟಾಲಿವುಡ್ನ ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಅವರು ಪ್ರತಿಕ್ರಿಯಿಸಿದ್ದಾರೆ.
ಇದನ್ನು ಓದಿ: ನೂತನ ಸೇನಾ ಮುಖ್ಯಸ್ಥರಾಗಿ ಅಧಿಕಾರ ವಹಿಸಿಕೊಂಡ ಲೆಫ್ಟಿನೆಂಟ್ ಜನರಲ್ ಉಪೇಂದ್ರ ದ್ವಿವೇದಿ
ಕಣ್ಣಿಗೆ ಕಟ್ಟುವ ದೃಶ್ಯಗಳೊಂದಿಗೆ ಈ ಸಿನಿಮಾ ದೊಡ್ಡ ಹಬ್ಬವಾಗಲಿದೆ ಎಂದು ಹೇಳಿದ ಅಲ್ಲು ಅರ್ಜುನ್ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಸುದೀರ್ಘವಾಗಿ ಬರೆಯುವ ಮೂಲಕ ಕಲ್ಕಿ 2898 ಎಡಿ ಚಿತ್ರಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಸೂಪರ್ ಹೀರೋನಂತೆ ತಮ್ಮ ನಟನಾ ಪ್ರತಿಭೆಯಿಂದ ಈ ಬೃಹತ್ ಚಿತ್ರಕ್ಕೆ ಜೀವ ತುಂಬಿದ ಆತ್ಮೀಯ ಗೆಳೆಯ ಪ್ರಭಾಸ್ ಅವರಿಗೆ ಅಭಿನಂದನೆಗಳು ಎಂದು ಹೇಳಿದ್ದಾರೆ. ಅಲ್ಲದೆ ಅಮಿತಾಬ್ ಬಚ್ಚನ್ ಅವರ ನಟನೆಗೆ ಸರ್.. ನೀವು ನಿಜವಾಗಿಗೂ ಸ್ಫೂರ್ತಿ, ನಿಮ್ಮ ನಟನೆಯ ಬಗ್ಗೆ ಮಾತನಾಡಲೂ ಸಾಧ್ಯವಿಲ್ಲ ಎಂದಿದ್ದಾರೆ. ಕಮಲ್ ಹಾಸನ್ ಸರ್ ನಿಮ್ಮ ಅಭಿನಯಕ್ಕೆ ವಂದನೆಗಳು, ನೀವು ಹೀಗೆಯೇ ಮುಂದೆಯೂ ಇರುತ್ತೀರಿ ಎಂದು ಭಾವಿಸುತ್ತೇನೆ ಎಂದಿದ್ದಾರೆ. ದೀಪಿಕಾ ನಿಮ್ಮ ನಟನೆಯೂ ಎಲ್ಲರನೂ ಬೆರಗುಗೊಳಿಸುತ್ತದೆ. ದಿಶಾ ಪಟಾನಿ ನೀವು ತೆರೆಯ ಮೇಲೆ ತುಂಬಾ ಆಕರ್ಷಕರಾಗಿ ಕಾಣುತ್ತೀರಿ ಎಂದಿದ್ದಾರೆ.
ಅಲ್ಲದೆ, ವಿಶೇಷವಾಗಿ ಸಿನಿಮಾಟೋಗ್ರಫಿ, ಕಾಸ್ಟ್ಯೂಮ್ಸ್, ಎಡಿಟಿಂಗ್ ಎಲ್ಲದರ ಶ್ರೇಯಸ್ಸು ವೈಜಯಂತಿ ಮೂವೀಸ್ ಅವರಿಗೇ ಸಲ್ಲುತ್ತದೆ. ಬಹುದೊಡ್ಡ ರಿಸ್ಕ್ ತೆಗೆದುಕೊಂಡು ಈ ಸಿನಿಮಾ ಮಾಡಿದ್ದಾರೆ ಎಂದಿದ್ದಾರೆ. ಅಲ್ಲದೆ, ಕಲ್ಕಿ 2898 ಎಡಿ ನಮ್ಮ ಸಾಂಸ್ಕೃತಿಕ ಸೂಕ್ಷ್ಮತೆಗಳೊಂದಿಗೆ ಬೆಳ್ಳಿತೆರೆಗೆ ಬಂದಿರುವ ಸಿನಿಮಾ. ಹೊಸ ನೆಲೆಯನ್ನು ಮೂಡಿಸಿದ ಸಿನಿಮಾದ ನಿರ್ದೇಶಕ ನಾಗ್ ಅಶ್ವಿನ್ ಅವರಿಗೆ ನನ್ನ ಅಭಿನಂದನೆಗಳು. ಈ ಚಿತ್ರದ ಮೂಲಕ ಪ್ರತಿಯೊಬ್ಬ ಸಿನಿಪ್ರೇಮಿಗೂ ಅಚ್ಚರಿಯಾಗುವಂತೆ ಮಾಡಿದ್ದಾರೆ ಎಂದಿದ್ದಾರೆ.
ಸದ್ಯ ಅಲ್ಲು ಅರ್ಜುನ್ ಅವರು ಪುಷ್ಪ 2 ಚಿತ್ರದಲ್ಲಿ ನಟಿಸುತ್ತಿರುವುದು ಗೊತ್ತೇ ಇದೆ. ಈ ಸಿನಿಮಾ ಡಿಸೆಂಬರ್ 6 ರಂದು ಬಿಡುಗಡೆಯಾಗಲಿದೆ ಎಂದು ಚಿತ್ರತಂಡ ತಿಳಿಸಿದೆ. ಈಗಾಗಲೇ ಬಿಡುಗಡೆಯಾಗಿರುವ ಸಿನಿಮಾ ಪೋಸ್ಟರ್, ಹಾಡುಗಳು ಚಿತ್ರದ ಬಗ್ಗೆ ಭಾರೀ ನಿರೀಕ್ಷೆಯನ್ನು ಹುಟ್ಟುಹಾಕಿದೆ.(ಏಜೆನ್ಸೀಸ್)