ನವದೆಹಲಿ: ಸತತ ಗೆಲುವಿನ ಮೂಲಕ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಮಿಂಚುತ್ತಿರುವ ರೋಹಿತ್ ಪಡೆ, ಇಂದು ಬಾರ್ಬಡೋಸ್ನಲ್ಲಿ ನಡೆಯಲಿರುವ ದಕ್ಷಿಣ ಆಫ್ರಿಕಾ ವಿರುದ್ಧದ ಫೈನಲ್ ಪಂದ್ಯದಲ್ಲಿ ವಿಶ್ವಕಪ್ ಟ್ರೋಫಿಗಾಗಿ ಸೆಣಸಾಡಲಿದೆ. ಪಂದ್ಯ ಆರಂಭದ ಬೆನ್ನಲ್ಲೇ ಮಾಜಿ ಕ್ರಿಕೆಟಿಗರು ಟೀಮ್ ಇಂಡಿಯಾ ಗೆಲುವಿಗೆ ಶುಭಹಾರೈಸುತ್ತಿದ್ದು, ವಿಶ್ವಕಪ್ ಕಿರೀಟಕ್ಕೆ ಟೀಮ್ ಇಂಡಿಯಾ ಮುತ್ತಿಡಲಿ ಎಂದು ಆಶಿಸಿದ್ದಾರೆ. ಈ ಮಧ್ಯೆ ಭಾರತ ಗೆದ್ದು ಬರಲಿ ಎಂದು ಸ್ಪಿನ್ನರ್ ಪಿಯೂಷ್ ಚಾವ್ಲಾ ಹಂಬಲ ವ್ಯಕ್ತಪಡಿಸಿದ್ದು, ಕ್ಯಾಪ್ಟನ್ ರೋಹಿತ್ ಶರ್ಮಾ ಬಗ್ಗೆ ಕೆಲವು ವಿಷಯಗಳನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ಮಕ್ಕಳಿಗೆ ಕಡ್ಡಾಯ ಶಿಕ್ಷಣ ನೀಡಲಿ
ಪ್ರಸಕ್ತ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ತಂಡವನ್ನು ಯಶಸ್ಸಿನತ್ತ ಮುನ್ನಡೆಸಿಕೊಂಡು ಹೋಗಿರುವ ರೋಹಿತ್ ಶರ್ಮ ಅವರಿಗೆ ಎಷ್ಟು ಮೆಚ್ಚುಗೆ, ಅಭಿನಂದನೆ ತಿಳಿಸಿದರೂ ಸಾಲದು. ದಕ್ಷಿಣ ಆಫ್ರಿಕಾವನ್ನು ಫೈನಲ್ನಲ್ಲಿ ಮಣಿಸಿ, ವಿಶ್ವಕಪ್ ಟ್ರೋಫಿ ಎತ್ತಿಹಿಡಿಯಲು ಟೀಮ್ ಇಂಡಿಯಾ ಕಾತರದಿಂದ ಕಾಯುತ್ತಿದೆ. ನಾಯಕತ್ವ ವಿಷಯ ಬಂದರೆ ಅದರಲ್ಲಿ ರೋಹಿತ್ ಸದಾ ಮೇಲುಗೈ. ಲೀಡರ್ಶೀಪ್ ಸ್ಥಾನದಲ್ಲಿ ಹಿಟ್ಮ್ಯಾನ್ ಅಗ್ರಸ್ಥಾನದಲ್ಲಿದ್ದಾರೆ ಎಂದರು.
ಈ ಹಿಂದೆಯೇ ನಾನು ಹೇಳಿದ್ದೆ. ರೋಹಿತ್ ಶರ್ಮಾ ಕೇವಲ ಒಬ್ಬ ಕ್ಯಾಪ್ಟನ್ ಅಲ್ಲ. ಅವರೊಬ್ಬ ನಿಜವಾದ ನಾಯಕ. ತಂಡದ ಜವಾಬ್ದಾರಿ ಹೊತ್ತು, ಹೇಗೆ ಸಹ ಆಟಗಾರರನ್ನು ಮುನ್ನಡೆಸಿಕೊಂಡು ಹೋಗಬೇಕು ಎಂಬುದು ಅವರಿಗೆ ಸ್ಪಷ್ಟವಾಗಿ ತಿಳಿದಿದೆ. ಇಂದು ರೋಹಿತ್ ಒಬ್ಬ ಲೀಡರ್ ಆಗಿ ಇತರರಿಗೆ ಅದ್ಭುತ ಉದಾಹರಣೆಯಾಗಿ ನಿಂತಿದ್ದಾರೆ. ಅವರ ಕ್ಯಾಪ್ಟನ್ಸಿ ತಂಡದ ಮೇಲೆ ಉತ್ತಮ ಪ್ರಭಾವ ಬೀರಿದೆ ಎಂದು ಹೇಳಿದ್ದಾರೆ. ಚಾವ್ಲಾ ಮಾತಿಗೆ ಫಿದಾ ಆದ ರೋಹಿತ್ ಅಭಿಮಾನಿಗಳು, ಸಾಮಾಜಿಕ ಜಾಲತಾಣದಲ್ಲಿ ಈ ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ,(ಏಜೆನ್ಸೀಸ್).
ಈ ವಿಷಯದ ಬಗ್ಗೆ ಅನುಮಾನವೇ ಬೇಡ… ರೋಹಿತ್ರನ್ನು ಕಪಿಲ್ ದೇವ್ಗೆ ಹೋಲಿಸಿದ ಮಾಜಿ ಕ್ರಿಕೆಟಿಗ