Monday, 22nd October 2018  

Vijayavani

₹9 ಲಕ್ಷ ಅಡ್ವಾನ್ಸ್ ಪಡೆದಿದ್ದು ನಿಜ - ಸರ್ಜಾ ವಿರುದ್ಧ ಮೀ ಟೂ ಬಳಸಿಕೊಂಡಿಲ್ಲ - ದಿಗ್ವಿಜಯ ನ್ಯೂಸ್​ಗೆ ಚೇತನ್ ಹೇಳಿಕೆ        ಸರ್ಜಾ ವಿರುದ್ಧ ಮೀಟೂ ಆರೋಪ - ಕಿತ್ತಾಟ ಪರಿಹರಿಸಲು ಸಂಧಾನಕಾರರಾಗ್ತಾರಾ ಅಂಬಿ..?        ಅರ್ಜುನ್ ಸರ್ಜಾ ಮೀ ಟೂ ಕೇಸ್​​ಗೆ ಬಿಗ್ ಟ್ವಿಸ್ಟ್ - ಪ್ರೇಮಬರಹದಲ್ಲಿ ಚಾನ್ಸ್​ ಸಿಗದ್ದಕ್ಕೆ ರೀವೆಂಜ್ ಆರೋಪ        ಶ್ರುತಿ ವಿರುದ್ಧ ಚೇಂಬರ್​ಗೆ ದೂರು - ನಟಿ ಆರೋಪಕ್ಕೆ ಮತ್ತೆ ಗುಡುಗಿದ ನಟ ರಾಜೇಶ್        ಬೈಎಲೆಕ್ಷನ್​​ ಆಂತರಿಕ ಸಮೀಕ್ಷೆಯಲ್ಲಿ ಸೋಲಿನ ಸುಳಿವು - ಎಲ್ಲ ಕಾರ್ಯಕ್ರಮ ರದ್ದುಗೊಳಿಸಿ ಸಿಎಂ ತಂತ್ರಗಾರಿಕೆ        ಕರ್ತವ್ಯ ಬಹಿಷ್ಕರಿಸಿ ಸಿಬ್ಬಂದಿ ಪ್ರತಿಭಟನೆ - ಬೆಂಗಳೂರಿನ ಪೆನೇಷಿಯಾ ಆಸ್ಪತ್ರೆ ವಿರುದ್ಧ ಸಿಬ್ಬಂದಿ ಆಕ್ರೋಶ       
Breaking News

ಮನುಕುಲವನ್ನು ಬೆಳಗುವ ರೈತ ನೆಮ್ಮದಿಯಾಗಿರಲಿ

Friday, 10.08.2018, 5:33 AM       No Comments

ಯಾದಗಿರಿ: ಲೋಕಕ್ಕೆ ಅನ್ನವನ್ನು ನೀಡಿ ಮನುಕುಲವನ್ನು ಸಾಕಿ, ಸಲುಹುವ ರೈತ ನೆಮ್ಮದಿಯಿಂದಿರಬೇಕು. ಕಾಲಕಾಲಕ್ಕೆ ಮಳೆಯಾಗಿ ಆತನ ದುಡಿಮೆಗೆ ತಕ್ಕಂತೆ ಬೆಳೆಬಂದು ರೈತ ಜನಾಂಗದ ಬದುಕು ಹಸನಾದರೆ ಇಡೀ ಲೋಕವೇ ಸಂತೃಪ್ತವಾಗಿರಲು ಸಾಧ್ಯ ಎಂದು ಅಬ್ಬೆತುಮಕೂರಿನ ಪೀಠಾಧಿಪತಿ ಡಾ.ಗಂಗಾಧರ ಮಹಾಸ್ವಾಮಿಗಳು ನುಡಿದರು.

ಪಾರಂಪರಾ ಪಾದಯಾತ್ರೆ ಹಿನ್ನೆಲೆಯಲ್ಲಿ ಗುರುವಾರ ಜೇವರ್ಗಿ ತಾಲೂಕಿನ ಗಂವ್ಹಾರ ಗ್ರಾಮದ ಬನ್ನಿ ಬಸವೇಶ್ವರ ಕರ್ತು ಗದ್ದುಗೆಗೆ ಹಾಗೂ ಪಂಚಗೃಹ ಹಿರೇಮಠದಲ್ಲಿನ ವಿಶ್ವಾರಾಧ್ಯರ ಕರ್ತು ಗದ್ದುಗೆಗೆ ವಿಶೇಷ ಪೂಜೆ ನೆರವೇರಿಸಿ ಪಾದಯಾತ್ರೆಯಲ್ಲಿ ಪಾಲ್ಗೊಂಡ ಸಹಸ್ರಾರು ಭಕ್ತರನ್ನುದ್ದೇಶಿಸಿ ಆಶೀರ್ವಚನ ನೀಡಿದ ಅವರು, ಇಡೀ ಮನುಕುಲ ಶಾಂತಿ, ಸಹನೆ, ಸಮೃದ್ಧವಾಗಿರಬೇಕು, ಲೋಕವೆಲ್ಲ ಒಳಿತಾಗಿ ಲೋಕಕಲ್ಯಾಣ ಉಂಟಾಗಲಿ ಎಂದು ತಿಳಿಸಿದರು.
ಗಂವ್ಹಾರದ ಬನ್ನಿ ಬಸವೇಶ್ವರ ಗದ್ದುಗೆಗೆ ಗೋರಟಾ ರುದ್ರ ಸಂಗೀತದವರಿಂದ ವಿಶೇಷ ಪೂಜಾ ವಿಧಿ ವಿಧಾನಗಳು ಜರುಗಿದವು.ಅಲ್ಲಿಂದ ಮಧ್ಯಾಹ್ನ 1 ಗಂಟೆಗೆ ಗಂವ್ಹಾರದ ಗ್ರಾಮಸ್ಥರಿಂದ ಅಮೃತೇಶ್ವರ ಕಲ್ಯಾಣಮಂಟಪದಲ್ಲಿ ಪಾದಯಾತ್ರಿಗಳು ಪ್ರಸಾದ ಸ್ವೀಕರಿಸಿಕೊಂಡು ಗ್ರಾಮಸ್ಥರಿಂದ ಬೀಳ್ಕೊಂಡು ಮುಂದೆ ಹೊರಟರು.

ಈ ವೇಳೆ ವಿಜಯಕುಮಾರ ಪೊಲೀಸ್ ಪಾಟೀಲ್, ನೀಲಕಂಠರಾಯ ಪಾಟೀಲ್, ವಿಜುಗೌಡ ಪಾಟೀಲ್, ಮಲ್ಲಿನಾಥಗೌಡ ಯಲಗೋಡ, ನರಸಣಗೌಡ ರಾಯಚೂರು ಸೇರಿದಂತೆ ಅನೇಕ ಭಕ್ತರಿದ್ದರು.

ಕಳೆದ ಮೂರು ದಶಕಗಳಿಂದಲೂ ಪಾರಂಪರಾ ಪಾದಯಾತ್ರೆಯನ್ನು ಪ್ರತಿವರ್ಷ ನಡೆಸಿಕೊಂಡು ಬರಲಾಗುತ್ತಿದೆ. ಅಬಾಲವೃದ್ಧರಾದಿಯಾಗಿ ಈ ಪಾದಯಾತ್ರೆಯಲ್ಲಿ ಅಸಂಖ್ಯಾತ ಭಕ್ತರು ಅತ್ಯಂತ ಭಕ್ತಿ ಶ್ರದ್ಧೆಯಿಂದ ಪಾಲ್ಗೊಳ್ಳುತ್ತಿರುವುದು ವಿಶೇಷವಾಗಿದೆ.
| ಡಾ.ಗಂಗಾಧರ ಮಹಾಸ್ವಾಮಿಗಳು ಅಬ್ಬೆತುಮಕೂರಿನ ಪೀಠಾಧಿಪತಿ

Leave a Reply

Your email address will not be published. Required fields are marked *

Back To Top