Sunday, 21st October 2018  

Vijayavani

ಚಡಚಣ ಸೋದರರ ಹತ್ಯೆ ಪ್ರಕರಣ-ಸಿಪಿಐ ಅಸೋದೆ 10 ದಿನ ಕಸ್ಟಡಿಗೆ-ಸಂಬಂಧಿಕರ ಮೇಲೂ ದೂರು ದಾಖಲು        ಸಿಸಿಬಿಯಿಂದ ಮುತ್ತಪ್ಪ ರೈಗೆ 8 ಗಂಟೆ ಡ್ರಿಲ್​-ಸೂಕ್ತ ದಾಖಲೆಗಳಿಂದ ಮಾಜಿ ಡಾನ್​​ ಬಚಾವ್​-ಇಂದು ಪೊಲೀಸರಿಂದ ಗನ್​​ಮ್ಯಾನ್​​ಗಳ ವಿಚಾರಣೆ        ಆ್ಯಕ್ಷನ್​​​ಕಿಂಗ್​​​ ವಿರುದ್ಧ ಶೃತಿ ಹರಿಹರನ್​ ಮೀಟು ಏಟು-ನಟಿ ವಿರುದ್ಧ ಸರ್ಜಾ ಫ್ಯಾಮಿಲಿ ಟಾಕ್​​ಫೈಟ್​​-ಆರೋಪಕ್ಕೆ ಸ್ಪಷ್ಟನೆ ನೀಡಲು ಇಂದು ಪ್ರೆಸ್​​ಮೀಟ್​​​        ಸಂಸದರ ನಿಧಿ ಹೊಡೆಯಲು ಮೆಗಾ ಪ್ಲಾನ್​-ನಕಲಿ ಲೆಟರ್​​​​​ಹೆಡ್​​​ ಮೂಲಕ ಲಕ್ಷ ಲಕ್ಷ ಗುಳುಂ-26 ಲಕ್ಷ ನುಂಗಿದ ಭೂಪ ಪೊಲೀಸರ ವಶಕ್ಕೆ        ರಂಗೇರಿತು ಉಪಚುನಾವಣೆ ಅಖಾಡ-ಇಂದು ಪಂಚ ಕ್ಷೇತ್ರಗಳಲ್ಲೂ ನಾಯಕರ ಪ್ರಚಾರ-ದೋಸ್ತಿಗೆ ಹುರುಪು ತಂದ ಗುರು-ಶಿಷ್ಯರ ಮಿಲನ        ಮಡಿಕೇರಿ ಸಂತ್ರಸ್ತರಿಗೆ ಮಾದರಿ ಮನೆಗಳ ನಿರ್ಮಾಣ-5 ರಿಂದ 10 ಲಕ್ಷದೊಳಗೆ ಮೂರು ರೀತಿಯ ಮನೆ-ಜನರು ಕೇಳಿದ ಮನೆ ಎರಡು ತಿಂಗಳೊಳಗೆ ರೆಡಿ       
Breaking News

ರಷ್ಯಾದಲ್ಲಿ ಇಂದಿನಿಂದ ಕಾಲ್ಚಳಕದ ಕೌತುಕ

Thursday, 14.06.2018, 3:03 AM       No Comments

ವಿಶ್ವದ ಅತಿದೊಡ್ಡ ದೇಶ ರಷ್ಯಾದಲ್ಲಿ ಇಂದಿನಿಂದ (ಗುರುವಾರ) ಫುಟ್​ಬಾಲ್ ಉತ್ಸವ. ಚೊಚ್ಚಲ ಬಾರಿಗೆ ಫಿಫಾ ವಿಶ್ವಕಪ್ ಟೂರ್ನಿಗೆ ಆತಿಥ್ಯ ವಹಿಸಿಕೊಂಡಿರುವ ರಷ್ಯಾ ಕ್ರೀಡಾಭಿಮಾನಿಗಳಿಗೆ ರಸದೌತಣ ನೀಡಲು ಮದುವಣಗಿತ್ತಿಯಂತೆ ಸಜ್ಜಾಗಿದೆ. ಸುಮಾರು 6 ಲಕ್ಷ ವಿದೇಶಿ ಪ್ರವಾಸಿಗರು ಸೇರಿದಂತೆ ಲಕ್ಷಾಂತರ ಮಂದಿ ಈ ಕಾಲ್ಚೆಂಡಿನ ಹಬ್ಬದ ಮಜಾ ಸವಿಯಲು ರಷ್ಯಾದತ್ತ ಮುಖಮಾಡಿದ್ದಾರೆ. ಹಾಲಿ ಚಾಂಪಿಯನ್ ಜರ್ಮನಿ, ಸಾರ್ವಕಾಲಿಕ ಫೇವರಿಟ್ ತಂಡಗಳಾದ ಬ್ರೆಜಿಲ್, ಅರ್ಜೆಂಟೀನಾ, ಸ್ಪೇನ್ ಸಹಿತ 32 ತಂಡಗಳು ಚಾಂಪಿಯನ್ ಪಟ್ಟಕ್ಕಾಗಿ ಸೆಣಸಲಿವೆ.

ವಿಶ್ವಕಪ್​ಗೆ ಕಲರ್​ಫುಲ್ ಚಾಲನೆ

ಮಾಸ್ಕೊ: ಇನ್ನು ಒಂದು ತಿಂಗಳು ಭರಪೂರ ಮನರಂಜನೆ ನೀಡಲಿರುವ ರೋಮಾಂಚಕ ಫಿಫಾ ವಿಶ್ವಕಪ್ ಫುಟ್​ಬಾಲ್ ಟೂರ್ನಿಗೆ ಗುರುವಾರ ಅದ್ದೂರಿ ಚಾಲನೆ ಸಿಗಲಿದೆ. ಭಾರತೀಯ ಕಾಲಮಾನದ ಪ್ರಕಾರ ಸಂಜೆ 6.00ಕ್ಕೆ ವೈವಿಧ್ಯಮ ನೃತ್ಯ, ಸಂಗೀತ ಕಾರ್ಯಕ್ರಮಗಳೊಂದಿಗೆ ಕಲರ್​ಫುಲ್ ಆಗಿ ಟೂರ್ನಿ ಉದ್ಘಾಟನೆ ಯಾಗಲಿದೆ. ಮಾಸ್ಕೋದ ಲಜ್ನಿಕಿ ಸ್ಟೇಡಿಯಂನಲ್ಲಿ ರಷ್ಯಾ ಮತ್ತು ಸೌದಿ ಅರೇಬಿಯಾ ತಂಡಗಳ ನಡುವೆ ನಡೆಯಲಿರುವ ಉದ್ಘಾಟನಾ ಪಂದ್ಯಕ್ಕೂ ಮುನ್ನ ಕಾರ್ಯಕ್ರಮ ನಡೆಯಲಿದೆ.

44 ವರ್ಷದ ಇಂಗ್ಲೆಂಡ್ ಖ್ಯಾತ ಪಾಪ್ ಗಾಯಕ ರಾಬಿ ವಿಲಿಯಮ್್ಸ ರಷ್ಯಾ ಸಿಂಗರ್ ಏಯ್ಡಾ ಗ್ಯಾರಿಫುಲ್ಲಿನಾ ವಿವಿಧ ಹಾಡುಗಳನ್ನು ಹಾಡಿ ಪ್ರೇಕ್ಷಕರನ್ನು ಮನರಂಜಿಸಲಿದ್ದಾರೆ. ಫಿಫಾ ಧ್ಯೇಯ ಗೀತೆಯನ್ನು ಹಾಲಿವುಡ್ ಸ್ಟಾರ್ ವಿಲ್ ಸ್ಮಿತ್, ಸಿಂಗರ್ ಎರಾ ಇಸ್ಟ್ರೆಫಿ ಹಾಗೂ ನಿಕ್ ಜಾಮ್ ಜತೆ ಹಾಡುವರು. ಬ್ರೆಜಿಲ್​ನ 2 ಬಾರಿಯ ವಿಶ್ವಕಪ್ ವಿಜೇತ ಸ್ಟಾರ್ ಆಟಗಾರ ರೊನಾಲ್ಡೊ ಕಾರ್ಯಕ್ರಮದ ಪ್ರಮುಖ ಆಕರ್ಷಣೆಯಾಗಿದ್ದಾರೆ.

ಕಾರ್ಯಕ್ರಮದಲ್ಲಿ ಗ್ಲಾಮರ್ ಮಾತ್ರವಲ್ಲದೆ, ಸ್ಥಳೀಯ ಸಂಸ್ಕೃತಿ ಮತ್ತು ಸಂಪ್ರದಾಯಗಳ ಸಂದೇಶಗಳಿರುವ ಕಾರ್ಯಕ್ರಮಗಳಿರಲಿವೆ. 500ಕ್ಕೂ ಅಧಿಕ ಡ್ಯಾನ್ಸರ್, ಜಿಮ್ನಾಸ್ಟ್​ಗಳು ಗಮನ ಸೆಳೆಯಲಿದ್ದಾರೆ. ಪ್ರಸಿದ್ಧ ಒಪೆರಾ ಸಿಂಗರ್ ಪ್ಲೆಸಿಡೊ ಡೊಮಿಂಗೊ, ಲೂಸಿಯಾನಿ ಪವರೊಟ್ಟಿ, ಜೋಸ್ ಕೆರೆರಸ್, ಪೆರುವಿಯನ್ ಟೆನರ್, ಜುವಾನ್ ಡಿಯಾಗೊರಿಂದ ಗಾಲಾ ಕನ್ಸರ್ಟ್ ಸಂಗೀತ ಕಾರ್ಯಕ್ರಮ ನಡೆಯಲಿದೆ. ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಹಾಗೂ ಫಿಫಾ ಮಾಜಿ ಹಾಗೂ ನಿಷೇಧಿತ ಅಧ್ಯಕ್ಷ ಸೆಪ್ ಬ್ಲಾಟರ್ ಕೂಡ ಉಪಸ್ಥಿತಲಿರುವರು.

Leave a Reply

Your email address will not be published. Required fields are marked *

Back To Top