Wednesday, 24th October 2018  

Vijayavani

ರಂಗೇರಿದ ಉಪ ಚುನಾವಣಾ ಕಣ-ಜಮಖಂಡಿಯಲ್ಲಿಂದು ಬಿಎಸ್ ವೈ ಮತಬೇಟೆ-ಸಕ್ಕರೆ ನಾಡು ಮಂಡ್ಯದಲ್ಲಿಂದು ಸಿದ್ದರಾಮಯ್ಯ ಪ್ರಚಾರ        ದೀಪಾವಳಿಯಿಂದ ಲೋಡ್​ ಶೆಡ್ಡಿಂಗ್-ಇಂಧನ ಇಲಾಖೆ ಅಧಿಕಾರಿಗಳ ಜತೆ ಸಿಎಂ ಸಭೆ-ಕತ್ತಲಲ್ಲಿ ಮುಳುಗುತ್ತಾ ಕರ್ನಾಟಕ..?        ಸಾಲಮನ್ನಾವೂ ಇಲ್ಲ, ಬೆಲೆಯೂ ಇಲ್ಲ-ಬೆವರು ಸುರಿಸಿ ಬೆಳೆದ ಬೆಳೆ ಕೇಳೋರೂ ಇಲ್ಲ-ಅನ್ನದಾತನಿಗೆ ಕಣ್ಣೀರು ತರಿಸುತ್ತಿದೆ ಈರುಳ್ಳಿ        ಬೆಂಗಳೂರಲ್ಲಿ ಅನಧಿಕೃತ ಬಿಟ್ ಕಾಯಿನ್ ATM-ಆರೋಪಿ ಹರೀಶ್ ಬಂಧನ-ಕೆಂಪ್ ಫೋರ್ಟ್​ನಲ್ಲಿದ್ದ ಎಟಿಎಂ ಪೊಲೀಸರ ವಶಕ್ಕೆ        ಕೊಳ್ಳೆಗಾಲದಲ್ಲಿ 17 ವರ್ಷಗಳಿಂದ ಕಾಮಗಾರಿ ಅಪೂರ್ಣ-ಇನ್ನೂ ಆಗಿಲ್ಲ ವಾಲ್ಮೀಕಿ ಭವನ ನಿರ್ಮಾಣ-ಜನಪ್ರತಿನಿಧಿಗಳ ನಿರ್ಲಕ್ಷ್ಯಕ್ಕೆ ಆಕ್ರೋಶ        ವಿಜಯಪುರದಲ್ಲಿ ಗಂಗಾಕಲ್ಯಾಣ ಗೋಲ್ಮಾಲ್-ಫಲಾನುಭವಿಗಳಿಗೆ ಸಿಗದ ಬೋರ್ ವೇಲ್ ಸೌಲಭ್ಯ-ಯಾರದ್ದೋ ಹೆಸರಲ್ಲಿ ಅನುದಾನ ನೀಡಿದ ಅಧಿಕಾರಿಗಳು       
Breaking News

ಅದ್ಭುತ ಕ್ಯಾಚ್​ಗೆ ಸಾಕ್ಷಿಯಾದ ಪಾಕ್​ ಆಟಗಾರ ಬಾಬರ್​ ಅಜಾಮ್​!

Friday, 12.10.2018, 6:56 AM       No Comments

ನವದೆಹಲಿ: ಆಸ್ಟ್ರೇಲಿಯಾ ಮತ್ತು ಪಾಕಿಸ್ತಾನ ನಡುವೆ ನಡೆದ ಟೆಸ್ಟ್​ ಪಂದ್ಯದ ವೇಳೆ ಪಾಕ್​ ಆಟಗಾರ ಬಾಬರ್​ ಅಜಾಮ್​ ಹಿಡಿದ ಅದ್ಭುತ ಕ್ಯಾಚ್​ ಕ್ರೀಡಾಭಿಮಾನಿಗಳ ಮನವನ್ನು ಗೆದ್ದಿದೆ.

ಗುರುವಾರ ಅಂತ್ಯವಾದ ಟೆಸ್ಟ್​ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡ 8 ವಿಕೆಟ್​ ನಷ್ಟದಿಂದ ಬಹಳ ಕಷ್ಟಪಟ್ಟು ಪಂದ್ಯವನ್ನು ಡ್ರಾ ಮಾಡಿಕೊಂಡರು. ಉಸ್ಮಾನ್​ ಖವಾಜಾರ 141 ರನ್​ ನೆರವಿನಿಂದ ಪಾಕ್​​ ನೀಡಿದ್ದ 462 ರನ್​ ಗುರಿಯನ್ನು ಮುಟ್ಟಲು ಆಸಿಸ್​ ಸಾಕಷ್ಟು ಪರದಾಡಿತು. ತಂಡದ ಪರ ಟ್ರಿವಿಸ್​​ ಹೆಡ್(72)​ ಹಾಗೂ ನಾಯಕ ಟೀಮ್​ ಪೈನೆ(61*) ರನ್​ ನೆರವಿನಿಂದ ಪಂದ್ಯ ಡ್ರಾನಲ್ಲಿ ಅಂತ್ಯಗೊಳ್ಳುವ ಮೂಲಕ ಆಸಿಸ್​ ಮಾನ ಉಳಿಸಿಕೊಂಡಿತು.

ಪಾಕ್​ ಬೌಲರ್​ಗಳಾದ ಯಾಸಿರ್​ ಷಾ, ಮಹಮ್ಮದ್​ ಅಬ್ಬಾಸ್​ ಮತ್ತು ಬಿಲಾಲ್​ ಆಸಿಫ್​ ಅವರ ಮಾರಕ ದಾಳಿಗೆ ಆಸಿಸ್​ ಆಟಗಾರರು ತರಗೆಲೆಗಳಂತೆ ಉದುರಿ ಹೋದರು. ಈ ವೇಳೆ ಬಾಬರ್ ಅಜಾಮ್​​ ಹಿಡಿದ ಕ್ಯಾಚ್​ ಮೈದಾನದಲ್ಲಿ ನೆರೆದಿದ್ದ ಕ್ರೀಡಾಭಿಮಾನಿಗಳು ಒಂದು ಕ್ಷಣ ಎದ್ದು ನಿಂತು ಸಂಭ್ರಮಿಸುವಂತೆ ಮಾಡಿತು.

ಪಂದ್ಯದ 128ನೇ ಓವರ್​ನ ಮೊದಲನೇ ಎಸೆತದಲ್ಲಿ ಈ ಜಾದೂ ನಡೆಯಿತು. ಕ್ರೀಸ್​ನಲ್ಲಿದ್ದ ಮಿಚೆಲ್​ ಸ್ಟಾರ್ಕ್​, ಷಾ ಎಸೆದ ಬಾಲ್​ಗೆ ಬ್ಯಾಕ್​ ಡೀಪ್​ ಮಾಡಲು ಹೋಗಿ ಬಲಿಯಾದರು. ಸಿಲ್ಲಿ ಪಾಯಿಂಟ್​ನಲ್ಲಿ ನಿಂತಿದ್ದ ಬಾಬರ್​ ರೋಮಾಚಂನಕಾರಿಯಾದ ಡೈವ್​​​ ಮೂಲಕ ಒಂದೇ ಕೈಯಲ್ಲಿ ಅದ್ಭುತ ಕ್ಯಾಚ್​ ಹಿಡಿದರು. (ಏಜೆನ್ಸೀಸ್​)

Leave a Reply

Your email address will not be published. Required fields are marked *

Back To Top