Saturday, 22nd September 2018  

Vijayavani

‘ದಂಗೆ’ ಬಿಸಿ ತಟ್ಟುತ್ತಿದ್ದಂತೆ ದೇವರ ಸ್ತುತಿ - ಶಾರದಂಬೆ ಸನ್ನಿಧಿಯಲ್ಲಿ ಎಚ್​​ಡಿಕೆ - ಸಿಎಂಗೆ ಅಣ್ಣ ರೇವಣ್ಣ ಸಾಥ್​        ರಾಜ್ಯ ರಾಜಕೀಯ ಹಾಸನಕ್ಕೆ ಶಿಫ್ಟ್​ - ಇಂದು ಹಾಸನದಲ್ಲಿ ಜೆಡಿಎಲ್​​ಪಿ ಮೀಟಿಂಗ್​ - ದಳನಾಯಕರಿಂದ ರಣತಂತ್ರದ ಚರ್ಚೆ        ಸಿಎಂ ದಂಗೆ ಹೇಳಿಕೆ ವಿರುದ್ಧ ಬಿಜೆಪಿ ಆಕ್ರೋಶ - ಇಂದು ಕೂಡ ಹಲವೆಡೆ ಹೋರಾಟ ಸಂಭವ        ಇಂದು ಚಿಕ್ಕಮಗಳೂರಲ್ಲಿ ಸಿಎಂ ಮೀಟಿಂಗ್​ - ಅತಿವೃಷ್ಟಿ, ಅನಾವೃಷ್ಟಿ ಕುರಿತು ಚರ್ಚೆ - ಸಿಎಂಗೆ ವರದಿ ನೀಡಲಿರುವ ಡಿಸಿ        ರಾಫೆಲ್​​ ವಿಮಾನ​​​​ ಖರೀದಿ ಹಗರಣ - ಭಾರತವೇ ಅನಿಲ್​ ಅಂಬಾನಿ ಹೆಸರು ಸೂಚಿಸಿತ್ತು - ವಿವಾದಕ್ಕೆ ತುಪ್ಪ ಸುರಿದ ಹೊಲೆಂಡೆ ಹೇಳಿಕೆ        ಭುಗಿಲೆದ್ದಿರುವ ರಫೇಲ್​​ ಡೀಲ್​ ಹಗರಣ - ಪ್ರಕಟಣೆ ಹೊರಡಿಸಿದ ಫ್ರಾನ್ಸ್​​ ಸರ್ಕಾರ - ಕಂಪನಿಗಳ ಮೇಲೆ ಹಸ್ತಕ್ಷೇಪ ಇಲ್ಲವೆಂದು ಸ್ಪಷ್ಟನೆ       
Breaking News

ಸ್ವಾಮಿತ್ವದ ಘನತೆ ಹೆಚ್ಚಿಸುವ ಮೌನ ವ್ರತ

Thursday, 14.06.2018, 7:14 PM       No Comments

ಅಕ್ಕಿಆಲೂರ: ಸ್ವಾಮಿತ್ವದ ಘನತೆ ಹೆಚ್ಚಿಸುವಲ್ಲಿ ಮೌನ ವ್ರತ ಮಹತ್ವದ ಪಾತ್ರ ವಹಿಸಿದೆ ಎಂದು ಹುಬ್ಬಳ್ಳಿ ಮೂರು ಸಾವಿರಮಠದ ಗುರುಸಿದ್ಧರಾಜಯೋಗೀಂದ್ರ ಸ್ವಾಮೀಜಿ ಅಭಿಪ್ರಾಯಪಟ್ಟರು.

ಲೋಕಕಲ್ಯಾಣ ಮತ್ತು ಮನುಕುಲದ ಒಳಿತಿಗಾಗಿ ಇಲ್ಲಿನ ಚನ್ನವೀರೇಶ್ವರ ವಿರಕ್ತಮಠದ ಶಿವಬಸವ ಸ್ವಾಮೀಜಿ ಕಳೆದೊಂದು ತಿಂಗಳಿಂದ ನಡೆಸಿದ ಮೌನ ಅನುಷ್ಠಾನದ ಮಂಗಲ ಸಮಾರಂಭದಲ್ಲಿ ಗುರುವಾರ ಸಾನ್ನಿಧ್ಯ ವಹಿಸಿ ಆಶೀರ್ವಚನ ನೀಡಿದರು.

ಸ್ವಾಮೀಜಿಗಳು ಕೇವಲ ಪೂಜೆ, ಆಶೀರ್ವಚನಕ್ಕೆ ಮಾತ್ರ ಸಿಮೀತವಾಗದೆ, ನಾಡಿನ ಸರ್ವ ಜಾತಿ ಜನಾಂಗದ ಶ್ರೇಯೋಭಿವೃದ್ಧಿ ಬಯಸುವ ಮೌನ ಅನುಷ್ಠಾನ, ತಪಸ್ಸು, ನಿರಂತರ ಉಪವಾಸದಂತಂಹ ಕಠೋರ ವ್ರತಗಳನ್ನು ಮಾಡಲು ಮುಂದಾಗಬೇಕು. ಇದು ಮಠಮಾನ್ಯಗಳ ಮೇಲೆ ಭಕ್ತವೃಂದದ ಶ್ರದ್ಧೆಗೆ ಕಾರಣವಾಗುತ್ತದೆ. ಅಲ್ಲದೆ, ಸ್ವಾಮೀಜಿಗಳ ಮೌಲ್ಯ ಹೆಚ್ಚಿಸುತ್ತದೆ ಎಂದು ಹೇಳಿದರು.

ಸನ್ಮಾನ ಸ್ವೀಕರಿಸಿ ಮಾತನಾಡಿದ ಶಾಸಕ ಸಿ.ಎಂ. ಉದಾಸಿ, ಅಧಿಕಾರ, ಹಣ ಮತ್ತು ಉದ್ಯೋಗವೇ ಜೀವನ ಎಂದು ತಿಳಿಯುತ್ತಿರುವ ಇಂದಿನ ಬಹುತೇಕ ಜನರು, ಮಾನವೀಯ ಮೌಲ್ಯ, ನೈತಿಕತೆಯನ್ನು ಮರೆಯುತ್ತಿದ್ದಾರೆ. ಎಲ್ಲರನ್ನೂ ಎಚ್ಚರಿಸಿ ಜಾಗೃತಿ ಮೂಡಿಸುತ್ತಿರುವ ಅಧ್ಯಾತ್ಮ ಕೇಂದ್ರಗಳಿಗೆ ಆಡಳಿತ ವ್ಯವಸ್ಥೆಯಿಂದಲೂ ವಿಶೇಷ ಪ್ರೋತ್ಸಾಹ ಅಗತ್ಯ ಎಂದು ಹೇಳಿದರು.

ಶ್ರೀಗಳ ಮಂಗಲ ನುಡಿ: ಮೌನಾನುಷ್ಠಾನದ ನಂತರ ಮಂಗಲ ನುಡಿಗಳನ್ನಾಡಿದ ಶಿವಬಸವ ಸ್ವಾಮೀಜಿ, ಅರೆಮಲೆನಾಡು ಪ್ರದೇಶವಾದ ಈ ಭಾಗದಲ್ಲಿ ಕಳೆದ ಮೂರು ವರ್ಷಗಳಿಂದ ಹೇಳಿಕೊಳ್ಳುವಂತಹ ಮಳೆ- ಬೆಳೆಯಾಗುತ್ತಿಲ್ಲ. ಹಾನಗಲ್ಲ ಕುಮಾರೇಶ್ವರರ ಮತ್ತು ಲಿಂ. ಚನ್ನವೀರೇಶ್ವರ ಸ್ವಾಮೀಜಿಗಳ ತತ್ವದಂತೆ ಒಂದು ತಿಂಗಳಕಾಲ ಕೋಟಿ, ಕೋಟಿ ಜಪಗೈದು ಅನಾಗರಿಕತೆ ದೂರವಾಗಿ, ಸಮೃದ್ಧಿ, ಸಾತ್ವಿಕ, ಜಾತ್ಯಾತೀತ ಸಮಾಜ ನಿರ್ವಣವಾಗಲು ಮೌನಾನುಷ್ಠಾನದ ಮೂಲಕ ಪ್ರಾರ್ಥಿಸಲಾಗಿದೆ. ಈ ಪುಣ್ಯ ಪರಂಪರೆ ಮುಂದುವರಿಸಲಾಗುವುದು ಎಂದು ಹೇಳಿದರು.

ಕೂಡಲದ ಗುರುಮಹೇಶ್ವರ ಶಿವಾಚಾರ್ಯ ಸ್ವಾಮೀಜಿ, ಮೂಲೆಗದ್ದೆಯ ಶಾಂತಕುಮಾರ ಸ್ವಾಮೀಜಿ, ಮುತ್ತಿನಕಂತಿಮಠದ ಚಂದ್ರಶೇಖರ ಶಿವಾಚಾರ್ಯ ಸ್ವಾಮೀಜಿ ಆಶೀರ್ವಚನ ನೀಡಿದರು.

ನಿವೃತ್ತ ಪ್ರಾಚಾರ್ಯ ಕೆ.ಎಸ್. ಕುಂಬಾರ ದಂಪತಿ ಹಾಗೂ ಶಾಸಕ ಉದಾಸಿ ಅವರನ್ನು ಸನ್ಮಾನಿಸಲಾಯಿತು. ಗಂಗಪ್ಪ ಸಾಲವಟಿಗಿ, ನಿರಂಜನಪ್ಪ ಪಾವಲಿ, ಸಿ.ಸಿ. ಬೆಲ್ಲದ, ಎಸ್.ಬಿ. ತುಪ್ಪದ, ರಾಜಣ್ಣ ಗೌಳಿ, ಉದಯಕುಮಾರ ವಿರಪಣ್ಣವರ, ಕುಮಾರ ದೇಶಮುಖ, ಸದಾನಂದ ಉಡುಪ, ಕೊಟ್ರಪ್ಪ ಬೆಲ್ಲದ, ರಾಜಶೇಖರ ಪರೆಗೊಂಡರ, ಷಣ್ಮುಖಪ್ಪ ಮುಚ್ಚಂಡಿ, ಬಸವರಾಜ ಕೋರಿ, ರಾಜಣ್ಣ ಚವಟಿ, ಇತರರು ಉಪಸ್ಥಿತರಿದ್ದರು.

Leave a Reply

Your email address will not be published. Required fields are marked *

Back To Top