Monday, 25th June 2018  

Vijayavani

ನಿಗಮ ಮಂಡಳಿಗಳಿಗೆ ಅಧ್ಯಕ್ಷರ ನೇಮಕ ವಿಚಾರ- ಪರಂ, ಸಿದ್ದು ನಡುವೆ ಮೂಡದ ಒಮ್ಮತ- ಸಿದ್ದು ಟ್ರೀಟ್‌ಮೆಂಟ್‌ ಮುಗಿಯೋವರೆಗೂ ವೇಟಿಂಗ್‌        ಸಾಲಮನ್ನಾ ಹೇಗೆ ಮಾಡ್ತಾರೆ ಕಾದು ನೋಡ್ತೀನಿ- ಜೆಡಿಎಸ್‌ ಅಂದಿದಕ್ಕೆಲ್ಲಾ ತಲೆ ಅಲ್ಲಾಡಿಸಬೇಡಿ- ಪರಂಗೆ ಸಿದ್ದರಾಮಯ್ಯ ಕಿವಿಮಾತು        ಐಎಎಸ್‌ ಅಧಿಕಾರಿಗಳ ಫೀಡ್‌ಬ್ಯಾಕ್‌ ಕೇಳಿದ ಕೇಂದ್ರ- ಎಲ್ಲಾ ರಾಜ್ಯಗಳಿಗೂ ಸುತ್ತೋಲೆ ರವಾನೆ- ಬಡ್ತಿ ವಿಚಾರದಲ್ಲಿ ಹೊಸ ಹೆಜ್ಜೆ ಇಟ್ಟ ಮೋದಿ ಸರ್ಕಾರ        ಸಿಎಂ ಗ್ರಾಮ ವಾಸ್ತವ್ಯದ ಫಲದಿಂದ ಬಂತು ಬಸ್‌- ಎಚ್‌ಡಿಕೆ ಸೇತುವೆ ಭರವಸೆ ಠುಸ್‌- ಕುಮಾರಸ್ವಾಮಿ ಗ್ರಾಮ ವಾಸ್ತವ್ಯದ ಗ್ರೌಂಡ್‌ ರಿಪೋರ್ಟ್‌        ಕೈಗಾ ಸುತ್ತಮುತ್ತಾ ಕ್ಯಾನ್ಸರ್‌ ಭೀತಿ- ಭಯ ಪಡಬೇಡಿ ಇದು ಕೇವಲ ವದಂತಿ- ಉತ್ತರಕನ್ನಡ ಜನತೆಗೆ ಜಿಲ್ಲಾಧಿಕಾರಿ ಅಭಯ        ಊಟ, ತಿಂಡಿ, ಸ್ನ್ಯಾಕ್ಸ್‌ ಎಲ್ಲದಕ್ಕೂ ಅದೇ- 19 ವರ್ಷದಿಂದ ಪಾರ್ಲೆ ಜಿ ಬಿಸ್ಕೆಟ್‌ ತಿಂದೇ ಜೀವನ- ಚಿಕ್ಕೋಡಿ ಯುವತಿ ವೈದ್ಯಲೋಕಕ್ಕೆ ಸವಾಲ್‌       
Breaking News

ವೀರೂ​ ಪ್ರಕಾರ ಇಂಗ್ಲೆಂಡ್​ ಸರಣಿ ಗೆಲ್ಲೋಕೆ ಈ ಆಟಗಾರ ಬೇಕೆ ಬೇಕಂತೆ?

Monday, 11.06.2018, 10:01 AM       No Comments

ನವದೆಹಲಿ: ಮುಂದಿನ ತಿಂಗಳು ಟೀಂ ಇಂಡಿಯಾ ಟೆಸ್ಟ್​, ಏಕದಿನ ಮತ್ತು ಟಿ-20 ಸರಣಿಗಳಿಗಾಗಿ ಇಂಗ್ಲೆಂಡ್​ಗೆ ಪ್ರವಾಸ ಬೆಳೆಸಲಿದೆ. ಇಂಗ್ಲೆಂಡ್ ಸರಣಿ ಗೆಲ್ಲಲೇಬೇಕೆಂದು ಭಾರತ ಸಾಕಷ್ಟು ತಯಾರಿಯನ್ನು ಕೂಡ ಮಾಡಿಕೊಳ್ಳುತ್ತಿದೆ. ಆದರೆ, ಇಂಗ್ಲೆಂಡ್​ ಪ್ರವಾಸದ ಬಗ್ಗೆ ಸೆಹ್ವಾಗ್​ ಹೇಳಿರುವ ಮಾತು ಟೀಂ ಇಂಡಿಯಾ ಪಾಳಯದಲ್ಲಿ ಭಯ ಹುಟ್ಟಿಸಿದೆ.

ಹೌದು, ವಿರೇಂದ್ರ ಸೆಹ್ವಾಗ್​ ಅವರು ಟೀ ಇಂಡಿಯಾ ಪರ ಸಾಕಷ್ಟು ಪಂದ್ಯಗಳನ್ನಾಡಿದ್ದಾರೆ. ಅದರಲ್ಲೂ ಇಂಗ್ಲೆಂಡ್​ ನೆಲದಲ್ಲಿ ಆಡಿದ ಅನುಭವ ಹೊಂದಿದ್ದಾರೆ. ಈ ಅನುಭವದಿಂದಲೇ ಸೆಹ್ವಾಗ್​ ಟೀಂ ಇಂಡಿಯಾಕ್ಕೆ ಎಚ್ಚರಿಕೆಯೊಂದನ್ನು ನೀಡಿದ್ದಾರೆ. ಈ ಒಬ್ಬ ಆಟಗಾರನಿಲ್ಲದೇ ಇಂಗ್ಲೆಂಡ್​ ತಂಡವನ್ನು ಎದುರಿಸಿದ್ದೇ ಆದಲ್ಲಿ ಸರಣಿ ಗೆಲ್ಲೋದು ಕಷ್ಟವಾಗಲಿದೆ ಎಂದು ಸೆಹ್ವಾಗ್​ ಕಡ್ಡಿಮುರಿದಂತೆ ಹೇಳಿದ್ದಾರೆ.

ಯಾರದು ವಿರೂ ಹೇಳಿದ ದಾಂಡಿಗ?
ಇತ್ತೀಚೆಗಷ್ಟೇ ಫೇಸ್​ಬುಕ್​ ಲೈವ್​ ಬಂದಿದ್ದ ಸೆಹ್ವಾಗ್​ಗೆ ಫ್ಯಾನ್​ ಒಬ್ಬರು ಕೊಹ್ಲಿ ಫಿಟ್ನೆಸ್​ ಬಗ್ಗೆ ಪ್ರಶ್ನೆ ಮಾಡಿದ್ದಾರೆ. ಆಗ ಕೊಹ್ಲಿ ಫಿಟ್ನೆಸ್​ ಸಮಸ್ಯೆ ಎದುರಿಸುತ್ತಿರುವುದು ನಿಜ. ಹೀಗಾಗಿ ಕೌಂಟಿಯಲ್ಲಿ ಆಡುತ್ತಿಲ್ಲ. ಕೌಂಟಿಯಲ್ಲಿ ಆಡದೇ ಇರೋದ್ರಿಂದ ಯಾವುದೇ ಸಮಸ್ಯೆಯಿಲ್ಲ. ಆದರೆ, ಇಂಗ್ಲೆಂಡ್​ ಪ್ರವಾಸದಲ್ಲಿ ಕೊಹ್ಲಿ ಆಡದೇ ಇದ್ದರೆ ಮಾತ್ರ ತಂಡದ ಗೆಲುವು ಕಷ್ಟವಾಗಲಿದೆ ಎಂದಿದ್ದಾರೆ.

ಇದು ವೀರೂ ಟೀಂ ಇಂಡಿಯಾಗೆ ನೀಡಿರುವ ಎಚ್ಚರಿಕೆಯ ಘಂಟೆ. ಟೀಂ ಇಂಡಿಯಾ ಹುಡುಗರು ಇಂಗ್ಲೆಂಡ್​ನಲ್ಲಿ ಆಡುವಾಗ ಎಚ್ಚರಿಕೆಯಿಂದ ಹೆಜ್ಜೆ ಇಡಬೇಕಾಗುತ್ತದೆ. ಟೀಂ ಇಂಡಿಯಾ ಆಟಗಾರರು ತವರಿನಲ್ಲಿ ಹುಲಿ. ವಿದೇಶದಲ್ಲಿ ಇಲಿ ಎಂಬುವ ಹಣೆಪಟ್ಟಿಯನ್ನ ಅಳಿಸಿಹಾಕಬೇಕಾದರೆ ಕ್ರಿಕೆಟ್ ಜನಕರಿಗೆ ಅವರದ್ದೇ ನಾಡಿನಲ್ಲಿ ಕ್ರಿಕೆಟ್ ಪಾಠ ಮಾಡಬೇಕಾಗಿದೆ. (ಏಜೆನ್ಸೀಸ್​)

Leave a Reply

Your email address will not be published. Required fields are marked *

Back To Top