Thursday, 18th October 2018  

Vijayavani

ಅಭಿಮಾನಿಗಳ ಪಾಲಿಗೆ ಮಳೆರಾಯನೇ ವಿಲನ್​​​​​​​​​-ದಾವಣಗೆರೆಲಿ ಮುಂಜಾನೆಯ ಚಿತ್ರ ಪ್ರದರ್ಶನ ರದ್ದು- ಆಯುಧಪೂಜಾ ಸಂಭ್ರಮ ಮಂಕು        ಶಿವಮೊಗ್ಗದಲ್ಲೂ ವಿಲನ್​​ ಚಿತ್ರಕ್ಕೆ ಬ್ರೇಕ್​-ಮಧ್ಯರಾತ್ರಿ ಪ್ರದರ್ಶನಕ್ಕೆ ಪೊಲೀಸರ ಅಡ್ಡಿ-ಥಿಯೇಟರ್​​​​​ ಬಳಿ ಅಭಿಮಾನಿಗಳ ಜಾಗರಣೆ        ನಾಡಿನಾದ್ಯಂತ ನವರಾತ್ರಿ ವೈಭವ-ಇಂದು ಆಯುಧಪೂಜೆ ಸಂಭ್ರಮ-ಅತ್ತ ಅರಮನೆಯಲ್ಲಿ ಶಸ್ತ್ರಾಸ್ತ್ರ ಪೂಜೆಗೆ ಕ್ಷಣಗಣನೆ        ಯುವದಸರಾಗೆ ಬಿತ್ತು ಅದ್ಧೂರಿ ತೆರೆ-ರಾಕಿಂಗ್​​ ಸ್ಟಾರ್​ ಡೈಲಾಗ್​​ಗೆ ಫುಲ್​​​ ಖುಷ್​-ಕೊನೆ ದಿನ ಕುಣಿದು ಕುಪ್ಪಳಿಸಿದ ಯುವಕರು        ಲಿಂಗಾಯತ ಪ್ರತ್ಯೇಕ ಧರ್ಮ ತಪ್ಪು-ಧರ್ಮ, ಜಾತಿ ವಿಚಾರಕ್ಕೆ ಸರ್ಕಾರ ಕೈ ಹಾಕಬಾರದು-ತಪ್ಪೊಪ್ಪಿಕೊಂಡ ಸಚಿವ ಡಿಕೆಶಿ        ಅಂಬಿ ಮನೆಗೆ ಮಂಡ್ಯ ಜೆಡಿಎಸ್​​​​ ಕ್ಯಾಂಡಿಡೇಟ್​-ಕ್ಯಾಂಪೇನ್​​​​ಗೆ ಬರುವಂತೆ ರೆಬಲ್​ಗೆ​​​​​​ ಇನ್ವೇಟ್​-ಅಶೀರ್ವಾದ ಪಡೆದ ಶಿವರಾಮೇಗೌಡ       
Breaking News

ಉದ್ಯಮಿಯಿಂದ ಹಸಿರಾಯ್ತು ಬರಡು ಭೂಮಿ

Monday, 11.06.2018, 3:00 AM       No Comments

| ಸಂದೀಪ್ ಸಾಲ್ಯಾನ್ ಬಂಟ್ವಾಳ

ಹುಟ್ಟೂರಿನಲ್ಲಿ ಸಾಕಷ್ಟು ಕೃಷಿ ಯೋಗ್ಯ ಭೂಮಿಯಿದ್ದರೂ ಉದ್ಯೋಗ ನಿಮಿತ್ತ ಹಲವು ಮಂದಿ ಮುಂಬೈ, ವಿದೇಶಗಳಿಗೆ ಹೋಗಿ ನೆಲೆ ಕಂಡುಕೊಳ್ಳುತ್ತಾರೆ. ಹೀಗಾಗಿ, ಉದ್ಯೋಗದ ವಲಸೆಯಿಂದಲೂ ಕರಾವಳಿ ಜಿಲ್ಲೆಗಳಲ್ಲಿ ಕೃಷಿ ಭೂಮಿಗಳು ಬರಡಾಗುತ್ತಿರುವುದನ್ನು ಈಗ ಕಾಣಬಹುದು. ಆದರೆ ಇಲ್ಲೊಬ್ಬರು ಉದ್ಯೋಗ ನಿಮಿತ್ತ ಮುಂಬೈಯಲ್ಲಿ ನೆಲೆಸಿದ್ದರೂ, ಕಳೆದ ಹಲವು ವರ್ಷಗಳಿಂದ ಬರಡು ಬಿದ್ದಿದ್ದ ಜಮೀನಿನಲ್ಲಿ ತೋಟಗಾರಿಕಾ ಬೆಳೆ ಬೆಳೆಸಿ ಮತ್ತೆ ಹಸಿರು ಕಂಗೊಳಿಸುವಂತೆ ಮಾಡಿದ್ದಾರೆ.

ಮಂಗಳೂರು ತಾಲೂಕಿನ ಇರುವೈಲು ದೊಡ್ಡಗುತ್ತುವಿನ ದೇವರಾಜ ರೈ ಉದ್ಯೋಗ ನಿಮಿತ್ತ ಮುಂಬೈಯಲ್ಲಿ ನೆಲೆಸಿ ಬಳಿಕ ಅಲ್ಲೇ ಉದ್ಯಮಿಯಾಗಿ ಬೆಳೆದವರು. ಮುಂಬೈಯಲ್ಲಿ ನೆಲೆಸಿದ ಪರಿಣಾಮ ಊರಲ್ಲಿದ್ದ ಹಿರಿಯರ 10 ಎಕರೆ ಕೃಷಿ ಭೂಮಿ ಬೆಳೆಯಿಲ್ಲದೆ ಬರಡಾಗಿತ್ತು. ಪಾಳು ಭೂಮಿ ಹಾಗೂ ಗುಡ್ಡ ಪ್ರದೇಶವನ್ನು ಮತ್ತೆ ಕೃಷಿ ಭೂಮಿಯನ್ನಾಗಿ ಪರಿವರ್ತಿಸಬೇಕೆಂದು ಪಣತೊಟ್ಟ ಅವರು ಅಡಕೆ, ತೆಂಗು, ಬಾಳೆ ಮತ್ತಿತರ ತೋಟಗಾರಿಕಾ ಬೆಳೆ ಬೆಳೆದು ಕೃಷಿಯತ್ತ ಮುಖ ಮಾಡಿದ್ದಾರೆ. ಬರಡಾಗಿದ್ದ ಭೂಮಿಯಲ್ಲಿ 1,200 ಅಡಕೆ, 400 ಹೈಬ್ರೀಡ್ ಕೆಂದಾಳೆ, ಬಾಳೆ ಬೆಳೆಸಿದ್ದಾರೆ. ಮೀನು ಸಾಕಾಣಿಕೆಯನ್ನೂ ಆರಂಭಿಸಿದ್ದಾರೆ. ಸ್ಥಳೀಯ ಶಾಸಕರ ಅನುದಾನದಡಿ ನಿರ್ವಣಗೊಂಡಿರುವ ಕಿಂಡಿ ಅಣೆಕಟ್ಟು ಕೃಷಿಗೆ ನೀರಿನ ಆಸರೆಯಾಗಿದೆ.

ರೈತ ಸಂಘ ಪ್ರೇರಣೆ

ಹೋಟೆಲ್ ಉದ್ಯಮದಲ್ಲಿ ತೊಡಗಿಸಿಕೊಂಡಿದ್ದ ದೇವರಾಜ ರೈ ಅವರಿಗೆ ಕೃಷಿಯಲ್ಲಿ ಆಕರ್ಷಣೆ ಮೂಡುವಂತೆ ಮಾಡಿದ್ದು ರೈತ ಸಂಘ. ರೈತಸಂಘ ಜಿಲ್ಲಾ ಸಮಿತಿ ಪ್ರಧಾನ ಕಾರ್ಯದರ್ಶಿ ಮನೋಹರ ಶೆಟ್ಟಿ ಅವರ ಸಂಪರ್ಕದಿಂದಾಗಿ ಊರಲ್ಲಿದ್ದ ಹಡೀಲು ಭೂಮಿಯಲ್ಲಿ ಕೃಷಿ ಮಾಡಲು ದೇವರಾಜ ರೈ ಮನಸ್ಸು ಮಾಡಿದರು. ಅವರ ಸಹಕಾರ ಪಡೆದುಕೊಂಡು ತೋಟಗಾರಿಕಾ ಬೆಳೆ ಬೆಳೆಯಲು ಮುಂದಾದರು. ಮಂಗಳೂರು ತೆಂಗು ಉತ್ಪಾದಕರ ಫೆಡರೇಷನ್ ಮೂಲಕ ತೆಂಗಿನ ಗಿಡಗಳು ದೊರೆತವು. ಸಿಪಿಸಿಆರ್​ಐ ಕೃಷಿ ವಿಜ್ಞಾನಿಗಳಾದ ಡಾ. ಸಿರಿಲ್ ಹಾಗೂ ಡಾ. ವಿನಾಯಕ ಹೆಗ್ಡೆ ಅವರು ದೇವರಾಜ ರೈ ಕೃಷಿ ಆಸಕ್ತಿಗೆ ಪ್ರೋತ್ಸಾಹ ನೀಡಿದರು. ಸೂಕ್ತ ಮಾರ್ಗದರ್ಶನ ನೀಡಿ ಬರಡು ನೆಲ ಹಸಿರಿನಿಂದ ನಳನಳಿಸುವಂತೆ ಮಾಡುವಲ್ಲಿ ನೆರವಾದರು. ದೇವರಾಜ್ ಅವರ ಸಂಪರ್ಕಕ್ಕೆ: 9082622588.

ಮುಂಬೈಯಲ್ಲಿ ಹೋಟೆಲ್ ಉದ್ಯಮ ನಡೆಸುತ್ತಿದ್ದ ಕಾರಣ ಊರಿನಲ್ಲಿದ್ದ ಹಿರಿಯರ ಕೃಷಿ ಜಮೀನು ಹಡೀಲು ಬಿದ್ದಿತ್ತು. ರೈತ ಸಂಘ ಸಹಕಾರ ಹಾಗೂ ಸಿಪಿಸಿಆರ್​ಐ ಕೃಷಿ ವಿಜ್ಞಾನಿಗಳ ಮಾರ್ಗದರ್ಶನ ದಿಂದ ತೋಟಗಾರಿಕಾ ಬೆಳೆ ಬೆಳೆಸಲಾಗಿದೆ. ಹೊರ ಊರುಗಳಲ್ಲಿರುವ ಅನೇಕ ಜನರಿಗೆ ಅವರ ಸ್ವಂತ ಊರಲ್ಲಿ ಕೃಷಿ ಭೂಮಿಯಿರುತ್ತದೆ. ಎಲ್ಲರೂ ಕೃಷಿ ಮಾಡುವತ್ತ ಮನಸ್ಸು ಮಾಡಿದರೆ ಕರಾವಳಿ ಭೂಮಿ ಹಸಿರುಮಯವಾಗಲಿದೆ.

| ದೇವರಾಜ ರೈ ದೊಡ್ಡಗುತ್ತು

ಅನೇಕ ಮಂದಿ ಜೀವನ ನಿರ್ವಹಣೆಗಾಗಿ ಹೊರ ಊರುಗಳಿಗೆ ಹೋಗಿ ನೆಲೆಸುತ್ತಾರೆ. ಕೆಲವರ ಜಮೀನಿನಲ್ಲಿ ಕೃಷಿ ಆಗುತ್ತಿದ್ದರೆ ಬಹುತೇಕರ ಜಮೀನು ಬರಡಾಗಿರುತ್ತದೆ. ಆದರೆ ಬಂಜರು ನೆಲವನ್ನು ಹಸನುಗೊಳಿಸುವುದು ಪುಣ್ಯದ ಕೆಲಸ. ದೇವರಾಜ ರೈ ಅವರು ಕೃಷಿಯಲ್ಲಿ ಆಸಕ್ತಿ ಹೊಂದಿದ್ದು, ಅವರ ಹಿರಿಯರಿಂದ ಬಳವಳಿಯಾಗಿ ಬಂದಿರುವ ಜಮೀನಿನಲ್ಲಿ ಕೃಷಿ ಆರಂಭಿಸಿರುವುದು ಖುಷಿಯ ವಿಚಾರ.

| ಮನೋಹರ ಶೆಟ್ಟಿ ಪ್ರಧಾನ ಕಾರ್ಯದರ್ಶಿ ರೈತಸಂಘ ದ.ಕ. ಜಿಲ್ಲಾ ಸಮಿತಿ

Leave a Reply

Your email address will not be published. Required fields are marked *

Back To Top