Saturday, 20th October 2018  

Vijayavani

ಚೀಪ್ ಮೆಂಟಾಲಿಟಿ ನನಗಿಲ್ಲ - ಇದರ ಹಿಂದೆ ಕೈವಾಡ ಇರಬಹುದು - ನಟಿ ಶ್ರುತಿ ಹರಿಹರನ್ ಆರೋಪ ತಳ್ಳಿಹಾಕಿದ ಅರ್ಜುನ್ ಸರ್ಜಾ        ಸ್ಯಾಂಡಲ್​ವುಡ್​​ನಲ್ಲಿ ಮೀ ಟೂ - ನಾಳೆ ಸುದ್ದಿಗೋಷ್ಠಿಯಲ್ಲಿ ಶ್ರುತಿ ಹಾಕ್ತಾರಾ ಬಾಂಬ್ - ನಟಿ ವಿರುದ್ಧ ಗುಡುಗಿದ ಅರ್ಜುನ್ ಸರ್ಜಾ ಅತ್ತೆ        ಧರ್ಮ ವಿಚಾರದಲ್ಲಿ ಡಿಕೆಶಿ ಕ್ಷಮೆಯಾಚನೆಗೆ ಸಿದ್ದು ಸಿಟ್ಟು - ಒಂದೇ ವೇದಿಯಲ್ಲಿದ್ರೂ ಮುಖ ಮುಖ ನೋಡಲಿಲ್ಲ - ಜಂಟಿ ಸುದ್ದಿಗೋಷ್ಠಿಯಲ್ಲಿ ನಾಯಕರ ಮಹಾ ಮುನಿಸು        ಜೆಡಿಎಸ್‌, ಕಾಂಗ್ರೆಸ್‌ನ ಸುದ್ದಿಗೋಷ್ಠಿ - ಕಾಂಗ್ರೆಸ್‌, ಜೆಡಿಎಸ್‌ ಜಂಟಿ ಸಮರಕ್ಕೆ ಬಿಜೆಪಿ ವ್ಯಂಗ್ಯ- ಟ್ವೀಟ್‌ ಮೂಲಕ ಟಾಂಗ್‌        ಒಂದೇ ಮನಸ್ಸು ಎರಡು ದೇಹ ಅಂದ್ರು ಸಿಎಂ - ಈ ಜನ್ಮದಲ್ಲಿ ಗೌಡ್ರು-ಸಿದ್ದು ಒಂದಾಗಲ್ಲ ಅಂದ್ರು ಕಾರಜೋಳ - ದೋಸ್ತಿಗಳಿಗೆ ಬಿಜೆಪಿ ನಾಯಕರ ಟಕ್ಕರ್        ಗದಗಿನ ತೋಂಟದಾರ್ಯ ಶ್ರೀಗಳು ಲಿಂಗೈಕ್ಯ - ಹೃದಯಾಘಾತದಿಂದ ಗದಗ್‌ನ ಖಾಸಗಿ ಆಸ್ಪತ್ರೆಯಲ್ಲಿ ವಿಧಿವಶ - ನಾಳೆ ಗದಗದಲ್ಲಿ ಅಂತ್ಯಕ್ರಿಯೆ       
Breaking News

ವಿಶ್ವಾಸ ತುಂಬುವ ಕೆಲಸ ಮಾಡೋಣ

Saturday, 11.08.2018, 3:02 AM       No Comments

| ಚಿದಂಬರ ಮುನವಳ್ಳಿ

ರೈತನೊಬ್ಬ ತಾನು ಶ್ರಮವಹಿಸಿ ಬೆಳೆದ ಉತ್ತಮ ದರ್ಜೆಯ ದಾಳಿಂಬೆ ಯನ್ನು ಸಂತೆಯಲ್ಲಿ ಮಾರಲೆಂದು ಬುಟ್ಟಿಗಳಲ್ಲಿ ತುಂಬುತ್ತಿರುವಾಗ, ಸುತ್ತಲಿನ ಜನ ‘ಈ ಸಲ ಭರ್ಜರಿ ದಾಳಿಂಬೆ ಬಂದಿದ್ದು, ದರ ಕುಸಿದಿದೆ

ಯಂತೆ; ಮಾರುವವರಿಗೆ ಏನೂ ಸಿಗಲಿಕ್ಕಿಲ್ಲವೇನೋ…’ ಎಂದು ಮಾತ ನಾಡುತ್ತಿದ್ದುದು ಕೇಳಿಸಿತು. ಈ ಮಾತಿನಿಂದ ಅವನು ಆತಂಕಗೊಂಡಾಗ, ‘ಹತಾಶರಾಗಬೇಡಿ. ನಮ್ಮ ಹಣ್ಣುಗಳು ಉತ್ತಮ ದರ್ಜೆಯವು; ಒಳ್ಳೆಯ ಬೆಲೆಗೇ ಮಾರಲು ಯತ್ನಿಸಿ’ ಎಂದು ಹೆಂಡತಿ ಭರವಸೆ ತುಂಬಿದಳು.

ಸಂತೆಗೆ ಬಂದ ಗಂಡನಿಗೆ ಅದಾಗಲೇ ಬಗೆಬಗೆಯ ದಾಳಿಂಬೆಗಳು ಬಂದಿರುವುದು ಕಂಡು ಹಿಂಜರಿಕೆ-ಹೆದರಿಕೆ ಆಯಿತು. ಆದರೂ ಆರಂಭದಲ್ಲೇ ದರ ಕಡಿಮೆಮಾಡುವುದು ಬೇಡವೆಂದು ನಿರ್ಧರಿಸಿ, ತನ್ನ ದಾಳಿಂಬೆಯ ಗುಣಮಟ್ಟಕ್ಕೆ ತಕ್ಕಂತೆ ಯೋಗ್ಯಬೆಲೆಯನ್ನೇ ನಿಗದಿಪಡಿಸಿದ. ಅಚ್ಚರಿ ಯೆಂಬಂತೆ ಗಿರಾಕಿಗಳು ಅವನಿಂದಲೇ ಕೊಳ್ಳಲಾರಂಭಿಸಿದರು. ಹಣ್ಣುಗಳೆಲ್ಲ ನಿಗದಿತ ಬೆಲೆಗೇ ಮಾರಾಟ

ವಾದವು, ಹಣ ತೃಪ್ತಿಕರವಾಗೇ ಜಮೆಯಾಗಿತ್ತು. ಸಂತೆ ಮುಗಿಯುವ ವೇಳೆಯಾಯಿತು. ಮನೆಗೆ ಒಯ್ಯಬೇಕಾದ ಪದಾರ್ಥಗಳ ಜತೆಗೆ ಹೆಂಡತಿಗೊಂದು ಸೀರೆಯನ್ನೂ ಖರೀದಿಸಿ ಮನೆಗೆ ಬಂದ.

ಅಷ್ಟು ಹೊತ್ತಿಗಾಗಲೇ ಹೆಂಡತಿ ಕೈಕಾಲು ತೊಳೆಯಲು ಬಿಸಿನೀರು ಕಾಯಿಸಿಟ್ಟಿದ್ದಳು, ಅಡುಗೆ ಮನೆಯಲ್ಲಿ ಪಾಯಸ ಸೇರಿದಂತೆ ರುಚಿಕಟ್ಟಾದ ಊಟ ತಯಾರಾಗಿತ್ತು. ‘ನಾನು ಒಯ್ದಿದ್ದ ಹಣ್ಣು ಒಳ್ಳೆಯ ಬೆಲೆಗೇ ಮಾರಾಟವಾಯಿತು…’ ಎನ್ನುತ್ತ ಹೆಂಡತಿಯೊಂದಿಗೆ ಆತ ಖುಷಿಯಿಂದ ಮಾತಿಗಿಳಿಯಲು ಹೋದಾಗ ಆಕೆ ಮುಗುಳ್ನಗುತ್ತ, ‘ನನಗೆ ಆ ಬಗ್ಗೆ ಸಂಪೂರ್ಣ ವಿಶ್ವಾಸವಿತ್ತು; ದಣಿದಿದ್ದೀರಿ, ಮೊದಲು ಊಟ ಮಾಡಿ. ನಂತರ ಮಾತಾಡೋಣವಂತೆ’ ಎಂದಳು. ಆಗ ಅವನು ಕುತೂಹಲಕ್ಕೆಂಬಂತೆ, ‘ಒಂದು ವೇಳೆ ನಮ್ಮ ಹಣ್ಣುಗಳಿಗೆ ಉತ್ತಮ ಬೆಲೆ ದಕ್ಕದೆ, ಹೋದಷ್ಟಕ್ಕೆ ಹೋಗಲಿ ಎಂದು ಮಾರಿಬಿಟ್ಟಿದ್ದಿದ್ದರೆ ಅಥವಾ ಮಾರದೆ ಮನೆಗೆ ಖಾಲಿ ಕೈಯಲ್ಲಿ ಬಂದಿದ್ದಿದ್ದರೆ ಆಗಲೂ ನನ್ನನ್ನು ಹೀಗೇ ಸ್ವಾಗತಿಸುತ್ತಿದ್ದೆಯಾ?’ ಎಂದು ಹೆಂಡತಿಯನ್ನು ಕೇಳಿದ. ಆಗ ಆಕೆ ಹೇಳುತ್ತಾಳೆ- ‘ಆಗಲೂ ಹೀಗೇ ಆದರಿಸುತ್ತಿದ್ದೆ. ನಿಜ ಹೇಳಬೇಕೆಂದರೆ ಇದಕ್ಕಿಂತ ಹೆಚ್ಚಿನ ರೀತಿಯಲ್ಲೇ ನಿಮ್ಮ ಕುರಿತು ಕಾಳಜಿ ವಹಿಸುತ್ತಿದ್ದೆ. ಏಕೆಂದರೆ ಅಂಥ ಸ್ಥಿತಿಯಲ್ಲೇ ನಿಮಗೆ ನನ್ನ ಬೆಂಬಲ, ಸಾಂತ್ವನದ ಅಗತ್ಯ ಹೆಚ್ಚಿರುತ್ತದೆ. ನೀವು ಸಂತೆಯಲ್ಲಿ ಸೋತರೂ ಮನದಲ್ಲಿ ಸೋಲಬಾರದೆಂಬುದು ನನ್ನ ಬಯಕೆ. ನಾನು ಇಷ್ಟೆಲ್ಲ ಮಾಡಿದ್ದು, ಮಾಡುತ್ತಿರುವುದು ನೀವು ತರುವ ದುಡ್ಡಿಗಾಗಿ ಅಲ್ಲ; ನೀವು ಪಟ್ಟ ಶ್ರಮಕ್ಕೆ. ಎಲ್ಲಕ್ಕಿಂತ ಮಿಗಿಲಾಗಿ, ಇದರ ಹಿಂದಿರುವುದು ನಿಮ್ಮ ಮೇಲಿನ ವಿಶ್ವಾಸಭರಿತ ಪ್ರೀತಿ…’.

ಕೆಲವೊಮ್ಮೆ ಶಕ್ತಿಮೀರಿ ದುಡಿದಾಗಲೂ ಸೋಲುಂಟಾದಾಗ ಅವರಿವರ ಟೀಕೆಗಳಿಂದ ಹತಾಶರಾಗುತ್ತೇವೆ. ಆಗ ನಮಗೆ ಒತ್ತಾಸೆಯಾಗಿದ್ದು ಧೈರ್ಯ ನೀಡುವವರು ನಮ್ಮೊಂದಿಗಿದ್ದರೆ ಹತಾಶೆ ಕುಗ್ಗಿ, ಆತ್ಮವಿಶ್ವಾಸ ಹಿಗ್ಗುತ್ತದೆ. ‘ಇಂಥ ಸೋಲಿಗೆ ಹೆದರಬೇಡ; ನಿನ್ನಲ್ಲಿ ಸಾಮರ್ಥ್ಯವಿದೆ’ ಎಂಬುದಾಗಿ ಹುರಿದುಂಬಿಸಿ ನಮ್ಮ ಕರ್ತೃತ್ವಶಕ್ತಿಯ ಮೇಲೆ ವಿಶ್ವಾಸವಿಡುವ, ಬೇಷರತ್ತಾದ ಪ್ರೀತಿ ನೀಡುವ ಜನರ ಸಾಂಗತ್ಯದಲ್ಲಿರೋಣ. ಜತೆಗೆ ನಾವೂ ಅಂಥವರಲ್ಲಿ ಒಬ್ಬರಾಗಿ, ಮಿಕ್ಕವರಲ್ಲಿ ಆತ್ಮವಿಶ್ವಾಸ ತುಂಬುವ ಕೆಲಸ ಮಾಡೋಣ.

(ಲೇಖಕರು ನಿವೃತ್ತ ಬ್ಯಾಂಕ್ ಅಧಿಕಾರಿ)

(ಪ್ರತಿಕ್ರಿಯಿಸಿ: [email protected])

Leave a Reply

Your email address will not be published. Required fields are marked *

Back To Top