Wednesday, 19th September 2018  

Vijayavani

ಆಸ್ಪತ್ರೆಯಿಂದ ಸಚಿವ ಡಿ.ಕೆ. ಶಿವಕುಮಾರ್​​ ಡಿಸ್ಚಾರ್ಜ್ - ಕೆಲವೇ ಕ್ಷಣಗಳಲ್ಲಿ ಸುದ್ದಿಗೋಷ್ಠಿ - ಎಟಿಎಂ ಆರೋಪಕ್ಕೆ ಉತ್ತರಿಸ್ತಾರಾ?        ಗಾಂಧಿ ಕುಟುಂಬಕ್ಕೆ ಎಟಿಎಂ ಅಂತೆ ಡಿಕೆಶಿ - ಎಐಸಿಸಿಗೆ 600 ಕೋಟಿ ಆಗಿದ್ಯಂತೆ ಡೆಪಾಸಿಟ್ - ಡಿಕೆಶಿ ವಿರುದ್ಧ ಆರೋಪಗಳ ಪಟ್ಟಿ        ಇಡಿ ಪ್ರಕರಣದಲ್ಲಿ ಡಿಕೆಶಿ ಬಂಧನ ಖಚಿತ - ಅರೆಸ್ಟ್‌ ಬೆನ್ನಲ್ಲೇ ಮೈತ್ರಿ ಸರ್ಕಾರ ಖತಂ - ಬಿಜೆಪಿ ರಾಜ್ಯಾಧ್ಯಕ್ಷ ಬಿಎಸ್‌ವೈ ಭವಿಷ್ಯ        ಬೆಂಗ್ಳೂರು ರಸ್ತೆ ಗುಂಡಿಗೆ ಹೈಕೋರ್ಟ್ ಗರಂ - ಬೆಳಗ್ಗೆಯೊಳಗೆ ಗುಂಡಿ ಮುಚ್ಚಿಸಿ - ಕೆಲ್ಸ ಮಾಡದಿದ್ರೆ ಬಿಬಿಎಂಪಿ ಬಂದ್ ಅಂದ್ರು ಸಿಜೆ        ನವಾಜ್​​ ಷರೀಫ್​ಗೆ ರಿಲೀಫ್ - ಜೈಲಿನಿಂದ ಪಾಕ್ ಮಾಜಿ ಪ್ರಧಾನಿ, ಪುತ್ರಿ ಬಿಡುಗಡೆ - ಇಸ್ಲಾಮಾಬಾದ್ ಹೈಕೋರ್ಟ್ ಆದೇಶ        ದುಬೈನಲ್ಲಿ ಏಷ್ಯಾಕಪ್ ಹಣಾಹಣಿ - ಹೈವೋಲ್ಟೇಜ್ ಮ್ಯಾಚ್​ಗೆ ಬದ್ಧ ವೈರಿಗಳು ಸಜ್ಜು - ಟಾಗ್‌ಗೆದ್ದ ಪಾಕ್‌ ಬ್ಯಾಟಿಂಗ್‌ ಆಯ್ಕೆ       
Breaking News

31 ನರಭಕ್ಷಕರ ಕೊಂದ ಬೇಟೆಗಾರ!

Thursday, 12.07.2018, 3:02 AM       No Comments

ಕಾಡುಮೃಗಗಳನ್ನು ಬೇಟೆಯಾಡುವಂತಿಲ್ಲ ಎಂದು ಸರ್ಕಾರ ನಿರ್ಬಂಧ ಹೇರಿದ್ದರೂ, ಕೆಲವೊಮ್ಮೆ ಆತ್ಮರಕ್ಷಣೆ ಹಾಗೂ ನಮ್ಮ ಸುತ್ತಮುತ್ತಲಿನ ಜನರ ಜೀವಹಾನಿ ತಡೆಯಲು, ದಾಳಿ ಮಾಡುವ ಮೃಗಗಳನ್ನು ಕೊಲ್ಲುವುದು ಅನಿವಾರ್ಯವಾಗುತ್ತದೆ. ಮನುಷ್ಯನ ರಕ್ತದ ರುಚಿ ಕಂಡ ಸಿಂಹ, ಹುಲಿ, ಚಿರತೆಯಂಥ ಪ್ರಾಣಿಗಳು ಮತ್ತೆ ಮತ್ತೆ ಮನುಷ್ಯರನ್ನು ಕೊಲ್ಲಲು ಹೊಂಚು ಹಾಕಿ ಅರಣ್ಯದ ಅಂಚಿನ ಗ್ರಾಮಗಳ ಮೇಲೆ ದಾಳಿನಡೆಸುತ್ತವೆ. ಇಂಥ ‘ನರಭಕ್ಷಕ’ ಪ್ರಾಣಿಗಳನ್ನು ಹುಡುಕಿ ಬೇಟೆಯಾಡಲೆಂದೆ ಉತ್ತರಾಖಂಡದಲ್ಲಿ ಗುಡ್ಡಗಾಡು ಪ್ರದೇಶದ ಪಟ್ಟಣ ಪೌರಿ ಘರ್​ವಾಲ್ ನಿವಾಸಿ ‘ಜಾಯ್ ಹುಕಿಲ್ ’ ಎಂಬಾತನಿಗೆ ಸ್ಥಳೀಯರು ಗುತ್ತಿಗೆ ಕೊಟ್ಟಿದ್ದಾರೆ. ಸರ್ಕಾರ ಕೂಡ ಇವರನ್ನು ನರಭಕ್ಷಕ ಪ್ರಾಣಿಗಳ ಹತ್ಯೆಗಾಗಿ ಹಲವು ಕಾರ್ಯಾಚರಣೆಗಳಲ್ಲಿ ಬಳಸಿಕೊಂಡಿದೆ. ಕುಮಾವೊನ್ ಮತ್ತು ಘರ್​ವಾಲ್ ಪರ್ವತಗಳಲ್ಲಿ ನೆಲೆಸಿದ್ದ 31 ನರಭಕ್ಷಕ ಹುಲಿ, ಚಿರತೆಗಳನ್ನು ಕೊಂದು, ಜಾಯ್ ಸ್ಥಳೀಯರ ಜೀವ ಉಳಿಸಿದ್ದಾರೆ.

ಬೆಟ್ಟ ಗುಡ್ಡ ಏರಲು ಬೊಲೆರೊ ಸಾಥ್

ಹಲವು ವರ್ಷಗಳಿಂದ ಮಾರುತಿ 800 ಕಾರಿನಲ್ಲಿ ಉತ್ತರಾಖಂಡದ ಹಲವು ಬೆಟ್ಟ ಗುಡ್ಡಗಳ ಅರಣ್ಯಗಳಲ್ಲಿ ಸಂಚರಿಸಿ ಬೇಟೆ ಹಾಗೂ ವಿವಿಧ ಕಾರ್ಯಾಚರಣೆಗಳನ್ನು ನಡೆಸಿದ್ದ ಜಾಯ್, ಪ್ರಸ್ತುತ ಬೊಲೆರೊ ಎಸ್​ಯುುವಿ ಬಳಸುತ್ತಾರೆ. ಜತೆಯಲ್ಲಿ ಒಬ್ಬ ಸಹಾಯಕನನ್ನು ಕರೆದೊಯ್ಯುತ್ತಾರೆ.

ಎನ್​ಸಿಸಿಯಲ್ಲಿ ಶೂಟಿಂಗ್ ತರಬೇತಿ

2007ರಿಂದ ಬೇಟೆಯಾಡುವುದನ್ನು ಆರಂಭಿಸಿದ ಜಾಯ್, ಶೂಟಿಂಗ್ ಕಲಿತಿದ್ದು ಎನ್​ಸಿಸಿಯಲ್ಲಿ. ಹಲವು ವರ್ಷಗಳ ಹಿಂದೆ 11 ಮಂದಿಯನ್ನು ಒಂದೇ ಬಾರಿಗೆ ಚಿರತೆಯೊಂದು ಬೇಟೆಯಾಡಿ ಕೊಂದಿದ್ದನ್ನು ಕಂಡ ಜಾಯ್ಗೆ ನರಭಕ್ಷಕ ಮೃಗಗಳನ್ನು ಸುಮ್ಮನೆ ಬಿಡಬಾರದು ಎಂದೆನಿಸಿ ಗನ್ ಹಿಡಿದರಂತೆ. ಸದಾ ಜೀವವನ್ನು ಪಣಕ್ಕೆ ಇಟ್ಟು ಹೊರಡುವ ಜಾಯ್ ಅನಿಸಿಕೆಯಲ್ಲಿ ‘ ನಾವು ಗನ್ ಹಿಡಿದ ಮೇಲೆ ಬೇಟೆಗಾರರು. ಆದರೆ ಮೃಗಗಳು ಜನ್ಮತಃ ಬೇಟೆಗಾರರು. ಅವು ದಾಳಿಗೂ ಮುನ್ನ ಪೂರ್ಣ ಸಂಚು ಸಿದ್ಧಗೊಳಿಸಿಕೊಂಡಿರುತ್ತವೆ. ಮನುಷ್ಯರಿಗೆ ರಾತ್ರಿ ವೇಳೆ ಸರಿಯಾಗಿ ಕತ್ತಲಲ್ಲಿ ಸ್ಪಷ್ಟ ದೃಷ್ಟಿ ಇರುವುದಿಲ್ಲ ಎಂದು ಅವುಗಳಿಗೆ ತಿಳಿದಿದೆ ’ ಎಂದು ತಿಳಿಸುತ್ತಾರೆ. ಹೈಕೋರ್ಟ್​ನಿಂದ ನರಭಕ್ಷಕ ಮೃಗಗಳನ್ನು ಬೇಟೆ ಆಡುವಂತಿಲ್ಲ ಎಂಬ ಆದೇಶ ಹೊರಬಿದ್ದ ಬಳಿಕ ಜಾಯ್ ತಮ್ಮ ಗನ್ ಕೆಳಗೆ ಇಟ್ಟಿದ್ದಾರೆ.

ಬೇಟೆಗಾರನಿಗೆ ಗೊಂದಲ ಮೂಡಿಸುತ್ತವೆ!

ಕಾಡುಮೃಗಗಳ ಪೈಕಿ ನರಭಕ್ಷಣೆ ಅಭ್ಯಾಸ ಹತ್ತಿಸಿಕೊಂಡಿರುವ ಪ್ರಾಣಿಗಳನ್ನು ಗುರುತಿಸುವುದು ಸುಲಭದ ಮಾತಲ್ಲ. ಅರಣ್ಯದಲ್ಲಿ ಇದ್ದುಕೊಂಡು ಅವುಗಳ ಚಲನವಲನ ಗಮನಿಸುತ್ತಾ ಕೆಲವು ಬಾರಿ ತಿಂಗಳುಗಳನ್ನೇ ಕಳೆಯಬೇಕಾಗುತ್ತದೆ. ಇತರ ಪ್ರಾಣಿಗಳಂತೆ ಧ್ವನಿ ಬದಲಾಯಿಸಿ ಕೂಗಿ ಬೇಟೆಗಾರನ ಗಮನ ತಪ್ಪಿಸುವ ಚಾಣಾಕ್ಷತನ ನರಭಕ್ಷಕ ಮೃಗಗಳಿಗೆ ಇರುತ್ತದೆ ಎಂದು ಜಾಯ್ ಅನುಭವ ಬಿಚ್ಚಿಟ್ಟಿದ್ದಾರೆ. ಅಲ್ಮೊರಾ ಪ್ರದೇಶದಲ್ಲಿದ್ದ ನರಭಕ್ಷಕ ಚಿರತೆಯನ್ನು ಬೆನ್ನತ್ತಿದ್ದ ಜಾಯ್ ಅವರ ಗಮನ ತಪ್ಪಿಸಲು ಅದು ನಾಯಿಯಂತೆ ಬೊಗಳುತ್ತಿತ್ತಂತೆ.

Leave a Reply

Your email address will not be published. Required fields are marked *

Back To Top