Wednesday, 18th July 2018  

Vijayavani

ಬಜೆಟ್​​ನಲ್ಲಿ ಅನ್ನಭಾಗ್ಯ ಅಕ್ಕಿ ಕಡಿತ ವಿಚಾರ - 5 ಕೆಜಿ ಅಲ್ಲ, ನಾವು 7 ಕೆಜಿ ಕೊಡುತ್ತೇವೆ - ಆಹಾರ ಸಚಿವ ಜಮೀರ್ ಅಹಮ್ಮದ್ ಹೇಳಿಕೆ        ಲೋಕಸಭೆ ಅಧಿವೇಶನ, ಬಿಜೆಪಿ ಸಭೆ ಹಿನ್ನೆಲೆ- ಜುಲೈ 28ರಂದು ರಾಜ್ಯಕ್ಕೆ ಅಮಿತ್ ಷಾ ಬರೋದು ಡೌಟ್- ದಿಲ್ಲಿಯಲ್ಲೇ ಉಳೀತಾರಾ ಬಿಜೆಪಿ ರಾಷ್ಟ್ರಾಧ್ಯಕ್ಷ?        ಸಚಿವ ಡಿಕೆಶಿ ಒಬ್ಬ ಹುಚ್ಚು ದೊರೆ - ಮೊಹಮ್ಮದ್ ಬಿನ್ ತುಘಲಕ್ ರೀತಿ ಆಡ್ತಿದ್ದಾರೆ - ಮಿನಿಸ್ಟರ್ ವಿರುದ್ಧ ಗುಡುಗಿದ ಮಾಜಿ ಸಂಸದ ಬಸವರಾಜು        ಮಡಿಕೇರಿಯಲ್ಲಿ ಮುಂದುವರಿದ ವರುಣನ ಆರ್ಭಟ - ಹಾರಂಗಿಯಿಂದ ಭಾರಿ ಪ್ರಮಾಣದಲ್ಲಿ ನದಿಗೆ ನೀರು - ಶಾಲಾ ಕಾಲೇಜ್‌ಗಳಿಗೆ ರಜೆ ಮುಂದುವರಿಕೆ        ನಾಳೆಯಿಂದ ಸಂಸತ್ ಮುಂಗಾರು ಅಧಿವೇಶನ - ಪಾರ್ಲಿಮೆಂಟ್​ನಲ್ಲಿ ಪ್ರಧಾನಿ ಸರ್ವ ಪಕ್ಷ ಸಭೆ - ಸುಗಮ ಕಲಾಪಕ್ಕೆ ಸಹಕರಿಸುವಂತೆ ಮನವಿ        ಯುವತಿಗೆ ಕಿರುಕುಳ ನೀಡಿದ ಹೋಮ್‌ಗಾರ್ಡ್‌ - ಆರೋಪಿಯನ್ನ ಕಂಬಕ್ಕೆ ಕಟ್ಟಿಹಾಕಿ ಹಿಗ್ಗಾಮುಗ್ಗಾ ಥಳಿತ - ಯುವತಿ ಹೊಡಿತಕ್ಕೆ ಹೋಮ್‌ಗಾರ್ಡ್‌ ಹಣ್ಣುಗಾಯಿ ನೀರ್‌ಗಾಯಿ       
Breaking News

ಪ್ರೇಯಸಿಯ ನಡತೆ ಶಂಕಿಸಿದ ಪ್ರಿಯಕರ: ನಿಶ್ಚಿತಾರ್ಥದ ಬಳಿಕ ಮುರಿದುಬಿತ್ತು ಮದುವೆ

Tuesday, 21.11.2017, 7:59 AM       No Comments

ಶಿವಮೊಗ್ಗ: ಪರಸ್ಪರ ಒಂದು ವರ್ಷದಿಂದ ಪ್ರೀತಿಸಿದ್ದ ಯುವಕ ಯುವತಿ ಜಾತಿಯನ್ನೂ ಮೀರಿ ತಮ್ಮ ಪಾಲಕರನ್ನು ಮದುವೆಗೆ ಒಪ್ಪಿಸಿದ್ದರು. ಮನೆಯವರು ಒಪ್ಪಿದ ಬಳಿಕ ನಿಶ್ಚಿತಾರ್ಥವೂ ಆಗಿತ್ತು. ಇನ್ನೇನು ಮದುವೆ ಆಗಬೇಕು ಎನ್ನುವ ವೇಳೆಗೆ ಯುವಕ ಕ್ಯಾತೆ ತೆಗೆದಿದ್ದಾನೆ. ಅದೇಕೆ ಅಂತೀರಾ ಮುಂದೆ ಓದಿ….

ಶಿವಮೊಗ್ಗ ಜಿಲ್ಲೆಯ ಸೋಮಿನ ಕೊಪ್ಪದ ಪ್ರಶಾಂತ್ ಎಂಬಾತ ಕಳೆದ ಒಂದು ವರ್ಷದಿಂದ ಕಾಶಿಪುರ ಗೇಟ್​ನ ಸುಗುಣ ಎಂಬುವವರನ್ನು ಪ್ರೀತಿಸುತ್ತಿದ್ದ. ಹುಡುಗಿ ಕೂಡ ಇವನನ್ನು ಪ್ರಾಣಕ್ಕಿಂತ ಹೆಚ್ಚು ಪ್ರೀತಿಸುತ್ತಿದ್ದಳು. ಇವರು ಪ್ರೀತಿಗೆ ಬೆಲೆಕೊಟ್ಟ ಪೋಷಕರು ಇವರು ಮದ್ವೆಗೆ ಒಪ್ಪಿ ನಿಶ್ಚಿತಾರ್ಥ ಮಾಡಿದ್ದಾರೆ.

ಪ್ರೀತಿಗೆ ಅಡ್ಡ ಬಂತು ಫೇಸ್​ಬುಕ್​ ಎಂಬ ವಿಲನ್​..
ಆದರೆ, ನಿಶ್ಚಿತಾರ್ಥದ ಫೋಟೊವನ್ನ ಹುಡುಗಿ ಫೇಸ್​​ಬುಕ್​ಗೆ ಹಾಕಿದ ಬಳಿಕ ಸಮಸ್ಯೆ ಆರಂಭಗೊಂಡಿದೆ. ಅದ್ಯಾರು ಏನು ಕಮೆಂಟ್ ಮಾಡಿದರೋ ಗೊತ್ತಿಲ್ಲ. ಪ್ರಶಾಂತ ತನ್ನ ಪ್ರೇಯಸಿಯ ನಡತೆ ಸರಿಯಿಲ್ಲ ಅವಳಿಗೆ ಈ ಮೊದಲು ಮತ್ತೊಬ್ಬನೊಂದಿಗೆ ಸಂಬಂಧ ಇತ್ತು ಅಂತ ಆರೋಪಿಸಿ ತನಗೆ ಮದುವೆಯೇ ಬೇಡ ಅಂತಾ ಪಟ್ಟು ಹಿಡಿದು ಕುಳಿತಿದ್ದಾನೆ. ಹೀಗಾಗಿ ಪ್ರೇಮ ಪ್ರಕರಣ ಇದೀಗ ಮಹಿಳಾ ಠಾಣೆ ಮೆಟ್ಟಿಲೇರಿದೆ.

ಫೇಸ್​ಬುಕ್​ನಲ್ಲಿ ನಿಶ್ಚಿತಾರ್ಥದ ಫೋಟೊಗಳನ್ನು ನೋಡಿದ ಪ್ರಶಾಂತ್​ನ ಸ್ನೇಹಿತರು ಈ ಹುಡುಗಿಗೆ ಬಸವರಾಜ್ ಎಂಬ ಪ್ರೇಮಿಯಿದ್ದ. ಸುಗುಣಾ ಗರ್ಭಿಣಿಯೂ ಆಗಿ ಅಬಾಷನ್ ಮಾಡಿಸಿಕೊಂಡಿದ್ಲು ಅಂತಾ ಹೇಳಿದ್ದಾರೆ. ಇದರಿಂದ ಸತ್ಯ ತಿಳಿದು ತಲೆ ತಿರುಗಿದ ಪ್ರಶಾಂತ್​ ನಾನು ಮದ್ವೆಯಾಗಲ್ಲ ಅಂತಾ ಪಟ್ಟು ಹಿಡಿದಿದ್ದಾನೆ. ಆದ್ರೆ ತಾನು ಕೀಳು ಜಾತಿಯವಳು ಎಂಬ ಕಾರಣಕ್ಕೆ ಸುಳ್ಳು ಆರೋಪ ಮಾಡಿ ತೇಜೋವಧೆ ಮಾಡಲಾಗ್ತಿದೆ ಅಂತಾ ಸುಗುಣಾ ಆರೋಪಿಸಿದ್ದಾಳೆ.

ಪ್ರೀತಿಗೆ ನಂಬಿಕೆಯೇ ಬುನಾದಿ. ತಮ್ಮ ಪ್ರೀತಿ ಮತ್ತು ಪ್ರೀತಿಸಿದವರ ಬಗ್ಗೆ ನಂಬಿಕೆ ಇಲ್ಲದಿದ್ರೆ ಏನಾಗುತ್ತೆ ಅನ್ನೋದಕ್ಕೆ ಈ ಸ್ಟೋರಿ ಉದಾಹರಣೆಯಾಗಿದೆ. ಇವರಿಬ್ಬರ ಪ್ರೇಮ ಪ್ರಕರಣ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದು ಮುಂದೇನಾಗುತ್ತೆ ಅನ್ನೋದನ್ನ ಕಾದು ನೋಡ್ಬೇಕು. (ದಿಗ್ವಿಜಯ ನ್ಯೂಸ್​)

Leave a Reply

Your email address will not be published. Required fields are marked *

Back To Top