Friday, 25th May 2018  

Vijayavani

ನಾಮಪತ್ರ ವಾಪಸ್ ಪಡೆದ ಸುರೇಶ್​ಕುಮಾರ್​- ಅವಿರೋಧವಾಗಿ ರಮೇಶ್​ಕುಮಾರ್​ ಆಯ್ಕೆ- ಎರಡನೇ ಬಾರಿಗೆ ಸ್ಪೀಕರ್​ ಆಗಿ ನೇಮಕ        ಸದನದಲ್ಲಿ ವಿಶ್ವಾಮತ ಪರೀಕ್ಷೆ- ಮೂರು ಪಕ್ಷಗಳ ಎಲ್ಲಾ ಶಾಸಕರು ಹಾಜರ್​- ಪ್ರತಿಪಕ್ಷ ನಾಯಕನ ಸ್ಥಾನದಲ್ಲಿ ಬಿಎಸ್​ವೈ        ಮೈತ್ರಿ ಸರ್ಕಾರದ ಪರ್ವ ಆರಂಭ- ಸಾಲ ಮನ್ನಾ ಮಾಡ್ತಾರಾ ಎಚ್​ಡಿಕೆ- ಕೊಟ್ಟ ಮಾತು ಉಳಿಸಿಕೊಳ್ತಾರಾ ಕಾಂಗ್ರೆಸ್​ ನಾಯಕರು        ಸಚಿವ ಸ್ಥಾನಕ್ಕಾಗಿ ಲಾಬಿ ಶುರು- ಕೆಪಿಸಿಸಿ ಅಧ್ಯಕ್ಷ ಸ್ಥಾನ, ಗೃಹಖಾತೆಗೆ ಡಿಕೆಶಿ ಪಟ್ಟು- ಹೈಕಮಾಂಡ್ ಭೇಟಿಗೆ ತೆರಳಲಿರುವ ಕೈ ನಾಯಕರು        ಮುಗಿದ ಬಹುಮತ ಸಾಬೀತಿನ ಪರೀಕ್ಷೆ- ಶಾಸಕರ ರೆಸಾರ್ಟ್​ ರಾಜಕೀಯ ಅಂತ್ಯ- ಇನ್ನಾದ್ರೂ ಕ್ಷೇತ್ರಗಳತ್ತ ತೆರಳ್ತಾರಾ ಎಂಎಲ್​ಎಗಳು        ಸಿಎಂಗೆ ಹೊಸ ಕಾರು ನೀಡಿದ ಡಿಪಿಎಆರ್- ಜಿಎ 6363 ಕಾರ್​ ನಂಬರ್​- ಹೊಸ ಕಾರು ಬಳಸಲು ಸಿಎಂ ನಿರ್ಧಾರ       
Breaking News

ರಣಬೀರ್​ಗೆ 5 ಸಾವಿರ ಬಹುಮಾನ!

Monday, 19.06.2017, 3:02 AM       No Comments

ಮುಂದಿನ ಸಿನಿಮಾಕ್ಕೆ ಸೂಕ್ತ ಶೀರ್ಷಿಕೆ ಸೂಚಿಸಿದರೆ 5000 ರೂ. ಬಹುಮಾನ ನೀಡುವುದಾಗಿ ಘೊಷಿಸಿದ್ದ ಶಾರುಖ್ ಖಾನ್, ಕೊನೆಗೂ ಹೇಳಿದಂತೆ ನಡೆದುಕೊಂಡಿದ್ದಾರೆ. ಚಿತ್ರಕ್ಕೆ ‘ಜಬ್ ಹ್ಯಾರಿ ಮೆಟ್ ಸೆಜಲ್’ ಶೀರ್ಷಿಕೆ ನೀಡಿದ್ದಕ್ಕಾಗಿ ನಟ ರಣಬೀರ್ ಕಪೂರ್​ಗೆ ಆ ಬಹುಮಾನ ಸಿಕ್ಕಿದ್ದು, ಖುಷಿಯಿಂದಲೇ ಬಹುಮಾನದ ಹಣ 5 ಸಾವಿರ ರೂ. ಪಡೆದಿದ್ದಾರೆ. ಸಿನಿಮಾಗಾಗಿ ಒಂದೊಳ್ಳೆಯ ಟೈಟಲ್ ಫಿಕ್ಸ್ ಮಾಡುವಂತೆ ಸ್ವತಃ ಶಾರುಖ್ ಕೋರಿದ್ದರು. ಟೈಟಲ್ ಇಷ್ಟವಾದರೆ ನಗದು ರೂಪದಲ್ಲಿ ಬಹುಮಾನ ನೀಡಲಾಗುವುದು ಎಂದು ಟ್ವಿಟರ್ ಖಾತೆಯಲ್ಲಿ ಬರೆದುಕೊಂಡಿದ್ದರು. ಅದರಂತೆ ಆಲಿಯಾ ಭಟ್, ರಣಬೀರ್ ಸೇರಿ ಹಲವರು ಶೀರ್ಷಿಕೆ ನೀಡಿದ್ದರು. ಇದರಲ್ಲಿ ರಣಬೀರ್ ನೀಡಿದ್ದ ಶೀರ್ಷಿಕೆ ಪಕ್ಕಾ ಆಗಿದೆ. ‘ಜಬ್ ಹ್ಯಾರಿ..’ ನಿರ್ದೇಶಕ ಇಮ್ತಿಯಾಜ್ ಅಲಿ ಜನ್ಮದಿನದಂದು ರಣಬೀರ್​ಗೆ 5 ಸಾವಿರ ರೂ. ನೀಡಿರುವ ಫೋಟೋವೊಂದನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಪೋಸ್ಟ್ ಮಾಡಿರುವ ಶಾರುಖ್, ‘ಹಿಸಾಬ್ ಬರಾಬರ್’ ಎಂದು ಬರೆದುಕೊಂಡಿದ್ದಾರೆ. ಇನ್ನೊಂದೆಡೆ ತನ್ನ ಶೀರ್ಷಿಕೆ ಆಯ್ಕೆ ಮಾಡಿಕೊಂಡಿಲ್ಲ ಎಂಬ ಕಾರಣಕ್ಕೆ ಆಲಿಯಾ ಮುನಿಸಿಕೊಂಡಿದ್ದಾರೆ! ಇದಕ್ಕೂ ಉತ್ತರ ನೀಡಿದ ಶಾರುಖ್, ಮುಂದಿನ ಸಿನಿಮಾಕ್ಕೆ ಆಲಿಯಾ ನೀಡಿದ್ದ ಶೀರ್ಷಿಕೆ ಇಡಲಾಗುವುದೆಂದು ಭರವಸೆ ನೀಡಿದ್ದಾರೆ.

ಇನ್ನು, ಅನುರಾಗ್ ಬಸು ನಿರ್ದೇಶನದ ‘ಜಗ್ಗ ಜಾಸೂಸ್’ ಸಿನಿಮಾದಲ್ಲಿ ಶಾರುಖ್ ವಿಶೇಷ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದಾರಂತೆ. ಜುಲೈ 14ರಂದು ಸಿನಿಮಾ ತೆರೆಕಾಣಲಿದ್ದು, ಯಾವ ಪಾತ್ರಕ್ಕೆ ಶಾರುಖ್ ಬಣ್ಣ ಹಚ್ಚಿದ್ದಾರೆ ಎಂಬ ಸುಳಿವನ್ನು ಚಿತ್ರತಂಡ ಬಿಟ್ಟುಕೊಟ್ಟಿಲ್ಲ. ಈಗಾಗಲೇ ಸಲ್ಮಾನ್ ಖಾನ್ ನಟನೆಯ ‘ಟ್ಯೂಬ್​ಲೈಟ್’ನಲ್ಲೂ ಗೆಸ್ಟ್ ರೋಲ್ ಮಾಡಿದ್ದಾರೆ.

ಸೆಜಲ್​ಗಾಗಿ ಹುಡುಕಾಟ ನಡೆಸಿದ ಶಾರುಖ್: ಸೆಜಲ್ ಹೆಸರಿದ್ದವರಿಗೆ ಇದೀಗ ಅದೃಷ್ಟದ ಬಾಗಿಲು ತೆರೆದಂತಾಗಿದೆ. ಏಕೆಂದರೆ ಖುದ್ದು ಶಾರುಖ್, ಸೆಜಲ್ ಹೆಸರಿನವರನ್ನು ಭೇಟಿಯಾಗಲುನಿರ್ಧರಿಸಿದ್ದಾರೆ. ‘ನನ್ನ ಸೆಜಲ್ ಎಷ್ಟು ಜನ ಇದ್ದೀರಿ,ಹೃದಯ ತೆಗೆದುಕೊಂಡು ಹೋಗಲು ನಾನುಬರುತ್ತಿದ್ದೇನೆ..’ ಎಂದು ಟ್ವಿಟ್ಟರ್​ನಲ್ಲಿ ಬರೆದುಕೊಂಡಿದ್ದಾರೆ.

-ಏಜೆನ್ಸೀಸ್

 

Leave a Reply

Your email address will not be published. Required fields are marked *

Back To Top