Saturday, 22nd September 2018  

Vijayavani

‘ದಂಗೆ’ ಬಿಸಿ ತಟ್ಟುತ್ತಿದ್ದಂತೆ ದೇವರ ಸ್ತುತಿ - ಶಾರದಂಬೆ ಸನ್ನಿಧಿಯಲ್ಲಿ ಎಚ್​​ಡಿಕೆ - ಸಿಎಂಗೆ ಅಣ್ಣ ರೇವಣ್ಣ ಸಾಥ್​        ರಾಜ್ಯ ರಾಜಕೀಯ ಹಾಸನಕ್ಕೆ ಶಿಫ್ಟ್​ - ಇಂದು ಹಾಸನದಲ್ಲಿ ಜೆಡಿಎಲ್​​ಪಿ ಮೀಟಿಂಗ್​ - ದಳನಾಯಕರಿಂದ ರಣತಂತ್ರದ ಚರ್ಚೆ        ಸಿಎಂ ದಂಗೆ ಹೇಳಿಕೆ ವಿರುದ್ಧ ಬಿಜೆಪಿ ಆಕ್ರೋಶ - ಇಂದು ಕೂಡ ಹಲವೆಡೆ ಹೋರಾಟ ಸಂಭವ        ಇಂದು ಚಿಕ್ಕಮಗಳೂರಲ್ಲಿ ಸಿಎಂ ಮೀಟಿಂಗ್​ - ಅತಿವೃಷ್ಟಿ, ಅನಾವೃಷ್ಟಿ ಕುರಿತು ಚರ್ಚೆ - ಸಿಎಂಗೆ ವರದಿ ನೀಡಲಿರುವ ಡಿಸಿ        ರಾಫೆಲ್​​ ವಿಮಾನ​​​​ ಖರೀದಿ ಹಗರಣ - ಭಾರತವೇ ಅನಿಲ್​ ಅಂಬಾನಿ ಹೆಸರು ಸೂಚಿಸಿತ್ತು - ವಿವಾದಕ್ಕೆ ತುಪ್ಪ ಸುರಿದ ಹೊಲೆಂಡೆ ಹೇಳಿಕೆ        ಭುಗಿಲೆದ್ದಿರುವ ರಫೇಲ್​​ ಡೀಲ್​ ಹಗರಣ - ಪ್ರಕಟಣೆ ಹೊರಡಿಸಿದ ಫ್ರಾನ್ಸ್​​ ಸರ್ಕಾರ - ಕಂಪನಿಗಳ ಮೇಲೆ ಹಸ್ತಕ್ಷೇಪ ಇಲ್ಲವೆಂದು ಸ್ಪಷ್ಟನೆ       
Breaking News

ಅಭಿವೃದ್ಧಿ ನೆಪದಲ್ಲಿ ಮರಗಳಿಗೆ ಕೊಡಲಿ ಹಾಕಬೇಡಿ

Friday, 08.06.2018, 6:01 PM       No Comments

ಮಾನ್ವಿಯಲ್ಲಿ ಪರಿಸರ ಪ್ರೇಮಿ ಸಾಲುಮರದ ತಿಮ್ಮಕ್ಕ ಸಲಹೆ>>ಆರ್‌ವಿಎನ್ ಗ್ರೂಪ್ ಅಧ್ಯಕ್ಷ ರಾಜಾ ವಸಂತನಾಯಕ ಹುಟ್ಟುಹಬ್ಬ, ಪರಿಸರ ದಿನಾಚರಣೆ>>15 ಸಾವಿರ ಸಸಿ ವಿತರಣೆ

ಮಾನ್ವಿ: ಮಕ್ಕಳಿಲ್ಲ ಎನ್ನುವ ಕೊರಗಿಲ್ಲದೆ ತಾನು ಸಸಿ-ಗಿಡ ನೆಟ್ಟಿದ್ದೇನೆ ಮತ್ತು ಬೆಳೆದ ಮರಗಳನ್ನು ಮಕ್ಕಳಂತೆ ಸಾಕುತ್ತಿದ್ದೇನೆ ಎಂದು ಪರಿಸರ ಪ್ರೇಮಿ ಸಾಲುಮರದ ತಿಮ್ಮಕ್ಕ ತಿಳಿಸಿದರು.

ಪಟ್ಟಣದ ಧ್ಯಾನಮಂದಿರದಲ್ಲಿ ಆರ್‌ವಿಎನ್ ಗ್ರೂಪ್‌ನಿಂದ ಶುಕ್ರವಾರ ಹಮ್ಮಿಕೊಂಡಿದ್ದ ರಾಜಾ ವಸಂತನಾಯಕ ಹುಟ್ಟುಹಬ್ಬ ಹಾಗೂ ಪರಿಸರ ದಿನಾಚರಣೆ ಕಾರ್ಯಕ್ರಮದಲ್ಲಿ ಮಾತನಾಡಿದರು. ಶ್ರಮವಹಿಸಿ ದುಡಿದರೆ ಪ್ರತಿಫಲ ಸಿಗುತ್ತದೆ. ಪರಿಸರ ರಕ್ಷಣೆ ಮಾಡದಿದ್ದರೆ ನಾಡಿಗೆ ಉಳಿಗಾಲವಿಲ್ಲ. ಮರಗಳಿದ್ದರೆ ಮಳೆ ಎಂಬ ನುಡಿ ಸತ್ಯವಾಗಿದೆ. ಮರ, ಗಿಡಗಳಿಲ್ಲದ ಪ್ರದೇಶದಲ್ಲಿ ಮಳೆ ಬೀಳದೆ ಬರ ಆವರಿಸಲಿದೆ. ಇದರಿಂದ ರೈತರು ಸೇರಿ ಜೀವಜಲ ಸಂಕಷ್ಟ ಅನುಭವಿಸುವಂತಾಗಲಿದೆ ಎಂದು ತಿಳಿಸಿದರು.

ಮರಗಳು ಹೆಚ್ಚಿರುವ ಕಡೆ ಮಳೆ ಬೀಳುವುದರಿಂದ ನಾಡು ಸಮೃದ್ಧವಾಗಿರಲಿದೆ ಎಂದರು. ಸಮಾಜದಲ್ಲಿ ಮಹಿಳೆಯರನ್ನು ಗೌರವಿಸುವ ಮನೋಭಾವ ಬೆಳೆಸಿಕೊಳ್ಳಬೇಕು ಎಂದು ಸಾಲುಮರದ ತಿಮ್ಮಕ್ಕ ತಿಳಿಸಿದರು.

ಆರ್‌ವಿಎನ್ ಗ್ರೂಪ್ ಅಧ್ಯಕ್ಷ ರಾಜಾ ವಸಂತನಾಯಕ ಮಾತನಾಡಿ, ನನ್ನ ಹುಟ್ಟುಹಬ್ಬ ದಿನ ಉಚಿತವಾಗಿ ಸಸಿಗಳನ್ನು ವಿತರಿಸುವ ಮೂಲಕ ಜನರಲ್ಲಿ ಪರಿಸರ ಜಾಗೃತಿ ಮೂಡಿಸುತ್ತಿದ್ದೇನೆ. 4 ವರ್ಷಗಳಿಂದ ವಿವಿಧ ತಳಿಯ ಸಸಿಗಳನ್ನು ವಿತರಿಸುತ್ತಿದ್ದು, ಈ ಬಾರಿ 15 ಸಾವಿರ ಸಸಿಗಳನ್ನು ಜನರಿಗೆ ಹಂಚಲಾಗುತ್ತಿದೆ ಎಂದರು.

ಸಾಲುಮರದ ತಿಮ್ಮಕ್ಕ ಅವರಿಗೆ ಆರ್‌ವಿಎನ್ ಗ್ರೂಪ್‌ನಿಂದ 50 ಸಾವಿರ ರೂ. ನೀಡಿ ಸನ್ಮಾನಿಸಲಾಯಿತು. ವಿವಿಧ ಮುಖಂಡರು ತಿಮ್ಮಕ್ಕ ಅವರಿಗೆ ಧನಸಹಾಯ ಮಾಡಿದರು. ಪುರಸಭೆ ಸದಸ್ಯರಾದ ಶ್ಯಾಂಸುಂದರ ನಾಯಕ, ಲಕ್ಷ್ಮಿದೇವಿ, ಮುಖಂಡರಾದ ಲಕ್ಷ್ಮಿನಾರಾಯಣ ಯಾದವ್, ತಿಪ್ಪಣ್ಣ ಬಾಗಲವಾಡ, ರಾಜಾ ಸುಭಾಶ್ಚಂದ್ರ ನಾಯಕ, ರವಿಚಂದ್ರ ಕಾಜಗಾರ ಹಾಗೂ ಆರ್‌ವಿಎನ್ ಗ್ರೂಪ್ ಸದಸ್ಯರು ಇತರರಿದ್ದರು.

ಪರಿಸರ ಕಾಪಾಡುವ ಕಾಳಜಿ ಇರಲಿ..: ಅಭಿವೃದ್ಧಿ ಹೆಸರಲ್ಲಿ ಮರಗಳನ್ನು ಕಡಿಯುವುದನ್ನು ನಿಲ್ಲಿಸಬೇಕಿದೆ. ಮರಗಳನ್ನು ಕಡಿದವರು ಮತ್ತೆ ಸಸಿಗಳನ್ನು ನೆಟ್ಟು ಪರಿಸರ ಕಾಪಾಡುವ ಕಾಳಜಿ ಇಲ್ಲವಾಗಿದೆ. ಇಂಥ ಕಾಳಜಿ ಸರ್ಕಾರ ಸೇರಿ ಪ್ರತಿಯೊಬ್ಬರೂ ಪ್ರದರ್ಶಿಸಬೇಕು. ಯಥೇಚ್ಚವಾಗಿ ಸಸಿಗಳನ್ನು ನೆಟ್ಟು ಪೋಷಿಸಬೇಕು. ಮರಗಳು ನಮ್ಮ ಕಣ್ಣಮುಂದೆ ಬೆಳೆಯುವ ಖುಷಿಯಲ್ಲಿ ನಮಗೆ ನೆಮ್ಮದಿ ಸಿಗಲಿದೆ ಎಂದು ಪರಿಸರ ಪ್ರೇಮಿ ಸಾಲುಮರದ ತಿಮ್ಮಕ್ಕ ತಿಳಿಸಿದರು.

Leave a Reply

Your email address will not be published. Required fields are marked *

Back To Top