Friday, 22nd June 2018  

Vijayavani

ಮೈತ್ರಿ ಸರ್ಕಾರದಲ್ಲಿ ಮತ್ತೆ ತಾರತಮ್ಯತೆ - ರೇವಣ್ಣ ಕಾರ್​​​ಗೆ ಗೇಟ್​​ ಓಪನ್​​, ದೇಶಪಾಂಡೆಗೆ ನಟರಾಜ ಸರ್ವಿಸ್​​        ಅಂದು ಹೇಳಿದ್ದೊಂದು.. ಇಂದು ಮಾಡಿದ್ದೊಂದು - ಸಂಡೂರಿನಲ್ಲಿ ಕೊಟ್ಟು ಮಾತು ಮರೆತ ಸಿಎಂ - ಮತ್ತೆ ಗಣಿಗಾರಿಕೆಗೆ ಅವಕಾಶ        ಡಿಕೆಶಿ ಡೈರಿಯಲ್ಲಿ ಕೆಜಿ ಕೋಡ್​ ವಿಚಾರ - ದೆಹಲಿಯಿಂದ ಆಗಮಿಸಿದ ಇಡಿ ತಂಡ - ಡಿಕೆಶಿ ಸೇರಿ ಐವರು ವಿರುದ್ಧ ಇಡಿ FIR ಸಾಧ್ಯತೆ        ಶಕ್ತಿ ಭವನದಲ್ಲಿ ಬಜೆಟ್​​​ ಪೂರ್ವಭಾಗಿ ಸಭೆ - ಸಣ್ಣ ನೀರಾವರಿ ಇಲಾಖೆ ಜತೆ ಸಿಎಂ ಚರ್ಚೆ - ಅನುದಾನ ಭರವಸೆ ನೀಡಿದ ಎಚ್​ಡಿಕೆ        ಬಿಜಿಎಸ್​ ಆಸ್ಪತ್ರೆಯಲ್ಲಿ ಶ್ರೀಗಳಿಗೆ ಚಿಕಿತ್ಸೆ - ನಡೆದಾಡುವ ದೇವರ ಕಾಣಲು ಗಣ್ಯರ ದಂಡು - ಶ್ರೀಗಳ ಆರೋಗ್ಯ ವಿಚಾರಿಸಿದ ಬಿಎಸ್​​ವೈ        ಜಿಲ್ಲಾಸ್ಪತ್ರೆಯಲ್ಲಿ ಅನಾಥವಾಯ್ತು ಕಂದಮ್ಮ - ಶಸ್ತ್ರಚಿಕಿತ್ಸೆಗೆ ಬಂದು ಮಗು ಬಿಟ್ಟೋದ ಹೆತ್ತಮ್ಮ - ರೋಧಿಸುತ್ತಿದೆ 3 ತಿಂಗಳ ಕೂಸು       
Breaking News

ವಿಷಾದದ ಹೊತ್ತಿನಲ್ಲಿ… ಸರಸ್ವತೀ ಪುತ್ರರ ಕುಟುಂಬ ನೆನೆಯುತ್ತಾ!

Friday, 08.09.2017, 5:01 PM       No Comments

ಮೈಸೂರು: ಅಪಾರ ಕೀರ್ತಿ ಗಳಿಸಿ ಮೆರೆದ ಭವ್ಯ ನಟ, ನಾಗೇಂದ್ರ ರಾಯರ ಕೊನೆಯ ಪುತ್ರ ಆರೆನ್ ಸುದರ್ಶನ್ ಇಂದು ವಿಧಿವಶರಾಗಿದ್ದಾರೆ. ಹಾಗೆ ನೋಡಿದರೆ, ಅವರ ಇಡೀ ಕುಟುಂಬವೇ ಅಪಾರ ಕೀರ್ತಿಗಳಿಸಿ ಮೆರೆದ ಭವ್ಯ/ ದಿವ್ಯ ಮನೆತನಕ್ಕೆ ಸೇರಿದ್ದು.

ಈ ವಿಷಾದದ ಹೊತ್ತಿನಲ್ಲಿ ಸರಸ್ವತೀ ಪುತ್ರರ ಕುಟುಂಬ ನೆನೆಯುವುದಾದರೆ… ವಿಷಾದದ ಹೊರತಾಗಿಯೂ ಹೆಮ್ಮೆ ಮೂಡುತ್ತದೆ. ದೈವದತ್ತವಾಗಿ ಧರೆಗಿಳಿದಿದ್ದ ದಿಗ್ಗಜರು ಆ ಕುಟುಂಬ ವರ್ಗದವರು. ಒಬ್ರಾ ಇಬ್ರಾ … ಹಿರಿಯ ತಲೆ ನಾಗೇಂದ್ರ ರಾಯರಿಂದ ಹಿಡಿದು ಒಬ್ಬೊಬ್ಬರೂ ಒಂದೊಂದು ಶಕ್ತಿಯಾಗಿದ್ದವರು. ಕನ್ನಡ ಸಾರಸ್ವತ ಲೋಕದ ದಿಗ್ಗಜರಾಗಿದ್ದರು.

ಚಿತ್ರೋದ್ಯಮದ ಪಿತಾಮಹ:

ದೇಶದ ಇತರೆಡೆ ಬ್ರಿಟೀಶರ ಕರಾಳ ಛಾಯೆಯಿದ್ದರೂ ಮೈಸೂರು ಮಹಾರಾಜರ ಆಳ್ವಿಕೆಯಲ್ಲಿದ್ದ ಹೊಳಲ್ಕೆರೆಯ ರತ್ತಿಹಳ್ಳಿ ಎಂಬ ಪುಟ್ಟ ಗ್ರಾಮದ ನಾಗೇಂದ್ರರಾಯರು ಸ್ವತಃ ತಾವೇ ಕನ್ನಡ ಚಿತ್ರರಂಗಕ್ಕೆ ಅಪಾರ ಕೊಡುಗೆ ನೀಡಿದವರು. ಸ್ವತಃ ಅವರು ಅದ್ಭುತ ನಟ, ಚಿತ್ರ ನಿರ್ದೇಶಕ, ನಿರ್ಮಾಪಕ, ಸಂಭಾಷಣೆಕಾರ, ಗೀತೆ ರಚನೆಕಾರ… ಹೀಗೆ ಸಿನಿಮಾದ ಎಲ್ಲ ರಂಗಗಳಲ್ಲೂ ಚಿರಮುದ್ರೆ ಒತ್ತಿದವರು. 

ಆಗ್ಗೆ ಬಹು ಗೌರವದ ಪದ್ಮಶ್ರೀ ಪುರಸ್ಕೃತರಾದ ನಾಗೇಂದ್ರರಾಯರ ಕೊಡುಗೆ ಇಷ್ಟಕ್ಕೇ ನಿಲ್ಲುವುದಿಲ್ಲ. ಇನ್ನೂ ನಾಲ್ಕು ಶಾಶ್ವತ ಕೃತಿಗಳನ್ನು ಅವರು ಕನ್ನಡ ಚಿತ್ರೋದ್ಯಮಕ್ಕೆ (ಒಂದಷ್ಟು ತಮಿಳು ಚಿತ್ರೋದ್ಯಮಕ್ಕೂ) ನೀಡಿದವರು. ಅಂದಹಾಗೆ, ನಾಗೇಂದ್ರ ರಾಯರಿಗೆ ರತ್ನಾ ಬಾಯಿ ಮತ್ತು ಕಮಲಾ ಬಾಯಿ ಎಂಬಿಬ್ಬರು ಪತ್ನಿಯರು.

ನಾಗೇಂದ್ರರಾಯರ ಕುಡಿಗಳು ಇವರು:
ಆರ್​.ಎನ್​. ಗುರುರಾಜ ಪ್ರಸಾದ್, ಆರ್​.ಎನ್​. ಕೃಷ್ಣಪ್ರಸಾದ್, ಆರ್​. ಎನ್​. ಜಯಗೋಪಾಲ್​ ಮತ್ತು ಆರ್​. ಎನ್​. ಸುದರ್ಶನ್ – ಹಿರಿಯ ಪುತ್ರ ಗುರುರಾಜರನ್ನು ಹೊರತುಪಡಿಸಿ ಇತರೆ ಮೂವರೂ ನಾಗೇಂದ್ರರಾಯರ ಅದ್ಭುತ ಕೃತಿಗಳು/ಕುಡಿಗಳು. ಚಿತ್ರರಂಗಕ್ಕೆ ಒಬ್ಬೊಬ್ಬರೂ ಒಂದೊಂದು ಧೀಃ ಶಕ್ತಿಯಾಗಿದ್ದವರು.

ಇವರ ಪೈಕಿ ಆರ್​. ಎನ್​. ಜಯಗೋಪಾಲರ ಬಗ್ಗೆ ಹೇಳುವುದೇನು? 12,000ಕ್ಕೂ ಅಧಿಕ ಅದ್ಭುತ ಅಮೃತದಂತಹ ಗೀತೆಗಳನ್ನು ಕಟ್ಟಿಕೊಟ್ಟವರು ಅವರು. ಇನ್ನು ಜಯಗೋಪಾಲರ ಪುತ್ರ ರವಿ ಸಹ ಇಂದಿನ ಮಾಹಿತಿ ತಂತ್ರಜ್ಞಾನ ಯುಗಕ್ಕೆ ತಕ್ಕಂತೆ ಅಂತರ್ಜಾಲದಲ್ಲಿ ವಿಹರಿಸುತ್ತಿರುವ ಪ್ರತಿಭೆ.

ಇಂದು ಆರ್​ ಎನ್ ಸುದರ್ಶನ್ ಅವರು ವಿಧಿವಶರಾಗುವ ಮೂಲಕ ಈ ಸರಸ್ವತೀಪುತ್ರರ ಕೊನೆಯ ಕೊಂಡಿ ಕಳಚಿದಂತಾಗಿದೆ.
ನಾಗೇಂದ್ರರಾಯರ ಪುತ್ರ, ನಟ ಆರೆನ್​ ಸುದರ್ಶನ್​ ಇನ್ನಿಲ್ಲ

 

Leave a Reply

Your email address will not be published. Required fields are marked *

Back To Top