Saturday, 20th October 2018  

Vijayavani

ಚೀಪ್ ಮೆಂಟಾಲಿಟಿ ನನಗಿಲ್ಲ - ಇದರ ಹಿಂದೆ ಕೈವಾಡ ಇರಬಹುದು - ನಟಿ ಶ್ರುತಿ ಹರಿಹರನ್ ಆರೋಪ ತಳ್ಳಿಹಾಕಿದ ಅರ್ಜುನ್ ಸರ್ಜಾ        ಸ್ಯಾಂಡಲ್​ವುಡ್​​ನಲ್ಲಿ ಮೀ ಟೂ - ನಾಳೆ ಸುದ್ದಿಗೋಷ್ಠಿಯಲ್ಲಿ ಶ್ರುತಿ ಹಾಕ್ತಾರಾ ಬಾಂಬ್ - ನಟಿ ವಿರುದ್ಧ ಗುಡುಗಿದ ಅರ್ಜುನ್ ಸರ್ಜಾ ಅತ್ತೆ        ಧರ್ಮ ವಿಚಾರದಲ್ಲಿ ಡಿಕೆಶಿ ಕ್ಷಮೆಯಾಚನೆಗೆ ಸಿದ್ದು ಸಿಟ್ಟು - ಒಂದೇ ವೇದಿಯಲ್ಲಿದ್ರೂ ಮುಖ ಮುಖ ನೋಡಲಿಲ್ಲ - ಜಂಟಿ ಸುದ್ದಿಗೋಷ್ಠಿಯಲ್ಲಿ ನಾಯಕರ ಮಹಾ ಮುನಿಸು        ಜೆಡಿಎಸ್‌, ಕಾಂಗ್ರೆಸ್‌ನ ಸುದ್ದಿಗೋಷ್ಠಿ - ಕಾಂಗ್ರೆಸ್‌, ಜೆಡಿಎಸ್‌ ಜಂಟಿ ಸಮರಕ್ಕೆ ಬಿಜೆಪಿ ವ್ಯಂಗ್ಯ- ಟ್ವೀಟ್‌ ಮೂಲಕ ಟಾಂಗ್‌        ಒಂದೇ ಮನಸ್ಸು ಎರಡು ದೇಹ ಅಂದ್ರು ಸಿಎಂ - ಈ ಜನ್ಮದಲ್ಲಿ ಗೌಡ್ರು-ಸಿದ್ದು ಒಂದಾಗಲ್ಲ ಅಂದ್ರು ಕಾರಜೋಳ - ದೋಸ್ತಿಗಳಿಗೆ ಬಿಜೆಪಿ ನಾಯಕರ ಟಕ್ಕರ್        ಗದಗಿನ ತೋಂಟದಾರ್ಯ ಶ್ರೀಗಳು ಲಿಂಗೈಕ್ಯ - ಹೃದಯಾಘಾತದಿಂದ ಗದಗ್‌ನ ಖಾಸಗಿ ಆಸ್ಪತ್ರೆಯಲ್ಲಿ ವಿಧಿವಶ - ನಾಳೆ ಗದಗದಲ್ಲಿ ಅಂತ್ಯಕ್ರಿಯೆ       
Breaking News

ಅಕ್ಷರದೊಂದಿಗೆ ಹಸಿರು ಕ್ರಾಂತಿ

Saturday, 11.08.2018, 3:03 AM       No Comments

| ಅಕ್ಕಪ್ಪ ಮಗದುಮ್ಮ

ಬೆಳಗಾವಿ: ಇತ್ತೀಚೆಗೆ ಶಾಲೆಗಳ ಆವರಣದಲ್ಲಿ ಕೃಷಿ ಮಾಡಿ ಮಕ್ಕಳಲ್ಲಿ ಹಸಿರು ಪ್ರೀತಿ ಮೂಡಿಸುವ ಪರಿಪಾಠ ಹೆಚ್ಚುತ್ತಿದೆ. ಇಂಥ ಶಾಲೆಗಳ ಪಟ್ಟಿಗೆ ಬೆಳಗಾವಿ ಜಿಲ್ಲೆಯ ಚಿಕ್ಕಹಟ್ಟಿಹೊಳಿ ಸರ್ಕಾರಿ ಪ್ರೌಢಶಾಲೆ ಹೊಸ ಸೇರ್ಪಡೆ. ಆರಂಭದಲ್ಲಿ ಹಲವು ಮೂಲ ಸೌಲಭ್ಯಗಳ ಸಮಸ್ಯೆ ಎದುರಿಸುತ್ತಿದ್ದ ಶಾಲೆ ದೈಹಿಕ ಶಿಕ್ಷಣ ಶಿಕ್ಷಕ ಗಿರೀಶ ನಾಯಿಕ ಅವರಿಂದಾಗಿ ಈಗ ಸಾಕಷ್ಟು ಬದಲಾವಣೆ ಕಂಡಿದೆ. ವಿವಿಧ ಬಗೆಯ ಔಷಧ ಗುಣವುಳ್ಳ ಹಾಗೂ ತರಕಾರಿ ಗಿಡಗಳು ಶಾಲೆಯ ಆವರಣದಲ್ಲಿ ನಳನಳಿಸುತ್ತಿವೆ. ಆರಂಭದಲ್ಲಿ ಬರಡು ಭೂಮಿಯಂತಿದ್ದ ಶಾಲೆಯ ಆವರಣ ಈಗ ಹಸಿರು ಹೊದಿಕೆಯಿಂದ ಕಂಗೊಳಿಸುತ್ತಿದೆ.

ಶಾಲೆಯ ಒಳಗೆ ಹೋದರೆ ಆವರಣದಲ್ಲಿ ವಿದ್ಯಾರ್ಥಿಗಳು ಗಿಡಗಳಿಗೆ ನೀರುಣಿಸುವ, ಕಳೆ ತೆಗೆಯುವ, ಗೊಬ್ಬರ ಹಾಕಿ ಪೋಷಣೆ ಮಾಡುವ ದೃಶ್ಯ ಕಾಣಿಸುತ್ತದೆ. ನುರಿತ ಕೃಷಿಕರನ್ನೂ ನಾಚಿಸುವಂತೆ ವಿದ್ಯಾರ್ಥಿಗಳು ಕೃಷಿಯಲ್ಲಿ ತೊಡಗಿಕೊಂಡಿರುತ್ತಾರೆ. ಸ್ವತಃ ಕೃಷಿಯ ಬಗ್ಗೆ ಒಲವು ಹೊಂದಿದ್ದ ಶಿಕ್ಷಕ ಗಿರೀಶ ಶಾಲಾಮಕ್ಕಳಿಗೆ ಈ ವಿಷಯದಲ್ಲಿ ಮಾರ್ಗದರ್ಶಕರಾಗಿದ್ದಾರೆ. ‘ಮಕ್ಕಳಿಗೆ ಗುಣಮಟ್ಟದ ಶಿಕ್ಷಣ ನೀಡುವುದು ಮಾತ್ರವಲ್ಲ, ಪರಿಸರ ಪ್ರೀತಿ ಬೆಳೆಸಿ ಕೃಷಿಯ ಮಹತ್ವವನ್ನೂ ಹೇಳಿಕೊಡಬೇಕು’ ಎಂಬುದು ಅವರ ಧ್ಯೇಯ. ಆದ್ದರಿಂದ ಶಾಲೆಗೆ ಬಂದ ಮೊದಲ ವರ್ಷವೇ ವಿದ್ಯಾರ್ಥಿಗಳಿಗೆ ಕೃಷಿ ತರಬೇತಿ ನೀಡಲಾರಂಭಿಸಿದರು.

ವಿದ್ಯಾರ್ಥಿಗಳ ವಿಭಾಗ: ಶಾಲೆಯಲ್ಲಿ ಒಟ್ಟು 8 ಶಿಕ್ಷಕರಿದ್ದು, 125 ವಿದ್ಯಾರ್ಥಿಗಳಿದ್ದಾರೆ. ಒಬ್ಬ ವಿದ್ಯಾರ್ಥಿಗೆ ತಲಾ ನಾಲ್ಕು ಗಿಡಗಳನ್ನು ಪೋಷಣೆ ಮಾಡುವ ಜವಾಬ್ದಾರಿಯನ್ನು ವಹಿಸಿಕೊಡಲಾಗಿದೆ. ಬೆಂಡೆ, ಬದನೆ, ಮೆಣಸಿನಕಾಯಿ, ಟೊಮೆಟೋ, ಅವರೆ ಮುಂತಾದ ತರಕಾರಿ ಬೆಳೆಗಳನ್ನು ಬೆಳೆಯಲಾಗುತ್ತಿದೆ. ತರಗತಿಯ ಒಟ್ಟು ವಿದ್ಯಾರ್ಥಿಗಳಲ್ಲಿ 5 ವಿಭಾಗ ಮಾಡಿ, ಪ್ರತಿ ತಂಡಕ್ಕೂ ನಿರ್ದಿಷ್ಟ ಭೂಮಿ ನೀಡಲಾಗಿದೆ. ಅಲ್ಲಿ ಉಳುಮೆ ಮಾಡುವುದರಿಂದ ಹಿಡಿದು ಕಟಾವು ಮಾಡುವವರೆಗಿನ ಎಲ್ಲ ಕೆಲಸಗಳನ್ನು ಮಕ್ಕಳೇ ಮಾಡಬೇಕು.

ಔಷಧ ಸಸ್ಯಗಳು: ಶಾಲೆ ಆವರಣದಲ್ಲಿ ನಿರ್ಗಂಡಿ, ಅನಂತಮೂಲ, ಗವತಿ, ಕುಮಾರಿ, ಪಾಷಾಣಭೇದ, ಗುಗ್ಗುಳು, ಏರಕಂಡಕರ್ಕಟಿ, ನಾರಿಕೇಲ, ತರೂಣಿ, ಕಾಮಕಸ್ತೂರಿ, ಜಂಬೂ, ಆಮೃತ, ಭೈಂಗರಾಜ, ಚಿತ್ರಕ, ಪನಸ, ಆಮಲಕ್ಕಿ, ಸದಾಪಹ, ನುಗ್ಗೆ, ದಾಳಿಂಬೆ, ಯಂಕಿ, ಚಹಾ ಗಡ್ಡಿ, ಶತಾವರಿ, ತುಳಸಿ, ಅರ್ಕ, ಮದುನಾಶಿನಿ ಸೇರಿ ವಿವಿಧ ಬಗೆಯ ಸಸಿಗಳನ್ನು ನೆಟ್ಟು ಪೋಷಿಸಲಾಗುತ್ತಿದೆ.

ಆಟಕ್ಕೂ ಸೈ, ಪಾಠಕ್ಕೂ ಸೈ: ಈ ಶಾಲೆಯ ವಿದ್ಯಾರ್ಥಿಗಳು ಕೃಷಿ, ಪರಿಸರ ಕಾಳಜಿ ಜತೆಗೆ ಕ್ರೀಡೆ ಹಾಗೂ ವಿದ್ಯಾಭ್ಯಾಸದಲ್ಲೂ ಮುಂದಿದ್ದಾರೆ. ವಿದ್ಯಾರ್ಥಿನಿ ಗೌರಮ್ಮ ಪೂಜಾರ ವಾಲಿಬಾಲ್​ನಲ್ಲಿ ರಾಜ್ಯ ಮಟ್ಟಕ್ಕೆ ಆಯ್ಕೆಯಾಗಿದ್ದಾಳೆ. ಅವಳೀಗ ಕ್ರೀಡಾ ಮೀಸಲಾತಿಯಡಿ ಮೂಡಬಿದಿರೆಯ ಆಳ್ವಾಸ್ ಶಾಲೆಯಲ್ಲಿ ಉಚಿತ ಪ್ರವೇಶ ಪಡೆದು ಓದುತ್ತಿದ್ದಾಳೆ.

ಈ ಶಾಲೆಗೆ 2015-16ನೇ ಸಾಲಿನ ‘ಜಿಲ್ಲಾ ಅತ್ಯುತ್ತಮ ಪ್ರೌಢಶಾಲೆ’ ಹಾಗೂ ‘ಸ್ವಚ್ಛ ಪರಿಸರ ಶಾಲೆ’ ಹಾಗೂ ‘ಪರಿಸರ ಮಿತ್ರ’ ಪ್ರಶಸ್ತಿ ಲಭಿಸಿದೆ.

ಪಾಲಕರ ಪ್ರೋತ್ಸಾಹ

ಶಾಲೆಯ ಈ ಹಸಿರು ಪ್ರಯೋಗಕ್ಕೆ ಪೋಷಕರು, ಶಾಲಾ ಅಭಿವೃದ್ಧಿ ಸಮಿತಿ (ಎಸ್​ಡಿಎಂಸಿ) ಸದಸ್ಯರು, ಹಳೆ ವಿದ್ಯಾರ್ಥಿಗಳ ಸಂಘದ ಸದಸ್ಯರು ಮತ್ತು ಗ್ರಾಮಸ್ಥರ ಪೂರ್ಣ ಬೆಂಬಲವಿದೆ. ಎಸ್​ಡಿಎಂಸಿ ಅಧ್ಯಕ್ಷ ಸುರೇಶ ಸಣ್ಣಕ್ಕಿ ಹಾಗೂ ಹಳೆ ವಿದ್ಯಾರ್ಥಿಗಳ ಸಂಘದ ಅಧ್ಯಕ್ಷ ಶಿವಾನಂದ ಪೂಜಾರಿ ಅವರು ಶಾಲೆ ಕಟ್ಟಡ, ಶೌಚಗೃಹ ಹಾಗೂ ಆಟದ ಮೈದಾನ ನಿರ್ವಿುಸಲು ಆರ್ಥಿಕ ಸಹಾಯ ಮಾಡಿದ್ದಾರೆ.

ಬರುವ ತಿಂಗಳು ಚಿಕ್ಕಹಟ್ಟಿಹೊಳಿ ಶಾಲೆಗೆ ಇಂಗ್ಲಿಷ್ ಶಿಕ್ಷಕರನ್ನು ನೇಮಿಸಲಾಗುವುದು. ಡಿಎಸ್​ಇಆರ್​ಪಿ ಸಂಸ್ಥೆ ವತಿಯಿಂದ ನೀಡಲಾಗುವ ಕಂಪ್ಯೂಟರ್​ಗಳನ್ನು ಚಿಕ್ಕಹಟ್ಟಿಹೊಳಿ ಶಾಲೆಗೆ ನೀಡಲಾಗುವುದು. ಶಾಲೆಯ ಕಾಂಪೌಂಡ್ ನಿರ್ಮಾಣ ಜಿಪಂ ವ್ಯಾಪ್ತಿಗೆ ಬರುತ್ತದೆ. ಆದರೂ ಶಿಕ್ಷಣ ಇಲಾಖೆ ವತಿಯಿಂದ ಸಹಕಾರ ನೀಡಲು ಪ್ರಯತ್ನಿಸುತ್ತೇನೆ.

| ಆನಂದ ಬಿ. ಪುಂಡಲೀಕ ಡಿಡಿಪಿಐ, ಬೆಳಗಾವಿ

 

ಈ ಶಾಲೆಯಲ್ಲಿ ಹಲವು ವರ್ಷಗಳಿಂದ ಇಂಗ್ಲಿಷ್ ಶಿಕ್ಷಕರೇ ಇಲ್ಲ. ಇದರಿಂದ ಮಕ್ಕಳ ವಿದ್ಯಾಭ್ಯಾಸಕ್ಕೆ ತೀವ್ರ ಹಿನ್ನಡೆಯಾಗುತ್ತಿದೆ. ಮೇಲಧಿಕಾರಿಗಳು ಗಮನಹರಿಸಿ ಇಂಗ್ಲಿಷ್ ಶಿಕ್ಷಕರ ನೇಮಕ ಹಾಗೂ ಕಂಪ್ಯೂಟರ್ ಅಳವಡಿಸಿಕೊಟ್ಟರೆ ವಿದ್ಯಾರ್ಥಿಗಳ ಸಾಧನೆಗೆ ಸಹಕಾರಿಯಾಗುತ್ತದೆ.

| ಗಿರೀಶ ನಾಯಿಕ ದೈಹಿಕ ಶಿಕ್ಷಣ ಶಿಕ್ಷಕ

 

ಈ ಶಾಲೆ ಖಾನಾಪುರ ದಟ್ಟಾರಣ್ಯ ಪ್ರದೇಶಕ್ಕೆ ಹೊಂದಿಕೊಂಡಿದ್ದು, ಇಲ್ಲಿನ ಮಕ್ಕಳಿಗೆ ಕಾಡುಪ್ರಾಣಿಗಳ ಭೀತಿ ಇದೆ. ಸಂಬಂಧಪಟ್ಟ ಇಲಾಖೆ ಅಧಿಕಾರಿಗಳ ಇತ್ತ ಗಮನಹರಿಸಿ ಶಾಲೆಗೆ ಕಾಂಪೌಂಡ್ ನಿರ್ವಿುಸಿಕೊಟ್ಟರೆ ಮಕ್ಕಳಿಗೆ ಅನುಕೂಲವಾಗಲಿದೆ.

| ಸುರೇಶ ಸಣ್ಣಕ್ಕಿ ಎಸ್​ಡಿಎಂಸಿ ಅಧ್ಯಕ್ಷ

Leave a Reply

Your email address will not be published. Required fields are marked *

Back To Top