Wednesday, 19th September 2018  

Vijayavani

ಆಸ್ಪತ್ರೆಯಿಂದ ಸಚಿವ ಡಿ.ಕೆ. ಶಿವಕುಮಾರ್​​ ಡಿಸ್ಚಾರ್ಜ್ - ಕೆಲವೇ ಕ್ಷಣಗಳಲ್ಲಿ ಸುದ್ದಿಗೋಷ್ಠಿ - ಎಟಿಎಂ ಆರೋಪಕ್ಕೆ ಉತ್ತರಿಸ್ತಾರಾ?        ಗಾಂಧಿ ಕುಟುಂಬಕ್ಕೆ ಎಟಿಎಂ ಅಂತೆ ಡಿಕೆಶಿ - ಎಐಸಿಸಿಗೆ 600 ಕೋಟಿ ಆಗಿದ್ಯಂತೆ ಡೆಪಾಸಿಟ್ - ಡಿಕೆಶಿ ವಿರುದ್ಧ ಆರೋಪಗಳ ಪಟ್ಟಿ        ಇಡಿ ಪ್ರಕರಣದಲ್ಲಿ ಡಿಕೆಶಿ ಬಂಧನ ಖಚಿತ - ಅರೆಸ್ಟ್‌ ಬೆನ್ನಲ್ಲೇ ಮೈತ್ರಿ ಸರ್ಕಾರ ಖತಂ - ಬಿಜೆಪಿ ರಾಜ್ಯಾಧ್ಯಕ್ಷ ಬಿಎಸ್‌ವೈ ಭವಿಷ್ಯ        ಬೆಂಗ್ಳೂರು ರಸ್ತೆ ಗುಂಡಿಗೆ ಹೈಕೋರ್ಟ್ ಗರಂ - ಬೆಳಗ್ಗೆಯೊಳಗೆ ಗುಂಡಿ ಮುಚ್ಚಿಸಿ - ಕೆಲ್ಸ ಮಾಡದಿದ್ರೆ ಬಿಬಿಎಂಪಿ ಬಂದ್ ಅಂದ್ರು ಸಿಜೆ        ನವಾಜ್​​ ಷರೀಫ್​ಗೆ ರಿಲೀಫ್ - ಜೈಲಿನಿಂದ ಪಾಕ್ ಮಾಜಿ ಪ್ರಧಾನಿ, ಪುತ್ರಿ ಬಿಡುಗಡೆ - ಇಸ್ಲಾಮಾಬಾದ್ ಹೈಕೋರ್ಟ್ ಆದೇಶ        ದುಬೈನಲ್ಲಿ ಏಷ್ಯಾಕಪ್ ಹಣಾಹಣಿ - ಹೈವೋಲ್ಟೇಜ್ ಮ್ಯಾಚ್​ಗೆ ಬದ್ಧ ವೈರಿಗಳು ಸಜ್ಜು - ಟಾಗ್‌ಗೆದ್ದ ಪಾಕ್‌ ಬ್ಯಾಟಿಂಗ್‌ ಆಯ್ಕೆ       
Breaking News

ಡಿಎಸ್​ಪಿ ಹುದ್ದೆಯಿಂದ ಹರ್ವನ್​ಪ್ರೀತ್ ಕೌರ್ ವಜಾ

Wednesday, 11.07.2018, 3:03 AM       No Comments

ಚಂಡೀಗಢ: ಮಹಿಳೆಯರ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ಭರ್ಜರಿ ನಿರ್ವಹಣೆ ತೋರಿದ್ದ ಭಾರತ ಮಹಿಳಾ ಟಿ20 ತಂಡದ ನಾಯಕಿ ಹರ್ವನ್​ಪ್ರೀತ್ ಕೌರ್ ಡಿಎಸ್​ಪಿ ಹುದ್ದೆಗಾಗಿ ನಕಲಿ ಪದವಿ ಪ್ರಮಾಣಪತ್ರ ಸಲ್ಲಿಸಿ ಸಿಕ್ಕಿಬಿದ್ದಿದ್ದಾರೆ. ಈ ಮೋಸದ ಬಗ್ಗೆ ತನಿಖೆ ನಡೆಸಿ ತಕ್ಷಣ ಕ್ರಮ ಕೈಗೊಂಡಿರುವ ಪಂಜಾಬ್ ಸರ್ಕಾರ, ಪೊಲೀಸ್ ಇಲಾಖೆಯಲ್ಲಿ ನೀಡಿದ್ದ ಡಿಎಸ್​ಪಿ ಹುದ್ದೆಯಿಂದ ಹರ್ವನ್​ಪ್ರೀತ್ ಕೌರ್​ರನ್ನು ವಜಾ ಮಾಡಿದೆ.

2017ರ ಏಕದಿನ ವಿಶ್ವಕಪ್ ಟೂರ್ನಿಯ ಸೆಮಿಫೈನಲ್​ನಲ್ಲಿ ಇಂಗ್ಲೆಂಡ್ ಎದುರು 175 ರನ್ ಸಿಡಿಸುವ ಮೂಲಕ ಮಹಿಳಾ ತಂಡದ ‘ಕಪಿಲ್ ದೇವ್’ ಎನ್ನುವ ಪ್ರಶಂಸೆ ಪಡೆದಿದ್ದ ಹರ್ವನ್​ಪ್ರೀತ್​ಗೆ ಪಂಜಾಬ್ ಸರ್ಕಾರ ಡಿಎಸ್​ಪಿ ಹುದ್ದೆ ನೀಡಿತ್ತು. ಮಾರ್ಚ್ 1ರಂದು ಡಿಎಸ್​ಪಿ ಹುದ್ದೆಗೆ ಸೇರಿಕೊಂಡಿದ್ದ ಹರ್ವನ್​ಪ್ರೀತ್, 2011ರಲ್ಲಿ ಮೀರಠ್​ನ ಚೌಧರಿ ಚರಣ್ ಸಿಂಗ್ ವಿವಿಯಿಂದ ಪದವಿ ಪಡೆದಿರುವುದಾಗಿ ಪ್ರಮಾಣ ಪತ್ರ ಸಲ್ಲಿಸಿದ್ದರು. ಆದರೆ, ಪೊಲೀಸ್ ಅಧಿಕಾರಿಗಳ ಪರಿಶೀಲನೆಯ ಬಳಿಕ, ಈ ಪ್ರಮಾಣ ಪತ್ರ ನಕಲಿ ಎಂದು ಸಾಬೀತಾಗಿದೆ. ಇದರಿಂದಾಗಿ ಹರ್ವನ್​ಪ್ರೀತ್​ರ ವಿದ್ಯಾರ್ಹತೆಯನ್ನು ಪಿಯುಸಿ ಎಂದು ಪರಿಗಣಿಸಬಹುದಾಗಿದ್ದು, ಪೊಲೀಸ್ ಇಲಾಖೆಯಲ್ಲಿ ಗರಿಷ್ಠ ಕಾನ್​ಸ್ಟೇಬಲ್ ಹುದ್ದೆ ಪಡೆಯಬಹು ದಷ್ಟೆ ಎಂದು ಇಲಾಖೆ ತಿಳಿಸಿದೆ. ‘ಹರ್ವನ್​ಪ್ರೀತ್ ಬಿಎ ಅಂತಿಮ ವರ್ಷದ ಅಂಕಪಟ್ಟಿಯನ್ನು ಸಲ್ಲಿಸಿದ್ದರು. ಆದರೆ ಆ ಅಂಕಪಟ್ಟಿಯ ಕ್ರಮ ಸಂಖ್ಯೆ ಮತ್ತು ದಾಖಲಾತಿ ಸಂಖ್ಯೆ ನಮ್ಮ ದಾಖಲೆಯಲ್ಲಿ ಸಿಕ್ಕಿಲ್ಲ’ ಎಂದು ಮೀರತ್​ನ ಚೌಧರಿ ಚರಣ್ ಸಿಂಗ್ ವಿವಿ ರಿಜಿಸ್ಟ್ರಾರ್ ಜಿಪಿ ಶ್ರೀವಾಸ್ತವ್ ತಿಳಿಸಿದ್ದಾರೆ. ಈ ಮುನ್ನ, ಕಾಮನ್ವೆಲ್ತ್ ಗೇಮ್್ಸ ಸ್ವರ್ಣ ವಿಜೇತ ಅಥ್ಲೀಟ್ ಮಂದೀಪ್ ಕೌರ್ ಕೂಡ ನಕಲಿ ಪದವಿ ಪ್ರಮಾಣ ಪತ್ರ ನೀಡಿ ಸಿಕ್ಕಿಬಿದ್ದಿದ್ದರಲ್ಲದೆ, ಮಾರ್ಚ್​ನಲ್ಲಿ ಅವರನ್ನು ಡಿಎಸ್​ಪಿ ಹುದ್ದೆಯಿಂದ ಪಂಜಾಬ್ ಸರ್ಕಾರ ವಜಾ ಮಾಡಿತ್ತು.

ಅರ್ಜುನ ಪ್ರಶಸ್ತಿಗೂ ಕರಿನೆರಳು?

29 ವರ್ಷದ ಹರ್ವನ್​ಪ್ರೀತ್ ಪ್ರತಿಷ್ಠಿತ ಅರ್ಜುನ ಪ್ರಶಸ್ತಿಯನ್ನು ಕಳೆದುಕೊಳ್ಳುವ ಭೀತಿ ಎದುರಿಸಿದ್ದಾರೆ. ಇಲಾಖೆ ಒಂದು ವೇಳೆ ಇವರ ವಿರುದ್ಧ ಎಫ್​ಐಆರ್ ದಾಖಲಿಸಿದರೆ ಪ್ರಶಸ್ತಿ ಹಿಂಪಡೆಯುವುದು ಖಚಿತ ಎನ್ನಲಾಗಿದೆ. ಆದರೆ ಸರ್ಕಾರಿ ಅಧಿಕಾರಿಯೊಬ್ಬರು ಹೇಳಿರುವಂತೆ ಹರ್ವನ್​ಪ್ರೀತ್ ಈಗ ಪ್ರಖ್ಯಾತ ಕ್ರಿಕೆಟರ್ ಆಗಿರುವ ಕಾರಣ ಅವರ ವಿರುದ್ಧ ಎಫ್​ಐಆರ್ ದಾಖಲಿಸುವುದಿಲ್ಲ. ಆದರೆ ಮಾದರಿ ಕ್ರೀಡಾಪಟುವಾಗಬೇಕಿದ್ದ ಇಂಥವರಿಂದ ಗೌರವಾನ್ವಿತ ಹುದ್ದೆಗಾಗಿ ಮೋಸ ನಡೆದಿರುವುದಕ್ಕೆ ಟ್ವಿಟರ್​ನಲ್ಲಿ ಹಲವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಈ ಮುನ್ನ ಹರ್ವನ್​ಪ್ರೀತ್ ಕೌರ್ ರೈಲ್ವೇ ಇಲಾಖೆಯ ಕಚೇರಿ ಮೇಲ್ವಿಚಾರಕಿಯಾಗಿದ್ದರು.

Leave a Reply

Your email address will not be published. Required fields are marked *

Back To Top