Friday, 17th August 2018  

Vijayavani

ಬಿಜೆಪಿ ಕಚೇರಿಯಲ್ಲಿ ಅಟಲ್​ ಅಂತಿಮ ದರ್ಶನ, ಮೋದಿ ಸೇರಿ ಹಲವು ಗಣ್ಯರಿಂದ ಅಂತಿಮ ನಮನ         ಅಟಲ್​​ಗೆ ವಿಶ್ವದಾದ್ಯಂತ ಕಂಬನಿ: ಅಂತಿಮ ದರ್ಶನಕ್ಕೆ ವಿದೇಶಿ ನಾಯಕರ ಆಗಮನ, ಪಾಕ್​​ ನಿಯೋಗಕ್ಕೆ ಭಾರತ ವೀಸಾ        14 ಕಿ.ಮೀ. ಸಾಗಲಿದೆ ವಾಜಪೇಯಿ​​ ಅಂತಿಮ ಯಾತ್ರೆ: ಭಾಗಿಯಾಗಲಿದ್ದಾರೆ ಪ್ರಧಾನಿ, 4 ಗಂಟೆಗೆ ಸ್ಮೃತಿ ಸ್ಥಳದಲ್ಲಿ ಅಂತ್ಯಕ್ರಿಯೆ        ಕೊಡಗಿನಲ್ಲಿ ಮುಂದುವರಿದ ಮಳೆ: ಪ್ರವಾಹಕ್ಕೆ ಸಿಲುಕಿ ಜನಜೀವನ ತತ್ತರ, ಸಹಾಯಕ್ಕೆ ಅಂಗಲಾಚುತ್ತಿದ್ದಾರೆ ಜನ        ಕೇರಳದಲ್ಲಿ ಮುಂದುವರಿದ ರಕ್ಷಣಾ ಕಾರ್ಯ: ವಿಮಾನದಿಂದ ಆಹಾರ ಪೂರೈಕೆ, ಲಕ್ಷಾಂತರ ಮಂದಿ ಸ್ಥಳಾಂತರ       
Breaking News

16 ಲಕ್ಷದ ಜತೆಗೆ 25 ಲಕ್ಷ ರೂ.ಕೊಡುತ್ತೇವೆ ಪ್ರತಿಭಟನೆ ನಿಲ್ಲಿಸಿ ಎಂದ ಆಸ್ಪತ್ರೆ?

Thursday, 07.12.2017, 2:09 PM       No Comments

<< ಗುರುಗ್ರಾಮ್ ಆಸ್ಪತ್ರೆ ವಿರುದ್ಧ ಡೆಂಘೆಗೆ ಮೃತಪಟ್ಟ ಬಾಲಕಿ ತಂದೆ ಆರೋಪ >>

ಗುರುಗ್ರಾಮ್​: ಮಗುವೊಂದರ ಡೆಂಘೆ ಚಿಕಿತ್ಸೆಗೆ 16 ಲಕ್ಷ ರೂ. ದುಬಾರಿ ಬಿಲ್​ ಮಾಡಿ ಆಕ್ರೋಶಕ್ಕೆ ಗುರಿಯಾಗಿದ್ದ ಪ್ರತಿಷ್ಠಿತ ಖಾಸಗಿ ಆಸ್ಪತ್ರೆ ಫೋರ್ಟಿಸ್ ಈಗ ಹೊಸ ವಿವಾದಕ್ಕೆ ಸಿಲುಕಿದೆ. ಪ್ರತಿಭಟನೆ ಕೈ ಬೀಡುವಂತೆ ಪೋಷಕರಿಗೆ ಹಣದ ಆಮಿಷವೊಡ್ಡಿದ ಆರೋಪವನ್ನು ಎದುರಿಸುವಂತಾಗಿದೆ.

ಜಯಂತ್​ ಸಿಂಗ್ ಎಂಬುವವರು ಡೆಂಘೆ ಚಿಕಿತ್ಸೆಗೆಂದು ತಮ್ಮ 7 ವರ್ಷದ ಪುತ್ರಿ ಆದ್ಯಾಳನ್ನು ಈ ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದರು. ಆದರೆ, ಚಿಕಿತ್ಸೆ ಫಲಿಸದೆ ಮಗು ಅಸುನೀಗಿತ್ತು. ಜತೆಗೆ 16 ಲಕ್ಷ ರೂ. ದುಬಾರಿ ಶುಲ್ಕ ಪಾವತಿಸಿಕೊಂಡಿದ್ದ ಆಸ್ಪತ್ರೆ ವಿರುದ್ಧ ಪಾಲಕರು ಪ್ರತಿಭಟನೆ ನಡೆಸಿದ್ದರು.

ಆದರೆ, ಈಗ ಆಸ್ಪತ್ರೆಯ ಸಿಬ್ಬಂದಿ ಪಾಲಕರನ್ನು ಭೇಟಿಯಾಗಿ 10 ಲಕ್ಷ ರೂ. ಬಿಲ್​ ಮೊತ್ತವನ್ನು ಹಿಂದಿರುಗಿಸುತ್ತೇವೆ ಎಂದಿದ್ದಾರಲ್ಲದೇ, 25 ಲಕ್ಷ ರೂಪಾಯಿಯನ್ನು ಕೂಡಾ ನೀಡುತ್ತೇವೆ. ಇದಕ್ಕೆ ಬದಲಾಗಿ ಪಾಲಕರು ಪ್ರತಿಭಟನೆ ಹಿಂಪಡೆಯಬೇಕು ಹಾಗೂ ಮುಂದಿನ ದಿನಗಳಲ್ಲಿ ಆಸ್ಪತ್ರೆ ವಿರುದ್ಧ ಯಾವುದೇ ಕಾನೂನು ಕ್ರಮ ಕೈಗೊಳ್ಳುವುದಿಲ್ಲ ಎಂದು ಒಪ್ಪಂದಕ್ಕೆ ಸಹಿ ಮಾಡಬೇಕೆಂಬ ಷರತ್ತು ವಿಧಿಸಿದ್ದಾರೆ ಎನ್ನಲಾಗಿದೆ.

ಬುಧವಾರ ಪ್ರಕರಣದ ಬಗ್ಗೆ ಹೇಳಿಕೆ ನೀಡಿದ್ದ ರಾಜ್ಯ ಆರೋಗ್ಯ ಮಂತ್ರಿ ಅನಿಲ್​ ವಿಜ್​, ಆಸ್ಪತ್ರೆಯ ಲೀಸ್​ ಒಪ್ಪದ ರದ್ದು ಮಾಡಬೇಕು ಹಾಗೂ ಆಸ್ಪತ್ರೆ ವಿರುದ್ಧ ಎಫ್​ಐಆರ್​ ದಾಖಲಿಸಬೇಕು ಎಂದಿದ್ದರು. ಇದರ ಬೆನ್ನಲ್ಲೇ ಜಯಂತ್ ಸಿಂಗ್ ಆಸ್ಪತ್ರೆ ವಿರುದ್ಧ ಗುರುತರ ಆರೋಪ ಮಾಡಿದ್ದಾರೆ.

ಭಾರತೀಯ ವೈದ್ಯಕೀಯ ಮಂಡಳಿಗೆ ಆಸ್ಪತ್ರೆಯ ಪರವಾನಗಿಯನ್ನು ರದ್ದುಗೊಳಿಸುವಂತೆ ಪತ್ರ ಬರೆಯಲಿರುವ ಆರೋಗ್ಯ ಮಂತ್ರಿ, ಈಗಾಗಲೇ ಆಸ್ಪತ್ರೆಯ ರಕ್ತದಾನ ಶಾಖೆಯನ್ನು ಬಂದು ಮಾಡುವಂತೆ ನೋಟಿಸ್​ ಹೊರಡಿಸಿದ್ದಾರೆ. (ಏಜೆನ್ಸೀಸ್)

Leave a Reply

Your email address will not be published. Required fields are marked *

Back To Top