Wednesday, 20th June 2018  

Vijayavani

ಐಟಿ ದೂರಿನಲ್ಲಿದೆ ಸ್ಫೋಟಕ ಮಾಹಿತಿ - ಎಐಸಿಸಿಗೆ ಕೋಟಿ ಕೋಟಿ ಕೊಟ್ಟಿದ್ರಾ ಡಿಕೆಶಿ - ಹವಾಲಾ ವ್ಯವಹಾರದಲ್ಲಿ ಡಿಕೆಶಿ ಹೆಸರು        ಉಪ್ಪು-ಹುಳಿ, ಖಾರ ಇಲ್ಲದ ಊಟ - ನಾನ್​ ವೆಜ್​​ನಿಂದ ದೂರ ದೂರ - ಪ್ರಕೃತಿ ಚಿಕಿತ್ಸಾಲಯದಲ್ಲಿ ಸಿದ್ದು ಫುಲ್ ಸಸ್ಯಹಾರಿ        ಕಾಶ್ಮೀರದಲ್ಲಿ ಯೋಧನ ಕಿಡ್ನಾಪ್​​​, ಹತ್ಯೆ ಪ್ರಕರಣ - ಮೃತನ ಮನೆಗೆ ರಕ್ಷಣಾ ಸಚಿವ ಭೇಟಿ - ಕುಟುಂಬಸ್ಥರಿಗೆ ಸಾಂತ್ವನ ಹೇಳಿದ ನಿರ್ಮಲಾ ಸೀತಾರಾಮನ್​​        ರೈತ ಎಂದರೆ, ರಕ್ತ, ಬೆವರು ಸುರಿಸುವ ಅನ್ನದಾತ - ದೇಶದ ಅಭಿವೃದ್ಧಿಗೆ ದೇಶದ ರೈತರ ಕೊಡುಗೆ ಆಪಾರ - ರೈತರ ಜತೆ ಪ್ರಧಾನಿ ಮೋದಿ ಸಂವಾದ        ಬಿಸಿಲು ಬರೋವರೆಗೂ ಬಯಲಲ್ಲೇ ಪಾಠ - ಕುಸಿಯುತ್ತಿರೋ ಶಾಲೆಯಲ್ಲೇ ವಿದ್ಯಾರ್ಥಿಗಳ ನರಳಾಟ - ದಾವಣಗೆರೆಯ ಸರ್ಕಾರಿ ಶಾಲೆಗೆ ಬೇಕಿದೆ ಕಾಯಕಲ್ಪ        ಕಣಿವೆ ರಾಜ್ಯದಲ್ಲಿ ರಾಜಕೀಯ ಬಿಕ್ಕಟ್ಟು ಹಿನ್ನೆಲೆ - ಮೈತ್ರಿ ಮುರಿದ ಬೆನ್ನಲ್ಲೇ ರಾಜ್ಯಪಾಲರ ಆಡಳಿತ ಜಾರಿ- ಮಧ್ಯಾಹ್ನ 2:30ಕ್ಕೆ ಅಧಿಕಾರಿಗಳ ಸಭೆ ಕರೆದ ಗವರ್ನರ್       
Breaking News

‘ಗುಂಪು ಪೊಲೀಸ್​ಗಿರಿ’ಗೆ ಜನಮೆಚ್ಚುಗೆ

Sunday, 14.01.2018, 2:09 AM       No Comments

ಹುಬ್ಬಳ್ಳಿ: ಮನೆಕಳ್ಳತನ, ಸರಗಳ್ಳತನ ಸೇರಿದಂತೆ ಅಪರಾಧ ಕೃತ್ಯಗಳನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಗೋಕುಲ ರೋಡ್ ಠಾಣೆ ಪೊಲೀಸರು ‘ಗುಂಪು ಪೊಲೀಸ್​ಗಿರಿ’ ಎಂಬ ವಿಭಿನ್ನ ಪ್ರಯತ್ನಕ್ಕೆ ನಾಂದಿ ಹಾಡಿದ್ದು, ಇದಕ್ಕೆ ಭಾರಿ ಜನಮೆಚ್ಚುಗೆ ವ್ಯಕ್ತವಾಗಿದೆ.

ನಗರ ಬೆಳೆದಂತೆಲ್ಲ ಅಪರಾಧಗಳ ಸಂಖ್ಯೆಯೂ ಹೆಚ್ಚಾಗುತ್ತಿದೆ. ಅಪರಾಧಿಗಳನ್ನು ಹಿಡಿಯಲು ಪೊಲೀಸರು ಚಾಪೆ ಕೆಳಗೆ ನುಸುಳಿದರೆ, ಕಳ್ಳರು ರಂಗೋಲಿ ಕೆಳಗೇ ನುಸುಳುತ್ತಾರೆ. ಹಾಗಾಗಿ, ಅಂತಹ ಕೃತ್ಯಗಳಿಗೆ ಆರಂಭದಲ್ಲೇ ಕತ್ತರಿ ಪ್ರಯೋಗ ಮಾಡುವ ಉದ್ದೇಶದಿಂದ ಗೋಕುಲ ರೋಡ್ ಪೊಲೀಸ್ ಠಾಣೆ ಇನ್ಸ್​ಪೆಕ್ಟರ್ ಮಲ್ಲಯ್ಯ ಮಠಪತಿ ವಿಶೇಷ ಯೋಜನೆಯೊಂದನ್ನು ಜಾರಿಗೆ ತಂದಿದ್ದಾರೆ.

ಹತ್ತಾರು ಪೊಲೀಸ್ ಸಿಬ್ಬಂದಿಯನ್ನು ಸೇರಿಸಿ ಗುಂಪು ರಚಿಸಲಾಗಿದೆ. ಇನ್ಸ್​ಪೆಕ್ಟರ್ ಮಲ್ಲಯ್ಯ ಮಠಪತಿ ತಂಡದ ನೇತೃತ್ವ ವಹಿಸಿದ್ದಾರೆ. ಅವರ ಜೊತೆಗೆ ಪಿಎಸ್​ಐ, ಎಎಸ್​ಐ, ಮುಖ್ಯಪೇದೆ, ಪೇದೆ ತಂಡದಲ್ಲಿದ್ದಾರೆ. ಈ ಗುಂಪಿನವರು ಪ್ರತಿನಿತ್ಯ ಒಂದೊಂದು ಬಡಾವಣೆಗೆ ಬೈಕ್​ನಲ್ಲಿ ತೆರಳುತ್ತಾರೆ. ಇನ್ಸ್​ಪೆಕ್ಟರ್ ಸೂಚನೆಯಂತೆ ಆಯಕಟ್ಟಿನ ಜಾಗಗಳನ್ನು ಪರಿಶೀಲಿಸುತ್ತ ಸಾಗುತ್ತಾರೆ.

ರೌಡಿಗಳು, ರಸ್ತೆಬದಿ ಮದ್ಯಪಾನ, ಧೂಮಪಾನ ಮಾಡುವವರು, ಹುಡುಗಿಯರನ್ನು ಚುಡಾಯಿಸುವವರು, ಕಾಲೇಜ್ ಬಳಿ ರ್ಯಾಗಿಂಗ್ ಮಾಡುವವರು, ಸಮಾಜ ಘಾತಕ ಶಕ್ತಿಗಳು, ಹೀಗೆ ಅಪರಾಧಿಗಳ ಮೇಲೆ ಈ ತಂಡ ಹದ್ದಿನ ಕಣ್ಣು ಇಡುತ್ತದೆ. ಜನಸಾಮಾನ್ಯರಿಗೆ ತೊಂದರೆ ಉಂಟಾಗಿದ್ದರೆ ಹೇಳಿಕೊಳ್ಳಬಹುದು. ಸಾಧ್ಯವಿದ್ದಲ್ಲಿ ಸ್ಥಳದಲ್ಲೇ ಪರಿಹಾರ ಒದಗಿಸುತ್ತಾರೆ.

ಹೀಗೆ ಪೊಲೀಸರು ಗುಂಪು ಗುಂಪಾಗಿ ಬರುವುದರಿಂದ ಅನೇಕ ಲಾಭಗಳಿವೆ. ಒಬ್ಬೊಬ್ಬರು ಬಂದರೆ ಕೆಲವರು ಹೆದರುವುದಿಲ್ಲ. ಖಾಕಿ ತೊಟ್ಟ ಪೊಲೀಸರು ಗುಂಪಿನಲ್ಲಿ ಬರುವುದರಿಂದ ಪುಂಡ ಪೋಕರಿಗಳು ಹಿಂಜರಿಯುತ್ತಾರೆ. ಪೊಲೀಸರು ಆಗಾಗ ಕಾಣುತ್ತಿರುವುದರಿಂದ ಅನೇಕರಿಗೆ ಕಾನೂನು ಪಾಲಿಸುವ ಕುರಿತು ನೆನಪಾಗುತ್ತಿರುತ್ತದೆ. ಇದರಿಂದಾಗಿ ಅಪರಾಧ ಕೃತ್ಯಗಳ ಸಂಖ್ಯೆಯೂ ಕಡಿಮೆಯಾಗಲಿದೆ ಎನ್ನುತ್ತಾರೆ ಗೋಕುಲ ರೋಡ್ ಪೊಲೀಸ್ ಠಾಣೆ ಇನ್ಸ್​ಪೆಕ್ಟರ್ ಮಲ್ಲಯ್ಯ ಮಠಪತಿ.

ಸಾರ್ವಜನಿಕರಿಗೆ ಅಭಯ

ರಾಜ್ಯ ಸರ್ಕಾರದ ಮಹತ್ವಕಾಂಕ್ಷಿ ಯೋಜನೆ ‘ಹೊಸ ಬೀಟ್ ಪದ್ಧತಿ’ಗೆ ಬೆಂಬಲವಾಗಿ ಈ ಯೋಜನೆ ರೂಪಿಸಲಾಗಿದೆ. ಗೋಕುಲ ರೋಡ್ ಠಾಣೆ ವ್ಯಾಪ್ತಿಯಲ್ಲಿ 68 ಬೀಟ್​ಗಳಿವೆ. ತೋಳನಕೆರೆ, ಗ್ರೀನ್ ಗಾರ್ಡನ್, ಶಿವಪುರ ಕಾಲನಿ, ಡಾಲರ್ಸ್ ಕಾಲನಿ, ಅಕ್ಷಯ ಪಾರ್ಕ್, ಚೈತನ್ಯ ನಗರ, ಗೋಕುಲ ಇಂಡಸ್ಟ್ರಿಯಲ್ ಎಸ್ಟೇಟ್, ರವಿನಗರ, ಶ್ರೀಕೃಷ್ಣ ಲೇಔಟ್, ಮಾರುತಿ ನಗರ, ರೇಣುಕಾ ನಗರ, ವಿವೇಕಾನಂದ ನಗರ, ಸಿಲ್ವರ್ ಟೌನ್, ಮಂಜುನಾಥ ನಗರ, ವೀರಾಂಜನೇಯ ನಗರ ಸೇರಿದಂತೆ ಇತರ ಬಡಾವಣೆಗಳಿಗೆ ಒಂದೊಂದು ದಿನ ಗುಂಪು ಪೊಲೀಸ್ ತಂಡ ತೆರಳಿ ಸಾರ್ವಜನಿಕರಿಗೆ ಅಭಯ ನೀಡುತ್ತಿದೆ.

Leave a Reply

Your email address will not be published. Required fields are marked *

Back To Top