Friday, 20th July 2018  

Vijayavani

ಶೀರೂರು ಶ್ರೀಗಳ ಸಾವು ಕೊಲೆಯಲ್ಲ - ಅವರಿಗೆ ಮೊದಲಿಂದಲೂ ಅನಾರೋಗ್ಯ ಇತ್ತು - ಉಡುಪಿಯಲ್ಲಿ ಪೇಜಾವರ ಶ್ರೀ ಸ್ಪಷ್ಟನೆ        ರಾಹುಲ್‌ ಅಪ್ಪುಗೆಗೆ ಬಿಜೆಪಿ ಸಿಡಿಮಿಡಿ - ಸದನದಲ್ಲಿನ ವರ್ತನೆ ಬಗ್ಗೆ ಕೋಪ - ರಾಹುಲ್‌ಗೆ ಸ್ಪೀಕರ್‌ ನೀತಿಪಾಠ        ಭಾಷಣಕ್ಕಿಂತ ರಾಹುಲ್‌ ಕಣ್ಣೇಟು ಫೇಮಸ್‌ - ಪ್ರಿಯಾ ವಾರಿಯರ್‌ ವಿಡಿಯೋಗೆ ಲಿಂಕ್‌ - ಸಾಮಾಜಿಕ ಜಾಲತಾಣಗಳಲ್ಲಿ ಫುಲ್‌ವೈರಲ್‌        ಕೆಆರ್‌ಎಸ್‌ಗೆ ಬಾಗಿನ ಅರ್ಪಿಸಿದ ಸಿಎಂ - ಕಾವೇರಿಗೆ ಮುಖ್ಯಮಂತ್ರಿ ದಂಪತಿಯಿಂದ ಪೂಜೆ - ಸಚಿವ ಡಿಕೆಶಿ, ಮಹೇಶ್‌ ಸಾಥ್‌        ಸಿಬ್ಬಂದಿ ಒತ್ತಾಯದಿಂದ ಅಲ್ಲಿಗೆ ಹೋಗಿದ್ದೆ - ಮೊಗಸಾಲೆಯಲ್ಲಿ ಬರ್ತಡೇ ಪಾರ್ಟಿ ತಪ್ಪು - ಕ್ಷಮೆ ಕೋರಿದ ವಿಧಾನಸಭೆ ಕಾರ್ಯದರ್ಶಿ        ನಿನ್ನೆ ಬೌಬೌ ಬಿರಿಯಾನಿ - ಇಂದು ಮಿಯಾಂವ್‌ ಮಿಯಾಂವ್‌ ಮಸಾಲ - ಬೆಂಗಳೂರಿನ ವಿಜಯನಗರದಲ್ಲಿ ಬೆಕ್ಕು ನಾಯಿ ಭಕ್ಷ       
Breaking News

ಬುರಾರಿ ಪ್ರಕರಣದಲ್ಲಿ 12ನೇ ವ್ಯಕ್ತಿಯ ಕೈವಾಡವಿಲ್ಲ ; ಆತ್ಮದ ಜತೆ ಮಾತನಾಡುತ್ತಿದ್ದ ಲಲಿತ್​ ಭಾಟಿಯ!

Wednesday, 04.07.2018, 5:24 PM       No Comments

ನವದೆಹಲಿ: ಬುರಾರಿ ಆತ್ಮಹತ್ಯೆ ಪ್ರಕರಣ ಸಂಬಂಧ ಪೊಲೀಸರು ಮೃತ ಕುಟುಂಬದ ಸುಮಾರು 20 ಸಂಬಂಧಿಕರನ್ನು ಭೇಟಿಯಾಗಿ ವಿಚಾರಣೆ ನಡೆಸಿದ್ದು, ತನಿಖೆಗೆ ಮನೋವೈದ್ಯರ ನೆರವು ಕೂಡ ಪಡೆಯಲಿದ್ದಾರೆ.

ಪ್ರಕರಣದಲ್ಲಿ 12 ನೇ ವ್ಯಕ್ತಿಯಾಗಿ ಸ್ವಯಂಘೋಷಿತ ದೇವಮಾನವರೊಬ್ಬರ ಕೈವಾಡ ಇದೆ ಎಂಬ ಆರೋಪವನ್ನು ಪೊಲೀಸರು ತಳ್ಳಿಹಾಕಿದ್ದಾರೆ.

ಮೊದಲಿಗೆ ನಿಗೂಢ ಸಾವನ್ನಪ್ಪಿದ ಕುಟುಂಬಸ್ಥರು ಕೊಂಡ್ಲಿ ಮೂಲದ ದೇವಮಾನವನ ಹಿಂಬಾಲಕರಾಗಿದ್ದರು ಎಂಬ ವಿವಾದ ಹಬ್ಬಿತ್ತು. ಆದರೆ, ಅವರ ಸಾವಿನಲ್ಲಿ ದೇವ ಮಾನವನ ಪಾತ್ರವಿಲ್ಲ ಎಂಬುದನ್ನು ಪೊಲೀಸರು ತಿಳಿಸಿದ್ದಾರೆ.

ಪೊಲೀಸರು ಕೈ ಬರವಣಿಗೆಯ ಪತ್ರವನ್ನು ಮನೆಯಲ್ಲಿ ವಶಪಡಿಸಿಕೊಂಡಿದ್ದು, ಮೋಕ್ಷ, ಶೂನ್ಯ ಹಾಗೂ ದೇವರನ್ನು ಸಂತೈಸುವುದು ಎಂಬ ಮೂವರು ಅಂಶಗಳು ಅದರಲ್ಲಿ ಉಲ್ಲೇಖವಾಗಿದೆ. 2008 ರಿಂದ ಬರೆಯಲಾದ ಕೆಲವು ತೆಳು ಹಾಳೆಗಳ ಟಿಪ್ಪಣಿ ದೊರೆತಿದ್ದು, ಲಲಿತ್​ ಭಾಟಿಯ ಎಂಬವರು ತಂದೆ ಸಾವಿನ ನಂತರ ಆಧ್ಯಾತ್ಮ ಕಡೆ ಮುಖಮಾಡಿದ್ದನ್ನು ಸೂಚಿಸುತ್ತದೆ.

ಪ್ರಕರಣ ಸಂಬಂಧ ಪೊಲೀಸರು ಮನೆಯೊಡತಿಯ ಹಿರಿಯ ಮಗ, ಅವಳ ಮಗಳು ಹಾಗೂ ಅವಳ ಮೃತ ಸೊಸೆಯ ಸಹೋದರಿಯರನ್ನು ಪ್ರಶ್ನಿಸಿದ್ದು, ಇವರೆಲ್ಲರೂ ಮೃತ ಕುಟುಂಬವು ಅತೀಂದ್ರಿಯ ಶಕ್ತಿಯ ವಶೀಕರಣದಲ್ಲಿ ತೊಡಗಿಕೊಂಡಿದ್ದರು ಎಂಬುದನ್ನು ನಿರಾಕರಿಸಿದ್ದಾರೆ. ಮನೆಯ ಹೊರಭಾಗದಲ್ಲಿ 11 ಪೈಪ್​ಗಳು ಕಾಣಿಸಿಕೊಂಡ ನಂತರ ಈ ವಿವಾದ ಹಬ್ಬಿತ್ತು.

ಘಟನೆ ಬಗ್ಗೆ ಹಿರಿಯ ಅಧಿಕಾರಿಯೊಬ್ಬರು ವಿಮ್ಹಾನ್ಸ್​ ವೈದ್ಯರ ಬಳಿ ಮಾತನಾಡಿ, ಇದೊಂದು ಹಂಚಿಕೆಯ ಮನೋರೋಗ. ಒಬ್ಬ ವ್ಯಕ್ತಿಯ ಭ್ರಮೆಯ ನಂಬಿಕೆಗಳು ಇನ್ನೊಬ್ಬರಿಗೆ ಹರಡುತ್ತವೆ ಎಂದು ಹೇಳಿದ್ದಾರೆ.

ಪ್ರಕರಣ ಸಂಬಂಧ ಪೊಲೀಸರು ಮಂಗಳವಾರ ಮತ್ತೊಮ್ಮೆ ಸ್ಥಳ ಪರಿಶೀಲನೆ ನಡೆಸಿದಾಗ, ಅವರಿಗೆ 2011 ರಿಂದ ನಮೂದಿಸಲಾಗಿದ್ದ ಮನಸಿನ ಮಾತುಗಳ ಟಿಪ್ಪಣಿಗಳು ದೊರಕಿದೆ. ಇದರಲ್ಲಿ ಮೋಕ್ಷ, ಶೂನ್ಯ ಹಾಗೂ ದೇವರನ್ನು ಸಂತೈಸುವ ಬಗೆಗೆ ಬರೆಯಲಾಗಿದೆ. ಅಲ್ಲದೆ, ಇನ್ನಿತರ ಪತ್ರಿಕೆಗಳು ಕೂಡ ಪೊಲೀಸರಿಗೆ ದೊರಕಿತ್ತು. ಮೃತ ಲಲಿತ್​ ಭಾಟಿಯಾ ಅವರು ತಂದೆಯಂತೆ ಅಹಂ ವ್ಯಕ್ತಿತ್ವವನ್ನು ಹೊಂದಿದ್ದನು. ಆಗಾಗ ಮಾತನಾಡುವಾಗ ತಂದೆಯಂತೆ ವರ್ತಿಸುತ್ತಿದ್ದನು. ಅಲ್ಲದೆ, ಆತ ಮೌನ ವ್ರತ ಎಂಬ ಕಾರ್ಯಕ್ರಮವನ್ನು ಆಗಾಗ ಗಮನಿಸುತ್ತಿದ್ದನು ಎಂಬುದು ತಿಳಿದು ಬಂದಿದೆ.

ಮೃತರಲ್ಲಿ ಧೃವ ಎಂಬಾತ ಮಕ್ಕಳಿಗೆ ಲಲಿತ್​ ಭಾಟಿಯ ಕುರಿತು ಅಂಕಲ್ ಆಗಾಗ ತಾತನ ಆತ್ಮವನ್ನು ಆವಾಹನೆ ಮಾಡುತ್ತಾರೆ​ ಎಂದು ಹೇಳುತ್ತಿದ್ದ ಎಂಬುದನ್ನು ಸ್ಥಳೀಯರು ಪೊಲೀಸರಿಗೆ ತಿಳಿಸಿದ್ದಾರೆ.

ತನಿಖಾ ನಂತರ ಮೃತ ಕುಟುಂಬವು ಹಂಚಿಕೆ ಮನೋ ವಿಕಾರಕ್ಕೆ ಒಳಗಾಗಿದ್ದರು ಎಂದು ಹೇಳಲಾಗಿದೆ. ಒಬ್ಬ ವ್ಯಕ್ತಿಯ ಭ್ರಮೆಯ ನಂಬಿಕೆಗಳು ಇನ್ನೊಬ್ಬರಿಗೆ ಹರಡುತ್ತವೆ. ಈ ಪ್ರಕರಣದಲ್ಲಿ ಲಿಲತ್​ ಭಾಟಿಯ ತನ್ನ ಸತ್ತ ತಂದೆಯ ಜತೆಗೆ ಭ್ರಮಾ ಲೋಕದಲ್ಲಿ ಮಾತನಾಡುತ್ತಿದ್ದ. ಈತನ ನಂಬಿಕೆಗಳನ್ನು ಕುಟುಂಬದ ಇತರ ಸದಸ್ಯರು ಬಲವಾಗಿ ನಂಬಿದ್ದರು ಎಂದು ಮನೋವೈದ್ಯರು ತಿಳಿಸಿದ್ದಾರೆ. (ಏಜೆನ್ಸೀಸ್​)

Leave a Reply

Your email address will not be published. Required fields are marked *

Back To Top