Thursday, 19th April 2018  

Vijayavani

ಬಿಜೆಪಿ ಕಚೇರಿಯಲ್ಲಿ ಅಮಿತ್‌ ಷಾ ಮೀಟಿಂಗ್ - ಸೋಶಿಯಲ್‌ ಮೀಡಿಯಾ ಬಗ್ಗೆ ಫುಲ್‌ ಮಾರ್ಕ್ಸ್‌ - ಎಚ್ಚರಿಕೆ ಹೆಜ್ಜೆ ಇಡಲು ಸಲಹೆ        ಒಂಟಿಸಲಗದ ಮನೆಗೆ ಬಂತು ಬಿ ಫಾರಂ ​​ - ಅಂಬಿ ಷರುತ್ತುಗಳಿಗೆ ಒಪ್ಪಿದ ಪರಂ - ಪಕ್ಷದ ನಡೆ ಬಗ್ಗೆ ರೆಬೆಲ್‌ಸ್ಟಾರ್‌ ಗರಂ        ಕೈ ಟಿಕೆಟ್​ ತಪ್ಪಿದ್ದಕ್ಕೆ ಶಶಿಕುಮಾರ್ ಅಸಮಾಧಾನ​ - ದೇವೆಗೌಡರ ಭೇಟಿಯಾದ ಕೊಲ್ಲೂರ ಕಾಳ - ಪದ್ಮನಾಭ ನಗರದ ನಿವಾಸದಲ್ಲಿ ಜೆಡಿಸ್​ ಸೇರ್ಪಡೆ        ಟಿಕೆಟ್​ಗಾಗಿ ಹೆಚ್ಚಿದ ಕಣ್ಣೀರಧಾರೆ - ಮಾಯಕೊಂಡದಲ್ಲಿ ಕಣ್ಣೀರಿಟ್ಟ ಮಾಜಿ ಶಾಸಕ - ತರೀಕೆರೆಯಲ್ಲಿ ಶಿವಶಂಕರಪ್ಪ ಭಾವುಕ        ಭವಾನಿ ಸೋಲಿಸಿ ಎಂದಿದ್ದು ನನ್ನನ್ನಲ್ಲ - ಕೈ ಅಭ್ಯರ್ಥಿ ವಿರುದ್ಧ ಮಾತನಾಡಿದ್ದಾರೆ - ಭವಾನಿ ವಿಡಿಯೋ ಬಗ್ಗೆ ಸಾ.ರಾ ಮಹೇಶ್‌ ಸ್ಪಷ್ಟನೆ        ರಾಜ್ಯ ಸರ್ಕಾರಿ ನೌಕರರಿಗೆ ಸಿಹಿಸುದ್ದಿ - 6ನೇ ವೇತನ ಆಯೋಗದ ಶಿಫಾರಸು ಜಾರಿಗೆ ಗ್ರೀನ್​ಸಿಗ್ನಲ್ - ಚುನಾವಣಾ ಆಯೋಗದಿಂದ ಒಪ್ಪಿಗೆ       
Breaking News

ಹೆದ್ದಾರಿಗಳಲ್ಲಿ ವಾಹನಗಳಿಗಿನ್ನು ಆವೇಗ

Monday, 16.04.2018, 7:38 PM       No Comments

<< ವೇಗದ ಮಿತಿ ತಾಸಿಗೆ ಸರಾಸರಿ 20 ಕಿ.ಮೀ. ಹೆಚ್ಚಿಸಿದ ಸರ್ಕಾರ >>

ನವದೆಹಲಿ: ಎಕ್ಸ್​ಪ್ರೆಸ್ ವೇ ಮತ್ತು ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ವಾಹನಗಳ ವೇಗದ ಮಿತಿಯನ್ನು ತಾಸಿಗೆ ಸರಾಸರಿ 20 ಕಿ.ಮೀ.ಗೆ ಸರ್ಕಾರ ಹೆಚ್ಚಿಸಿದೆ. ಎಕ್ಸ್​ಪ್ರೆಸ್ ವೇಗಳಲ್ಲಿ ಸ್ವಂತ ಕಾರಿನಲ್ಲಿ ಸಂಚರಿಸುವವರಿಗೆ ಇದ್ದ ತಾಸಿಗೆ 100 ಕಿ.ಮೀ. ವೇಗದ ಮಿತಿಯು ಈಗ 120 ಕಿ.ಮೀ. ಏರಿಕೆ ಆಗಿದೆ. ಟ್ಯಾಕ್ಸಿ/ಕ್ಯಾಬ್​ಗಳಿಗೆ ಇದ್ದ ಗಂಟೆಗೆ 80 ಕಿ.ಮೀ. ವೇಗದ ನಿರ್ಬಂಧವನ್ನು 100 ಕಿ.ಮೀ.ಗೆ ಹೆಚ್ಚಿಸಲಾಗಿದೆ.

ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಕಾರಿನ ವೇಗದ ಮಿತಿ ತಾಸಿಗೆ 90 ಕಿ.ಮೀ.ನಿಂದ 100 ಕಿ.ಮೀ.ಗೆ ಏರಿಕೆಯಾಗಿದ್ದರೆ, ಟ್ಯಾಕ್ಸಿ/ಕ್ಯಾಬ್​ಗಳ ವೇಗದ ಮಿತಿಯು 20 ಕಿ.ಮೀ. ಏರಿಕೆಯಾಗುವ ಮೂಲಕ ಗಂಟೆಗೆ 100 ಕಿ.ಮೀ. ವೇಗಕ್ಕೆ ನಿಗದಿಗೊಂಡಿದೆ. ದ್ವಿಚಕ್ರ ಮೋಟಾರ್ ವಾಹನಗಳು ಮತ್ತು ವಾಣಿಜ್ಯ ಬಳಕೆಯ ವಾಹನಗಳ ವೇಗದ ಮಿತಿಯು ತಾಸಿಗೆ 80 ಕಿ.ಮೀ.ಗೆ ಹೆಚ್ಚಿಸಲಾಗಿದೆ. ಇನ್ನು ನಗರ ವ್ಯಾಪ್ತಿಯ ಹೆದ್ದಾರಿಗಳಲ್ಲಿ ಕಾರು, ಟ್ಯಾಕ್ಸಿ/ಕ್ಯಾಬ್​ಗಳಿಗೆ ತಾಸಿಗೆ 70 ಕಿ.ಮೀ. ಮಿತಿಯನ್ನು ಮತ್ತು ದ್ವಿಚಕ್ರ ಮೋಟಾರು ವಾಹನಗಳಿಗೆ 60 ಕಿ.ಮೀ. ಮಿತಿಯನ್ನು ನಿಗದಿ ಮಾಡಲಾಗಿದೆ.

ಈ ವೇಗದ ಮಿತಿಯು ಎಕ್ಸ್​ಪ್ರೆಸ್ ವೇ ಮತ್ತು ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಗುರುತಿಸಲಾದ ಕೆಲವು ಮಾರ್ಗಗಳಿಗೆ (ಸ್ಟ್ರೆಚ್) ಮಾತ್ರ ಅನ್ವಯವಾಗಲಿದ್ದು, ಉಳಿದ ಭಾಗಗಳಲ್ಲಿ ಮೊದಲಿನಂತೆಯೇ ವೇಗದ ಮಿತಿ ಜಾರಿಯಲ್ಲಿರಲಿದೆ. ಹಾಗೆಯೇ ಏರಿಕೆ ಮಾಡಲಾಗಿರುವ ವೇಗದ ಮಿತಿಯು ರಾಷ್ಟ್ರೀಯ ಹೆದ್ದಾರಿ ಅಥವಾ ಎಕ್ಸ್​ಪ್ರೆಸ್ ವೇ ಹಾದುಹೋಗುವ ಮಾರ್ಗಮಧ್ಯದ ಹಳ್ಳಿ, ಪಟ್ಟಣಗಳ ಪರಿಮಿತಿಯಲ್ಲಿ ಅನ್ವಯವಾಗುವುದಿಲ್ಲ. ಈ ವ್ಯಾಪ್ತಿಯಲ್ಲಿ ರಾಜ್ಯ ಸರ್ಕಾರ ಗುರುತಿಸಿದ ವೇಗದ ಮಿತಿ ಮಾನದಂಡವು ಜಾರಿಯಲ್ಲಿರುತ್ತದೆ ಎಂದು ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೈ ವೇ ಸಚಿವಾಲಯ ಏಪ್ರಿಲ್ 6ರಂದು ಹೊರಡಿಸಿರುವ ಅಧಿಸೂಚನೆಯಲ್ಲಿ ತಿಳಿಸಿದೆ. –ಏಜೆನ್ಸೀಸ್

Leave a Reply

Your email address will not be published. Required fields are marked *

Back To Top