Friday, 21st September 2018  

Vijayavani

Breaking News

ಪುತ್ರನ ಪರವಾಗಿ ಕ್ಷಮೆ ಕೋರಿದ ಶಾಸಕ ಹ್ಯಾರಿಸ್

Monday, 19.02.2018, 7:52 PM       No Comments

<< ಕಾನೂನಿನ ಮುಂದೆ ಎಲ್ಲರೂ ಸಮಾನರು, ತನಿಖೆಗೆ ಸಂಪೂರ್ಣ ಸಹಕಾರ>>

ಬೆಂಗಳೂರು: ನನ್ನ ಪುತ್ರ ಮೊಹಮದ್​ ಹಾಗೂ ವಿದ್ವತ್​ ನಡುವೆ ನಡೆದಿರುವ ಈ ದುರದೃಷ್ಟ ಘಟನೆಗಾಗಿ ವಿದ್ವತ್​ ಹಾಗೂ ಕುಟುಂಬ ಮತ್ತು ಬೆಂಗಳೂರಿನ ನಾಗರೀಕರಲ್ಲಿ ಕ್ಷಮೆಯಾಚಿಸುವುದಾಗಿ ಕಾಂಗ್ರೆಸ್​ ಶಾಸಕ ಎನ್​.ಎ.ಹ್ಯಾರಿಸ್​ ಸೋಮವಾರ ತಿಳಿಸಿದ್ದಾರೆ.

ನನ್ನ ಮಗ ಮೊಹಮದ್​ ನಲಪಾಡ್ ಹ್ಯಾರಿಸ್​​​ನನ್ನು ಈಗಾಗಲೇ ಕಬ್ಬನ್​ ಪಾರ್ಕ್​ ಪೊಲೀಸ್​ ಠಾಣೆಗೆ ಒಪ್ಪಿಸಿದ್ದೇನೆ. ಈ ಪ್ರಕರಣಕ್ಕೆ ಮಾಧ್ಯಮಗಳು ಹೆಚ್ಚು ಒತ್ತು ನೀಡುತ್ತಿರುವುದು ನನ್ನ ರಾಜಕೀಯ ಬದುಕಿನ ಮೇಲೆ ಪ್ರಭಾವ ಬೀಳಲಿದೆ. ಕಳೆದ 9 ವರ್ಷಗಳಿಂದ ನನ್ನ ವಿಧಾನಸಭಾ ಕ್ಷೇತ್ರವಾದ ಶಾಂತಿನಗರದಲ್ಲಿ ಶ್ರದ್ಧೆ, ನಿಷ್ಠೆಯಿಂದ ಸೇವೆ ಸಲ್ಲಿಸುತ್ತಿದ್ದೇನೆ. ಅದಕ್ಕೆ ಅಲ್ಲಿ ನಡೆದಿರುವ ಅಭಿವೃದ್ಧಿ ಕಾರ್ಯಗಳೇ ಸಾಕ್ಷಿ ಎಂದು ಮನವಿ ಮಾಡಿಕೊಂಡಿದ್ದಾರೆ.

ತಪ್ಪು ಮಾಡಿರುವುದು ನನ್ನ ಮಗನಾದರೂ ಕಾನೂನಿನ ಮುಂದೆ ಎಲ್ಲರೂ ಸಮಾನರು. ಶನಿವಾರ ನಡೆದಿರುವುದು ದುರ್ಘಟನೆಯಾಗಿದ್ದು ಇದು ನಡೆಯಬಾರದಿತ್ತು. ಪ್ರಕರಣದ ಕುರಿತಾದ ತನಿಖೆಗೆ ನಾವು ಸಂಪೂರ್ಣ ಸಹಕಾರ ನೀಡುತ್ತೇವೆ ಎಂದಿದ್ದಾರೆ.

Leave a Reply

Your email address will not be published. Required fields are marked *

Back To Top