Wednesday, 17th October 2018  

Vijayavani

ಕಾವೇರಿ ತೀರ್ಥೋದ್ಭವಕ್ಕೆ ಕ್ಷಣಗಣನೆ -  ಸಂಜೆ 6.15ರಿಂದ 6.45ರೊಳಗೆ ಉಕ್ಕಿಹರಿಯಲಿದೆ ಜೀವನದಿ ಕಾವೇರಿ        ಪವಿತ್ರ ತೀರ್ಥಕ್ಕಾಗಿ ಹರಿದು ಬಂದಿದೆ ಭಕ್ತರ ದಂಡು - ತಲಕಾವೇರಿಯಲ್ಲಿ ಬಿಗಿ ಬಂದೋಬಸ್ತ್​ - ಸಿಎಂ ಕುಮಾರಸ್ವಾಮಿ ಉಪಸ್ಥಿತಿ        ನಿಗದಿಯಂತೆ ಬಾಗಿಲು ತೆರೆದ ಅಯ್ಯಪ್ಪ ದೇಗುಲ - ಮಹಿಳಾ ಭಕ್ತರಿಗೆ ಸಿಗಲೇ ಇಲ್ಲ ಮಣಿಕಂಠನ ದರ್ಶನ        ಶಬರಿಮಲೆಯಲ್ಲಿ ಭಾರೀ ಹಿಂಸಾಚಾರ ಹಿನ್ನೆಲೆ - ಪಂಪಾ, ನೀಲಕ್ಕಲ್ ಸೇರಿ 4 ಕಡೆ ನಿಷೇಧಾಜ್ಞೆ ಜಾರಿ - 144 ಸೆಕ್ಷನ್ ಆದೇಶ        ಮೀಟೂ ಅಭಿಯಾನಕ್ಕೆ ಮೊದಲ ವಿಕೆಟ್‌ ಪತನ - ಕೇಂದ್ರ ಸಚಿವ ಸ್ಥಾನಕ್ಕೆ ಅಕ್ಬರ್‌ ರಾಜೀನಾಮೆ       
Breaking News

ಮೊನ್ನೆ ಯೋಗ ಕಲಿಸದಂತೆ ಬೆದರಿಕೆ, ಇಂದು ಮನೆಗೆ ಕಲ್ಲು..

Friday, 10.11.2017, 2:51 PM       No Comments

>> ಯೋಗಪಟು ರಾಫಿಯಾ ನಾಝ್ ಮನೆ ಮೇಲೆ ದುಷ್ಕರ್ಮಿಗಳಿಂದ ದಾಳಿ

ರಾಂಚಿ : ಜಾರ್ಖಂಡ್ ನಲ್ಲಿ ಸ್ವಯಂ ಪ್ರೇರಣೆಯಿಂದ ಯೋಗ ಕಲಿತು ನಾಲ್ಕು ಜನರಿಗೆ ಕಲಿಸುತ್ತಾ ಶಹಬ್ಬಾಸ್ ಗಿರಿ ಪಡೆದ ಮುಸ್ಲಿಂ ಯುವತಿ ರಾಫಿಯಾ ನಾಝ್ ಮನೆ ಮೇಲೆ ಗುಂಪೊಂದು ದಾಳಿ ನಡೆಸಿದೆ.

ಡೊರಾಂಡೋ ಪ್ರದೇಶದಲ್ಲಿರುವ ಆಕೆಯ ನಿವಾಸದ ಕಿಟಕಿಗಳು ಕಲ್ಲು ಎಸೆತದಿಂದ ಒಡೆದು ಚೂರಾಗಿವೆ. ಪಾಲಕರು ಹಾಗೂ ನೆರೆಮನೆಯವರು ಆತಂಕದಲ್ಲಿ ಮುಳುಗಿದ್ದಾರೆ.

ಈ ಮುಂಚೆಯೇ ಫತ್ವಾ ಹೊರಡಿಸಿ ಯೋಗ ಕಲಿಕೆ ನಿಲ್ಲಿಸಲು ಮುಸ್ಲಿಂ ಮೌಲ್ವಿಗಳು ಎಚ್ಚರಿಸಿದ್ದರು. ಕೆಲವು ಹಿಂದೂ ಸಂಘಟನೆಗಳು ಹೆಸರು ಬದಲಾಯಿಸಿಕೊಳ್ಳಲು ಒತ್ತಾಯಿಸಿದ್ದವು. ಇದೆಲ್ಲದರಿಂದ ರಾಫಿಯಾಗೆ ದಿನದ 24 ಗಂಟೆಯೂ ಪೊಲೀಸ್ ಭದ್ರತೆ ನೀಡಲಾಗಿತ್ತು.

ಬುಧವಾರ ರಾತ್ರಿ ಕೆಲ ರಾಜಕೀಯ ನಾಯಕರು ರಾಫಿಯಾಳನ್ನು ಭೇಟಿ ಮಾಡಿದ ಬಳಿಕ ದುಷ್ಕರ್ಮಿಗಳು ಮನೆಯ ಮೇಲೆ ಕಲ್ಲಿನ ಸುರಿಮಳೆ ಗೈದಿದ್ದಾರೆ. ಆ ವೇಳೆ ಮನೆಯ ಒಳಗಡೆ ಇದ್ದದ್ದರಿಂದ ಎಷ್ಟು ಜನ ಈ ಕೃತ್ಯದಲ್ಲಿ ತೊಡಗಿದ್ದರು ಎನ್ನುವ ಕುರಿತು ಮಾಹಿತಿ ಇಲ್ಲ ಎಂದು ರಾಫಿಯಾ ತಿಳಿಸಿದ್ದಾಳೆ.

ಹಲವು ವೇದಿಕೆಗಳಲ್ಲಿ ಪ್ರದರ್ಶನ ನೀಡಿದ್ದ ರಾಫಿಯಾ, ಯೋಗಗುರು ಬಾಬಾ ರಾಮ್ದೇವ್ ಅವರ ಜತೆ ವೇದಿಕೆಯಲ್ಲಿ ಯೋಗವನ್ನು ಪ್ರದರ್ಶಿಸಿ ಸೈ ಎನಿಸಿಕೊಂಡಿದ್ದಳು. ಇದೇ ಹಿನ್ನೆಲೆಯಲ್ಲಿ ಆಕೆಗೆ ಬೆದರಿಕೆಗಳು ಬರತೊಡಗಿದ್ದವು. (ಏಜೆನ್ಸೀಸ್)

Leave a Reply

Your email address will not be published. Required fields are marked *

Back To Top