Wednesday, 18th July 2018  

Vijayavani

ಸಾಲದ ಸುಳಿಯಲ್ಲಿದ್ರೂ ಐ ಫೋನ್​ ಗಿಫ್ಟ್​ - ಹತ್ತಾರು ಸಮಸ್ಯೆ ಮಧ್ಯೆ ಬೇಕಿತ್ತಾ ದುಬಾರಿ ಉಡುಗೊರೆ​ - ಇಟ್ಕೊಂಡೋರಾರು..? ವಾಪಸ್ ಕೊಟ್ಟವರಾರು.?        ದೆಹಲಿಯಲ್ಲಿದ್ರೂ ರೇವಣ್ಣಗೆ ತವರಿನ ಜಪ - ಹಾಸನದ ಅಭಿವೃದ್ಧಿ ಬಗ್ಗೆ ಕೇಂದ್ರ ಸಚಿವರ ಜತೆ ಚರ್ಚೆ - ಸಿಎಂ ಎಚ್​ಡಿಕೆಯನ್ನೇ ಓವರ್​​ಟೇಕ್​ ಮಾಡಿದ PWD ಮಿನಿಸ್ಟರ್​​​        ಜಾರಕಿಹೊಳಿ ಬ್ರದರ್ಸ್​​​​ ನಡುವೆ ಸಮರ - ದೆಹಲಿಗೆ ಶಾಸಕರನ್ನ ಕರೆದೊಯ್ದ ರಮೇಶ್​​​​​​​ ಜಾರಕಿಹೊಳಿ - ಸತೀಶ್​​ಗೆ ಮಂತ್ರಿಗಿರಿ ತಪ್ಪಿಸಲು ಶಕ್ತಿ ಪ್ರದರ್ಶನ        ಇಂದಿನಿಂದ ಸಂಸತ್ ಅಧಿವೇಶನ - ಮಹಿಳಾ ಮೀಸಲಾತಿ, ತ್ರಿಪಲ್ ತಲಾಖ್​​​​​ ಮಸೂದೆ ಅಂಗೀಕಾರ ಸಾಧ್ಯತೆ - ಸಂಜೆ ರಾಜ್ಯ ಸಂಸದರ ಜತೆ ಸಿಎಂ ಮೀಟಿಂಗ್​​        ವಸತಿ ಯೋಜನೆಯ ಹಣವನ್ನೇ ನುಂಗಿದ್ರು - 140 ಅನರ್ಹರಿಂದ 8 ಕೋಟಿ ಗುಳುಂ ಸ್ವಾಹ - ಗದಗ ನಗರಸಭೆಯಲ್ಲಿ ಬಯಲಾಯ್ತು ಗೋಲ್​ಮಾಲ್​​​​        ದೀಪಾಲಂಕಾರದಿಂದ ಕಂಗೊಳಿಸಿದ ಕೆಆರ್​ಎಸ್​ - ಗಗನ ಚುಕ್ಕಿ ಜಲಪಾತ ನಯನ ಮನೋಹರ - ಡ್ರೋಣ್​​ ಕಣ್ಣಲ್ಲಿ ಸೆರೆಯಾಯ್ತು ಜಲಧಾರೆಯ ದೃಶ್ಯ ವೈಭವ       
Breaking News

ಆ್ಯಂಬಿ ವ್ಯಾಲಿ: ಭಾರತೀಯ ರಿಯಲ್ ಎಸ್ಟೇಟ್​ಗೆ ಬೇಡ- ಹಾಗಾದ್ರೆ ಮುಂದಿನ ಗತಿಯೇನು?

Monday, 18.09.2017, 3:08 PM       No Comments

ಮುಂಬೈ: ಇತ್ತೀಚೆಗೆ ದೇಶಾದ್ಯಂತ ರಿಯಲ್ ಎಸ್ಟೇಟ್ ಒಂದಷ್ಟು ಇಳಿಜಾರಿನಲ್ಲಿದೆ. ದೊಡ್ಡ ಮಟ್ಟದ ಹೂಡಿಕೆಗೆ ರಿಯಲ್ ಎಸ್ಟೇಟುದಾರರು ಮುಂದೆ ಬರುತ್ತಿಲ್ಲ. ಭೂಲೋಕದ ಸ್ವರ್ಗವನ್ನೇ ಹರಾಜಿಗೆ ಇಟ್ಟಿದ್ದೇವೆ. ಮುಂದೆ ಬನ್ನಿ ಅಂದ್ರೂ… ಆ ಸ್ವರ್ಗಸುಖ ಬೇಡ ಅಂತಿದ್ದಾರೆ ದೇಶೀಯ ರಿಯಲ್ ಎಸ್ಟೇಟುದಾರರು.

ಪರಿಸ್ಥಿತಿ ಹೀಗಿರುವಾಗ ಐಷರಾಮಿ ಆ್ಯಂಬಿ ವ್ಯಾಲಿ ಹರಾಜು ಪ್ರಕ್ರಿಯೆಯಲ್ಲಿದೆ. ದೇಶೀಯ ರಿಯಲ್ ಎಸ್ಟೇಟ್​ ಉದ್ಯಮದಲ್ಲಿ ದೊಡ್ಡ ಮಟ್ಟದ ಭಾರೀ ಕುಳಗಳು ಇದ್ದರೂ ಅವರೆಲ್ಲ ನಮಗೆ ಬೇಡ ಅನ್ನುತ್ತಿದ್ದಾರೆ.

ಪರಿಸ್ಥಿತಿ ಹೀಗಿರುವಾಗ ಎರಡು ವಿದೇಶೀ ಕಂಪನಿಗಳು ಆಸಕ್ತಿ ತೋರಿದ್ದು ಆ್ಯಂಬಿ ವ್ಯಾಲಿ ಖರೀದಿಗೆ ಮುಂದಾಗುವ ಲಕ್ಷಣಗಳಿವೆ. ಆದರೆ, ಖರೀದಿಗೆ ಮುಂದಾಗಿರುವ ಕಂಪನಿಗಳು ಹಾಗೂ ಖರೀದಿದಾರರ ಮಾಹಿತಿಯನ್ನು ಬಹಿರಂಗಪಡಿಸದೆ ಗೌಪ್ಯವಾಗಿ ಇಡಲಾಗಿದೆ.

ಆ್ಯಂಬಿ ವ್ಯಾಲಿ ಖರೀದಿಗೆ ಮುಂದಾಗಿರುವ ಖರೀದಿದಾರರನ್ನು ಬಹಳ ಕಟ್ಟುನಿಟ್ಟಾಗಿ ಪರಿಶೀಲಿಸಲು ಸುಪ್ರೀಂ ಕೋರ್ಟ್​ ಪರಿಶೀಲಕರನ್ನು ನೇಮಿಸಿದ್ದು, ಮೊದಲನೇ ಹಂತವಾಗಿ ಖರೀದಿದಾರರು ತಮ್ಮ KYC ದಾಖಲೆಗಳನ್ನು ಸಲ್ಲಿಸಿದ್ದಾರೆ.

ಹರಾಜು ಪ್ರಕ್ರಿಯೆ ಮುಗಿಯುವವರೆಗೂ ಖರೀದಿದಾರರ ಮಾಹಿತಿಯನ್ನು ಬಹಿರಂಗವಾಗದಂತೆ ಕಟ್ಟುನಿಟ್ಟು ಗೌಪ್ಯತೆ ಕಾಪಾಡಿಕೊಳ್ಳುವಂತೆ ನ್ಯಾಯಾಲಯ ಸೂಚನೆ ನೀಡಿದೆ ಎಂದು ಹೇಳಲಾಗಿದೆ.

ಈ ಮಧ್ಯೆ ರಿಯಲ್​ ಎಸ್ಟೇಟ್ ಸಲಹೆಗಾರರು ಹೇಳುವಂತೆ ಆ್ಯಂಬಿ ವ್ಯಾಲಿಯನ್ನು ಕೊಳ್ಳಲು ಭಾರತದ ಯಾವೊಬ್ಬ ರಿಯಲ್​ ಎಸ್ಟೇಟ್​ ಉದ್ಯಮಿಯಿಂದಲೂ ಸಾಧ್ಯವಾಗೋಲ್ಲ. ಏಕೆಂದರೆ ಅಷ್ಟು ಪ್ರಮಾಣದ ಹಣವನ್ನು ಭಾರತದ ಬ್ಯಾಂಕ್​ಗಳು ಸಾಲ ನೀಡಲು ಮುಂದೆ ಬರುವುದಿಲ್ಲ ಎಂದು ಹೇಳಿದ್ದಾರೆ.

ಆ್ಯಂಬಿ ವ್ಯಾಲಿಯನ್ನು ಕೊಳ್ಳಲು ಜಪಾನ್​ ಅಥವಾ ಚೀನಾ ರಿಯಲ್​ ಎಸ್ಟೇಟ್​ ಉದ್ಯಮಿಗಳಿಂದ ಮಾತ್ರ ಸಾಧ್ಯ. ಬಹುಶಃ ಆ ದೇಶಗಳ ರಿಯಲ್​ ಉದ್ಯಮಿಗಳೇ ಖರೀದಿಸಬಹುದು ಎಂದು ರಿಯಲ್​ ಎಸ್ಟೇಟ್ ಸಲಹೆಗಾರರು ತಿಳಿಸಿದ್ದಾರೆ.

ಈ ಮಧ್ಯೆ ಮಾರಿಷಸ್ ಮೂಲದ ಉದ್ಯಮಿಗಳು ಹಾಗೂ ರಾಯಲ್​ ಪಾರ್ಟನರ್​ ಇನ್ವೆಸ್ಟ್​ಮೆಂಟ್​ ಫಂಡ್​ ಕಂಪನಿಗಳು ಸಹರಾ ಕಂಪನಿ ಜತೆಗೂಡಿ ಆ್ಯಂಬಿವ್ಯಾಲಿಯನ್ನು ಕೊಳ್ಳಲು ಮುಂದಾಗಿದ್ದಾರೆ ಎಂದೂ ತಿಳಿದುಬಂದಿದೆ. (ಏಜೆನ್ಸೀಸ್​)

 

Leave a Reply

Your email address will not be published. Required fields are marked *

Back To Top