Sunday, 21st October 2018  

Vijayavani

ಅರ್ಜುನ್‌ ಸರ್ಜಾಕಡೆಯಿಂದ ಬೆದರಿಕೆ ಕರೆ - ಕಾನೂನು ಹೋರಾಟದ ಬಗ್ಗೆ ದಾಖಲೆ ಸಂಗ್ರಹ - ಸುದ್ದಿಗೋಷ್ಠಿಯಲ್ಲಿ ಶ್ರುತಿ ಗಂಭೀರ ಆರೋಪ        ಭಾವೈಕ್ಯತೆ ಶ್ರೀಗಳಿಗೆ ಕಣ್ಣೀರ ವಿದಾಯ - ಕ್ರಿಯಾಸಮಾಧಿಯಲ್ಲಿ ಸಿದ್ದಲಿಂಗ ಶ್ರೀ ಲೀನ - ಭಕ್ತಸಾಗರದಿಂದ ತೋಂಟದಾರ್ಯರಿಗೆ ಅಂತಿಮ ನಮನ        ಡಿಕೆಶಿ ಶೋ ಮಾಡೋದು ಬಿಡ್ಬೇಕು - ಪಕ್ಷದ ಪರ ಕೆಲಸ ಮಾಡ್ಬೇಕು - ಬಳ್ಳಾರಿ ಪ್ರಚಾರದಲ್ಲಿ ಬಯಲಾಯ್ತು ಜಾರಕಿಹೊಳಿ ಸಿಟ್ಟು        ಸಿಎಂ ಎಚ್‌ಡಿಕೆ ಮತ್ತೆ ಟೆಂಪಲ್‌ರನ್‌ - ಶಕ್ತಿ ದೇವತೆ ಸನ್ನಿಧಿಗೆ ಕುಮಾರಸ್ವಾಮಿ - ಮಹಾರಾಷ್ಟ್ರದ ತುಳಜಾ ಭವಾನಿ ದೇಗುಲಕ್ಕೆ ಭೇಟಿ        ಶಿರಡಿ ಸಾಯಿ ಸಮಾಧಿ ಶತಮಾನೋತ್ಸವ ಹಿನ್ನೆಲೆ - ಸಾಯಿ ಸನ್ನಿಧಿಗೆ ಭಕ್ತ ಸಾಗರ - ನಾಲ್ಕು ದಿನದಲ್ಲಿ 5 ಕೋಟಿ ರೂಪಾಯಿ ಕಾಣಿಕೆ        ರೋಡ್ ರೋಲರ್​ನ್ನೂ ಬಿಡದ ಕಳ್ಳರು - ವರ್ತೂರು ಬಳಿ ನಿಲ್ಲಿಸಿ ಎಸ್ಕೇಪ್ ಆದ ಚೋರರು - ಬ್ಯಾಟರಾಯನಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ       
Breaking News

ಧೀಮಂತರನ್ನು ನೆನೆಯೋಣ

Tuesday, 12.06.2018, 3:02 AM       No Comments

| ಕೋಟೇಶ್ವರ ಸೂರ್ಯನಾರಾಯಣ ರಾವ್

ಉತ್ತರಭಾರತದಲ್ಲಿ ಸಾಮ್ರಾಟ ಹರ್ಷವರ್ಧನನ ಆಳ್ವಿಕೆ ನಡೆಯುತ್ತಿದ್ದ ಕಾಲವದು. ಪ್ರಜೆಗಳ ಹಿತಕಾಯುತ್ತ, ಧರ್ಮ ತೋರಿದ ಹಾದಿಯಲ್ಲಿ ಅವನು ನಡೆಯುತ್ತಿದ್ದ. ಅದೇ ವೇಳೆಗೆ, ಭೂಮಾರ್ಗದಲ್ಲಿ ಅನೇಕ ಕಷ್ಟಕೋಟಲೆಗಳನ್ನು ಎದುರಿಸಿ ಭಾರತಕ್ಕೆ ಬಂದಿದ್ದ ಚೀನಿ ಯಾತ್ರಿಕ ಹ್ಯೂಯೆನ್ ತ್ಸಾಂಗ್, ಇಲ್ಲಿನ ಬೌದ್ಧವಿಹಾರಗಳನ್ನು ಸಂದರ್ಶಿಸಿ, ನಳಂದ ವಿಶ್ವವಿದ್ಯಾಲಯದಲ್ಲಿ ಕೆಲವರ್ಷ ಭಾರತೀಯ ವಿದ್ಯಾರ್ಥಿಗಳೊಂದಿಗೆ ಇದ್ದ. ಭಾರತದ ಸಂಸ್ಕೃತಿ, ಜನರ ನಡೆ-ನುಡಿ, ಆಡಳಿತ ವೈಖರಿ ಇತ್ಯಾದಿ ವಿಷಯಗಳ ಅಧ್ಯಯನದ ನಂತರ ಆತ ತನ್ನ ದೇಶಕ್ಕೆ ಮರಳಲು ನಿರ್ಧರಿಸಿದ. ಆಗ, ಭಾರತೀಯ ಸಂಸ್ಕೃತಿಯ ಮೇಲೆ ಬೆಳಕು ಚೆಲ್ಲುವ ಸುಮಾರು 400 ಗ್ರಂಥಗಳು ಹಾಗೂ ಭಗವಾನ್ ಬುದ್ಧನ ಮನಮೋಹಕ ಪ್ರತಿಮೆಯನ್ನು ಭಾರತೀಯ ವಿದ್ಯಾರ್ಥಿಗಳು ಸ್ನೇಹದ ದ್ಯೋತಕವಾಗಿ ಅವನಿಗೆ ನೀಡಿದರು.

ಈ ಬಾರಿ ಜಲಮಾರ್ಗದಲ್ಲಿ ಚೀನಾಕ್ಕೆ ಹಿಂದಿರುಗಲು ಬಯಸಿದ ಹ್ಯೂಯೆನ್ ತ್ಸಾಂಗ್, ನಾವೆಯಲ್ಲಿ ಕುಳಿತು ಸಿಂಧೂನದಿಯಲ್ಲಿ ಯಾನವನ್ನು ಆರಂಭಿಸಿದ. ತನಗೆ ಕೊಡುಗೆಯಾಗಿ ದಕ್ಕಿದ ಗ್ರಂಥಗಳು ಹಾಗೂ ಬುದ್ಧನ ಪ್ರತಿಮೆ ಮಾತ್ರವಲ್ಲದೆ ಮೂರ್ನಾಲ್ಕು ಭಾರತೀಯ ವಿದ್ಯಾರ್ಥಿಗಳೂ ಯಾನದಲ್ಲಿ ಅವನ ಜತೆಗಿದ್ದರು. ನೌಕಾವಿಹಾರವನ್ನು ಎಲ್ಲರೂ ಆನಂದಿಸುತ್ತಿರುವಾಗ ಇದ್ದಕ್ಕಿದ್ದಂತೆ ಬಿರುಗಾಳಿ ಬೀಸತೊಡಗಿ ನಾವೆ ಹೊಯ್ದಾಡತೊಡಗಿತು. ಅಂಬಿಗ ಭಯಗೊಂಡು, ‘ಜತೆಯಲ್ಲಿರುವ ಹೆಚ್ಚಿನ ಸಾಮಾನು-ಸರಂಜಾಮನ್ನು ನದಿಗೆ ಎಸೆದರೆ ನಾವೆಯ ಭಾರ ಕಡಿಮೆಯಾಗಿ ಉಳಿಯುವುದು ಸಾಧ್ಯ’ ಎಂದ. ದೋಣಿಯಲ್ಲಿ ಸಾಗಿಸಲ್ಪಡುತ್ತಿರುವುದು ಭಾರತದ ಅಮೂಲ್ಯ ಸಾಂಸ್ಕೃತಿಕ ಸಂಪತ್ತು ಎಂಬುದು ಅವನಿಗೆ ಗೊತ್ತಿರಲಿಲ್ಲ.

ಹ್ಯೂಯೆನ್​ತ್ಸಾಂಗ್, ತನ್ನೊಂದಿಗಿದ್ದ ಗ್ರಂಥಗಳು ಮತ್ತು ಬುದ್ಧನ ಪ್ರತಿಮೆಯನ್ನು ನದಿಗೆ ಎಸೆಯುವಂತೆ ಅನಿವಾರ್ಯವಾಗಿ ಆದೇಶಿಸಿದ. ಆದರೆ ಜತೆಗಿದ್ದ ಭಾರತೀಯ ವಿದ್ಯಾರ್ಥಿಗಳು ಪ್ರತಿಭಟಿಸಿ, ‘ಈ ಅಮೂಲ್ಯ ಗ್ರಂಥಗಳು ನದಿಯ ಪಾಲಾಗುವುದನ್ನು ನಾವು ಸಹಿಸಲಾರೆವು; ಆದರೆ, ಬೆಲೆಕಟ್ಟಲಾಗದ ಈ ಸಂಪತ್ತು ಚೀನಾವನ್ನು ತಲುಪಲೇಬೇಕೆಂದರೆ ನಾವೆಯ ಭಾರ ಕಡಿಮೆಯಾಗಲೇಬೇಕು. ಆದ್ದರಿಂದ ನಾವೆಲ್ಲರೂ ನದಿಗೆ ನಮ್ಮನ್ನು ಸಮರ್ಪಿಸಿಕೊಳ್ಳುತ್ತೇವೆ’ ಎಂದಿದ್ದಲ್ಲದೆ ‘ಜೈ ಭಾರತಮಾತೆ’ ಎನ್ನುತ್ತ ಒಬ್ಬೊಬ್ಬರಾಗಿ ಸಿಂಧೂನದಿಗೆ ಹಾರಿಕೊಂಡರು. ಈ ಅಪ್ರತಿಮ ಬಲಿದಾನ ಕಂಡು ಹ್ಯೂಯೆನ್​ತ್ಸಾಂಗ್ ಬೆರಗಾಗಿದ್ದ.

ಭಾರತದ ಅಸ್ಮಿತೆ, ಪ್ರತಿಷ್ಠೆಯನ್ನು ಕಾಪಾಡಲೆಂದು, ನಮಗೆ ಸ್ವಾತಂತ್ರ್ಯವನ್ನು ದಕ್ಕಿಸಿಕೊಡಲೆಂದು ಹಿಂದೆ ಇದೇ ರೀತಿಯಲ್ಲಿ ಅದೆಷ್ಟೋ ಬಲಿದಾನಗಳಾಗಿವೆ. ನಾವಿಂದು ನೆಮ್ಮದಿಯಿಂದ ದಿನದೂಡುತ್ತಿದ್ದೇವೆಂದರೆ, ಅದರ ಹಿಂದೆ ಇಂಥ ಧೀಮಂತರ ಬೆವರಿನ ಹನಿಗಳಿವೆ. ಅವರನ್ನು ಅನುಗಾಲವೂ ನೆನೆಯುವುದು ನಮ್ಮ ಉಸಿರಾಗಲಿ.

(ಲೇಖಕರು ಸಾಮಾಜಿಕ ಕಾರ್ಯಕರ್ತರು)

Leave a Reply

Your email address will not be published. Required fields are marked *

Back To Top