Saturday, 20th October 2018  

Vijayavani

ಚೀಪ್ ಮೆಂಟಾಲಿಟಿ ನನಗಿಲ್ಲ - ಇದರ ಹಿಂದೆ ಕೈವಾಡ ಇರಬಹುದು - ನಟಿ ಶ್ರುತಿ ಹರಿಹರನ್ ಆರೋಪ ತಳ್ಳಿಹಾಕಿದ ಅರ್ಜುನ್ ಸರ್ಜಾ        ಸ್ಯಾಂಡಲ್​ವುಡ್​​ನಲ್ಲಿ ಮೀ ಟೂ - ನಾಳೆ ಸುದ್ದಿಗೋಷ್ಠಿಯಲ್ಲಿ ಶ್ರುತಿ ಹಾಕ್ತಾರಾ ಬಾಂಬ್ - ನಟಿ ವಿರುದ್ಧ ಗುಡುಗಿದ ಅರ್ಜುನ್ ಸರ್ಜಾ ಅತ್ತೆ        ಧರ್ಮ ವಿಚಾರದಲ್ಲಿ ಡಿಕೆಶಿ ಕ್ಷಮೆಯಾಚನೆಗೆ ಸಿದ್ದು ಸಿಟ್ಟು - ಒಂದೇ ವೇದಿಯಲ್ಲಿದ್ರೂ ಮುಖ ಮುಖ ನೋಡಲಿಲ್ಲ - ಜಂಟಿ ಸುದ್ದಿಗೋಷ್ಠಿಯಲ್ಲಿ ನಾಯಕರ ಮಹಾ ಮುನಿಸು        ಜೆಡಿಎಸ್‌, ಕಾಂಗ್ರೆಸ್‌ನ ಸುದ್ದಿಗೋಷ್ಠಿ - ಕಾಂಗ್ರೆಸ್‌, ಜೆಡಿಎಸ್‌ ಜಂಟಿ ಸಮರಕ್ಕೆ ಬಿಜೆಪಿ ವ್ಯಂಗ್ಯ- ಟ್ವೀಟ್‌ ಮೂಲಕ ಟಾಂಗ್‌        ಒಂದೇ ಮನಸ್ಸು ಎರಡು ದೇಹ ಅಂದ್ರು ಸಿಎಂ - ಈ ಜನ್ಮದಲ್ಲಿ ಗೌಡ್ರು-ಸಿದ್ದು ಒಂದಾಗಲ್ಲ ಅಂದ್ರು ಕಾರಜೋಳ - ದೋಸ್ತಿಗಳಿಗೆ ಬಿಜೆಪಿ ನಾಯಕರ ಟಕ್ಕರ್        ಗದಗಿನ ತೋಂಟದಾರ್ಯ ಶ್ರೀಗಳು ಲಿಂಗೈಕ್ಯ - ಹೃದಯಾಘಾತದಿಂದ ಗದಗ್‌ನ ಖಾಸಗಿ ಆಸ್ಪತ್ರೆಯಲ್ಲಿ ವಿಧಿವಶ - ನಾಳೆ ಗದಗದಲ್ಲಿ ಅಂತ್ಯಕ್ರಿಯೆ       
Breaking News

ಕುಚಿಭೋಟ್ಲಾ ಹಂತಕನಿಗೆ ನಲವತೆôದು ವರ್ಷ ಜೈಲು

Thursday, 09.08.2018, 3:03 AM       No Comments

ನ್ಯೂಯಾರ್ಕ್: ಕನ್ಸಾಸ್ ಬಾರ್ ಒಂದರಲ್ಲಿ ಭಾರತೀಯ ಇಂಜಿನಿಯರ್ ಶ್ರೀನಿವಾಸ ಕುಚಿಭೋಟ್ಲಾರನ್ನು ಕಳೆದ ವರ್ಷ ಹತ್ಯೆ ಮಾಡಿದ ಅಮೆರಿಕದ ನೌಕಾಪಡೆ ನಿವೃತ್ತ ಅಧಿಕಾರಿ ಆಡಂ ಪುರಿನ್ಟನ್(53)ಗೆ ಮೂರು ನಿರಂತರ ಅವಧಿಯ ಜೀವಾವಧಿ ಶಿಕ್ಷೆ ಘೋಷಣೆಯಾಗಿದೆ.

ಅಮೆರಿಕದ ಫೆಡರಲ್ ಕೋರ್ಟ್ ಪ್ರಕರಣದ ವಿಚಾರಣೆ ನಡೆಸಿದ್ದು, ಮಂಗಳವಾರ ಈ ತೀರ್ಪು ಘೋಷಿಸಿದೆ. ಇದಕ್ಕೂ ಮುನ್ನ ಪುರಿನ್ಟನ್ ತಪ್ಪೊಪ್ಪಿಕೊಂಡು, ಶ್ರೀನಿವಾಸ ಕುಚಿಭೋಟ್ಲಾ ಮತ್ತು ಅವರ ಜತೆಗಿದ್ದ ಅಲೋಕ್ ಮದಸಾನಿ ಮೇಲೆ ಜನಾಂಗೀಯ ಕಾರಣಕ್ಕೆ ಹಲ್ಲೆ ನಡೆಸಿದ್ದಾಗಿ ಹೇಳಿಕೊಂಡಿದ್ದ. ಸ್ಥಳದಿಂದ ಪರಾರಿಯಾಗುವ ಸಲುವಾಗಿ ಸ್ಥಳೀಯ ನಿವಾಸಿ ಇಯಾನ್ ಗ್ರಿಲ್ಲೊಟ್ ಮೇಲೂ ದಾಳಿ ಎಸಗಿದ್ದಾಗಿ ತಪ್ಪೊಪ್ಪಿಕೊಂಡಿದ್ದ. ಜಾನ್ಸನ್ ಕೌಂಟಿಯ ಜಿಲ್ಲಾ ಕೋರ್ಟ್ ಈ ಹತ್ಯೆ ಮತ್ತು ಹಲ್ಲೆ ಪ್ರಕಣದಲ್ಲಿ ಪುರಿನ್ಟನ್ ಅಪರಾಧಿ ಎಂದು ಘೋಷಿಸಿ ಜೀವಾವಧಿ ಶಿಕ್ಷೆ ವಿಧಿಸಿತ್ತು. ಇದಾದ ಬಳಿಕ ಫೆಡರಲ್ ಕೋರ್ಟ್ ಕೂಡ ಜೀವಾವಧಿ ಶಿಕ್ಷೆ ಘೋಷಿಸಿದ್ದು, ಪುರಿನ್ಟನ್ ಸತತ ಮೂರು ಜೀವಾವಧಿ ಶಿಕ್ಷೆ ಅನುಭವಿಸಬೇಕಾಗಿದೆ. ಫೆಡರಲ್ ಕೋರ್ಟ್ ವಿಚಾರಣೆ ವೇಳೆ ಸಂತ್ರಸ್ತರ ಪೈಕಿ ಯಾರೂ ಹಾಜರಿರಲಿಲ್ಲ. – ಏಜೆನ್ಸೀಸ್

ಕಮರಿದ ಕನಸು

ಫೆಡರಲ್ ಕೋರ್ಟ್ ಗೆ ಹೇಳಿಕೆ ನೀಡಿರುವ ಕುಚಿಭೋಟ್ಲಾ ಪತ್ನಿ ಸುನಯನಾ ದುಮಲ, ‘ಅಮೆರಿಕದ ಬೆಳವಣಿಗೆಗೋಸ್ಕರ ಕುಚಿಭೋಟ್ಲಾ ಕೆಲಸ ಮಾಡುತ್ತಿದ್ದರು. ಎಲ್ಲ ಕಂದುವರ್ಣೀಯರು ಶತ್ರುಗಳಲ್ಲ ಎಂಬುದನ್ನು ಪುರಿನ್ಟನ್​ಗೆ ಮನವರಿಕೆ ಮಾಡಿಕೊಡುತ್ತಿದ್ದರು. ಅವರು ಎಲ್ಲರನ್ನೂ ಗೌರವದಿಂದಲೇ ಕಾಣುತ್ತಿದ್ದರು. ಕನಸುಗಳೊಂದಿಗೆ ನಾವು ಅಮೆರಿಕಕ್ಕೆ ಬಂದಿದ್ದೆವು. ಆದರೆ, ಅಮೆರಿಕನ್ ಕನಸು ಈಗ ನನಸಾಗದೇ ಕಮರಿ ಹೋಯಿತು’ ಎಂದು ಹೇಳಿಕೊಂಡಿದ್ದರು.

ಏನಾಗಿತ್ತು?

2017ರ ಫೆಬ್ರವರಿ 22ರಂದು ಕನ್ಸಾಸ್​ನ ಆಸ್ಟಿನ್ಸ್ ಬಾರ್ ಆಂಡ್ ಗ್ರಿಲ್​ನಲ್ಲಿ ಪುರಿನ್ಟನ್ ಕುಳಿತಿದ್ದರು. ಅಲ್ಲಿಗೆ ಕುಚಿಭೋಟ್ಲಾ ಮತ್ತು ಮದಸಾನಿ ಆಗಮಿಸಿದ್ದರು. ಆಗ ಜತೆಗಿದ್ದ ಪುರಿನ್ಟನ್ ಪಕ್ಕದಲ್ಲಿದ್ದವರ ಬಳಿ,‘ನೀವು ಎಂದಾದರೂ ಉಗ್ರರನ್ನು ನೋಡಿದ್ದೀರಾ?’ ಎಂದು ಕೇಳಿದರು. ಅಷ್ಟೇ ಅಲ್ಲ, ಕುಚಿಭೋಟ್ಲಾ ಮತ್ತು ಮದಸಾನಿ ಸಮೀಪ ತೆರಳಿದ ಪುರಿನ್ಟನ್, ಕುಚಿಬೋಟ್ಲಾ ಎದೆಯನ್ನು ತಿವಿದು ಉಗ್ರ ಎಂದು ಕೂಗಿದ್ದಲ್ಲದೇ, ನನ್ನ ದೇಶ ತೊರೆದು ಹೋಗು ಎಂದು ಗಲಾಟೆ ಮಾಡಿದ್ದ. ಬಳಿಕ ಮನೆಗೆ ಹೋಗಿ ಉಡುಪು ಬದಲಾಯಿಸಿಕೊಂಡು ಬಂದು ಕುಚಿಭೋಟ್ಲಾ ಮೇಲೆ ಗುಂಡಿನ ದಾಳಿಗೈದು ಹತ್ಯೆ ಮಾಡಿದ್ದ.

Leave a Reply

Your email address will not be published. Required fields are marked *

Back To Top