Sunday, 24th June 2018  

Vijayavani

ಕಾವೇರಿ ನೀರು ಪ್ರಾಧಿಕಾರ ಸಮಿತಿ ರಚನೆ - ಕೇಂದ್ರದಿಂದ ರಾಜ್ಯಕ್ಕಾದ ಅನ್ಯಾಯದ ಬಗ್ಗೆ ಸರ್ಕಾರದಿಂದ ಪುಸ್ತಕ        ಮಾಜಿ ಸಿಎಂ ಸಿದ್ದುಗೆ ಎಚ್​ಡಿಕೆ ಬಂಪರ್ ಆಫರ್​ - ಸಮನ್ವಯ ಸಮಿತಿ ಅಧ್ಯಕ್ಷರಿಗೆ ಕ್ಯಾಬಿನೆಟ್ ದರ್ಜೆ ಸ್ಥಾನಮಾನ ?        ನಕಲಿ ದಾಖಲೆ ಸೃಷ್ಟಿಸಿ ಭೂಮಿ ಕಬಳಿಕೆ ಆರೋಪ - ಆತ್ಮಹತ್ಯೆ ಯತ್ನ - ಇದೆಲ್ಲಾ ಷಡ್ಯಂತ್ರ ಅಂದ್ರು ಮುನಿಯಪ್ಪ        ಕಲ್ಲಿನ ಹಾರ ಬೇಕಾದ್ರೆ ಕೊರಳಿಗೆ ಹಾಕಿ - ಸುಗಂಧರಾಜದ ಹೂವಿನ ಹಾರ ಬೇಡ್ವೇಬೇಡ - ಸಚಿವ ಡಿಕೆಶಿ ಆಕ್ಷೇಪ        ವಿದ್ಯುತ್ ಉಳಿಸಲು ಕೇಂದ್ರದ ಮೆಗಾ ಪ್ಲಾನ್ - ಇನ್ಮುಂದೆ 24 ಡಿಗ್ರಿಗೆ ಎಸಿ ಡಿಫಾಲ್ಟ್​ ಸೆಟ್ಟಿಂಗ್       
Breaking News

ಗುಪ್ತಚರ ಇಲಾಖೆ ನಿದ್ದೆ ಮಾಡ್ತಿತ್ತಾ? ಸಿಎಂ ಸಿದ್ದುಗೆ ಕಾಡುತ್ತಿರುವ ಪ್ರಶ್ನೆ!

Thursday, 03.08.2017, 10:01 AM       No Comments

ಬೆಂಗಳೂರು: ತಮ್ಮ ಪವರ್​ಫುಲ್​ ಸಚಿವ ಡಿಕೆಶಿ ಮೇಲೆ ಐಟಿ ರೇಡ್​ ಸುನಾಮಿಯಮತೆ ಅಪ್ಪಳಿಸಿದಾಗ ಖುದ್ದು ಸಿಎಂ ಸಿದ್ದು ಸೇರಿದಂತೆ ಇಡೀ ಕಾಂಗ್ರೆಸ್​ ಪಡೆ ಕಂಗಾಲಾಗಿತ್ತು. ಮುಂದುವರಿದು, ಮುಖ್ಯಮಂತ್ರಿ ಸಿದ್ದರಾಮಯ್ಯನವರು ‘ಸ್ಥಳೀಯ ಪೊಲೀಸರಿಗೂ ಮಾಹಿತಿ ನೀಡದೆಯೇ ಐಟಿ ದಾಳಿ ನಡೆಸಿದೆ’ ಎಂದು ಕಿಡಿಕಾರಿದ್ದರು. ಇನ್ನು, ಸಂಜೆಯ ವೇಳೆಗೆ ಜನಾರ್ಧನ ಪೂಜಾರಿ ಅವರಂತೂ ಡಿಕೆಶಿ ಮನೆ ಸುತ್ತಮುತ್ತ ಸೇನಾ ಸಮವಸ್ತ್ರದ ಭದ್ರತಾ ಸಿಬ್ಬಂದಿ ಠಳಾಯಿಸುತ್ತಿದಿದ್ದನ್ನು ಕಂಡು ಡಿಕೆಶಿ ಏನು ಟೆರರಿಸ್ಟಾ ಎಂದು ಟೆರರ್​ ಧ್ವನಿಯಲ್ಲಿ ಪೂಜಾರಿ ಕಂಪಿಸಿದ್ದರು.

ಆದರೆ, ಸ್ಥಳೀಯ ಸದಾಶಿವ ನಗರ ಪೊಲೀಸರಿಗೆ ರಣವೀಳ್ಯ ಕೊಟ್ಟು ಸದಾಶಿವ ನಗರದ ಭದ್ರ ಕೋಟೆಯೊಳಕ್ಕೆ ಪ್ರವೇಶಿಸಲು ಐಟಿ ಅವರೇನು ಬುದ್ದುಗಳಾ? ಜ್ಞಾಪಿಸಿಕೊಳ್ಳಿ, ಅಂದು ಸೆಪ್ಟೆಂಬರ್​ 8 ರಂದು ಸಚಿವ ಜನಾರ್ಧನ ರೆಡ್ಡಿಯನ್ನು ಹಲ್ಲುಜ್ಜಿ, ಮುಖ ತೊಳೆಯೋಕೂ ಬಿಡದೆ ಸೀದಾ ಚಂಚಲಗೂಡ ಕಡೆಗೆ ಎಬ್ಬಿಸಿಕೊಂಡು ಹೋಗಿದ್ದರು. ಅದಕ್ಕೂ ಮುನ್ನ ಹಿಂದಿನ ರಾತ್ರಿ ನೂರೈವತ್ತು ಸಿಬಿಐ ಪೊಲೀಸರು ಖಡಕ್​ ಅಧಿಕಾರಿ ಲಕ್ಷ್ಮಿ ನಾರಾಯಣ ಸಾರಥ್ಯದಲ್ಲಿ ಸ್ಥಳೀಯ ಪೊಲೀಸರಿಗೆ ಕಿಂಚಿತ್ತೂ ಸುಳಿವು ನೀಡದೆ ರೆಡ್ಡಿ ಮನೆಯ ಸುತ್ತಮುತ್ತ ಠಿಕಾಣಿ ಹೂಡಿದ್ದರು.

ಐಟಿಯದ್ದೆ ಆಗಿರಲಿ, ಸಿಬಿಐಯದ್ದೆ ಆಗಿರಲಿ – ಅದರ ತಾಕತ್ತೇ ಅಂಥಹುದು. ಲಕ್ಷ್ಮಿನಾರಾಯಣ ಅಂತಹ ಅಧಿಕಾರಿಗಳಿಗೆ Free- Hand ಕೊಟ್ರೆ ಏನೆಲ್ಲಾ ಮಾಡಬಹುದು ಎಂಬುದಕ್ಕೆ ಈ ಪ್ರಕರಣಗಳೇ ಸಾಕ್ಷಿ.

ಆದರೆ, ವಿಷಯ ಅದಲ್ಲ. ನಮ್ಮ ಸನ್ಮಾನ್ಯ ಮುಖ್ಯಮಂತ್ರಿಗಳು ‘ತಮ್ಮದೆ ಗುಪ್ತಚರ ಇಲಾಖೆ ಏನ್ಮಾಡ್ತಿತ್ತು. ಐಟಿ ರೇಡ್​ ಬಗ್ಗೆ ಚಿಕ್ಕ ಸುಳಿವೂ ನೀಡದಷ್ಟು ಚಿಕ್ಕದಾಗಿ ಹೋಯಿತೆ? – ಎಂದು ಗರಂ ಆಗಿದ್ದಾರಂತೆ. ಈ ಸುದ್ದಿ ಇಂದು ಬೆಳಗ್ಗೆ ಹೊರಬಿದ್ದಿದೆ. ಸಿದ್ದರಾಮಯ್ಯನವರ ಈ ವರ್ತನೆ ಏನನ್ನು ಸೂಚಿಸುತ್ತದೆ? By Chance, ಇಂಟಲಿಜೆನ್ಸಿಗೆ ಏನಾದರು ಐಟಿ ರೇಡ್​ ಬಗ್ಗೆ ಸಣ್ಣ ಸುಳಿವು ಸಿಕ್ಕಿ ಬಿಟ್ಟಿದ್ದಿದ್ದರೆ ಸಿಎಂ ಸಿದ್ದು ಏನ್ಮಾಡ್ಬಿಡ್ತಿದ್ರೋ, ಅಲ್ವಾ !? (ದಿಗ್ವಿಜಯ ನ್ಯೂಸ್​)

 

 

Leave a Reply

Your email address will not be published. Required fields are marked *

Back To Top