Friday, 20th July 2018  

Vijayavani

ಶೀರೂರು ಶ್ರೀಗಳ ಸಾವು ಕೊಲೆಯಲ್ಲ - ಅವರಿಗೆ ಮೊದಲಿಂದಲೂ ಅನಾರೋಗ್ಯ ಇತ್ತು - ಉಡುಪಿಯಲ್ಲಿ ಪೇಜಾವರ ಶ್ರೀ ಸ್ಪಷ್ಟನೆ        ರಾಹುಲ್‌ ಅಪ್ಪುಗೆಗೆ ಬಿಜೆಪಿ ಸಿಡಿಮಿಡಿ - ಸದನದಲ್ಲಿನ ವರ್ತನೆ ಬಗ್ಗೆ ಕೋಪ - ರಾಹುಲ್‌ಗೆ ಸ್ಪೀಕರ್‌ ನೀತಿಪಾಠ        ಭಾಷಣಕ್ಕಿಂತ ರಾಹುಲ್‌ ಕಣ್ಣೇಟು ಫೇಮಸ್‌ - ಪ್ರಿಯಾ ವಾರಿಯರ್‌ ವಿಡಿಯೋಗೆ ಲಿಂಕ್‌ - ಸಾಮಾಜಿಕ ಜಾಲತಾಣಗಳಲ್ಲಿ ಫುಲ್‌ವೈರಲ್‌        ಕೆಆರ್‌ಎಸ್‌ಗೆ ಬಾಗಿನ ಅರ್ಪಿಸಿದ ಸಿಎಂ - ಕಾವೇರಿಗೆ ಮುಖ್ಯಮಂತ್ರಿ ದಂಪತಿಯಿಂದ ಪೂಜೆ - ಸಚಿವ ಡಿಕೆಶಿ, ಮಹೇಶ್‌ ಸಾಥ್‌        ಸಿಬ್ಬಂದಿ ಒತ್ತಾಯದಿಂದ ಅಲ್ಲಿಗೆ ಹೋಗಿದ್ದೆ - ಮೊಗಸಾಲೆಯಲ್ಲಿ ಬರ್ತಡೇ ಪಾರ್ಟಿ ತಪ್ಪು - ಕ್ಷಮೆ ಕೋರಿದ ವಿಧಾನಸಭೆ ಕಾರ್ಯದರ್ಶಿ        ನಿನ್ನೆ ಬೌಬೌ ಬಿರಿಯಾನಿ - ಇಂದು ಮಿಯಾಂವ್‌ ಮಿಯಾಂವ್‌ ಮಸಾಲ - ಬೆಂಗಳೂರಿನ ವಿಜಯನಗರದಲ್ಲಿ ಬೆಕ್ಕು ನಾಯಿ ಭಕ್ಷ       
Breaking News

ಪಾರ್ಟ್​ ಟೈಮ್​ ಉದ್ಯೋಗ ಮಾಡ್ತಾ ಅತ್ಯಂತ ಕಿರಿ ವಯಸ್ಸಲ್ಲೇ ವೈದ್ಯನಾದ ಅರ್ಪಣ್​

Thursday, 20.07.2017, 11:53 AM       No Comments

ಲಂಡನ್​: ಭಾರತೀಯ ಮೂಲದ ವೈದ್ಯ ಅರ್ಪಣ್​ ದೋಶಿ ಅವರು ಕಿರಿಯ ವಯಸ್ಸಿಗೆ ವೈದ್ಯಕೀಯ ಪದವಿ ಪೂರ್ಣಗೊಳಿಸುವ ಮೂಲಕ ಬ್ರಿಟನ್​ನ ಅತ್ಯಂತ ಕಿರಿಯ ವೈದ್ಯ ಎಂಬ ಗೌರವಕ್ಕೆ ಪಾತ್ರರಾಗಿದ್ದಾರೆ.

ಷೆಫೀಲ್ಡ್ ವಿಶ್ವವಿದ್ಯಾಲಯದಿಂದ ಅರ್ಪಣ್​ ದೋಶಿ ಬ್ಯಾಚುಲರ್​ ಆಫ್​ ಮೆಡಿಸಿನ್​ ಮತ್ತು ಬ್ಯಾಚುಲರ್​ ಆಫ್​ ಸರ್ಜರಿ ಪದವಿಯನ್ನು ಪಡೆದಿದ್ದಾರೆ. ಅರ್ಪಣ್​ ಕಳೆದ ಸೋಮವಾರ ಪದವಿ ಪ್ರಮಾಣ ಪತ್ರ ಪಡೆಯುವ ಮೂಲಕ ಈ ಸಾಧನೆ ಮಾಡಿದ ಬ್ರಿಟನ್​ನ ಅತ್ಯಂತ ಕಿರಿಯ ವೈದ್ಯ ಎಂಬ ಗೌರವಕ್ಕೆ ಪಾತ್ರರಾದರು.

ಅರ್ಪಣ್​ ಪ್ರತಿಭೆಯನ್ನು ಗುರುತಿಸಿದ ವಿಶ್ವವಿದ್ಯಾಲಯ, ವಿದ್ಯಾರ್ಥಿ ವೇತನ ನೀಡಿ ಬೆಂಬಲಿಸಿತು. ಅರ್ಪಣ್​ ಪಾರ್ಟ್​ ಟೈಮ್​ ಉದ್ಯೋಗ ಮಾಡಿ ತಮ್ಮ ಶಿಕ್ಷಣವನ್ನು ಪೂರ್ಣಗೊಳಿಸಿದ್ದಾರೆ.

ಅರ್ಪಣ್​ 21 ವರ್ಷ 335 ದಿನ ವಯಸ್ಸಿನಲ್ಲಿ ವೈದ್ಯ ಪದವಿ ಪಡೆದಿದ್ದಾರೆ. ಈ ಮೊದಲು 2010ರಲ್ಲಿ ರಾಚಲ್​ ಫಾಯೆ ಹಿಲ್​ ಅವರು 21 ವರ್ಷ 352 ದಿನ ವಯಸ್ಸಿನಲ್ಲಿ ವೈದ್ಯಕೀಯ ಪದವಿ ಪಡೆದಿದ್ದರು. ಈಗ ಅರ್ಪಣ್​ ಈ ದಾಖಲೆಯನ್ನು ಉತ್ತಮ ಪಡಿಸಿದ್ದಾರೆ. ಮುಂದಿನ ತಿಂಗಳಿಂದ ಅರ್ಪಣ್​ ಕಿರಿಯ ವೈದ್ಯರಾಗಿ ವೃತ್ತಿಯನ್ನು ಆರಂಭಿಸಲಿದ್ದಾರೆ.

ಅರ್ಪಣ್​ ಗುಜರಾತ್​ ಮೂಲದವರಾಗಿದ್ದು, 13ನೇ ವಯಸ್ಸಿನವರೆಗೆ ಗಾಂಧಿನಗರದಲ್ಲಿ ವಿದ್ಯಾಭ್ಯಾಸ ನಡೆಸಿದ್ದರು. ಆ ನಂತರ ಅರ್ಪಣ್​ ತಂದೆ ಕುಟುಂಬ ಸಮೇತ ಫ್ರಾನ್ಸ್​ಗೆ ತೆರಳಿ ನೆಲೆಸಿದರು. ಫ್ರಾನ್ಸ್​ನಲ್ಲಿ ಅರ್ಪಣ್​ ತಮ್ಮ ವ್ಯಾಸಂಗವನ್ನು ಮುಂದುವರೆಸಿದರು. ವೈದ್ಯ ಪದವಿ ಪಡೆಯುವ ಹಂಬಲ ಹೊಂದಿದ್ದ ಅರ್ಪಣ್​ ತಮ್ಮ 17ನೇ ವರ್ಷದ ಹುಟ್ಟು ಹಬ್ಬದ ನಂತರ ಷೆಫೀಲ್ಡ್ ವಿಶ್ವವಿದ್ಯಾಲಯಕ್ಕೆ ಸೇರ್ಪಡೆಯಾದರು. ( ಏಜೆನ್ಸೀಸ್​ )

Leave a Reply

Your email address will not be published. Required fields are marked *

Back To Top