Thursday, 19th July 2018  

Vijayavani

ತೆರೆದ ವಾಹನದಲ್ಲಿ ಶೀರೂರು ಶ್ರೀ ಮೆರವಣಿಗೆ - ಉಡುಪಿ ತಲುಪಿದ ಶ್ರೀಗಳ ಪಾರ್ಥಿವ ಶರೀರ - ಭಕ್ತರಲ್ಲಿ ಮಡುಗಟ್ಟಿದ ಶೋಕ        ಶೀರೂರು ಶ್ರೀ ಅಸಹಜ ಸಾವು - ರಥಬೀದಿಯಲ್ಲಿ 45 ನಿಮಿಷ ಸಾರ್ವಜನಿಕ ದರ್ಶನ - ಶೀರೂರಿಗೆ ಡಿಸಿ, ಜಿಪಂ ಸಿಇಓ ಆಗಮನ        ಶೀರೂರು ಶ್ರೀ ಅಹಸಜ ಸಾವು ಹಿನ್ನೆಲೆ - ಶೀರೂರು ಮಠಕ್ಕೆ ಫೋರೆನ್ಸಿಕ್ ತಜ್ಞರ ಭೇಟಿ - ಶ್ರೀಗಳ ಲ್ಯಾಪ್​ಟಾಪ್ ಪರಿಶೀಲನೆ        ರಾಜ್ಯದಲ್ಲಿ ಮಹಾ ಮಳೆಯ ಅಬ್ಬರ - ಮಡಿಕೇರಿಯ ಹಾರಂಗಿ ಜಲಾಶಯ ಭರ್ತಿ - ವಿಶೇಷ ಪೂಜೆ ಸಮರ್ಪಿಸಿದ ಸಿಎಂ        ನಾಳೆ ಕೇಂದ್ರ ಸರ್ಕಾರಕ್ಕೆ ಅವಿಶ್ವಾಸ ಪರೀಕ್ಷೆ - ಮೋದಿ ಸರ್ಕಾರದ ಬೆಂಬಲಕ್ಕೆ ನಿಂತ ಶಿವಸೇನೆ -ನಡೆಯೋದಿಲ್ವಾ ಸೋನಿಯಾ ಆಟ?        ಐನೂರಾಯ್ತು, 2 ಸಾವಿರ ಆಯ್ತು - ಆರ್​ಬಿಐನಿಂದ ಈಗ 100ರ ಹೊಸ ನೋಟು ಬಿಡುಗಡೆ - ನೇರಳೆ ಬಣ್ಣದಲ್ಲಿ ಬರಲಿದೆ ನೂರು ರೂ.       
Breaking News

ಭಾರತದ ಬೌಲಿಂಗ್​ ದಾಳಿಗೆ ಅಲ್ಪ ಮೊತ್ತಕ್ಕೆ ಶ್ರೀಲಂಕಾ ಆಲೌಟ್

Sunday, 13.08.2017, 1:56 PM       No Comments

ಪಲ್ಲೆಕಿಲೆ: ಆಲ್ರೌಂಡರ್​ ಹಾರ್ದಿಕ್​ ಪಾಂಡ್ಯ (108) ಗಳಿಸಿದ ಚೊಚ್ಚಲ ಟೆಸ್ಟ್​ ಶತಕದ ನೆರವಿನಿಂದ ಶ್ರೀಲಂಕಾ ವಿರುದ್ಧ ನಡೆಯುತ್ತಿರುವ ಟೆಸ್ಟ್​ ಸರಣಿಯ ಮೂರನೇ ಟೆಸ್ಟ್​ ಪಂದ್ಯದಲ್ಲಿ ಭಾರತ ತಂಡ ಮೊದಲ ಇನಿಂಗ್ಸ್​ನಲ್ಲಿ 487 ರನ್​ ಗಳಿಸಿ ಆಲೌಟ್​ ಆಗಿದೆ.

ಮೊದಲ ದಿನದಂತ್ಯಕ್ಕೆ 90 ಓವರ್​ಗಳಲ್ಲಿ 6 ವಿಕೆಟ್​ಗೆ 329 ರನ್ ಪೇರಿಸಿದ್ದ ಭಾರತ ತಂಡ 2ನೇ ದಿನದಾಟದಲ್ಲಿ 122.3 ಓವರ್​ಗಳಲ್ಲಿ 487 ರನ್​ ಗಳಿಸಿ ಆಲೌಟಾಯಿತು. ಮೊದಲ ದಿನದಾಟದಂತ್ಯಕ್ಕೆ 1 ರನ್​ ಗಳಿಸಿ ಬ್ಯಾಟಿಂಗ್​ ಕಾಯ್ದಿರಿಸಿದ್ದ ಹಾರ್ದಿಕ್​ ಪಾಂಡ್ಯ ಎರಡನೇ ದಿನ ಬಿರುಸಿನ ಆಟವಾಡಿ ಟೆಸ್ಟ್​ನಲ್ಲಿ ಚೊಚ್ಚಲ ಶತಕ ಗಳಿಸಿದರು. ಪಾಂಡ್ಯ ಕೇವಲ 96 ಬಾಲ್​ಗಳಲ್ಲಿ 8 ಬೌಂಡರಿ ಮತ್ತು 7 ಸಿಕ್ಸರ್​ ನೆರವಿನಿಂದ 108 ರನ್​ ಗಳಿಸಿದರು.

ಉಳಿದಂತೆ ಪಾಂಡ್ಯ ಜತೆ 2ನೇ ದಿನದಾಟ ಆರಂಭಿಸಿದ ವೃದ್ಧಿಮಾನ್​ ಸಾಹಾ ಕೇವಲ 16 ರನ್​ ಗಳಿಸಿ ನಿರ್ಗಮಿಸಿದರು. ಆ ನಂತರ ಕ್ರಿಸ್​ಗಿಳಿದ ಕುಲದೀಪ್​ ಯಾದವ್ 26 ರನ್​ ಗಳಿಸಿ ಪಾಂಡ್ಯಗೆ ಸಾಥ್​ ನೀಡಿದರು.

ಶ್ರೀಲಂಕಾ ಪರ ಲಕ್ಷ್ಮಣ್​ ಸಂಡಕನ್ 132 ರನ್​ ನೀಡಿ 5 ವಿಕೆಟ್​ ಪಡೆದರೆ, ಪುಷ್ಪಕುಮಾರ 82 ರನ್​ ನೀಡಿ 3 ವಿಕೆಟ್​ ಪಡೆದರು.

ಮೊದಲ ಇನಿಂಗ್ಸ್​ ಆರಂಭಿಸಿರುವ ಶ್ರೀಲಂಕಾ ತಂಡ ಆರಂಭಿಕ ಆಘಾತ ಎದುರಿಸಿದ್ದು, ಉಪುಲ್​ ತರಂಗಾ ಮತ್ತು ಕರುಣರತ್ನೆ ವಿಕೆಟ್​ ಕಳೆದುಕೊಂಡಿದೆ. ವರದಿ ಬರೆಯುವ ವೇಳೆಗೆ ಶ್ರೀಲಂಕಾ ತಂಡ 37.3 ಓವರ್​ಗಳಲ್ಲಿ ತನ್ನೆಲ್ಲಾ ವಿಕೆಟ್​ ಕಳೆದುಕೊಂಡು 135 ರನ್​ ಗಳಿಸಿದೆ. ಮೊಹಮ್ಮದ್​ ಶಮಿ 2 ವಿಕೆಟ್​ ಪಡೆದಿದ್ದಾರೆ.  ಈ ನಂತರ ಎರಡನೇ ಇನ್ನಿಂಗ್ಸ್​​ ಆರಂಭಿಸಿದ ಲಂಕಾ ಪಡೆ  1 ವಿಕೆಟ್​ ನಷ್ಟಕ್ಕೆ 19 ರನ್​ ದಾಖಲಿಸಿದೆ. (ಏಜೆನ್ಸೀಸ್​)

Leave a Reply

Your email address will not be published. Required fields are marked *

Back To Top