Wednesday, 18th July 2018  

Vijayavani

ಸಾಲದ ಸುಳಿಯಲ್ಲಿದ್ರೂ ಐ ಫೋನ್​ ಗಿಫ್ಟ್​ - ಹತ್ತಾರು ಸಮಸ್ಯೆ ಮಧ್ಯೆ ಬೇಕಿತ್ತಾ ದುಬಾರಿ ಉಡುಗೊರೆ​ - ಇಟ್ಕೊಂಡೋರಾರು..? ವಾಪಸ್ ಕೊಟ್ಟವರಾರು.?        ದೆಹಲಿಯಲ್ಲಿದ್ರೂ ರೇವಣ್ಣಗೆ ತವರಿನ ಜಪ - ಹಾಸನದ ಅಭಿವೃದ್ಧಿ ಬಗ್ಗೆ ಕೇಂದ್ರ ಸಚಿವರ ಜತೆ ಚರ್ಚೆ - ಸಿಎಂ ಎಚ್​ಡಿಕೆಯನ್ನೇ ಓವರ್​​ಟೇಕ್​ ಮಾಡಿದ PWD ಮಿನಿಸ್ಟರ್​​​        ಜಾರಕಿಹೊಳಿ ಬ್ರದರ್ಸ್​​​​ ನಡುವೆ ಸಮರ - ದೆಹಲಿಗೆ ಶಾಸಕರನ್ನ ಕರೆದೊಯ್ದ ರಮೇಶ್​​​​​​​ ಜಾರಕಿಹೊಳಿ - ಸತೀಶ್​​ಗೆ ಮಂತ್ರಿಗಿರಿ ತಪ್ಪಿಸಲು ಶಕ್ತಿ ಪ್ರದರ್ಶನ        ಇಂದಿನಿಂದ ಸಂಸತ್ ಅಧಿವೇಶನ - ಮಹಿಳಾ ಮೀಸಲಾತಿ, ತ್ರಿಪಲ್ ತಲಾಖ್​​​​​ ಮಸೂದೆ ಅಂಗೀಕಾರ ಸಾಧ್ಯತೆ - ಸಂಜೆ ರಾಜ್ಯ ಸಂಸದರ ಜತೆ ಸಿಎಂ ಮೀಟಿಂಗ್​​        ವಸತಿ ಯೋಜನೆಯ ಹಣವನ್ನೇ ನುಂಗಿದ್ರು - 140 ಅನರ್ಹರಿಂದ 8 ಕೋಟಿ ಗುಳುಂ ಸ್ವಾಹ - ಗದಗ ನಗರಸಭೆಯಲ್ಲಿ ಬಯಲಾಯ್ತು ಗೋಲ್​ಮಾಲ್​​​​        ದೀಪಾಲಂಕಾರದಿಂದ ಕಂಗೊಳಿಸಿದ ಕೆಆರ್​ಎಸ್​ - ಗಗನ ಚುಕ್ಕಿ ಜಲಪಾತ ನಯನ ಮನೋಹರ - ಡ್ರೋಣ್​​ ಕಣ್ಣಲ್ಲಿ ಸೆರೆಯಾಯ್ತು ಜಲಧಾರೆಯ ದೃಶ್ಯ ವೈಭವ       
Breaking News

ಭೂಲೋಕದ ಸ್ವರ್ಗಕ್ಕಾಗಿ ಒಂದ್ಸಲ ಸರಕಾರಿ ಹರಾಜು ಕೂಗಿ!

Monday, 14.08.2017, 3:41 PM       No Comments

ಮುಂಬೈ: ಸಹ್ಯಾದ್ರಿ ಪರ್ವತ ಶ್ರೇಣಿಯೇ ಸುಂದರ. ಅಂತಹುದರಲ್ಲಿ ಅಲ್ಲೊಂದು ಅದ್ಭುತವಾದ ಭೂಸ್ವರ್ಗ ಇದ್ದರೆ ಸ್ವರ್ಗಕ್ಕೆ ಕಿಚ್ಚುಹಚ್ಚಿದಂತೆಯೇ ಸರಿ.

ಹೌದು ಸಹಾರಾ ಗ್ರೂಪ್ ಗೊತ್ತಲ್ಲ… ದಿವಾಳಿಯೆದ್ದಿರುವ ಕಂಪನಿ. ಅದೊಮ್ಮೆ ಆ ಕಂಪನಿ ಉಚ್ಛ್ರಾಯ ಸ್ಥಿತಿಯಲ್ಲಿದ್ದಾಗ ಸಹ್ಯಾದ್ರಿಯ ಉತ್ತುಂಗದಲ್ಲಿ ಆಂಬಿ ವ್ಯಾಲಿ ಎಂಬ ಸುಂದರ ಸ್ವರ್ಗ ಸಮಾನ ತಾಣ ನಿರ್ಮಿಸಿತ್ತು. ಮತ್ತು ಅದು ಈಗಲೂ ಹಾಗೆಯೇ ಸುಂದರವಾಗಿದೆ. ಆದರೆ ಅದಕ್ಕೀಗ ಬೇರೆಯದೇ ವಾರಸುದಾರರು ಬೇಕಾಗಿದ್ದಾರೆ.

ಭೂಲೋಕದ ಸ್ವರ್ಗ ಗತವೈಭವ ಹೀಗಿತ್ತು:

ಮಹಾರಾಷ್ಟ್ರದ ಪುಣೆ ಹಾಗೂ ಮುಂಬೈ ನಡುವೆ ಲೋನಾವಾಲ ಬಳಿಯಿರುವ ಈ ಆಂಬಿ ವ್ಯಾಲಿಯನ್ನು ಭಾರತದ ಸಹಾರಾ ಪರಿವಾರದವರು ನಿರ್ಮಿಸಿದ್ದರು. ವ್ಯವಸ್ಥಿತ ಯೋಜನೆಯೊಂದಿಗೆ ರೂಪಿಸಿರುವ ಈ ನಗರ ಸುಮಾರು 67,621 ಎಕರೆಯಷ್ಟು ವಿಸ್ತಾರವಾಗಿದೆ. ‘ಜೀವನದ ಪ್ರೀತಿಗಾಗಿ ಸೃಷ್ಠಿ’ (Created for the Love of Life) ಎಂಬ ಧ್ಯೇಯ ವಾಕ್ಯದೊಂದಿಗೆ ಸೃಷ್ಟಿಯಾದ ಆಂಬಿ ವ್ಯಾಲಿಯನ್ನು ಒಂದು ಕ್ಷಣ ಕಣ್ತುಂಬಿಕೊಂಡರೆ ಸಾಕು ನಿಮ್ಮ ಜೀವನದಲ್ಲೂ ಪ್ರೀತಿಯ ಮೊಳಕೆ ಚಿಗುರೊಡೆಯದೇ ಇರದು … ಅಷ್ಟು ಸೊಬಗಿನಿಂದ ಕೂಡಿದೆ ಈ ಆಂಬಿ ವ್ಯಾಲಿ.

ಏನೆಲ್ಲಾ ಸಿಗುತ್ತೆ ಈ ಆಂಬಿಯಲ್ಲಿ?

ಹರಾಜು ಪ್ರಕ್ರಿಯೆಯ ನೋಟಿಸ್​ನಲ್ಲಿ ತಿಳಿಸಿರುವಂತೆ ಈ ಆಂಬಿಯಲ್ಲಿ ನೀವು ಗಾಲ್ಫ್​ ಕೋರ್ಸ್, ವಿಮಾನ ನಿಲ್ದಾಣ, ಸುಸಜ್ಜಿತ ಆಸ್ಪತ್ರೆಗಳನ್ನು ಪಡೆಯಬಹುದು. ಸಾಹಸಿ ಕ್ರೀಡೆಗಳು, ವ್ಯಾಪಾರ ವಹಿವಾಟು, ಅಂತರಾಷ್ಟ್ರೀಯ ಶಾಲೆ ಹಾಗೂ ಒಳ್ಳೆಯ ಸತ್ಕಾರವನ್ನು ನೀಡುವ ಸುಂದರ ರೆಸ್ಟೋರೆಂಟ್​ಗಳನ್ನು ತಮ್ಮದಾಗಿಸಿಕೊಳ್ಳಲು ಅವಕಾಶವಿದೆ.

ಆಂಬಿ ವ್ಯಾಲಿ ಹರಾಜಿಗೆ ಕಾರಣ

ಸುಂದರತಾಣ ಆಂಬಿ ವ್ಯಾಲಿಯ ಒಡೆತನವನ್ನು ಹೊಂದಿದ್ದ ಸಹಾರಾ ಗ್ರೂಪ್​ ತನ್ನ ಬಂಡವಾಳಗಾರರಿಗೆ ಬಾಕಿ ಹಣವನ್ನು ಪಾವತಿಸದಿರುವುದರಿಂದ ಆಂಬಿ ವ್ಯಾಲಿಯನ್ನು ಹರಾಜಿನಲ್ಲಿ ಇಡಲಾಗಿದೆ. ಈ ಮುಂಚೆಯೇ ಆಂಬಿ ವ್ಯಾಲಿಯನ್ನು ಹರಾಜು ಹಾಕುವಂತೆ ಸುಪ್ರೀಂ ಕೋರ್ಟ್​, ಬಾಂಬೆ ಹೈಕೋರ್ಟ್​ಗೆ ಸೂಚಿಸಿತ್ತು. ಈ ಮಧ್ಯೆ ಸಹಾರಾ ಗ್ರೂಪ್​ ಮುಖ್ಯ ವಕೀಲ ಹರಾಜು ಪ್ರಕ್ರಿಯೆಯನ್ನು ರದ್ದು ಮಾಡಿ, ಬಾಕಿ 9 ಸಾವಿರ ಕೋಟಿ ಹಣವನ್ನು ಪಾವತಿಸಲು 18 ತಿಂಗಳ ಕಾಲಾವಕಾಶವನ್ನು ಕೇಳಿದ್ದರು.

ಆಂಬಿ ವ್ಯಾಲಿ ನಿಮ್ಮದಾಗಿಸಿಕೊಳ್ಳಲು ಸುವರ್ಣಾವಕಾಶ

ಹರಾಜು ಹಾಕಬೇಡಿ ಎಂಬ ಸಹಾರಾ ಗ್ರೂಪ್ ಅರ್ಜಿಯನ್ನು ಸುಪ್ರೀಂ ಕೋರ್ಟ್​ ಕಳೆದ ವಾರವೇ ತಿರಸ್ಕರಿಸಿದ್ದು ಹರಾಜು ಮಾಡುವಂತೆ ಬಾಂಬೆ ಕೋರ್ಟ್​ಗೆ ನಿರ್ದೇಶಿಸಿದೆ. ಈ ಸುಂದರ ಆಂಬಿ ವ್ಯಾಲಿಯನ್ನು ಕೊಳ್ಳಲು 37,392 ಕೋಟಿ ರೂ ಮೂಲ ಬೆಲೆಯನ್ನು ನಿಗದಿ ಮಾಡಲಾಗಿದೆ.

ಹರಾಜು ಪ್ರಕ್ರಿಯೆ ಹೇಗೆ

ಆಂಬಿ ವ್ಯಾಲಿಯನ್ನು ಖರೀದಿ ಬಯಸುವವರು ಮೊದಲು ಹರಾಜು ಅಧಿಕಾರಿಗಳಿಗೆ ತಮ್ಮ ಕೆವೈಸಿ ಅರ್ಜಿಯನ್ನು ಸಲ್ಲಿಸಿಬೇಕು. ಕೆವೈಸಿ ಅರ್ಜಿ ಸಲ್ಲಿಸುವಾಗಲೇ ಶೇ. 15 ರಷ್ಟು ಮೊತ್ತವನ್ನು RTGS ಅಥವಾ NEFT ಮೂಲಕವೇ ಸಂದಾಯ ಮಾಡಬೇಕು.

ಕಾಂಗ್ರೆಸ್​ನ ನಾಯಕ ಹಿರಿಯ ವಕೀಲ ಕಪಿಲ್​ ಸಿಬ್ಬಲ್​ ಸಹಾರಾ ಪರ ವಕಾಲತ್ತು ವಹಿಸಿದ್ದಾರೆ. ಅಂದಹಾಗೆ ಭೂಮಿಯ ಮೇಲೆ ಈ ಸ್ವರ್ಗವನ್ನು ಸೃಷ್ಟಿಸಿದ ಸುಬ್ರತೋ ರಾಯ್​ ಅವರನ್ನು 2014 ರಲ್ಲಿ ಜೈಲಿಗೆ ಅಟ್ಟಲಾಯಿತು. (ಏಜೆನ್ಸೀಸ್​)

ಆಂಬಿ ವ್ಯಾಲಿಯ ಕೆಲವೊಂದು ಸುಂದರ ತುಣುಕುಗಳು ಇಲ್ಲಿವೆ ಕಣ್ತುಂಬಿಕೊಳ್ಳಿ

Leave a Reply

Your email address will not be published. Required fields are marked *

Back To Top