Wednesday, 19th September 2018  

Vijayavani

ಗೌಡರ ಫ್ಯಾಮಿಲಿ ವಿರುದ್ಧ ಮತ್ತೆ ಸಿಡಿದೆದ್ದ ಮಂಜು- ಡಿಸಿ, ಕಂದಾಯ ಸಚಿವರಿಗೆ ನಾಳೆ  ದೂರು ನೀಡಲಿರುವ ಎ.ಮಂಜು        ಎದುರಾಳಿ ಇಲ್ದೇ ಚೆಸ್ ಆಡೋದೇಗೆ - ಡಿಕೆಶಿ ದರ್ಪದ ಮಾತಿಗೆ ಬಿಎಸ್​ವೈ ತಿರುಗೇಟು - ಇತ್ತ ಅಪ್ಪ-ಮಕ್ಕಳ ವಿರುದ್ಧವೂ ವಾಗ್ದಾಳಿ        ಬಿಜೆಪಿಗೆ ಹೋದ್ರೆ ಬೆಳೆಯಕ್ಕಾಗಲ್ಲ, ಪಕ್ಷದಲ್ಲಿದ್ರೆ ಹೆಚ್ಚು ಲಾಭ - ಬಂಡೆದ್ದಿದ್ದ ಬ್ರದರ್ಸ್ ಕೂಲ್ ಮಾಡಿದ್ದೇ ಸಹೋದರ ಲಖನ್        ದಿಲ್ಲಿಯಲ್ಲಿ ಸಂಪುಟ ವಿಸ್ತರಣೆ ಸರ್ಕಸ್ - ಖಾಲಿ ಇರೋ 6 ಸ್ಥಾನಗಳಿಗೆ ಲಾಬಿ ಜೋರು - ಭಿನ್ನಮತಕ್ಕೆ ರಾಹುಲ್ ಹಾಡ್ತಾರಾ ಇತಿಶ್ರೀ..?        ತ್ರಿವಳಿ ತಲಾಖ್ ಸುಗ್ರೀವಾಜ್ಞೆಗೆ ಅಸ್ತು - ಕೇಂದ್ರ ಸಚಿವ ಸಂಪುಟದಿಂದ ಒಪ್ಪಿಗೆ - ಮುಸ್ಲಿಂ ಮಹಿಳೆಯರಿಗೆ ಕೊನೆಗೂ ಸಿಕ್ತು ನ್ಯಾಯ       
Breaking News

ವಿಶ್ವ ರಕ್ತದಾನಿಗಳ ದಿನದಂದೇ ಗರ್ಭಿಣಿಗೆ ಅನಿರೀಕ್ಷಿತವಾಗಿ ರಕ್ತದಾನ ಮಾಡಿದ ಹರಿಪ್ರಿಯಾ

Thursday, 14.06.2018, 6:56 PM       No Comments

ಬೆಂಗಳೂರು: ಇಂದು ವಿಶ್ವ ರಕ್ತದಾನಿಗಳ ದಿನ. ಸ್ಯಾಂಡಲ್​ವುಡ್​ ನಟಿ ಹರಿಪ್ರಿಯ ಇದೇ ಮೊದಲ ಬಾರಿಗೆ, ಅದೂ ಅನಿರೀಕ್ಷಿತವಾಗಿ ಗರ್ಭಿಣಿಯೊಬ್ಬರಿಗೆ ರಕ್ತದಾನ ಮಾಡಿದ್ದಾರೆ. ಆ ಗರ್ಭಿಣಿ ಅವಳಿ ಮಕ್ಕಳಿಗೆ ಜನ್ಮವನ್ನೂ ನೀಡಿದ್ದಾರೆ.

ಹೌದು ರಕ್ತ ದಾನ ಮಾಡಿದ ಬಗ್ಗೆ ಹರಿಪ್ರಿಯ ಅವರು ಸಾಮಾಜಿಕ ತಾಣ ಇನ್​ಸ್ಟಾಗ್ರಾಂನಲ್ಲಿ ಸ್ಟೇಟಸ್​ ಹಾಕಿದ್ದಾರೆ.

ಏನು ಬರೆದುಕೊಂಡಿದ್ದಾರೆ ಅವರು?

ಗರ್ಭಿಣಿಯೊಬ್ಬರಿಗೆ ರಕ್ತ ಬೇಕಾದ ಬಗ್ಗೆ ಟ್ವಿಟರ್​ನಲ್ಲಿ ಹಾಕಲಾಗಿದ್ದ ಸಂದೇಶವೊಂದನ್ನು ಗಮನಿಸಿದೆ. ಹಾಗಾಗಿ ರಕ್ತದಾನಕ್ಕೆಂದು ಆಸ್ಪತ್ರೆಗೆ ತೆರಳಿದೆ. ಇದು ನನ್ನ ಮೊದಲನೇ ಬಾರಿಯ ರಕ್ತದಾನ. ಮೊದಲ ಬಾರಿಯಾದ್ದರಿಂದ ನನಗೆ ಭಯವಾಗಿತ್ತು. ಏನಾದರೂ ಆಗಲಿ ರಕ್ತದಾನ ಮಾಡುವ ನಿರ್ಧಾರವನ್ನು ನಾನು ಕೈಗೊಂಡೆ. ಹೆರಿಗೆ ಸಂದರ್ಭದಲ್ಲಿ ತೀವ್ರ ರಕ್ತಸ್ರಾವದಿಂದ ಬಳಲುತ್ತಿದ್ದ ಗರ್ಭಿಣಿಯೊಬ್ಬರಿಗೆ ನಾನು ಸಕಾಲದಲ್ಲಿ ರಕ್ತದಾನ ಮಾಡಿದೆ. ಆ ಮಹಿಳೆ ಅವಳಿ ಮಕ್ಕಳಿಗೆ ಜನ್ಮ ನೀಡಿದ್ದಾರೆ. ಆಕೆಗೆ ನೆರವಾಗಿದ್ದಕ್ಕೆ ನನಗೆ ಸಂತೋಷವಾಯಿತು. ಆ ತೃಪ್ತಿಯನ್ನು ನಾನು ಪದಗಳಲ್ಲಿ ಬಣ್ಣಿಸಲಾರೆ. ರಕ್ತದಾನ ಮಾಡಲು ಎಲ್ಲರಿಗೂ ಪ್ರೋತ್ಸಾಹಿಸೋಣ,” ಎಂದು ಹರಿಪ್ರಿಯ ಸ್ಟೇಟಸ್​ ಹಾಕಿದ್ದಾರೆ.

ಈ ಮೂಲಕ ಮೊದಲ ಬಾರಿಗೆ, ಅದೂ ಗರ್ಭಿಣಿಗೆ ನೆರವಾಗುವ ಮೂಲಕ ವಿಶ್ವ ರಕ್ತದಾನಿಗಳ ದಿನದಂದು ಹರಿಪ್ರಿಯ ಅವರು ರಕ್ತದಾನಕ್ಕೆ ಪ್ರೇರಣೆ ನೀಡಿದ್ದಾರೆ.

Leave a Reply

Your email address will not be published. Required fields are marked *

Back To Top