Tuesday, 21st November 2017  

Vijayavani

1. ಇಂಧನ ಇಲಾಖೆಯಲ್ಲಿ ಅವ್ಯವಹಾರ ಆರೋಪ – ವಿಧಾನಸಭೆಯಲ್ಲಿ ಸದನ ಸಮಿತಿ ವರದಿ ಮಂಡನೆ – ಸಂಸದೆ ಶೋಭಾ ವಿರುದ್ಧ ಡಿಕೆಶಿ ಅಸ್ತ್ರ 2. ಮದ್ಯಪಾನ ನಿಷೇಧಕ್ಕೆ ಸದನದಲ್ಲಿ ಗುದ್ದಾಟ – ಮದ್ಯ ವಿರೋಧಿ ಹೋರಾಟಕ್ಕೆ ಶೆಟ್ಟರ್​ ಸಾಥ್​​​​​ – ಸಿಎಂ ವಿರುದ್ಧ ಸಂಜಯ್​​ ಪಾಟೀಲ್​​ ಕಟು ಟೀಕೆ 3. 63ರಲ್ಲಿ ಬಿಡುಗಡೆಯಾಗಿತ್ತು ಪದ್ಮಾವತಿ ಚಿತ್ರ – ಆಗಿಲ್ಲದ ವಿವಾದ ಈಗ ಸೃಷ್ಟಿ – ವಿರೋಧಿ ಪಡೆಗೆ ಪ್ರಶ್ನೆ ಮುಂದಿಟ್ಟ ಚಿತ್ರತಂಡ 4. ತ್ರಿವಳಿ ತಲಾಖ್​ಗೆ ಸದ್ಯದಲ್ಲೇ ಬ್ರೇಕ್​ – ಚಳಿಗಾಲದ ಅಧಿವೇಶನದಲ್ಲಿ ವಿಧೇಯಕ ಮಂಡನೆ – ಕೇಂದ್ರ ಸರ್ಕಾರದ ಮಹತ್ವದ ನಡೆ 5. ಐಶ್ವರ್ಯ ಫೋಟೋ ತೆಗೆಯಲು ನೂಕುನುಗ್ಗಲು – ಮಾಧ್ಯಮದವರ ನಡೆಗೆ ಬಚ್ಚನ್​​​​​​​ ಸೊಸೆ ಕಣ್ಣೀರು – ಕೈಮುಗಿದು ಕಣ್ಣೀರಿಟ್ಟ ಐಶ್ವರ್ಯ
Breaking News :

ಛೆ! ಇದೆಂಥಾ ದುರಂತ… ನೀವೇ ಹೇಳಿ ಇದರಲ್ಲಿ ಯಾರದ್ದು ತಪ್ಪು ಒಪ್ಪು?

Wednesday, 26.07.2017, 9:53 AM       No Comments

ನವದೆಹಲಿ: ಒಂದೆಡೆ ಯುವತಿಯೊಬ್ಬಳು ಎಂಬಿಎ ಮಾಡಿದ್ದರೂ ಉದ್ಯೋಗ ಸಿಗದ ದುರವಸ್ಥೆ ಮತ್ತೊಂದೆಡೆ ಅದೇ ಮಾನಸಿಕ ಕ್ಲೀಷೆಯಲ್ಲಿ ಅಮ್ಮನಿಗೆ ಬಡಿಯುವ ಪರಿಪಾಠ ಬೆಳೆಸಿಕೊಂಡ ಯುವತಿ… ಇದಕ್ಕೆಲ್ಲ ಅಂತ್ಯವೆಂಬಂತೆ ಸ್ವಂತ ತಂದೆಯೇ ಆ ಯುವತಿಯನ್ನು ಬಡಿದು ಸಾಯಿಸಿರುವುದು. ಅದೂ ಸಾಲದೆಂಬಂತೆ ಮೊದಲು ತನ್ನ ಮಗಳು ಆತ್ಮಹತ್ಯೆ ಮಾಡಿಕೊಂಡಳೆಂದು ಪೊಲೀಸರಿಗೆ ಸಬೂಬು ನಂತರ ಪೊಲೀಸರ ತೀವ್ರ ವಿಚಾರಣೆಯೋ ಅಥವಾ ಕರುಳಬಳ್ಳಿಯ ಆಕ್ರಂದನವೋ … ಇಲ್ಲಾ ನನ್ನ ಮಗಳನ್ನು ನಾನೇ ಕೊಂದೆ ಎಂದು ತಪ್ಪೊಪ್ಪಿಕೊಂಡ ಅಪ್ಪ… ಹೇಳಿ ಈ ಕಥೆಯಲ್ಲಿ ಯಾರದ್ದು ತಪ್ಪು ಒಪ್ಪು?

ದೆಹಲಿಯ ದ್ವಾರಕ ನಗರದಲ್ಲಿ ವಾಸವಾಗಿರುವ 29 ವರ್ಷದ ಮಹಿಳೆಯೊಬ್ಬಳು ಎಂಬಿಎ ಪದವಿ ಮುಗಿಸಿ ಕೆಲಸ ಸಿಗದೆ ಮನೆಯಲ್ಲೆ ಖಾಲಿ ಕೈಯಲ್ಲಿ ದಿನ ದೂಡುತ್ತಿದ್ದಳು. ಕೆಲಸವಿಲ್ಲದೆ ಮಾನಸಿಕವಾಗಿ ನೊಂದಿದ್ದ ಆಕೆ ಹತಾಶೆಯಿಂದ ಪ್ರತಿನಿತ್ಯ ತನ್ನ ಹೆತ್ತ ತಾಯಿಯನ್ನೆ ಬಡಿಯುತ್ತಿದ್ದಳು.

ಜುಲೈ 21 ರಂದು ಈ ಪರಿಪಾಠ ಮುಂದುವರಿದಾಗ ಇದರಿಂದ ಬೇಸತ್ತ ಆಕೆಯ 53 ವರ್ಷದ ತಂದೆ ತನ್ನ ಹೆಂಡತಿಯನ್ನು ಥಳಿಸುತ್ತಿರುವುದನ್ನು ನೋಡಿ ತಡೆಯಲಾಗದೆ ತನ್ನ ಮಗಳನ್ನು ಮೊಂಡಾದ ವಸ್ತುವಿನಿಂದ ಬಡಿದು ಸಾಯಿಸಿದ್ದಾನೆ. ಪ್ರಾರಂಭದಲ್ಲಿ ತನ್ನ ಮಗಳು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ನಂಬಿಸಿದ್ದಾನೆ. ಆದರೆ ಪೊಲೀಸರ ತನಿಖೆಯ ನಂತರ ನಾನೇ ಕೊಂದಿರುವುದಾಗಿ ಆತ ತಪ್ಪೊಪ್ಪಿಕೊಂಡಿದ್ದಾನೆ.

ನಿರುದ್ಯೋಗದ ನೋವಿನಿಂದ ಹೊರಬರಲು ತಾಯಿಯನ್ನು ಥಳಿಸುತ್ತಿದ್ದ ಮಗಳು ಒಂದೆಡೆಯಾದರೆ, ಹೆಂಡತಿಯನ್ನು ಕಾಪಾಡಲು ಮಗಳನ್ನೆ ಕೊಲೆ ಮಾಡಿದ ಅಪ್ಪ. ದುಃಸ್ಥಿತಿಯಲ್ಲಿದ್ದ ಮಗಳನ್ನು ಸಂತೈಸಿ, ಮಾರ್ಗದರ್ಶನ ನೀಡಬೇಕಿದ್ದ “ಅಪ್ಪ” ಎಲ್ಲಿ ಹೋದ?

ಇನ್ನೊಂದೆಡೆ. ಇತ್ತ ಮಗಳು ಸ್ಮಶಾಣ ಸೇರಿದಳು. ಅತ್ತ ಗಂಡ ಜೈಲು ಪಾಲಾಗಿ ಮತ್ತೆ ಹೆಂಡತಿ ಸಂಕಷ್ಟಕ್ಕೆ ಸಿಲುಕಿದನ್ನು ನೋಡಿದಾಗ… ವಿಧಿಯನ್ನು ದೂಷಿಸುವುದೋ? ಅಥವಾ ವ್ಯವಸ್ತೆಯನ್ನು ಶಪಿಸುವುದೋ? ಛೇ…(ಏಜೆನ್ಸೀಸ್​)

Leave a Reply

Your email address will not be published. Required fields are marked *

Back To Top