Friday, 19th October 2018  

Vijayavani

ಮೈಸೂರು ರಾಜವಂಶದಲ್ಲಿ ಒಂದೇ ದಿನ ಎರಡು ಸಾವು-ಪ್ರಮೋದಾದೇವಿ ನಾದಿನಿ ವಿಧಿವಶ        ವಿಲನ್ ಚಿತ್ರದಲ್ಲಿ ಶಿವಣ್ಣರನ್ನ ಕಡೆಗಣನೆ ಎಂದು ಆಕ್ರೋಶ - ಥಿಯೆಟರ್‌ ಮುಂದೆ ಅಭಿಮಾನಿಗಳ ಪ್ರತಿಭಟನೆ        ಒಕ್ಕಲಿಗರ ಸಂಘದಲ್ಲಿ ಮೂಗು ತೂರಿಸಲ್ಲ - ಜಾತಿ, ಧರ್ಮದಲ್ಲಿ ಹಸ್ತಕ್ಷೇಪ ಮಾಡಲ್ಲ - ಎಕ್ಸ್‌ಕ್ಲೂಸಿವ್‌ ಸಂದರ್ಶನದಲ್ಲಿ ಡಿಕೆಶಿ ಮಾತು        ಅದ್ದೂರಿ ಜಂಬೂ ಸವಾರಿ - ಅಂಬಾರಿ ಹೊತ್ತು ಅರ್ಜುನ ಗಾಂಭೀರ್ಯ ನಡಿಗೆ - ಬನ್ನಿಮಂಟಪದತ್ತ ವಿಜಯದಶಮಿ ಮೆರವಣೆಗೆ        ದಸರಾ ಮೆರವಣಿಗೆಯಲ್ಲಿ ನಾಡಿನ ಶ್ರೀಮಂತ ಕಲೆ ಅನಾವರಣ - ಗಮನ ಸೆಳೆದ ವಿವಿಧ ಜಿಲ್ಲೆಗಳ ಸ್ತಬ್ಧಚಿತ್ರಗಳ ಚಿತ್ರಣ        ದೆಹಲಿಯಲ್ಲಿ ವಿಜಯದಶಮಿ ಸಂಭ್ರಮ-ರಾಮಲೀಲ ಮೈದಾನದಲ್ಲಿ ರಾವಣನ ಸಂಹಾರ - ಕಾರ್ಯಕ್ರಮದಲ್ಲಿ ರಾಷ್ಟ್ರಪತಿ, ಪ್ರಧಾನಿ ಭಾಗಿ       
Breaking News

ಅಬ್ದುಲ್ಲಾಜಿ ನೀವ್​ ಹೇಳಿದ್ದು ಸರಿ, ಪಿಒಕೆ ಪಾಕಿಸ್ತಾನಕ್ಕೆ ಸೇರಿದ್ದು: ರಿಷಿ ಕಪೂರ್​

Sunday, 12.11.2017, 3:16 PM       No Comments

ಮುಂಬೈ: ಪಾಕ್ ಆಕ್ರಮಿತ ಕಾಶ್ಮಿರ ಪಾಕಿಸ್ತಾನಕ್ಕೆ ಸೇರಿದ್ದು ಎಂದು ಶನಿವಾರದಂದು ನ್ಯಾಷನಲ್​ ಕಾನ್ಫರೆನ್ಸ್​ ಅಧ್ಯಕ್ಷ ಫಾರೂಕ್​ ಅಬ್ದುಲ್ಲಾ ನೀಡಿದ್ದ ವಿವಾದಿತ ಹೇಳಿಕೆಗೆ ಬಾಲಿವುಡ್​ನ ಖ್ಯಾತ ನಟ ರಿಷಿ ಕಪೂರ್​ ಸಹಮತ ವ್ಯಕ್ತಪಡಿಸಿದ್ದಾರೆ.

ಪಾಕ್​ ಆಕ್ರಮಿತ ಕಾಶ್ಮೀರ ಎಂದೆಂದಿಗೂ ಪಾಕಿಸ್ತಾನದ ಅವಿಭಾಜ್ಯ ಅಂಗ, ವಿಭಜನೆಯ ಸಂದರ್ಭದಲ್ಲಿ ಮಹಾರಾಜರೊಂದಿಗೆ ಆದ ಒಪ್ಪಂದವನ್ನು ಭಾರತ ಮರೆತಂತಿದೆ ಎಂಬ ವಿವಾದಾತ್ಮಕ ಹೇಳಿಕೆಯನ್ನು ಫಾರೂಕ್​ ಅಬ್ದುಲ್ಲಾ ನೀಡಿದ್ದರು.

ಇದರ ಕುರಿತು ಟ್ವಿಟ್ಟರ್​ನಲ್ಲಿ ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡಿರುವ ನಟ ರಿಷಿ ಕಪೂರ್​, ” ಸಲಾಮ್​ ಫಾರೂಕ್​ ಅಬ್ದುಲ್ಲಾಜಿ, ನಿಮ್ಮ ಹೇಳಿಕೆಗೆ ನನ್ನ ಸಂಪೂರ್ಣ ಸಹಮತವಿದೆ. ಜಮ್ಮು ಮತ್ತು ಕಾಶ್ಮೀರ ನಮ್ಮದು, ಪಾಕ್​ ಆಕ್ರಮಿತ ಕಾಶ್ಮಿರ ಅವರದು. ಈ ಸತ್ಯವನ್ನು ಒಪ್ಪಿಕೊಳ್ಳುವುದೊಂದೇ ಈ ಸಮಸ್ಯೆಗಿರುವ ಪರಿಹಾರ. ನನಗೀಗ 65 ವಯಸ್ಸು ನಾನು ಸಾಯುವ ಮುನ್ನ ಒಮ್ಮೆ ಪಾಕಿಸ್ತಾನ ನೋಡಬಯಸುತ್ತೇನೆ. ನನ್ನ ಮಕ್ಕಳು ಸಹ ತಮ್ಮ ಮೂಲವನ್ನು ನೋಡಲಿ ಎಂದು ಬಯಸುತ್ತೇನೆ. ಈ ಜಗಳ ನಿಲ್ಲಿಸಿಬಿಡಿ. ಜೈ ಮಾತಾ ದಿ,” ಎಂದಿದ್ದಾರೆ.

ಶನಿವಾರ ಕಾಶ್ಮೀರ ಸಮಸ್ಯೆಯ ಬಗ್ಗೆ ಮಾತನಾಡಿದ್ದ ಅಬ್ದುಲ್ಲಾ, ಪಿಒಕೆ ಯಾವತ್ತಿದ್ದರೂ ಪಾಕಿಸ್ತಾನದ ಭಾಗ ಎಂದು ನಾನು ಭಾರತೀಯರಿಗೆ ಮತ್ತು ವಿಶ್ವದ ಜನರಿಗೆ ತಿಳಿಸಲು ಬಯಸುತ್ತೇನೆ. ಪಿಒಕೆ ಪಾಕಿಸ್ತಾನದ್ದು ಹಾಗೂ ಜಮ್ಮು ಮತ್ತು ಕಾಶ್ಮೀರ ಭಾರತಕ್ಕೆ ಸೇರಿದ್ದು, ಉಭಯ ದೇಶಗಳ ನಡುವೆ ಎಷ್ಟೇ ಯುದ್ಧ ನಡೆದರೂ ಇದನ್ನು ಬದಲಿಸಲು ಸಾಧ್ಯವಿಲ್ಲ ಎಂದು ಅವರು​ ಅಭಿಪ್ರಾಯ ಪಟ್ಟಿದ್ದರು. (ಏಜೆನ್ಸೀಸ್​)

Leave a Reply

Your email address will not be published. Required fields are marked *

Back To Top