Thursday, 19th July 2018  

Vijayavani

ತೆರೆದ ವಾಹನದಲ್ಲಿ ಶೀರೂರು ಶ್ರೀ ಮೆರವಣಿಗೆ - ಉಡುಪಿ ತಲುಪಿದ ಶ್ರೀಗಳ ಪಾರ್ಥಿವ ಶರೀರ - ಭಕ್ತರಲ್ಲಿ ಮಡುಗಟ್ಟಿದ ಶೋಕ        ಶೀರೂರು ಶ್ರೀ ಅಸಹಜ ಸಾವು - ರಥಬೀದಿಯಲ್ಲಿ 45 ನಿಮಿಷ ಸಾರ್ವಜನಿಕ ದರ್ಶನ - ಶೀರೂರಿಗೆ ಡಿಸಿ, ಜಿಪಂ ಸಿಇಓ ಆಗಮನ        ಶೀರೂರು ಶ್ರೀ ಅಹಸಜ ಸಾವು ಹಿನ್ನೆಲೆ - ಶೀರೂರು ಮಠಕ್ಕೆ ಫೋರೆನ್ಸಿಕ್ ತಜ್ಞರ ಭೇಟಿ - ಶ್ರೀಗಳ ಲ್ಯಾಪ್​ಟಾಪ್ ಪರಿಶೀಲನೆ        ರಾಜ್ಯದಲ್ಲಿ ಮಹಾ ಮಳೆಯ ಅಬ್ಬರ - ಮಡಿಕೇರಿಯ ಹಾರಂಗಿ ಜಲಾಶಯ ಭರ್ತಿ - ವಿಶೇಷ ಪೂಜೆ ಸಮರ್ಪಿಸಿದ ಸಿಎಂ        ನಾಳೆ ಕೇಂದ್ರ ಸರ್ಕಾರಕ್ಕೆ ಅವಿಶ್ವಾಸ ಪರೀಕ್ಷೆ - ಮೋದಿ ಸರ್ಕಾರದ ಬೆಂಬಲಕ್ಕೆ ನಿಂತ ಶಿವಸೇನೆ -ನಡೆಯೋದಿಲ್ವಾ ಸೋನಿಯಾ ಆಟ?        ಐನೂರಾಯ್ತು, 2 ಸಾವಿರ ಆಯ್ತು - ಆರ್​ಬಿಐನಿಂದ ಈಗ 100ರ ಹೊಸ ನೋಟು ಬಿಡುಗಡೆ - ನೇರಳೆ ಬಣ್ಣದಲ್ಲಿ ಬರಲಿದೆ ನೂರು ರೂ.       
Breaking News

ಖಾತೆ ಇಲ್ಲದಿರುವವರ ಖಾಸಗಿ ಮಾಹಿತಿ ಫೇಸ್​ಬುಕ್ ಪಾಲು!

Wednesday, 18.04.2018, 3:05 AM       No Comments

ಸ್ಯಾನ್​ಫ್ರಾನ್ಸಿಸ್ಕೊ: ಕೋಟ್ಯಂತರ ಬಳಕೆದಾರರ ಖಾಸಗಿ ಮಾಹಿತಿ ದುರ್ಬಳಕೆ ಆರೋಪ ಎದುರಿಸುತ್ತಿರುವ ಫೇಸ್​ಬುಕ್, ಸಾಮಾಜಿಕ ಜಾಲತಾಣ ಖಾತೆ ಹೊಂದಿಲ್ಲದ ವ್ಯಕ್ತಿಗಳ ಡೇಟಾವನ್ನೂ ಸಂಗ್ರಹಿಸುತ್ತಿತ್ತು ಎಂಬುದು ಬೆಳಕಿಗೆ ಬಂದಿದೆ.

ಫೇಸ್​ಬುಕ್ ಖಾತೆ ಹೊಂದಿಲ್ಲದ ವ್ಯಕ್ತಿಗಳು ಆಪ್ ಅಥವಾ ವೆಬ್​ಸೈಟ್​ಗೆ ಭೇಟಿ ನೀಡಿದಾಗ ಅವರ ಮಾಹಿತಿ ಲಭ್ಯವಾಗುತ್ತದೆ. ಒಂದು ವೇಳೆ ಫೇಸ್​ಬುಕ್ ಖಾತೆ ಲಾಗ್​ಔಟ್ ಆಗಿದ್ದರೂ ಕೂಡ ಮಾಹಿತಿ ಲಭಿಸುತ್ತದೆ ಎಂದು ಫೇಸ್​ಬುಕ್​ನ ಉತ್ಪನ್ನ ನಿರ್ವಹಣೆ ವಿಭಾಗದ ನಿರ್ದೇಶಕ ಡೇವಿಡ್ ಬಾಸೆರ್ ಬ್ಲಾಗ್​ನಲ್ಲಿ ಬರೆದುಕೊಂಡಿದ್ದಾರೆ.

ಟ್ರಾ್ಯಕ್ ಹೇಗೆ?: ಬಹಳಷ್ಟು ವೆಬ್​ಸೈಟ್​ಗಳು, ಆಪ್​ಗಳು ಮಾಹಿತಿ ಮತ್ತು ಜಾಹೀರಾತಿಗಾಗಿ ಫೇಸ್​ಬುಕ್ ಸೇವೆಗಳನ್ನು ಬಳಕೆ ಮಾಡುತ್ತವೆ. ಫೇಸ್​ಬುಕ್​ನಲ್ಲಿ ಬಳಕೆದಾರರು ಒತ್ತುವ ಲೈಕ್ ಮತ್ತು ಶೇರ್ ಬಟನ್​ಗಳ ವಿವರಗಳನ್ನು ಜಾಹೀರಾತು ನೀಡಲು ಕಂಪನಿಗಳು ಬಳಸಿಕೊಳ್ಳುತ್ತವೆ. ಇತರ ವೆಬ್​ಸೈಟ್​ಗಳಿಗೆ ಲಾಗ್​ಇನ್ ಆಗಲು ಫೇಸ್​ಬುಕ್ ಖಾತೆಗಳನ್ನು ಬಳಕೆ ಮಾಡಿದಾಗ ಬಳಕೆದಾರರ ಸಾಕಷ್ಟು ವಿವರ ವೆಬ್​ಸೈಟ್​ನವರ ಪಾಲಾಗುತ್ತದೆ ಎಂದು ಬಾಸೆರ್ ವಿವರಿಸಿದ್ದಾರೆ.

ಗೂಗಲ್​ನಿಂದಲೂ ಅದೇ ಕೆಲಸ

ಟ್ವಿಟರ್ ಮತ್ತು ಗೂಗಲ್​ನಂಥ ಬಹುರಾಷ್ಟ್ರೀಯ ಐಟಿ ಕಂಪನಿಗಳು ಕೂಡ ಬಳಕೆದಾರರ ಮೇಲೆ ಸದಾ ನಿಗಾ ಇರಿಸುತ್ತವೆ ಎಂದು ಬಾಸೆರ್ ಸಮರ್ಥಿಸಿಕೊಂಡಿದ್ದಾರೆ. ಇದು ಅಂತರ್ಜಾಲ ಕ್ಷೇತ್ರದಲ್ಲಿ ಸಾಮಾನ್ಯ. ಭೇಟಿ ಕೊಟ್ಟ ತಕ್ಷಣ ಅನೇಕ ವೆಬ್​ಸೈಟ್, ಆಪ್​ಗಳು ನಿಮ್ಮ ಮಾಹಿತಿಯನ್ನು ವಿವಿಧ ಕಂಪನಿಗಳಿಗೆ ವರ್ಗಾಯಿಸುತ್ತವೆ ಎಂದು ಬಾಸೆರ್ ಬಹಿರಂಗಪಡಿಸಿದ್ದಾರೆ.

ಶೀಘ್ರ ಪೇಮೆಂಟ್ ಸೇವೆ

ಮೊಬೈಲ್ ಬ್ಯಾಂಕಿಂಗ್ ಜನಪ್ರಿಯತೆ ಗಳಿಸುತ್ತಿರುವ ಬೆನ್ನಿಗೆ ಫೇಸ್​ಬುಕ್ ಭಾರತದಲ್ಲಿ ಪೇಮೆಂಟ್ ಸರ್ವೀಸ್ (ಯುಪಿಐ ಪೇಮೆಂಟ್) ಆರಂಭಿಸಲು ಸಿದ್ಧತೆ ನಡೆಸಿದೆ. ಮೆಸೇಜಿಂಗ್ ಆಪ್ ‘ಮೆಸೆಂಜರ್’ ಮೂಲಕ ಹಣ ಪಾವತಿ ಸೇವೆ ಆರಂಭಿಸಲು ಮುಂದಾಗಿದೆ.

Leave a Reply

Your email address will not be published. Required fields are marked *

Back To Top