Saturday, 20th October 2018  

Vijayavani

ಚೀಪ್ ಮೆಂಟಾಲಿಟಿ ನನಗಿಲ್ಲ - ಇದರ ಹಿಂದೆ ಕೈವಾಡ ಇರಬಹುದು - ನಟಿ ಶ್ರುತಿ ಹರಿಹರನ್ ಆರೋಪ ತಳ್ಳಿಹಾಕಿದ ಅರ್ಜುನ್ ಸರ್ಜಾ        ಸ್ಯಾಂಡಲ್​ವುಡ್​​ನಲ್ಲಿ ಮೀ ಟೂ - ನಾಳೆ ಸುದ್ದಿಗೋಷ್ಠಿಯಲ್ಲಿ ಶ್ರುತಿ ಹಾಕ್ತಾರಾ ಬಾಂಬ್ - ನಟಿ ವಿರುದ್ಧ ಗುಡುಗಿದ ಅರ್ಜುನ್ ಸರ್ಜಾ ಅತ್ತೆ        ಧರ್ಮ ವಿಚಾರದಲ್ಲಿ ಡಿಕೆಶಿ ಕ್ಷಮೆಯಾಚನೆಗೆ ಸಿದ್ದು ಸಿಟ್ಟು - ಒಂದೇ ವೇದಿಯಲ್ಲಿದ್ರೂ ಮುಖ ಮುಖ ನೋಡಲಿಲ್ಲ - ಜಂಟಿ ಸುದ್ದಿಗೋಷ್ಠಿಯಲ್ಲಿ ನಾಯಕರ ಮಹಾ ಮುನಿಸು        ಜೆಡಿಎಸ್‌, ಕಾಂಗ್ರೆಸ್‌ನ ಸುದ್ದಿಗೋಷ್ಠಿ - ಕಾಂಗ್ರೆಸ್‌, ಜೆಡಿಎಸ್‌ ಜಂಟಿ ಸಮರಕ್ಕೆ ಬಿಜೆಪಿ ವ್ಯಂಗ್ಯ- ಟ್ವೀಟ್‌ ಮೂಲಕ ಟಾಂಗ್‌        ಒಂದೇ ಮನಸ್ಸು ಎರಡು ದೇಹ ಅಂದ್ರು ಸಿಎಂ - ಈ ಜನ್ಮದಲ್ಲಿ ಗೌಡ್ರು-ಸಿದ್ದು ಒಂದಾಗಲ್ಲ ಅಂದ್ರು ಕಾರಜೋಳ - ದೋಸ್ತಿಗಳಿಗೆ ಬಿಜೆಪಿ ನಾಯಕರ ಟಕ್ಕರ್        ಗದಗಿನ ತೋಂಟದಾರ್ಯ ಶ್ರೀಗಳು ಲಿಂಗೈಕ್ಯ - ಹೃದಯಾಘಾತದಿಂದ ಗದಗ್‌ನ ಖಾಸಗಿ ಆಸ್ಪತ್ರೆಯಲ್ಲಿ ವಿಧಿವಶ - ನಾಳೆ ಗದಗದಲ್ಲಿ ಅಂತ್ಯಕ್ರಿಯೆ       
Breaking News

ಲಾರ್ಡ್ಸ್​ನಲ್ಲಿ ಮಳೆ ಅಡ್ಡಿ

Friday, 10.08.2018, 3:02 AM       No Comments

ಲಂಡನ್: ಬರೋಬ್ಬರಿ 17 ವರ್ಷಗಳ ಬಳಿಕ ಲಾರ್ಡ್ಸ್ ಟೆಸ್ಟ್ ಪಂದ್ಯದ ಮೊದಲ ದಿನದಾಟ ಒಂದೂ ಎಸೆತ ಕಾಣದೆ ರದ್ದುಗೊಂಡಿದೆ. ಭಾರತ-ಇಂಗ್ಲೆಂಡ್ ನಡುವಿನ ಐದು ಪಂದ್ಯಗಳ ಟೆಸ್ಟ್ ಸರಣಿಯ 2ನೇ ಟೆಸ್ಟ್ ಪಂದ್ಯದ ಮೊದಲ ದಿನದ ಆಟಕ್ಕೆ ಮಳೆ ಅನುವು ಮಾಡಿಕೊಡಲಿಲ್ಲ. ಟಾಸ್ ನಡೆಸಲೂ ಕೂಡ ಅವಕಾಶ ಸಿಗದ ಕಾರಣ, ಗುರುವಾರದ ಆಟ ಕ್ರಿಕೆಟ್ ದಾಖಲೆಗಳಲ್ಲಿ ಉಳಿದುಕೊಳ್ಳಲಿಲ್ಲ. ಇದರಿಂದಾಗಿ ಲಾರ್ಡ್ಸ್ ಟೆಸ್ಟ್ ಚತುರ್ದಿನ ಮುಖಾಮುಖಿಯಾಗಿ ಬದಲಾಗಿದೆ. 2001ರ ಮೇ 17ರಂದು ಪಾಕಿಸ್ತಾನ ವಿರುದ್ಧ ನಡೆದ ಲಾರ್ಡ್ಸ್

ಟೆಸ್ಟ್​ನ ಮೊದಲ ದಿನದಾಟ ಮಳೆಯಿಂದಾಗಿ ರದ್ದುಗೊಂಡಿತ್ತು. ಆದರೆ, ಬಲಾಢ್ಯ ಇಂಗ್ಲೆಂಡ್ ನಂತರ ಎರಡೇ ದಿನದ ಆಟದಲ್ಲಿ ಇನಿಂಗ್ಸ್ ಜಯ ಒಲಿಸಿಕೊಂಡಿತ್ತು. ಬೆಳಗ್ಗೆಯಿಂದಲೂ ಸುರಿಯುತ್ತಿದ್ದ ಮಳೆ ಆಟಗಾರರಿಗೆ ಅಭ್ಯಾಸ ನಡೆಸಲೂ ಅವಕಾಶ ನೀಡಲಿಲ್ಲ. ಜಿಟಿಜಿಟಿ ಮಳೆ ಕಾರಣ ಇಡೀ ದಿನ ಲಾರ್ಡ್ಸ್ ಪಿಚ್ ಕವರ್ಸ್​ನ ಅಡಿಯಲ್ಲಿತ್ತು. ಶುಕ್ರವಾರ ಮಳೆಯ ಮುನ್ಸೂಚನೆ ಕಡಿಮೆ ಇರುವ ಕಾರಣ ಪೂರ್ಣ ದಿನದ ಆಟ ನಡೆಯುವ ನಿರೀಕ್ಷೆ ಇದೆ. ಏಜೆನ್ಸೀಸ್

ಎಂಸಿಸಿ ಲೈಬ್ರೆರಿ ಫುಲ್

ಮೊದಲ ದಿನ ಆಟ ನಡೆಯದೆ ಇದ್ದರೂ ಮೆರಿಲ್​ಬೋನ್ ಕ್ರಿಕೆಟ್ ಕ್ಲಬ್ ದಾಖಲೆ ಬರೆದಿದೆ. ಆಟ ನಡೆಯದ ಕಾರಣ ಕ್ರೀಡಾ ಪತ್ರಕರ್ತರು ಹಾಗೂ ಉತ್ಸಾಹಿಗಳು ಕ್ರಿಕೆಟ್ ಕುರಿತಾಗಿಯೇ ಮೀಸಲಾಗಿರುವ ಎಂಸಿಸಿ ಗ್ರಂಥಾಲಯಕ್ಕೆ ಭೇಟಿ ನೀಡಿದ್ದರು. 2015ರಲ್ಲಿ ಇಂಗ್ಲೆಂಡ್-ನ್ಯೂಜಿಲೆಂಡ್ ಟೆಸ್ಟ್ ವೇಳೆ ಮಧ್ಯಾಹ್ನ 3 ಗಂಟೆಯ ವೇಳೆಗೆ 113 ಮಂದಿ ಲೈಬ್ರೆರಿಯಲ್ಲಿ ಇದ್ದಿದ್ದು ಈವರೆಗಿನ ದಾಖಲೆ ಎನಿಸಿತ್ತು. ಆದರೆ, ಗುರುವಾರ ಇದೇ ಅವಧಿಯಲ್ಲಿ 121 ಮಂದಿ ಗ್ರಂಥಾಲಯದಲ್ಲಿದ್ದರು ಎಂದು ಎಂಸಿಸಿ ತಿಳಿಸಿದೆ. ಆಟ ನಡೆಯುವ ನಿರೀಕ್ಷೆಯಲ್ಲಿದ್ದ ಅಭಿಮಾನಿಗಳು ಕೊನೆಗೂ ನಿರಾಸೆಯಿಂದ ಮೈದಾನದಿಂದ ಹೊರನಡೆದರು.

Leave a Reply

Your email address will not be published. Required fields are marked *

Back To Top