Thursday, 19th April 2018  

Vijayavani

ಬಿಜೆಪಿ ಕಚೇರಿಯಲ್ಲಿ ಅಮಿತ್‌ ಷಾ ಮೀಟಿಂಗ್ - ಸೋಶಿಯಲ್‌ ಮೀಡಿಯಾ ಬಗ್ಗೆ ಫುಲ್‌ ಮಾರ್ಕ್ಸ್‌ - ಎಚ್ಚರಿಕೆ ಹೆಜ್ಜೆ ಇಡಲು ಸಲಹೆ        ಒಂಟಿಸಲಗದ ಮನೆಗೆ ಬಂತು ಬಿ ಫಾರಂ ​​ - ಅಂಬಿ ಷರುತ್ತುಗಳಿಗೆ ಒಪ್ಪಿದ ಪರಂ - ಪಕ್ಷದ ನಡೆ ಬಗ್ಗೆ ರೆಬೆಲ್‌ಸ್ಟಾರ್‌ ಗರಂ        ಕೈ ಟಿಕೆಟ್​ ತಪ್ಪಿದ್ದಕ್ಕೆ ಶಶಿಕುಮಾರ್ ಅಸಮಾಧಾನ​ - ದೇವೆಗೌಡರ ಭೇಟಿಯಾದ ಕೊಲ್ಲೂರ ಕಾಳ - ಪದ್ಮನಾಭ ನಗರದ ನಿವಾಸದಲ್ಲಿ ಜೆಡಿಸ್​ ಸೇರ್ಪಡೆ        ಟಿಕೆಟ್​ಗಾಗಿ ಹೆಚ್ಚಿದ ಕಣ್ಣೀರಧಾರೆ - ಮಾಯಕೊಂಡದಲ್ಲಿ ಕಣ್ಣೀರಿಟ್ಟ ಮಾಜಿ ಶಾಸಕ - ತರೀಕೆರೆಯಲ್ಲಿ ಶಿವಶಂಕರಪ್ಪ ಭಾವುಕ        ಭವಾನಿ ಸೋಲಿಸಿ ಎಂದಿದ್ದು ನನ್ನನ್ನಲ್ಲ - ಕೈ ಅಭ್ಯರ್ಥಿ ವಿರುದ್ಧ ಮಾತನಾಡಿದ್ದಾರೆ - ಭವಾನಿ ವಿಡಿಯೋ ಬಗ್ಗೆ ಸಾ.ರಾ ಮಹೇಶ್‌ ಸ್ಪಷ್ಟನೆ        ರಾಜ್ಯ ಸರ್ಕಾರಿ ನೌಕರರಿಗೆ ಸಿಹಿಸುದ್ದಿ - 6ನೇ ವೇತನ ಆಯೋಗದ ಶಿಫಾರಸು ಜಾರಿಗೆ ಗ್ರೀನ್​ಸಿಗ್ನಲ್ - ಚುನಾವಣಾ ಆಯೋಗದಿಂದ ಒಪ್ಪಿಗೆ       
Breaking News

ಪ್ರಾರ್ಥನೆ ಎಂಬ ಸಂಜೀವಿನಿ

Monday, 16.04.2018, 3:02 AM       No Comments

|ವನರಾಗ ಶರ್ಮಾ

ಇದು ಬಹಳ ಹಿಂದಿನ ಘಟನೆ. ಅಮೆರಿಕದ ಅಧ್ಯಕ್ಷರಾಗಿ ಅಧಿಕಾರಸೂತ್ರ ಹಿಡಿದಿದ್ದ ಅಬ್ರಹಾಂ ಲಿಂಕನ್ನರಿಗೆ ಗಂಡಾಂತರಕಾರಿ ಸವಾಲೊಂದು ಎದುರಾಯಿತು. ಉತ್ತರ ಮತ್ತು ದಕ್ಷಿಣ ಪ್ರಾಂತಗಳ ಜನರ ನಡುವಿನ ನಾಗರಿಕ ಸಮರ ತೀವ್ರವಾಗಿದ್ದ ಕಾಲಘಟ್ಟವದು. ಅದನ್ನು ತಹಬಂದಿಗೆ ತರಲೆಂದು ಲಿಂಕನ್ ಸೇನೆಯನ್ನು ನಿಯೋಜಿಸಿದ್ದರು. ಆದರೆ ಎದುರಾಳಿಗಳ ಕೈಮೇಲಾಗುತ್ತಿದೆ ಎಂಬ ಸುದ್ದಿ ಲಿಂಕನ್​ರನ್ನು ತಲುಪಿತು. ಸೇನಾ ಮಹಾದಂಡನಾಯಕ ಸೇರಿದಂತೆ ಎಲ್ಲರೂ ಕಂಗಾಲಾಗಿದ್ದರೂ ಲಿಂಕನ್ ಮಾತ್ರ ಕಂಗೆಡಲಿಲ್ಲ. ಯುದ್ಧರಂಗಕ್ಕೆ ಧಾವಿಸಿದ ಅವರು ಸೈನಿಕರನ್ನುದ್ದೇಶಿಸಿ, ‘ಪ್ರೀತಿಯ ಯೋಧರೇ, ನೀವು ನ್ಯಾಯಕ್ಕೆ ಹೋರಾಡುತ್ತಿರುವಂಥವರು, ಜನರಕ್ಷಣೆ-ನೆಮ್ಮದಿಗೆಂದು ಪ್ರಾಣದ ಹಂಗುತೊರೆದಿರುವವರು. ನೀವು ಸೋಲುವುದಿಲ್ಲ. ದೇವರನ್ನು ಭಕ್ತಿಯಿಂದ ಪ್ರಾರ್ಥಿಸಿ. ಆತ ಯಾವಾಗಲೂ ಸತ್ಯ ಮತ್ತು ನ್ಯಾಯದ ಪರ, ನಮ್ಮನ್ನು ಗೆಲ್ಲಿಸುವುದು ಖಂಡಿತ’ ಎಂದು ಧೈರ್ಯತುಂಬಿ ಭರವಸೆ ನೀಡಿದರು.

‘ಇದೆಂಥ ಸಂದೇಶ? ಲಿಂಕನ್ ತಪು್ಪ ಮಾಡುತ್ತಿದ್ದಾರೆ. ಪ್ರಾರ್ಥನೆಯಿಂದ ಯಾವ ಪ್ರಯೋಜನವೂ ಇಲ್ಲ; ಅದು ವೀರರ ಅಸ್ತ್ರವಲ್ಲ…’ ಎಂಬುದಾಗಿ ಅಮೆರಿಕದ ವಿಪಕ್ಷ ಮುಖಂಡ ಟೀಕಿಸಿದ. ಆದರೆ ಸೈನಿಕರು ಲಿಂಕನ್ ಸಲಹೆಯನ್ನು ಅಕ್ಷರಶಃ ಪಾಲಿಸಿ ತುಂಬುಮನದಿಂದ ದೇವರನ್ನು ಪ್ರಾರ್ಥಿಸಿದರು, ಯುದ್ಧರಂಗದಲ್ಲಿ ಅಮಿತೋತ್ಸಾಹದಿಂದ ತೊಡಗಿ ಕಲಿತನ ಮೆರೆದ ಪರಿಣಾಮ ಅಮೆರಿಕ ಸೇನೆಗೆ ಜಯವಾಯಿತು. ಶ್ರದ್ಧೆ-ಭಕ್ತಿಯಿಂದ ಕೂಡಿದ ಪ್ರಾರ್ಥನೆಯ ಮಹತ್ವವನ್ನು ಈ ದೃಷ್ಟಾಂತ ತಿಳಿಸುತ್ತದೆ. ಆತ್ಮವಿಶ್ವಾಸ, ಒಂದು ಸಣ್ಣ ಭರವಸೆ ನಮ್ಮ ಶಕ್ತಿಯನ್ನು ಇಮ್ಮಡಿಗೊಳಿಸುತ್ತವೆ ಎಂಬುದಕ್ಕಿದು ಸಾಕ್ಷಿ. ‘ದೇವರನ್ನು ನಿರಂತರವಾಗಿ ಸಮರ್ಪಣಾಭಾವದಿಂದ ಪ್ರಾರ್ಥಿಸಿದವರಿಗೆ ಜಯ ಸಿಕ್ಕುತ್ತದೆ’ ಎಂಬುದಾಗಿ ಪ್ರಪಂಚದ ಎಲ್ಲ ಸಾಧು-ಸಂತರು, ದಾರ್ಶನಿಕರು, ಸಾಧಕರು ಸಾರಿದ್ದು ಈ ಸತ್ಯವನ್ನರಿತೇ. ಔಷಧ-ಮಾತ್ರೆಯಿಂದಲೂ ಗುಣವಾಗದ ಕಾಯಿಲೆಯು ಮನತುಂಬಿದ ಪ್ರಾರ್ಥನೆಯಿಂದ ವಾಸಿಯಾಗಿದ್ದಕ್ಕೆ ನಿದರ್ಶನಗಳಿವೆ. ಶಕ್ತಿ ಎಂಬುದು ನಮ್ಮಲ್ಲಿ ಅಂತರ್ಗತವಾಗಿರುವಂಥದ್ದು; ಅದಕ್ಕೆ ಪ್ರಾರ್ಥನೆ ಬಲತುಂಬುತ್ತದೆ, ಪರಿಹಾರದ ದಾರಿ ತೋರಿಸುತ್ತದೆ. ಹತಾಶೆಯ ಸುಳಿಗೆ ಸಿಕ್ಕಿ ಮುಳುಗದಂತೆ ನಮ್ಮನ್ನು ಕೈಹಿಡಿದು ಮೇಲಕ್ಕೆತ್ತುತ್ತದೆ ಎಂಬುದನ್ನು ಮರೆಯದಿರೋಣ.

(ಲೇಖಕರು ಅಧ್ಯಾಪಕರು, ಹವ್ಯಾಸಿ ಬರಹಗಾರರು)

Leave a Reply

Your email address will not be published. Required fields are marked *

Back To Top