Saturday, 20th October 2018  

Vijayavani

ಚೀಪ್ ಮೆಂಟಾಲಿಟಿ ನನಗಿಲ್ಲ - ಇದರ ಹಿಂದೆ ಕೈವಾಡ ಇರಬಹುದು - ನಟಿ ಶ್ರುತಿ ಹರಿಹರನ್ ಆರೋಪ ತಳ್ಳಿಹಾಕಿದ ಅರ್ಜುನ್ ಸರ್ಜಾ        ಸ್ಯಾಂಡಲ್​ವುಡ್​​ನಲ್ಲಿ ಮೀ ಟೂ - ನಾಳೆ ಸುದ್ದಿಗೋಷ್ಠಿಯಲ್ಲಿ ಶ್ರುತಿ ಹಾಕ್ತಾರಾ ಬಾಂಬ್ - ನಟಿ ವಿರುದ್ಧ ಗುಡುಗಿದ ಅರ್ಜುನ್ ಸರ್ಜಾ ಅತ್ತೆ        ಧರ್ಮ ವಿಚಾರದಲ್ಲಿ ಡಿಕೆಶಿ ಕ್ಷಮೆಯಾಚನೆಗೆ ಸಿದ್ದು ಸಿಟ್ಟು - ಒಂದೇ ವೇದಿಯಲ್ಲಿದ್ರೂ ಮುಖ ಮುಖ ನೋಡಲಿಲ್ಲ - ಜಂಟಿ ಸುದ್ದಿಗೋಷ್ಠಿಯಲ್ಲಿ ನಾಯಕರ ಮಹಾ ಮುನಿಸು        ಜೆಡಿಎಸ್‌, ಕಾಂಗ್ರೆಸ್‌ನ ಸುದ್ದಿಗೋಷ್ಠಿ - ಕಾಂಗ್ರೆಸ್‌, ಜೆಡಿಎಸ್‌ ಜಂಟಿ ಸಮರಕ್ಕೆ ಬಿಜೆಪಿ ವ್ಯಂಗ್ಯ- ಟ್ವೀಟ್‌ ಮೂಲಕ ಟಾಂಗ್‌        ಒಂದೇ ಮನಸ್ಸು ಎರಡು ದೇಹ ಅಂದ್ರು ಸಿಎಂ - ಈ ಜನ್ಮದಲ್ಲಿ ಗೌಡ್ರು-ಸಿದ್ದು ಒಂದಾಗಲ್ಲ ಅಂದ್ರು ಕಾರಜೋಳ - ದೋಸ್ತಿಗಳಿಗೆ ಬಿಜೆಪಿ ನಾಯಕರ ಟಕ್ಕರ್        ಗದಗಿನ ತೋಂಟದಾರ್ಯ ಶ್ರೀಗಳು ಲಿಂಗೈಕ್ಯ - ಹೃದಯಾಘಾತದಿಂದ ಗದಗ್‌ನ ಖಾಸಗಿ ಆಸ್ಪತ್ರೆಯಲ್ಲಿ ವಿಧಿವಶ - ನಾಳೆ ಗದಗದಲ್ಲಿ ಅಂತ್ಯಕ್ರಿಯೆ       
Breaking News

ಡಿಜಿಲಾಕರ್ ದಾಖಲೆಗಳಿಗೆ ಮಾನ್ಯತೆ

Saturday, 11.08.2018, 3:04 AM       No Comments

ಬೆಂಗಳೂರು: ಡಿಜಿಲಾಕರ್ ಆಪ್ ಹಾಗೂ ಎಂ. ಪರಿವಾಹನ್ ಆಪ್​ನಲ್ಲಿರುವ ಡಿಜಿಟಲ್ ಮಾದರಿಯ ಚಾಲನಾ ಪರವಾನಗಿ ಪತ್ರ (ಡಿಎಲ್), ನೋಂದಣಿ ಪ್ರಮಾಣ ಪತ್ರ (ಆರ್​ಸಿ) ಹಾಗೂ ಇನ್ನಿತರೆ ದಾಖಲೆಗಳನ್ನು ಸಾರಿಗೆ ಇಲಾಖೆ ಅಧಿಕಾರಿಗಳು ಮತ್ತು ಸಂಚಾರ ಪೊಲೀಸರು ಅಧಿಕೃತ ದಾಖಲೆ ಎಂದೇ ಪರಿಗಣಿಸಬೇಕು ಎಂದು ಕೇಂದ್ರ ಹೆದ್ದಾರಿ ಮತ್ತು ರಸ್ತೆ ಸಾರಿಗೆ ಸಚಿವಾಲಯ ಖಡಕ್ ಆಗಿ ಆದೇಶಿಸಿದೆ.

ಡಿಜಿಲಾಕರ್ ಮತ್ತು ಎಂಪರಿವಾಹನ್ ಆಪ್​ಗಳಲ್ಲಿ ಲಭ್ಯವಾಗುವ ಡಿಜಿಟಲ್ ದಾಖಲೆಗಳನ್ನು ಸಂಚಾರ ಪೊಲೀಸರು ಒಪ್ಪಿಕೊಳ್ಳುತ್ತಿಲ್ಲ ಎಂದು ಹಲವು ರಾಜ್ಯದ ಜನರು ದೂರು ಮತ್ತು ಆರ್​ಟಿಐ ಸಲ್ಲಿಸಿರುವ ಹಿನ್ನೆಲೆಯಲ್ಲಿ ಎಲ್ಲ ರಾಜ್ಯದ ಸಾರಿಗೆ ಇಲಾಖೆ ಪ್ರಧಾನ ಕಾರ್ಯದರ್ಶಿ, ಟ್ರಾಫಿಕ್ ಡಿಜಿಪಿ, ಎಡಿಜಿಪಿ, ಸಾರಿಗೆ ಆಯುಕ್ತರಿಗೆ ಸಚಿವಾಲಯ ಸುತ್ತೋಲೆ ಮುಖೇನ ಈ ಸೂಚನೆ ನೀಡಿದೆ.

ಮಾಹಿತಿ ತಂತ್ರಜ್ಞಾನ ಕಾಯ್ದೆ 2000 ಅನ್ವಯ ಡಿಜಿಲಾಕರ್ ಮತ್ತು ಎಂ. ಪರಿವಾಹನ್ ಆಪ್​ನಲ್ಲಿ ಲಭ್ಯವಿರುವ ಡಿಜಿಟಲ್ ಮಾದರಿಯ ಎಲ್ಲ ದಾಖಲೆಗಳು, ಕಾಗದ ರೂಪದಲ್ಲಿ ಅಥವಾ ಸ್ಮಾರ್ಟ್​ಕಾರ್ಡ್ ರೂಪದಲ್ಲಿರುವ ನೈಜ ದಾಖಲೆಗಳಿಗೆ ಸಮವಾಗಿದೆ. ಈ ಡಿಜಿಟಲ್ ದಾಖಲೆಗಳನ್ನು ವಾಹನ ತಪಾಸಣೆ ಸಂದರ್ಭದಲ್ಲಿ ಮಾನ್ಯ ಮಾಡಬೇಕು ಎಂದು ಕಟ್ಟುನಿಟ್ಟಿನ ಆದೇಶ ನೀಡಿದೆ.

ದಾಖಲೆ ಜಪ್ತಿ ಅಗತ್ಯವಿಲ್ಲ!: ವಾಹನ ಚಾಲಕರು ಕೆಲ ಸಂಚಾರ ನಿಯಮ ಉಲ್ಲಂಘಿಸಿದ ಸಂದರ್ಭದಲ್ಲಿ ಸಂಚಾರ ಪೊಲೀಸರು, ಸಾರಿಗೆ ಇಲಾಖೆ ಅಧಿಕಾರಿಗಳು ದಾಖಲೆಗಳನ್ನು ಜಪ್ತಿ ಮಾಡುತ್ತಾರೆ. ಕುಡಿದು ಚಾಲನೆ ಮಾಡಿದ ಸಂದರ್ಭದಲ್ಲಿ ಹಾಗೂ ಅಜಾಗರೂಕತೆಯ ಚಾಲನೆ ಸಂದರ್ಭದಲ್ಲಿ ಡಿಎಲ್ ಮುಟ್ಟುಗೋಲು ಹಾಕಿಕೊಳ್ಳಲಾಗುತ್ತದೆ. ಮುಂದಿನ ದಿನಗಳಲ್ಲಿ ಇದರ ಅಗತ್ಯತೆಯೂ ಇಲ್ಲ. ನಿಯಮ ಉಲ್ಲಂಘಿಸಿ ಡಿಜಿಟಲ್ ದಾಖಲೆ ತೋರಿಸಿದರೆ ಇ-ಚಲನ್ ವ್ಯವಸ್ಥೆಯ ವಾಹನ್ ಅಥವಾ ಸಾರಥಿ 4 ಮೂಲಕ ಡಿಜಿಟಲ್ ದಾಖಲೆಗಳನ್ನು ಮುಟ್ಟುಗೋಲು ಹಾಕಿಕೊಳ್ಳಿ ಎಂದು ಪೊಲೀಸರಿಗೆ ಸಚಿವಾಲಯ ಸೂಚಿಸಿದೆ.

ವಿಮೆ ಪತ್ರವೂ ಡಿಜಿಟಲ್ ರೂಪದಲ್ಲಿ ಲಭ್ಯ: ಹೊಸ ವಾಹನಗಳಿಗೆ ವಿಮೆ ಮತ್ತು ವಿಮೆ ನವೀಕರಣದ ದಾಖಲೆಗಳನ್ನೂ ಇನ್ಶೂರೆನ್ಸ್ ಇನ್ಪಮೇಷನ್ ಬೋರ್ಡ್ (ಐಐಬಿ) ಪ್ರತಿ ನಿತ್ಯ ವಾಹನ್ ಡೇಟಾಬೇಸ್​ಗೆ ಅಪ್​ಲೋಡ್ ಮಾಡುತ್ತಿದೆ. ಕೇಂದ್ರ ಹೆದ್ದಾರಿ ಮತ್ತು ರಸ್ತೆ ಸಾರಿಗೆ ಸಚಿವಾಲಯದ ಎಂಪರಿವಾಹನ್ ಹಾಗೂ ಇ-ಚಲನ್ ಆಪ್​ನಲ್ಲೂ ಇದೀಗ ವಿಮೆ ಪತ್ರಗಳು ಡಿಜಿಟಲ್ ರೂಪದಲ್ಲಿ ಲಭ್ಯವಿದೆ. ಹೀಗಾಗಿ ತಪಾಸಣೆ ಸಂದರ್ಭದಲ್ಲಿ ವಾಹನ ಚಾಲಕರ ಕೈಯಲ್ಲಿ ಆಪ್​ನಲ್ಲಿರುವ ಡಿಜಿಟಲ್ ಮಾದರಿ ವಿಮಾ ಪತ್ರವಿದ್ದರೂ ಪರಿಗಣಿಸಬೇಕು ಎಂದು ಸೂಚಿಸಲಾಗಿದೆ.

44 ಸಾವಿರ ಡಿಜಿಟಲ್ ದಾಖಲೆ ಡೌನ್​ಲೋಡ್

ಡಿಜಿಲಾಕರ್ ಆಪ್​ನಲ್ಲಿರುವ ಡಿಜಿಟಲ್ ದಾಖಲೆಗಳಿಗೆ ಮಾನ್ಯತೆ ನೀಡಿ 2018ರ ಫೆಬ್ರವರಿಯಲ್ಲಿ ಕರ್ನಾಟಕದ ಸಾರಿಗೆ ಇಲಾಖೆ ಅಧಿಸೂಚನೆ ಹೊರಡಿಸಿತ್ತು. ಕೇವಲ 4 ತಿಂಗಳಲ್ಲಿ 14,088 ನೋಂದಣಿ ಪತ್ರ (ಆರ್​ಸಿ), 18,733 ಚಾಲನಾ ಪರವಾನಗಿ (ಡಿಎಲ್) ಹಾಗೂ 11,694 ಮಾಲಿನ್ಯ ಪ್ರಮಾಣಪತ್ರ ಹೀಗೆ ಒಟ್ಟಾರೆ 44 ಸಾವಿರ ಡಿಜಿಟಲ್ ದಾಖಲೆಗಳನ್ನು ಜನ ಆಪ್ ಮುಖಾಂತರ ಡೌನ್​ಲೋಡ್ ಮಾಡಿಕೊಂಡಿದ್ದಾರೆ.

Leave a Reply

Your email address will not be published. Required fields are marked *

Back To Top