Friday, 21st September 2018  

Vijayavani

ಸಂಕಷ್ಟ ತಂದ ದಂಗೆ ಹೇಳಿಕೆ - ಬಿಜೆಪಿ ನಿಯೋಗದಿಂದ ರಾಜ್ಯಪಾಲರಿಗೆ ದೂರು - ರಾಷ್ಟ್ರಪತಿಗಳಿಗೆ ಮಾಹಿತಿ ರವಾನೆ ಸಾಧ್ಯತೆ        ಸಿಎಂ ಬೇಜವಾಬ್ಧಾರಿ ಹೇಳಿಕೆಗೆ ರಾಜ್ಯಾದ್ಯಂತ ಖಂಡನೆ - ಬಿಜೆಪಿ ಕಾರ್ಯಕರ್ತರ ಪ್ರೊಟೆಸ್ಟ್​ - ಬಾಗಲಕೋಟೆಯಲ್ಲಿ ಬ್ಯಾನರ್​ ದಹನ        ಮಲೆನಾಡಲ್ಲಿ ಪ್ರವಾಹದ ಬೆನ್ನಲ್ಲೇ ಮತ್ತೊಂದು ಬರೆ - ನೆರೆ ಬಳಿಕ ಬತ್ತುತ್ತಿವೆ ನದಿಗಳು - ಆತಂಕದಲ್ಲಿ ಚಿಕ್ಕಮಗಳೂರು ಜನತೆ        ಶತಮಾನದ ಆಸ್ಪತ್ರೆಗೆ ಸರ್ಕಾರದ ಬೀಗ - ಮಲ್ಟಿ ಸ್ಪೆಶಾಲಿಟಿ ಆಸ್ಪತ್ರೆಗೆ ಜಾಗ - ಉಡುಪಿಯಲ್ಲಿ ಉಚಿತ ಚಿಕಿತ್ಸೆ ಇನ್ನು ಮರೀಚಿಕೆ..?        ಮೈಸೂರಲ್ಲಿ ನಾಡಹಬ್ಬಕ್ಕೆ ತಯಾರಿ - ಮಾವುತರಿಗೆ ಜಿಲ್ಲಾಡಳಿತದ ಭೂರಿ ಭೋಜನ - ಕೇರಂ ಆಡಿ ಸಂತಸಪಟ್ಟ ಕಾವಾಡಿಗರು        ಹುಬ್ಬಳ್ಳಿಯಲ್ಲಿ ಅಷ್ಟವಿನಾಯಕ ಸ್ಪರ್ಧೆ - ಅಲಂಕಾರದಲ್ಲಿ ಹಿರೇಪೇಟೆಯ ವಿನಾಯಕ ಪ್ರಥಮ- ಗಾಂಧಿ ಚೌಕ್ ಗಣಪ ಉತ್ತಮ ವಿಗ್ರಹ       
Breaking News

ಪ್ರತಿ ಕಣ, ಕ್ಷಣ ಅಮೂಲ್ಯ

Saturday, 13.01.2018, 3:01 AM       No Comments

| ರಾಮ ಸುಬ್ರಾಯ ಶೇಟ್

ಆತನೊಬ್ಬ ಧಾನ್ಯದ ವ್ಯಾಪಾರಿ. ಅದೊಂದು ದಿನ ಗೋದಾಮಿನಿಂದ ಗೋಧಿಯ ಒಂದು ಮೂಟೆಯನ್ನು ಆಳಿನ ಹೆಗಲಮೇಲೆ ಹೊರಿಸಿ ಅಂಗಡಿಗೆ ಹೊರಟಿದ್ದ. ಮೂಟೆಯ ಸಣ್ಣರಂಧ್ರದಿಂದ ಒಂದಿಷ್ಟು ಗೋಧಿಯ ಕಾಳು ಬೀಳುತ್ತಿದ್ದವು. ಅವೆಲ್ಲ ಆರಿಸಿ ಬಟ್ಟೆಯಲ್ಲಿ ಕಟ್ಟಿಕೊಳ್ಳುತ್ತಿದ್ದಾಗ ಓರ್ವ ಗೃಹಸ್ಥ- ‘ಏನ್ ಸ್ವಾಮಿ ಇಷ್ಟು ದೊಡ್ಡ ಸಾಹುಕಾರ ನೀವು, ಒಂದು ಹತ್ತುಕಾಳು ಗೋಧಿಬಿದ್ರೆ ಚಿನ್ನಬಿದ್ದಂಗೆ ಅದನ್ನ ಹೆಕ್ತಾ ಇದ್ರಲ್ಲ’ ಅಂದ. ವ್ಯಾಪಾರಿ ನಕ್ಕು ಆತನನ್ನು ಅಂಗಡಿ ಒಳಗೆ ಕರೆದು ಕೂರಿಸಿದ. ಮರುದಿನ ತಮ್ಮ ಮನೆಯಲ್ಲಿ ಪೂಜೆಯಿದ್ದು, ಮಧ್ಯಾಹ್ನ ಊಟಕ್ಕೆ ಬರಲು ಆಹ್ವಾನಿಸಿದ. ಗೃಹಸ್ಥ ಒಪ್ಪಿ ಮರುದಿನ ವ್ಯಾಪಾರಿಯ ಮನೆಗೆ ಹೋದ. ಗೃಹಸ್ಥನನ್ನು ಸತ್ಕರಿಸಿ, ಬಂಗಾರದ ತಟ್ಟೆಯನ್ನಿಟ್ಟು ಊಟಕ್ಕೆ ಕುಳ್ಳಿರಿಸಿದ ವ್ಯಾಪಾರಿಯ ಪತ್ನಿಯು ಒಂದಿಷ್ಟು ಬಂಗಾರದ ಗೋಧಿ ಕಾಳುಗಳನ್ನು ತಟ್ಟೆಗೆ ಬಡಿಸಿದಳು. ‘ದಯಮಾಡಿ ಊಟ ಮಾಡಬೇಕು’ ಎಂದು ಕೈ ಜೋಡಿಸಿದರು. ಗೃಹಸ್ಥ ತಬ್ಬಿಬ್ಬಾದ. ‘ಏನ್ ಸಾವಕಾರ್ರೆ? ಬಂಗಾರದ ಕಾಳು ಬಡಿಸಿ ತಿನ್ನಿ ಅಂತೀರಲ್ಲ’ ಎಂದ. ಆಗ ವ್ಯಾಪಾರಿ, ‘ನಿನ್ನೆ ನೀವೇ ಅಂದಿದ್ರಲ್ಲ. ಇಷ್ಟು ದೊಡ್ಡ ಶ್ರೀಮಂತ ಮುಷ್ಟಿ ಗೋಧಿನಾ ಚಿನ್ನದಾಂಗೆ ಆರಿಸ್ತಾನೆ ಅಂತ. ಎಷ್ಟು ಸಂಪತ್ತಿದ್ರೆ ಏನ್ ಬಂತು? ಆ ರೈತ ಬೆವರು ಸುರಿಸಿ ಬೆಳೆಯಬೇಕು. ಭೂಮಾತೆ ಕೃಪೆ ಮಾಡಿ ನೀಡಬೇಕು. ಆಗ ಮಾತ್ರ ನಮ್ಮ ಬದುಕಲ್ವೆ ? ಹನಿಹನಿಹಳ್ಳ ತೆನೆ ತೆನೆ ಬಳ್ಳ ಅಲ್ವೆ ? ಅನ್ನದಾತನನ್ನು ಮರೆಯುವ ನಾವು ಮಹಾಕೃತಘ್ನರಲ್ಲವೆ ?’ ಎಂದು ಮೃಷ್ಟಾನ್ನ ಬಡಿಸಿದಾಗ ಗೃಹಸ್ಥನ ಕಣ್ಣು ತೇವಗೊಂಡವು.

ಸರ್ ಎಂ. ವಿಶ್ವೇಶ್ವರಯ್ಯನವರು ಒಂದು ಕಣವೂ ಪೋಲಾಗಬಾರದು. ಒಂದು ಕ್ಷಣವೂ ಪೋಲಾಗಬಾರದು ಎಂದಿದ್ದರು. ಡಾ| ರಾಜ್​ಕುಮಾರ್ ಒಂದಗುಳನ್ನೂ ಬಿಸಾಕಲು ಬಿಡುತ್ತಿರಲಿಲ್ಲವಂತೆ. ಆದರೆ ಸಮಾರಂಭಗಳಲ್ಲಿ ಕೆಲವು ಕಲ್ಯಾಣಮಂದಿರಗಳಲ್ಲಿ ತುಂಬ ಆಹಾರ ಬಿಸಾಕುವುದನ್ನು ಕಾಣುತ್ತೇವೆ. ಅದು ಪ್ರತಿಷ್ಠೆಗೋ ತಿರಸ್ಕಾರಕ್ಕೋ. ಸಮೀಕ್ಷೆಯಂತೆ ಪ್ರತಿದಿನ ಎಷ್ಟೋ ಟನ್ನು ಆಹಾರ ಪೋಲಾಗುತ್ತದೆಂದು ಅಂದಾಜಿಸಿದ್ದಾರೆ. ನಾವು ಹಾಳುಮಾಡುವ ಆಹಾರ ಅದೆಷ್ಟೋ ಜನರ ಹಸಿವನ್ನು ಹಿಂಗಿಸುತ್ತಿತ್ತಲ್ಲವೆ? ಅನ್ನವನ್ನು ಬ್ರಹ್ಮವೆಂದು ತಿಳಿದು ಮಣ್ಣಿನಿಂದ ದೊರೆತ ಅನ್ನ ಮಣ್ಣು ಪಾಲಾಗದಂತೆ ತಡೆಯೋಣ.

(ಲೇಖಕರು ನಿವೃತ್ತ ಉಪನ್ಯಾಸಕರು ಮತ್ತು ಗಮಕ ವ್ಯಾಖ್ಯಾನಕಾರರು)

(ಪ್ರತಿಕ್ರಿಯಿಸಿ: [email protected])

Leave a Reply

Your email address will not be published. Required fields are marked *

Back To Top