Sunday, 28th May 2017  

Vijayavani

1. ಪ್ರಧಾನಿಯನ್ನು ಭೇಟಿ ಮಾಡಿದ ಬಿಹಾರ ಸಿಎಂ- ಔತಣಕೂಟದಲ್ಲಿ ಮೋದಿ ಜೊತೆ ಭಾಗಿ- ಮತ್ತೆ ಎನ್‌ಡಿಎ ತೆಕ್ಕೆಗೆ ಸೇರ್ತಾರಾ ನಿತೀಶ್‌ ಕುಮಾರ್‌ 2. ರಾಹುಲ್‌ಗಾಂಧಿ ಪೊಲಿಟಿಕಲ್‌ ಸ್ಟಂಟ್‌ ಮತ್ತೆ ಶುರು- ವಿರೋಧದ ನಡುವೆ ಸಹರಾನ್‌ಪುರಕ್ಕೆ ಭೇಟಿ- ಡಿಸಿ ಆದೇಶದ ಬಳಿಕ ದೆಹಲಿಗೆ ವಾಪಾಸ್‌ 3. ಮೃತಪಟ್ಟ ಮಹಿಳೆ ಕೊಲೆ ಶಂಕೆ – ಹೆತ್ತವರ ದೂರಿನ ಮೇಲೆ ಡೆಡ್‌ಬಾಡಿ ಹೊರಕ್ಕೆ – ಕೇಸ್‌ ಆಗ್ತಿದ್ದಂತೆ ಗಂಡನ ಮನೆಯವ್ರು ಪರಾರಿ 4. ಕಂಪ್ಯೂಟರ್ ಆಪರೇಟರ್ ಮೇಲೆ ವಿಚ್ಛೇದಿತ ಗಂಡನಿಂದ ಹಲ್ಲೆ- ಗ್ರಾಮ ಪಂಚಾಯತ್‌ಗೆ ನುಗ್ಗಿ ಲಾಂಗ್‌ನಿಂದ ದಾಳಿ- ಶ್ರೀರಂಗಪಟ್ಟಣದ ಹುಲಿಕೆರೆಯಲ್ಲಿ ಭೀಬತ್ಸ ಕೃತ್ಯ 5. ಮದುವೆಯಾಗಲು ಹೋದ ಯುವತಿಯನ್ನ ಪೋಷಕರು ಕರೆದೊಯ್ದರು- ಮದುವೆ ಮಾಡಲು ಬಂದವರು ಸಿಕ್ಕಾಕಿಕೊಂಡ್ರು – ಹೈಡ್ರಾಮ ನೋಡಿ ವರ ಪರಾರಿ
Breaking News :

ಸಿಐಎಸ್​ಎಫ್ ಯೋಧನಿಂದ ಗುಂಡು ಹಾರಾಟ, 4 ಸಹೋದ್ಯೋಗಿ ಸಾವು

Thursday, 12.01.2017, 3:36 PM       No Comments

ಔರಂಗಾಬಾದ್ (ಬಿಹಾರ): ಕೇಂದ್ರೀಯ ಕೈಗಾರಿಕಾ ಭದ್ರತಾ ಪಡೆಯ (ಸಿಐಎಸ್​ಎಫ್) ಯೋಧನೊಬ್ಬ ಬಿಹಾರಿನ ಔರಂಗಾಬಾದ್ ಜಿಲ್ಲೆಯಲ್ಲಿ ಗುರುವಾರ ಸಹೋದ್ಯೋಗಿಗಳ ಮೇಲೆ ನಡೆಸಿದ ಯದ್ವಾತದ್ವ ಗುಂಡು ಹಾರಾಟದಲ್ಲಿ 4 ಯೋಧರು ಸಾವನ್ನಪ್ಪಿದ್ದಾರೆ. ಘಟನಾಸ್ಥಳದಲ್ಲಿ ಇಬ್ಬರು ಸಾವನ್ನಪ್ಪಿದರೆ, ಗಾಯಗೊಂಡ ಇಬ್ಬರು ಬಳಿಕ ಅಸು ನೀಗಿದ್ದಾರೆ.

ಯೋಧ ತನ್ನ ಸೇವಾ ಶಸ್ತ್ರವನ್ನು ಬಳಸಿ ಈ ಗುಂಡು ಹಾರಾಟ ನಡೆಸಿದ್ದು, ಇಬ್ಬರು ಗುಂಡೇಟಿಗೆ ಬಲಿಯಾದರೆ, ಇಬ್ಬರು ತೀವ್ರ ಗುಂಡೇಟಿನ ಗಾಯಗಳಿಗೆ ಒಳಗಾಗಿ ಬಳಿಕ ಅಸುನೀಗಿದರು ಎಂದು ವರದಿಗಳು ಹೇಳಿವೆ.

ರಜೆ ಸಿಕ್ಕಿಲ್ಲ ಎಂಬ ಆಕ್ರೋಶದಿಂದ ಯೋಧ ಈ ಕೃತ್ಯ ಎಸಗಿದ್ದಾನೆ ಎಂದು ಹೇಳಲಾಗಿದೆ. ಸಿಟ್ಟಿಗೆದ್ದಿದ್ದ ಯೋಧ ಮಧ್ಯಾಹ್ನ 12 ಗಂಟೆ ಸುಮಾರಿಗೆ ತನ್ನ ಶಸ್ತ್ರವನ್ನು ಹಿಡಿದುಕೊಂಡು ನಾಲ್ವರು ಸಹೋದ್ಯೋಗಿಗಳ ಮೇಲೆ ಗುಂಡು ಹಾರಿಸತೊಡಗಿದ. ಇಬ್ಬರು ಯೋಧರು ಸ್ಥಳದಲ್ಲೇ ಸಾವನ್ನಪ್ಪಿದರೆ, ಇಬ್ಬರು ಯೋಧರು ತೀವ್ರವಾಗಿ ಗಾಯಗೊಂಡರು. ಗಾಯಾಳು ಯೋಧರನ್ನು ನವೀನಗರ ಆಸ್ಪತ್ರೆಗೆ ಒಯ್ದರೂ ಪ್ರಯೋಜನವಾಗಲಿಲ್ಲ ಎಂದು ವರದಿಗಳು ತಿಳಿಸಿವೆ.

ಘಟನೆ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಸತ್ಯ ಪ್ರಕಾಶ್ ತಿಳಿಸಿದರು. ಸುದ್ದಿ ತಿಳಿಯುತ್ತಿದ್ದಂತೆಯೇ ಸಿಐಎಸ್​ಎಫ್ ಡಿಜಿ ಮತ್ತು ಐಜಿ ಔರಂಗಾಬಾದಿಗೆ ಧಾವಿಸಿದರು.

– ಏಜೆನ್ಸೀಸ್.

(ವೈವಿಧ್ಯಮಯ ಸುದ್ದಿಗಳಿಗೆ ವಿಜಯವಾಣಿ ಪತ್ರಿಕೆ ಓದಿರಿ)

Leave a Reply

Your email address will not be published. Required fields are marked *

Back To Top