Sunday, 23rd September 2018  

Vijayavani

ಜಿಮ್​ ತರಬೇತುದಾರನ ಅಪಹರಣ ಮತ್ತು ಹಲ್ಲೆ ಪ್ರಕರಣದಲ್ಲಿ ನಟ ದುನಿಯಾ ವಿಜಯ್​ ಬಂಧನ.        ವಿಧಾನ ಪರಿಷತ್​​ 3 ಸ್ಥಾನಗಳಿಗೆ ಚುನಾವಣೆ: ನಾಮಪತ್ರ ಸಲ್ಲಿಕೆಗೆ ನಾಳೆ ಕೊನೆ ದಿನ, ಬಿಜೆಪಿ ಪಟ್ಟಿ ಇಂದು ಅಂತಿಮ        ಮೋದಿ ಕಳ್ಳ ಎಂದಿದ್ದ ರಾಹುಲ್​ ವಿರುದ್ಧ ನಿರ್ಮಲಾ ಗುಡುಗು: ರಾಹುಲ್​ ಅವರದ್ದು ಕಳ್ಳರ ಕುಟುಂಬ ಎಂದ ಸಚಿವೆ        ಹಾಸನದಲ್ಲಿ ಇಂದು ಹಲವು ಅಭಿವೃದ್ಧಿ ಕಾಮಗಾರಿಗಳಿಗೆ ಚಾಲನೆ ನೀಡಲಿದ್ದಾರೆ ಮುಖ್ಯಮಂತ್ರಿ ಎಚ್​ಡಿಕೆ       
Breaking News

ಸಿಎಂ ಮುಖಕ್ಕೆ ಸ್ಟಿಕ್ಕರ್ ಗುದ್ದು!

Friday, 06.04.2018, 3:02 AM       No Comments

ಕಾರವಾರ: ಈ ಬಾರಿ ಪಡಿತರ ಅಂಗಡಿ ಉದ್ಯೋಗಿಗಳಿಗೆ ಸಿಎಂ ಮುಖಕ್ಕೆ ಸ್ಟಿಕ್ಕರ್ ಅಂಟಿಸುವ ಹೊಸ ಕೆಲಸ ಶುರುವಾಗಿದೆ. ಅನ್ನ ಭಾಗ್ಯದ ಅಕ್ಕಿಯ ಜತೆ ನೀಡಲಾಗುವ ಒಂದು ಕೆಜಿ ತೊಗರಿಬೇಳೆ ಪ್ಯಾಕೆಟ್​ನಲ್ಲಿ ಸಿಎಂ ಸಿದ್ದರಾಮಯ್ಯ ಭಾವಚಿತ್ರವಿದೆ. ಚುನಾವಣೆ ನೀತಿ ಸಂಹಿತೆ ಜಾರಿಯಾಗಿದ್ದರಿಂದ ಅವುಗಳನ್ನು ಮರೆಮಾಚಿ ಜನರಿಗೆ ವಿತರಣೆ ಮಾಡಲು ಚುನಾವಣಾ ಆಯೋಗ ಸೂಚಿಸಿದೆ. ಚುನಾವಣೆ ಘೊಷಣೆ ಯಾಗುವುದಕ್ಕೂ ಪೂರ್ವದಲ್ಲಿ ಕರ್ನಾಟಕ ಆಹಾರ ನಿಗಮದ ಗೋದಾಮುಗಳಿಗೆ ಮುಖ್ಯಮಂತ್ರಿ ಭಾವಚಿತ್ರವಿರುವ ಪ್ಯಾಕೆಟ್​ಗಳು ಪೂರೈಕೆಯಾಗಿವೆ. ಇದರಿಂದ ನಿಗಮವು ಸ್ಟಿಕ್ಕರ್ ಮುದ್ರಿಸಿ ಎಲ್ಲ ಗೋದಾಮುಗಳಿಗೆ ಕಳಿಸಿಕೊಟ್ಟಿದೆ. 25 ಕೆಜಿ ಚೀಲದಲ್ಲಿರುವ ಪ್ಯಾಕೆಟ್​ಗಳನ್ನು ತೆಗೆದು ಸ್ಟಿಕ್ಕರ್ ಅಂಟಿಸುವುದು ಕಷ್ಟವಾಗಿರುವ ಕಾರಣ ಪಡಿತರ ಸ್ಟಾಕ್ ಪಡೆಯಲು ಬರುವ ನ್ಯಾಯಬೆಲೆ ಅಂಗಡಿಯವರಿಗೆ ಸ್ಟಿಕ್ಕರ್​ಗಳನ್ನು ಹಸ್ತಾಂತರಿಸಲಾಗುತ್ತಿದೆ.

ರೇಶನ್ ಕಾರ್ಡ್​ಗಿಲ್ಲ ನಿಯಮ: ಕಳೆದ ಕೆಲ ತಿಂಗಳಲ್ಲಿ ವಿತರಣೆಯಾದ ಪಡಿತರ ಚೀಟಿಗಳ ಮೇಲೆ ಸಿಎಂ ಸಿದ್ದರಾಮಯ್ಯ ಅವರ ಭಾವಚಿತ್ರಗಳಿವೆ. ಆದರೆ, ಅವು ಈಗಾಗಲೇ ಜನರಿಗೆ ವಿತರಣೆಯಾಗಿರುವ ಕಾರಣ ಚಿತ್ರ ಮರೆಮಾಚುವ ಯಾವುದೇ ಸೂಚನೆ ಇಲ್ಲ ಎನ್ನುತ್ತಾರೆ ಅಧಿಕಾರಿಗಳು.

 

Leave a Reply

Your email address will not be published. Required fields are marked *

Back To Top