Thursday, 19th April 2018  

Vijayavani

ಬಿಜೆಪಿ ಕಚೇರಿಯಲ್ಲಿ ಅಮಿತ್‌ ಷಾ ಮೀಟಿಂಗ್ - ಸೋಶಿಯಲ್‌ ಮೀಡಿಯಾ ಬಗ್ಗೆ ಫುಲ್‌ ಮಾರ್ಕ್ಸ್‌ - ಎಚ್ಚರಿಕೆ ಹೆಜ್ಜೆ ಇಡಲು ಸಲಹೆ        ಒಂಟಿಸಲಗದ ಮನೆಗೆ ಬಂತು ಬಿ ಫಾರಂ ​​ - ಅಂಬಿ ಷರುತ್ತುಗಳಿಗೆ ಒಪ್ಪಿದ ಪರಂ - ಪಕ್ಷದ ನಡೆ ಬಗ್ಗೆ ರೆಬೆಲ್‌ಸ್ಟಾರ್‌ ಗರಂ        ಕೈ ಟಿಕೆಟ್​ ತಪ್ಪಿದ್ದಕ್ಕೆ ಶಶಿಕುಮಾರ್ ಅಸಮಾಧಾನ​ - ದೇವೆಗೌಡರ ಭೇಟಿಯಾದ ಕೊಲ್ಲೂರ ಕಾಳ - ಪದ್ಮನಾಭ ನಗರದ ನಿವಾಸದಲ್ಲಿ ಜೆಡಿಸ್​ ಸೇರ್ಪಡೆ        ಟಿಕೆಟ್​ಗಾಗಿ ಹೆಚ್ಚಿದ ಕಣ್ಣೀರಧಾರೆ - ಮಾಯಕೊಂಡದಲ್ಲಿ ಕಣ್ಣೀರಿಟ್ಟ ಮಾಜಿ ಶಾಸಕ - ತರೀಕೆರೆಯಲ್ಲಿ ಶಿವಶಂಕರಪ್ಪ ಭಾವುಕ        ಭವಾನಿ ಸೋಲಿಸಿ ಎಂದಿದ್ದು ನನ್ನನ್ನಲ್ಲ - ಕೈ ಅಭ್ಯರ್ಥಿ ವಿರುದ್ಧ ಮಾತನಾಡಿದ್ದಾರೆ - ಭವಾನಿ ವಿಡಿಯೋ ಬಗ್ಗೆ ಸಾ.ರಾ ಮಹೇಶ್‌ ಸ್ಪಷ್ಟನೆ        ರಾಜ್ಯ ಸರ್ಕಾರಿ ನೌಕರರಿಗೆ ಸಿಹಿಸುದ್ದಿ - 6ನೇ ವೇತನ ಆಯೋಗದ ಶಿಫಾರಸು ಜಾರಿಗೆ ಗ್ರೀನ್​ಸಿಗ್ನಲ್ - ಚುನಾವಣಾ ಆಯೋಗದಿಂದ ಒಪ್ಪಿಗೆ       
Breaking News

ಅನಧಿಕೃತ ಠೇವಣಿಗೆ ಕೇಂದ್ರ ಅಂಕುಶ

Wednesday, 21.02.2018, 3:04 AM       No Comments

ನವದೆಹಲಿ: ಕಾನೂನು ಬಾಹಿರ ಠೇವಣಿ ಯೋಜನೆಗಳ ಅಂಕುಶಕ್ಕೆ ಮುಂದಾಗಿರುವ ಕೇಂದ್ರ ಸರ್ಕಾರ ಈ ಸಂಬಂಧ ಹೊಸ ಕಾಯ್ದೆ ರಚನೆಗೆ ತೀರ್ವನಿಸಿದೆ. ಪ್ರಸ್ತಾಪಿತ ಕಾಯ್ದೆ ಪ್ರಕಾರ ಆರ್​ಬಿಐ ಅಥವಾ ಯಾವುದೇ ಪ್ರಾಧಿಕಾರಗಳಿಂದ ಅನುಮತಿಯಿಲ್ಲದೆ ನಡೆಸುವ ಎಲ್ಲ ರೀತಿಯ ಠೇವಣಿ ಯೋಜನೆಗಳು ಅಕ್ರಮವಾಗಲಿದ್ದು, ಅನಿಯಂತ್ರಿತ ಠೇವಣಿ ಯೋಜನೆಗಳ ನಿಷೇಧ ಮಸೂದೆ ಆಯವ್ಯಯದ ಮುಂದುವರಿದ ಅಧಿವೇಶನದಲ್ಲಿ ಮಂಡನೆಯಾಗಲಿದೆ.

ಹೊಸ ಕಾಯ್ದೆ ಜಾರಿಯಾದ ನಂತರ ಚಿಟ್​ಫಂಡ್, ಆಭರಣ ಮಳಿಗೆಗಳಲ್ಲಿನ ಅನಧಿಕೃತ ಠೇವಣಿ, ಬಹುಹಂತದ ಮಾರ್ಕೆಟಿಂಗ್​ನ ಹೂಡಿಕೆ ಸೇರಿ ಎಲ್ಲ ರೀತಿಯ ಕಾನೂನು ಬಾಹಿರ ಠೇವಣಿ ಯೋಜನೆಗಳಿಗೂ ಲಗಾಮು ಬೀಳಲಿದೆ.

2017-18ರ ಆಯವ್ಯಯ ಭಾಷಣದಲ್ಲೇ ಹಣಕಾಸು ಸಚಿವ ಅರುಣ್ ಜೇಟ್ಲಿ ಈ ಕುರಿತು ಪ್ರಸ್ತಾಪ ಮಾಡಿದ್ದರು. ಕರ್ನಾಟಕ ಸೇರಿ ದೇಶದ ಹಲವು ರಾಜ್ಯಗಳಲ್ಲಿ ಇಂತಹ ಅನೇಕ ಅನಧಿಕೃತ ಯೋಜನೆಗಳಿಂದ ಸಾರ್ವಜನಿಕರಿಗೆ ಕೋಟ್ಯಂತರ ರೂ. ಟೋಪಿ ಬಿದ್ದಿತ್ತು.

ಸೂಕ್ತ ಕಾನೂನಿನ ರಕ್ಷಣೆ ಇರದಿರುವುದರಿಂದ ಸಾರ್ವಜನಿಕರ ದೂರು ಅರಣ್ಯರೋದನವಾಗಿ ಲೂಟಿಕೋರರ ದಂಧೆಗೆ ನಿಯಂತ್ರಣವೇ ಇಲ್ಲದಂತಾಗಿತ್ತು. ಈ ಕಾಯ್ದೆಯಿಂದ ಅಧಿಕೃತವಾಗಿ ಠೇವಣಿ ಯೋಜನೆ ನಡೆಸುತ್ತಿರುವರಿಗೆ ಕಠಿಣ ನಿಯಮ ಹಾಗೂ ಅನಧಿಕೃತ ದಂಧೆಗೆ ಸಂಪೂರ್ಣ ನಿಷೇಧ ಬೀಳಲಿದೆ. ವೈಯಕ್ತಿಕ ಅಥವಾ ಸಂಸ್ಥೆ ಮೂಲಕ ಇಂತಹ ಯಾವುದೇ ಅನಧಿಕೃತ ಠೇವಣಿ ಯೋಜನೆ ನಡೆಸಿದರೆ ಪೊಲೀಸರ ಅತಿಥಿಯಾಗಬೇಕಾಗುತ್ತದೆ.

ಈ ವ್ಯವಸ್ಥೆಯ ಮೇಲೆ ನಿಗಾ ಇಡಲು ಪ್ರತಿ ರಾಜ್ಯದಲ್ಲೂ ವಿಶೇಷ ಮಾಹಿತಿ ಕೇಂದ್ರಗಳಿರುತ್ತವೆ. ಇವು ಈ ರೀತಿಯ ಆರ್ಥಿಕ ಹಾಗೂ ಆನ್​ಲೈನ್ ವ್ಯವಹಾರಗಳ ಮೇಲೆ ಕಣ್ಣಿಡಲಿವೆ.

ಯಾವುದೆಲ್ಲ ನಿಷೇಧ?

# ಅನಧಿಕೃತವಾಗಿ ಠೇವಣಿ ಸಂಗ್ರಹಿಸುವುದು

# ಅನಧಿಕೃತ ಠೇವಣಿ ಯೋಜನೆಗೆ ಪ್ರಚಾರ

ಯಾವುದು ಅಕ್ರಮ?

# ಅನಧಿಕೃತ ಠೇವಣಿ ಯೋಜನೆ ನಡೆಸುವುದು

# ಅಧಿಕೃತ ಠೇವಣಿ ಯೋಜನೆ ನಡೆಸಿ ಮೋಸ ಮಾಡುವುದು

# ಅನಧಿಕೃತ ಠೇವಣಿ ಯೋಜನೆಗೆ ಸಹಕಾರ ನೀಡುವುದು

ಶಿಕ್ಷೆ ತಪ್ಪಿದ್ದಲ್ಲ…

ಅಧಿಕೃತವಾಗಿ ಚಿಟ್​ಫಂಡ್ ನಡೆಸುತ್ತಿದ್ದರೂ ಎಲ್ಲ ಚೀಟಿಗಳ ಮಾಹಿತಿಯನ್ನು ಆರ್​ಬಿಐ ಜತೆಗೆ ಹಂಚಿಕೊಳ್ಳುತ್ತಿರಲಿಲ್ಲ. ಇನ್ನು ಮುಂದೆ ಇಂತಹ ಯಾವುದೇ ಅಕ್ರಮ ಎಸಗಿದರೂ ಕಾನೂನು ರೀತಿ ಶಿಕ್ಷೆಗೆ ಒಳಗಾಗಬೇಕಾಗುತ್ತದೆ. ಇದರಿಂದ ಎಲ್ಲ ರೀತಿಯ ಅಧಿಕೃತ ಚೀಟಿಗಳು ಕೂಡ ಕಾನೂನು ವ್ಯಾಪ್ತಿಗೆ ಬರಲಿವೆ.

ಏನು ಶಿಕ್ಷೆ?

# ಅನಧಿಕೃತವಾಗಿ ಠೇವಣಿ ಸಂಗ್ರಹಿಸಿದರೆ ಜೈಲು ಶಿಕ್ಷೆ ಹಾಗೂ ದಂಡ, ಸಾರ್ವಜನಿಕರಿಗೆ ಹಣ ಮರುಪಾವತಿ

#  ಅಧಿಕೃತವಾಗಿ ಠೇವಣಿ ಸಂಗ್ರಹಿಸಿ ಮೋಸ ಮಾಡಿದರೂ ಆಸ್ತಿ, ಹಣ ಜಪ್ತಿ, ಜೈಲು ಶಿಕ್ಷೆ ಹಾಗೂ ದಂಡ, ಗ್ರಾಹಕರಿಗೆ ಹಣ ಹಂಚಿಕೆ

ಅನಧಿಕೃತ ಠೇವಣಿಗಳಿವು

# ನೋಂದಣಿಯಾಗದ ಚಿಟ್​ಫಂಡ್ ವ್ಯವಹಾರ ? ಆಭರಣ ಮಳಿಗೆ ಹಾಗೂ ಇತರ ಸಂಸ್ಥೆಗಳಲ್ಲಿ ಆರ್​ಬಿಐ ಅನುಮತಿಯಿಲ್ಲದೆ ನಡೆಯುವ ಚೀಟಿ ವ್ಯವಹಾರಗಳು

#  ಬಹು ಹಂತದ ಮಾರ್ಕೆಟಿಂಗ್​ನಲ್ಲಿ ನಡೆಯುವ ಹಣಕಾಸು ವ್ಯವಹಾರ

#  ಸಂಬಂಧಪಟ್ಟ ಪ್ರಾಧಿಕಾರದಿಂದ ಅನುಮತಿಯಿಲ್ಲದೇ ಪಿರಾಮಿಡ್ ಅಥವಾ ಇತರ ಮಾದರಿಯಲ್ಲಿ ನಡೆಯುವ ಹೂಡಿಕೆ ಪತ್ರಗಳು

Leave a Reply

Your email address will not be published. Required fields are marked *

Back To Top