Wednesday, 24th May 2017  

Vijayavani

ಸಿಂಹದ ಬಳಿಕ ಸಫಾರಿ ವಾಹನದ ಮೇಲೆ ಕರಡಿ ಕುಣಿತ!

Tuesday, 31.01.2017, 8:50 PM       No Comments

ಬೆಂಗಳೂರು: ಬನ್ನೇರುಘಟ್ಟ ಸಫಾರಿಯಲ್ಲಿ ಸಿಂಹ ಕಾರಿನ ಮೇಲೆ ಕಾಲಿಟ್ಟು ಗರ್ಜಿಸಿದ ಸುದ್ದಿ ವೈರಲ್ ಆದ ಬೆನ್ನಲ್ಲೇ ಇದೀಗ ಕರಡಿಯೊಂದು ಮ್ಯಾಕ್ಸಿಕ್ಯಾಬ್ ವಾಹನವೊಂದರ ಮೇಲೆ ಮರದಿಂದ ಜಿಗಿದು ಕೆಲ ಕ್ಷಣ ಪ್ರವಾಸಿಗರನ್ನು ಗಾಬರಿಗೊಳಿಸಿದ ಘಟನೆಯೂ ನಡೆದಿರುವುದು ತಡವಾಗಿ ಬೆಳಕಿಗೆ ಬಂದಿದೆ.

ಪ್ರವಾಸಿಗರು ಮ್ಯಾಕ್ಸಿಕ್ಯಾಬ್​ನಲ್ಲಿ ಕರಡಿ ಸಫಾರಿ ವೀಕ್ಷಣೆಗೆ ತೆರಳಿದ್ದರು. ಮಾರ್ಗ ಮಧ್ಯೆ ಕರಡಿಯೊಂದು ಏಕಾಏಕಿ ವಾಹನ ಮೇಲೆ ಜಿಗಿದಿದೆ. ಆದರೆ ವಾಹನದಲ್ಲಿರುವ ಪ್ರವಾಸಿಗರಿಗಾಗಲಿ, ವಾಹನ ಚಾಲಕನಿಗಾಗಲಿ ಗೊತ್ತೇ ಆಗಲಿಲ್ಲ. ಹೆಚ್ಚೂಕಡಿಮೆ ಒಂದು ಕಿಲೋಮೀಟರ್ ದೂರ ಕರಡಿ ವಾಹನದ ಮೇಲೆಯೇ ಇತ್ತು. ಅಲ್ಲಿಂದ ಸಫಾರಿ ಗೇಟ್ ಬಳಿ ಬಂದಾಗ ಸೆಕ್ಯೂರಿ ಇದನ್ನು ಗಮನಿಸಿ ತಕ್ಷಣ ವಾಹನ ನಿಲ್ಲಿಸಿ ಕರಡಿಯನ್ನು ಕೋಲಿನಿಂದ ಬೆದರಿಗೆ ಮತ್ತೆ ಕಾಡಿಗೆ ಓಡಿಸಿದ್ದಾರೆ.

ಇದರಿಂದಾಗಿ ಪ್ರವಾಸಿಗರು ಕೆಲಕಾಲ ಗಾಬರಿಗೊಂಡಿದ್ದರು. ಆದರೆ ವಿಶೇಷ ಅನುಭವ ಆಗಿರುವುದಕ್ಕೆ ಖುಷಿಪಟ್ಟರು.

(ವೈವಿಧ್ಯಮಯ ಸುದ್ದಿಗಳಿಗೆ ವಿಜಯವಾಣಿ ಪತ್ರಿಕೆ ಓದಿರಿ)

Leave a Reply

Your email address will not be published. Required fields are marked *

Back To Top